يستهزؤون بالعرب ومعهم حق

[ابو هشام]

وجدت هذي الصوره في منتدى سيارات أمريكي

بصراحه لم أرى في حياتي شيء أكثر بشاعه من هذه السياره. واذا كانت تدل على شيء فهي تدل على انعدام الذوق

http://www.sportbilen.se/link_main.php?id=20845&link_url=http://i246.photobucket.com/albums/gg97/scorpio1980-2008/P2230081.jpg

[شيخ الشرقية]

والله تصدق خشت مزاجي هههههههه

يا رجال عادي خله يطلع الي في راسه

ولولا أختلاف الأذواق لبارت السلع

تقبل مروري

[ابو مكازي2002]

هذا الفسق يالله لتغضب علينا

[أبوإبراهيم1]

ولولا أختلاف الأذواق لبارت السلع
كلام سليم

[ابو هشام]

ولولا أختلاف الأذواق لبارت السلع
كلام سليم


ابو براهيم
في أذواق وفي تطرف في الأذواق

هذا تطرف وليس مجرد إختلاف

[ناوي نيه]

وش حارق دمك ووالله لو الغرب الي مسوينها كان شفت الناس انهبلت عليه

[غالي]

هذا لاندكروزر طبعا

والرجال تعبان عليه واضح

والاكيد انه مو راعي بر

ومن المحتمل اخوي انه شاريه يامصدوم او منقلب او غيره

المهم شاريه برخص التراب ((في وجه العدو))

مشكور على هالصوره

[ذيب زلفاوي]

الرجال شكله فسقان الى اخر رقم (ابوه يامير ولا وزير...الخ

[1400]

بالعكس ياخي

ترى ماهي شرط الناس تكون على ذوق واحد

وبعدين فيه ناس مهب حقت بر , حقت تظبيط ودوران وكشخه

ومثل ماقال الاخوان لو إتحدت الأراء لبارت السلع

[علي101]

يا ناس حلاله وحر فيه
هذا منديل وهذا نجم وهذا بعير وهذا عنز وهذا وهذا وهذا

[ABU BASSAM]

ياليت هذا الشئ الوحيد اللي يضحكــــون عليه

[شروكي ربع]

والله يهو متخسر عليه بلاوي ..

وايضا والله يافيه قبح ما يعلمه الا الله !!

[جمعان 22]

ما احب السيارات المعدلة

ولكن هذا التعديل رائع بالنسبة لي .... لو كنت محب لهذه الامور :)

[خالد15]

على هونكم يالربع حلاله وحر فيه ولا هو بشرط يعجبني أويعجبك هو خذ رأي أحد منا؟؟؟؟ صلوا على النبي بس !!!

[مريقب العيفار]

انا اشوف ما فيها شيء

بالعكس الرجال تعبان على موتره

ما أساء لأحد

ولا في تصرفه شيء خارج عن الذوق

ياخي شوف عرابجتنا ويش يسوون بسيلراتهم وانفسهم

يا ليتهم يصيرون مثل هالأجودي

[ابو تمام]

خلهم يستاااااااااااااااااااانسون يارجال

[واقعي وعقلاني]

من راقب الناس مات هماً ...
دعوا الخلق للخالق ياحبكم للقافه بس

[ابو زياد السويلمي]

السلام عليكم ........
اخوي ابو هشام مثل ماقالوا الشباب هو حر في ماله , لكن انا معك في رايك ان السيارة بصراحة بشعه
جدا لدرجة انها (تحوم الكبد)

[ابوريناد1979]

اصلا هم اهل ذا الحركات
شف برنامج حق هذاك الأسمر اللي يزبرق بالسيارات كيف نجاحه عندهم
وبعدين ذا السياره بطرانه خل عنك السوالف بس
ودي آخذ بها فره بالتحليه :d

[بيت طين]

وش يضحكون عليه ويستهزؤون انا قلت السياره متفصخه ولا شي الله لا يبلانا الموضوع بسيط بالمره سياره ومعدله والرجال حر بسيارته انشاء الله يقلبها ونش .كبرتوا الموضوع وهو ولاشي.

[أبو علياء]

والله اهم شي الوناسه والعقل المفكر بدال ميسوون البلاوي

[صبي غلباء]

انا اشوف ما فيها شيء

بالعكس الرجال تعبان على موتره

ما أساء لأحد

ولا في تصرفه شيء خارج عن الذوق

ياخي شوف عرابجتنا ويش يسوون بسيلراتهم وانفسهم

يا ليتهم يصيرون مثل هالأجودي
جبتها على الجرح
يأخوي رح شف شبابنا يالله لك الحمد وش مسويين بأنفسهم سلاسل وشعور ودك اذا شفته تقول له وين اخوك ياشاطره هههههههههههههه هذولي اللي يبيلهم نقد وبقوه
شكرا

[المساهر]

بغض النظر عن بعض الامور

التعديل ابداع * ابداع

شكل جديد

[مـدحـدر]

ياللي زعلان دافع شي من جيبك


حلالة وحر فية ان شاء الله يحرقها


ولكن تبقى السيارة مميزة وملفته للأنتباة وروووووووعة

[الحلطاني]

( حلات الشي وكالته)

[حسين2002]

من راقب الناس مات هماً ...
دعوا الخلق للخالق ياحبكم للقافه بس


:good: :good: :good: :good: :good:

[واحد مغرز]

بايخ!!

والله التعديل موزود كللللللللش

[بـلـيـهـان 1]

أنا بالنسبه لي أن الموتر ما يسوى ريال

..

لكن فيه مثل يقول

لولا إختلاف الأذواق لبارت السلع

يعني فيه ناس واجد يحبون الأشكال هاذي

و في ناس ما يطيقونها

و في ناس عادي

أما أنا .. فأنا ما أطيقها !!

[التسعاوي]

يارجال عين خير خوفتنا بـ موضوعك قلت شكلنا مسوين طامه...

[آل زايد502]

ياخوي خله على راحته

[آل زايد502]

ولله وانت صادق ياتسعاوي

[مشاغب شوي]

وش محرق دمكم السيارة مب لازم تعجب الناس

اهم شي معجبة راعيها (( مع انها مااعجبتني :) ))


لولا أختلاف الأذواق لبارت السلع

[مخاوي الكشات]

ناس عندهم عقدة نقص ويريدون سدها بالبحث عن التميز ولفت الأنظار ..

[ذباح الخرب]

مشكور على الموضوع
بس ماهي حلوه السياره.. ليته مخليها على شغلها الاول
يمكن عند راعيها ملكة جمال ..
الله يعطيك العافيه

[يحيي بن حمد]

يا عله خيرررررررررررر

[يحيي بن حمد]

للناس فيما تشتهي



فنون وجنون

[إعصار]

يازين من نطل في وجهه كورلا ..


وعطى الجيب لرجال يستحقه ..

[انسان مو بسيط]

بصراحه انا اشوف انه شي عادي
واحد يحب هواية التعديل وعنده فلوس خله يستانس
وموشرط الشي يعجبني ويعجب غيري الناس اجناس


انسان مو بسيط

[كاشت المدن]

بعض الناس يبي يتميز بسبب نقص معين عنده

[icebird101]

الصراحه حلو

ومثل ما قالو الشباب

الناس اذواق

مثلا انا مييييييييييييييييييييييييييت عشان اجيب الاف جي وناطر 2009 ينزل عشان اشتري واحد

صاحبي يعتبر الاف جي انه زباااااااااااااااااااااااااااااااااله

زمان كان عندي جيب كنت ميت عليه فتحه رنجات كراسي كهربا وجلد ووووووووووو

صاحبي يقولي شكله جوتي!!!!


الناس اذواق

[سيف الظفير]

الاستهزاء بأشياء اكبر من هذه الصورة






لاعلم ولا صناعة ولاتطور ولا لا لا لا لا لا لا





حنا المسلمين او العرب بالذات عالة على العالم الصناعي الحديث

[borsh]

ههههههههههههههههههههههههههه

الوجهيه كانها وجه ارنب

[ابو هشام]

أنا مستغرب من اللي يقولون

لولا تعدد الأذواق لبارت السلع

هناك حدود للذوق.
والتطرف في لفت الانتباه أمر غير محمود اجتماعيا وشرعيا.

[القرناس911]

ولولا أختلاف الأذواق لبارت السلع
كلام سليم

مشكورررررررررررررررررررررررررررررر

[إبن فيصل]

والله الناس شبت عليه ليش حلاله وهو حر فيه يضبط والا يشلحها كيفه والله التضبيط عندي أحسن من أن فيه ناس تشوف سياراتهم ودك أنك تحرقها شكلها غلط ومشوهه وقذرة وأنواع الوساخة والحقيقة أن كل إنسان له حلاله وهو حر فيه وأهم شي أن الانسان يحاسب نفسه على ماله من أين جاء به وفيما أنفقه وأن يراعي الله في ماله بالاعتدال يعني أنا غني مره تعتبر هذه السيارة لي شي تافه لكن أن كنت عادي او متوسط تعتبر علي أسراف وهالمجره..

[سطام vip]

مدري وش فيكم ياخوي حلاله واهو حر فيه

وبعدين بعض الاعضاء كاتبين فسقان

وش فسق فيه انه يعدل سيارته؟؟

هنا عندنا يخسرون على الترهيم اكثر من هالي خسره

صاحب هالسياره كلها فيبر وشمعات يعني ولا شي بالنسبه لنا


تغيير مكاين وغيرهاااا

الله يعطيه خيرها ويكفيه شرها