وشرايكم بالنيسان ربع ؟؟؟؟؟

[الحلطاني]

يا اخوان وش رايكم بالجيب الربع نيسان من موديل 2003 الى 2005
احسنه ولا الربع التويوتا . لان في واحد من اخواني يبي يشتري ربع وش تنصحونه في مع ذكر مميزات كل منهما .

http://www7.0zz0.com/2008/08/07/07/784637448.gif (http://www7.0zz0.com/2008/08/07/07/784637448.gif)




http://www6.0zz0.com/2008/08/07/07/156729331.jpg (http://www6.0zz0.com/2008/08/07/07/156729331.jpg)

[اسدهم]

نيسان لالالالالالالالالالالالالالاتعليق
اي موديل كلهم كذا

[واقعي وعقلاني]

والله ياخوك انا جربت التويوتا قوي وخفيف وكاش بس عيبه مو مريح يعني يفضل يكون عندك سياره ثانيه وخطير في إنقلاباته أما النيسان يفيدونك ان شاء الله الشباب...

[واحد مغرز]

اقول اذا مكينته 4800 النيسان

ما اعتقد ان التويوتا افضل

[.أبوعبدالرحمن]

وانا اخوك كل جيب وفيه حقه من الزين


لكن الربع التويوتا نمرته اقوى وانشط بكثييييييييييير من النيسان وشيك في مخباك

ويعيبه المطب وخطورته في الانقلاب


لكن النيسان خفيف ومطب مريح وان شاء الله انه ارسى من التويوتا


لكن اذا اخوك راعي بر ومطاعس وسحب فلا يفكر الا في التويوتا



واذكرك واذكره بالاستخارة

[خشيمان]

خذ الشور وانا اخوك ..
التويوتا : قوي .. فقط لا غير ولكن قاسي ويكسر الظهر ولاهوب راسي ابد
النيسان : ما يجي زي التويوتا في القوة ولكن ارسى والين بكثيييير وارخص وشيك عند البيع (التويوتا كذلك)

ونصيحتي بالنيسان احسن له

وحياك الله

[سفاري 2008]

النيسان في الياباني مابعده سياره

[أبا مجاهد]

نفس كلام اخي ابو عبدالرحمن الصفيان تماما

[gsb]

للبيئات الجبلية والمناطق الوعرة Toyota

للنفود وغيرها Nissanبس لا تأخذ المكينة 4500 لربع يقولون جت في مديلات 2004 وفوق

[بيبسي]

اقوال انحش عن النيسان والله انا لو خيروني بينهم مابغيتهم كلهم لكن اذا انت معزم توكل على الله وخذ التويوتا وابعد عن النيسان ومشاكله

[خلفهم]

.. يا أخيي كان معي باث 2005 موتر ما شاء الله خفيف طينه ..

لكن إلي مخرب النيسان خراباته وقطع الغيار الغاليه ..

[الضرغام11]

والله ما أزود على كلام الشباب كفوو ووفو..

التويوتا قوي ونشيط ..

والنيسان مريح وراسي ولا يقارن بنشاط التويوتا..

وكلهن شيك .. والنيسان استعمال ديره وبر ..

أخوك الضرغام11..

[عاشق الرفاليو]

اعتقد مافيه مقارنه التويوتا مكينه 24 بلف والباترول 12 بلف

[أبن حرب]

والله ما أحسن من ذا إلا ذا ...
كل نوع له مميزاته وله عيوبه ...
ما قصروا الأخوان ...
التويوتا ... أنشط ... بس مركبه ما هو بمريح ...
النيسان الربع ( السلقه ) ... أريح من التويوتا ... وأرسى ...
وشكله رسمي أكثر من الربع تويوتا ...
وأفضل شيء في النيسان ... طبعاً غير الفتك ...
يكون الموتر مرغوب عند البيع ...
اللون له أهميه ... وأفضل شيء ... اللؤلؤئي ..
المراتب الخلفيه ... ما تكون جانبيه زي الربع التويوتا ...
فيه نقطه تغيب عن أغلب الأخوان ...
نوع البنزين ( 95 ) أفضل ولا بالفرق ...
بأستخدامه يكون الموتر أنشط بمراحل عن بنزين ( 91 ) ..
وأهم شيء الأستخاره ...
والله يرزقه بموتر طيب ...
والله يعطيه خيره ويكفيه شره ... مقدماً ..

[الحلطاني]

مشكورين وما قصرتو وبيض الله وجيهكم
وغفر لنا ولكم ذنوبكم .

وعز الله انكم كفيتم ووفيتم يالنشامى .