دبل الجيب

[abos3d]

بسم الله الرحمن الرحيم
السلام عليكم ورحمة الله وبركاته
يا اخوان ولاعليكم امر عندي سؤال وهو كيف اخلي الجيب حقي (لاند في اكس ار 2003) القير حق الدبل مثل القديم الي يكون 2H 4H 4L بل ما هو H N L او انه يصير يشبك الدبل بس بالزر بدون ما يكون شابك على طول ولكم جزيل الشكر


أخوكم أبو سعد

[القماري]

بحسب فهمي للسؤال أن نظام الدفع الموجود لديك الكتروني ( إنزلاقي) بنظام الدعسات وليس الجير ( صحيح )
إذا كان نعم فلماذا ترغب في أن يكون كالعادي؟
يعني السيارة في مثل هذه الحالة تسير بعجلتين خلفيتين ولكن إذا وجدت بعض الضروف المفاجئة فسيتحول الدفع لرباعي وأعتقد أذا كنت ترغب بالدفع الرباعي المستمر أضغط زر 4H وسيكون الدفع رباعي مستمر وبنفس مستوى الجير العادي

[abos3d]

لا يا اخوي الدبل يكون شابك على طول وما يفصل الا اذا تعدت السياره سرعة 80 كم وبصراحة متعبني لان السيارة تصير ثقيله في ممشاها وتصرف بنزين وانا ما ابغاه كذا ابيه عادي لانالسياره تكون خفيفه مره وشكرا



أخوكم أبو سعد

[عروان]

أخوي أبوسعد

ليه ما تراجع كتيب الاستعمال اللى في درج السيارة.

فيه شرح وافي لأستخدام القير الدبل مع الصور وتقدر تطبق وأنت تقرأ.

ترا الكتاب هذا مهم جداً و مفيد الواجب كل واحد يشتري سيارة يقراه.


تحياتي لك

[abos3d]

جربت وما نفع كل الي فيه طريقة التعشيق وكيف تغير بين الثقيل والخفيف وبس

[نقا هشال]

abos3d
انا قد سئلت الوكاله وقالولي ان الدبل يشتغل اوتماتيك ويطفى اوتماتيك يعني لاتلعب فيه اذا تبي نصيحيتي...

[بـــدر]

السلام عليكم ورحمة الله وبركاته
سيارات الدفع الرباعي تختلف انظمتها على حسب اختلاف التضاريس:what: يعني سيارات الخليج ليست مثل سيارات ولا يه الاسكا كلها ثلج وزلق مستمر :rolleyes:
ابي اشرح لكم نظام الدفع الرباعي كاملا .

:row: نظام ( l ( 4WD
رموزه كا التالي ( I ( 2H-- 4H-- N-- 4L
هذا افضل نظام تقريبا يلاءم منطقه الخليج وخاصه السعوديه
* I 2H
الدفع على العجلات الخلفيه فقط
* I 4H
الدفع رباعي على العجلات الخلفيه والاماميه وقت واحد وبنفس السرعه بمعنى تقدر تعشق القير حق الدبل وانت في سرعه من( 0 الى 80 ) كلم في الساعه مافي داعي توقف او تفضي القير سواء القير اوتومايتك او قير عادي.
* I 4L
الدفع رباعي على العجلات الخلفيه والاماميه لاكن بترس تعشيق منخفض ولازم توقف عشان تقدر تعشق القير ميزته قوه في الجر وثبات اكثر في نزول او طلوع المنحدرات

من مميزات نظام ( l ( 4WD
توفير في الوقود ، نظام اختياري، تقدر تركب عليه صرر قفل اماميه(فرارات)حسب تسميتنا المحليه:D ، السياره تصير اخف في القياده ، الحنه او الضجيج اقل مقارنه بالانظمه الاخرى.

:row: نظام ( l ( AWD
رموزه كا التالي ( I ( 4H-- N-- 4L
لاحظ الفرق في حرف(A) وهذا النظام يسمى دفع رباعي تلقائي مستمر، يصلح للمناطق الزلقه او الثلجيه يعني الدفع يصير على العجلات الاربع امامي وخلفي لاكن نسبة العزم تصير كتالي (70% خلفي 30% امامي وفي حالة انزلاق في في الدفع الخلفي عن الامامي يقفل الترس التفاضلي ويصير نسبة العزم 50% امامي 50% خلفي.

:row: نظام ( l ( Full Time 4WD
رموزه كا التالي ( I ( H-- N-- L
النظام دفع رباعي مستمر، يعني دفع مستمر طيله الوقت وهذا النظام يشبه النظام السابق لاكن الفرق في نسبة توزيع العزم يكون اغلب الاوقات 50 % امامي 50% خلفي.

طبعا سيارات تويوتا خاصه الاندكروزر (VX) و راف4 ، برادو VX تستخدم نظام( Full Time )
اما الاندكروزر فئه GX وسيارات نيسان باترول باث فايندر ال،،،خ بشكل عام فهي تستخدم نظام ( l ( 4WD

بالنسبه لسوالك ياخي عن امكانيه تبديل الدبل في سيارتك الفي إكس ار اتوقع تقدر تغير مجموعة (الدبل) بوحده لسياره جي إكس ويمكن يركب ماني متاكد بس لاكن كم مره اناظر المجموعه الاقيه متشابه في الشكل والله اعلم.
اعذروني على الطريقة الشرح الغير متقنه بس انشالله تفي بالغرض :light:

[القماري]

إذا كان يشتغل معك على طول (حتى في الشوارع العامة ولا يفصل إلا بعد بلوغ 80 كلم ) فيوجد عطل فيه
الأفضل أخذها للوكيل والتأكد

[abos3d]

لا انا اقولك كذا لان واحد من العيال هو الي علمني انه يفصل بعد الـ 80 كم والا انا ما ادري عنه

[بـــدر]

مافي حاجه اسمها يفصل على الثمانين
اقرا كتاب التصميم حق نظام السياره تلقى انه نظام يشتغل باستمرار ولاكن بنسب متفاوته زي ما شرحت لك في الرداعلاه

[عروان]

أخوي سيارتك VX-R

خله دائما على الـ H

و أذا بغيت تشغل الدبل أضغط الزر اللي جنب السلف من يمين على الطبلون.

هذا بس اللي تحتاجه علشان تستعمل الدبل الخفيف.

اذا بغيت تشغل الثقيل بعد ما تضغط على زر الدبل وتشتغل اللمبة غير القير الصغير على L مع ملاحظة ان قير السيارة يكون في الـفاضي سواء تماتيك أو عادي.



و انا سمعت انه اذا نزلت الرمل وثقل الموتر يشتغل دبل خفيف بس بدون ما تلاحظ.

مثل كلام أخونا بدر


تحياتي

[abos3d]

فعلا قريت الكتاب واتضح صحة كلامك اخوي بدر بس قصدي انه احيانا مثل اذا فجاة دعست عليه والا ارض رمل ما يحتاج لها دبل بيصير يشتغل وانا ابغه بس بالزر بدون التماتيك حقه

[abos3d]

أخوي عروان انا عارف هذا الشي وشاكر لك تشريفك الموضوع

[صالح ناجي]

يااخي ركب فصالات في ( الغرابي ) واسترح من المشاكل هذي طبعا قدام والا افصل الوصلة اللي بين الدفرنس والدبل وحطها عندك في البيت الدعوى كلها ثمانية مسامير , انا اعرف اصحاب ليه كلهم في المدينة فاصلينة واذا راحوا البلاد رجعوه والا شيل صندوق الدبل مرة واحدة .
ياخي الجيوب الجديدة خربوها صار الدبل كهرباء يمكن يضغطوه البزورة والسيارة طايرة يتكسر صندوق الدبل على طول !!

[عاشق الجبال]

السلام عليكم ورحمة الله وبركاته
تحية طيبة لكل الاعضاء
اخوي ابو سعد ولايهون الجميع اسأل احد عنده نفس موترك يفيدك قبل ان تغير
او تعبث بسيارتك .
اخوك له اكثر من سنه يدخل الشعبان ويستعمل الدبل الخفيف والثقيل على باله ان الهزاز يشتغل مع
الدبل الثقيل مع العلم ان صاحب السيارة عند الشراء سألني تعرف تشغل الهزاز جاوبت نعم
على بالي ان تشغيله من خلال قير الدبل وازيدك من الشعر بيت انه قدام عيوني مكتوب عليه
بالانجليزي(داف لوك) ولم انتبه له الا بعد تغيير الكلتش . الخميس الماضي طلعت للبر دخلت شعيب
رملي مغطى بالطين كنت امشي بدون دبل حتى غرز بالرمل عشقت الدبل الخفيف وحركت بهدوء
رفض ماعشقت الدبل الثقيل على طول شبكت الهزاز(عبث) ماشاء الله عليه . مشى بسهوله
وبدون اي مجهود .
وللجميع تقبلوا تحياتي

[عريدان]

السلام عليكم ورحمة الله وبركاته
أحبابنا أعضاءا المنتدى و إخواني موضوع الدبل وقيادة سيارات الدفع الرباعي كانت ولا زالت بسيطه ولكن شركات السيارات دائماً تطور وتقوي محركاتها على حساب البساطه والعملانيه. والوكلاء مبسوطين منها يتعلمون في ضهور المسلمين ومنها مكاسب خياليه.
وعموما:
80 - 90 % من مستخدمي سيارات الدفع الرباعي الحديثة يعرف يمسك الطاره والقليل فقط يعرف عن إمكانيات سيارته الميكانيكية ويجهل أكثر تفاصيل تشغيلها. أو لا يستفيد منها يتاتاً طول فترة بقائها معه. مثل الونش أو الهزاز.
30 % من مستخدمي سيارات الدفع الرباعي الحديثة يتعامل معها بكفاءه وعرف تفاصيل تشغيلها. ولكن لا يعرف عن إمكانيات سيارته الميكانيكية.
وسيكون هناك إن شاء الله قريباً أخبار خاصة ومفرحه لمحبي سيارت الدفع الرباعي وصيانتها و تجهيزاتها المتكامله في السعوديه. إنتظروا وأبشروا.
( على فكره الطواقم المشرفة شباب سعوديين أكلهم وشربهم 4X4)

[abos3d]

اخوي صالح ناجي انا عارف للفصالات بس ابغى طريقه ثانيه لانه ممكن تدخل في مكان مثلا طين ولاتقدر اصلا تنزل من السيارة و طريقة اني افصل الدبل فهذي طريقة مشوار على قولت اهل جده كانك منهم فاتوره و اشكرك كل الشكر على مداخلاتك الي نورت الموضوع

[abos3d]

اخوي عاشق الجبال انا عارف للدبل الثقيل و الخفيف والهزاز بس ابغى طريقة انك تخلي الدبل ما يشغل الا بالزر بس واشكرك على تشريفك لنا

[abos3d]

اخوي عردان وش جاب كلامي لكلامك لكن انا تاكدت من مواصفات السيارة قبل ما اشتريها وكن بغيت اخلي الدبل ما يشتغل الا بالزر لانه مكتوب انه على كيفه يشبك وعلى كيفه يفصل ولك جزيل الشكر

[عريدان]

السلام عليكم ورحمة الله وبركاته
أخوي أبو سعد الأخوة المشاركين بهالردود ؟
أولا فيه أنواع GX-R تجي دفع رباعي مستمر(ِِAWD) وهو يساوي (Fuletime 4 WD)
وليس الـ VX-R وحده كذا.
يعني أبو سعد عنده GX-Rأو الـ VX-R يعني الدبل نوع واحد (للدفع الرباعي المستمر) .
يعني أبو سعد لازم إذا يبي - يتصل بي على جوالي ويمكن تقدر عبر البريد الخاص بي:q6m@yahoo.com

[abos3d]

لو اقدر كان اتصلت لكني مسافر برا المملكة والانترنت حق الفندق و اذا عندك حل حطه هنا او ارسله لي على البريد حقي abos3d_1@yahoo.com و لك موست ثانكس (جزيل الشكر)

[عاشق الجبال]

السلام عليكم ورحمة الله وبركاته
اخوي ابو سعد ولايهون الجميع انا قرأت في احد المجلات ان هذه من مميزات هذا النوع من السيارات
وهي انه يشتغل الدبل حال دخوله منطقة يتطلب استعمال الدبل فيها وهو على مااعتقد نظام مطور جديد يحتاج
ميكانيكي متخصص لعملية الفصل كما تريدها .
تقبل تحياتي

[بـــدر]

الاخ صالح ناجي الفرارات ما تركب للـ (VX-R) لانه نظام الدفع الرباعي مستمر ، يعني لو ركبتها راح يفر العمود الامامي بدون ما تتحرك السياره:light: للمعلومية فقط

الاخ أبو سعد بارك الله فيك لازم تغير نظام مجموعة الدبل(نظام الدفع الرباعي من مستمر الى نظام عادي
ولو قرات ردي اعلاه كان فهمت وش ارمي له بالظبط:rolleyes:

بالنسبه للوكالات عندنا في السعوديه وخاصه مستر (عبد للطيف) فا ماعندك احد:mad: يعني نظام الدفع الرباعي المستمر ما يصلح لمنطقه الخليج بشكل عام لان ما عندنا ثلوج يعني مافيه زلق
المفروض فقط نظام I 4WD
لو لاحظتو سيارات القراند شيروكي الي إستيراد امريكي يجي نظامها I 4WD
والسيارات الي تجي وارد الشركة العربيه يعني وارد السعودية تجي دفع رباعي مستمر هاذ يدل على ما عندك احد،،،،،،،،، مجرد مجموعه (كم مصري وعلى شوية لبناني ويمكن يدخلون معهم واحد سوداني)
ويتنقون من المواصفات الي تعرض عليهم ويختارون اسواها على انهم اللجنه المختصه بطلبات السيارات ، حسبي الله على من دخلهم ها البلد.

لاكن كان تبي نصحيتي خل الموتر شد بلده وإن مليت منه قضه السـوق وبعه وافتك من دوخة الراس.

وللمعلوميه فقط بخصوص دبل الفي إكس ار:
الدفع رباعي مستمر يعني اذ دخلت بالرمل راح يطلع ولا راح يحفر الكفرات الخلفيه اكثر من الامامية اذ ضغت ازر حق الدبل راح يقفل موزع القوه الي بالدبل يعني راح يصير العزم 50% امامي و 50% خلفي
اذ ضغط رز اهزاز راح يقفل الدفرنس الخلفي يعني يتوزع العزم بالتساوي بين الكفرين الخلفيين
يعني اساساً تسمية هزاز غلط هو اسمه زر قفل الدفرنس بس دراج عندن زر الهزاز:what:
وإعذروني على طولة الشرح:rolleyes:

[وسيع الصدر]

إخواني السلام عليكم

أولاً : أنا كان عندي نفس المشكلة وهي فصل دبل الكروزر ولكني تمكنت من فصله ، بطلب مجموعة فصل الدبل من إستراليا من الموقع www.marks4wd.com تحت part time 4wd conversion و الآن ولله الحمد الدبل مفصول والدفع خلفي فقط ، وعندما أريد أن أشغل الدبل أضغط على الزر ويقوم بتشغيل الدفع الرباعي. ( يعني الوضع H2 وعند ضغط الزر يصبح H4 وعند وضع عصا على L يصبح L4 )

ثانياً: مكونات المجوعة 1) ترس واحد كبير يتم تركيبه بعد رفع السيارة وفك غطاء الدبل من الخلف ( لا يحتاج الى تنزيل الدبل ) ويتم إزالة 9 قطع صغيرة من الدبل وتركيب الترس بدلاً منهم

2) فرارات تركب على المحور الأمامي


ثالثاً : ميزة المجموعة أنها يمكن إعادة الوضع الى سابقه متى ما أردت ( في حالة بيع السيارة)

وأنا جهاز لأي إستفسار

والسلام عليكم ورحمة الله وبركاته

[عريدان]

السلام عليكم ورحمة الله وبركاته
"عز الله "
أن الاستراليين يوسعون الصدر يا عنك إن عندهم علوم غانمه أولها منفاخ الهوا وغيره أكثر.
لا وجامعين لعانة الأمريكان وذهانة اليابانيين تصاميم الانقليز.
لا تعدى اللي قالك إخونا وسيع الصدر تراه جاب علم ماطرى لي إلا يوم قريته. وتراه أقل تكلفه وقطعك تبقى عندك لو غيرت رأيك وبتبيع السياره.

[صالح ناجي]

شكرا يا اخوان ( وفوق كل ذي علم عليم ) الظاهر الحل مثلما قال الأخ بدر بعه وخذ من الجيوب اللي تعرفها احسن .

[abos3d]

اخوي بدر اشكرك على المعومات الرائعه لكن هل قصدك اني اذا لفيت الزر حق الدف لوك يفصل الي قدام ويشتغل بس الي ورا ولك جزييييييييييييييل الشكر

[abos3d]

الله يجزاك خير يا وسيع الصدر الله يوسع صدرك مثل ما وسعت صدري صدق اخوي عريدان يوم قال ان الاستراليين رهيبين جامعين كل شي لكن الرحكه هذي راح تروح عليك الضمان و ثانك يوووووووووووو

[abos3d]

الاخ صالح ناجي انا خذيت وقضيت لاني ما سالت الا يوم ابتلشت بالبنزين كل اسبوع 100 هذا اذا ما ابعدت على العموم لك كل الشكر انت و من شارك في هذا الموضوع

[بـــدر]

أرسلت لك رساله على الخاص

[Bader-M]

مشاء الله
عليكم
افدتمونا بهذه المعلومات
وخاصه بدر ( سميي ) :D :good:
وكذالك
عريدان
والله يعطيكم العافية:D