موجز الاخبار من الواديين بالجنوب ،،واستغلال مكاتب العقار للمصطافين

[أبووسم]

السلام عليكم ورحمة الله وبركاته بما أني ما سجلت في هذا المنتدى إلا علشان استفيد من تجارب اخواننا الاعضاء في السياحة وخصوصاً في الجنوب حبيت أني ادلوا بدلوي لعل غيري يستفيد خرجت من بيشة على طريق خميس مشيط ، الشريط مزدحم بالسيارات و شاهدة ثلاث حوادث في الطريق واحد منها قوي جداً وكان عند منعطف خطر جداً جداً وكان بعد أول كبري مر علي يتجه لخميس مشيط ، انا تعديته تقريباً باقي على الخميس 40 كيلو ، أو اكثر وكانت المنعطفات الخطرة والقوية بكثرة لدرجة أني لم اتجاوز سرعة 100 كيلو في الساعة ، لجهلي بالطريق وخوفاً من المنعطفات المفاجئة وصلت الخميس ، ولا أخفيكم تهت فيها شوي وكانت الخميس مزدحمة بالناس والسيارات مسكرة الطرقات والحوادث والتحويلات حدث ولا حرج ، المهم درجتها لين طلعت من الخميس ، وصلت أبها والشقق كلها فل كلمت اشخاص معي ارقامهم قالوا فل الفل واكثر ،، واحد من الشباب يقول أن فيه عوائل ساكنين في حدائق عامة وساكنين على الارصفة ما لقوا شقق يسكنون فيها المهم قلت يا ولد ما لك إلا الواديين كلمت ارقام اشخاص هناك عندهم شقق قالوا لي فل ، قلت يا ولد خلني اروح لعل وعسى الله يرزقني بشقة تو راعيها طالع منها ،دخلت الواديين ولقيت هاك المكتب العقاري واجيه واحصل ذاك الرجال قلت ابي شقة قال عندي شقة غرفتين وصالة ودورتين مياة ومطبخ صغير بـ 250 ريال قلت وغيرها ،؟ أنا ابي ارخص قال فيه غرفة بدورة مياة (واتوقع قال لي فيها صالة ،أنا ما اذكر بالزبط) قلت بكم قال قال بـ 150 ريال قلت حلو ابيها قال كم تبيها من يوم ؟ قلت يومين

[حمدالعتيق]

يا أخي لا بد ان تنظر إلى شيئ يغفل عنه البعض
ألا وهو
الأمن والأمان في بلدنا
تذهب تعود أنت وعائلتك في أمن وأمان والمساجد في كل مكان ولو وقفت تسأل عن أي عنوان أو مكان
أول شيئ تجده وتسمعه هي كلمة : أرحبوووووو
يا الله حيهم وتجد من يقدم واجب الضيافة ويلح ويصر عليك بذلك
ألا يكفي هذا يا أخي ؟؟؟
ومع هذا كله فأنت في بلدك ووطنك
أسال الله أن يديم علينا نعمة الأمن والأمانوأن يحفظ بلدنا من كل سوء ومكروه آمين

[أبووسم]

يتبع قلت بكم قال قال بـ 150 ريال قلت حلو ابيها قال كم تبيها من يوم ؟ قلت يومينقال خلاص بـ 300 ريال وفيه 100 ريال للمكتب !!!!!!!!!!!!!!قلت ليه قال حقت العقد ! قلت العقد لمدة يومين بـ 100 ريال ، قال أيــــه !المهم خليته ورحت لمكتب ثاني وحصلت واحد شباب لبق وأخلاقة عالية قلت له ابي شقة قال فيه وحده بـ 250 قلت غيرها قال لحظة ودور الرجال ما قصر كلم كم واحد من معارفة ولكن يقول ما فيه ارخصقلت خلاص سلام عليكم ، ويوم طلعت لحقني الرجال وقال لحظة ،فيه شقة عند واحد من معارفياتصل عليه الرجال وانا واقف معه وبعد السلام والسؤال عن الشقة قال خلاص الرجال بيجيك وهو من طرفي ، وصارت الشقة بـ 190 ريال قلت وحق المكتب ، قال يومين ما ناخذ شيء قلت لا والله لازم تاخذ وبعد جهد جهيد يا الله خذى المقسومرحت للشقة وهي عبارة عن غرفة نوم وصالة كبيرة وسطح جانبي رائع وكبير وموقعها رائع جداً بداية الواديين وفي وسط المجمعات التجارية ، المنطقة بشكل عام ممتازة جداً ولكن كرهني فيها قيادة بعض المراهقين لسياراتهم وعدم اهتمامهم اثناء الوقوف فهم يغلقون الشوارع ويسببون الزحام ، أو يتهورون اثناء القيادة فكأنهم في سباق سياراتواليوم ذهبنا لمهرجان أبها ، تنظيم رائع رائع بمعنى الكلمة من بداية الدخول حتى اخر لحظة لك من التسوق وركوب سيارتك والخروج من المهرجان اتمنى لكم التوفيق * ملاحظة :بلأمس كتبت موضوعي هذا ولكن للأسف لم يبين سوى نص المقال ولا أعلم عن السبب مع العلم بأني تعبت في مقال امس وكتبت حتى اخر لحظة ، ولكن اتمنى ان يكون ذلك عابر ,,,,

[وسيع البنايد]

تبي النصيحه اطلع فوق يم السوده عشان تحس انك مصيف صح براد ضباب مطر وشبة ضو في عز الصيف
وبعدين من واقع تجربتي بتحصل دور من 250 الى 300 بس يبلك تركد وتبدا تدور السكن من بعد الساعه وحده الظهر والله يوفقك

[عليم العطش]

ابو وسم هذا حال الصيف ويعتبر موسم عندهم واهل الجنوب اهل كرم ولين معشر واسعارك اللي قلت تجدها بالرياض وجده والدمام وبريده والطايف ويمكن اكثر الاسعار اللي ذكرت ماوصلت 400 او 500 ريال علشان نقول غاليه.
كلام اخوي العتيق صحيح يكفي انك تسمع الاذان ويكفي انك بامان وبين
عادات وتقاليد تنم عن كرم وشهامه.
برا المملكه همهم سحب الكاش اللي معك باي طريقه المهم تصرف وتبخشش.
ابو وسم لاهنت