الــ 100 ألـــف حيرتنـــا

[ABU BASSAM]

مساء /صباح الخير حياكمــ ربـي بغــينى رايكمـ يالأجــــــواد


صديق معه 100 ألــف ويبيهــــا لموتر الصراحه وبراسه جيب وكاله قلت له لو تموت :D


ويتشرط لانــدكروزر GX أو باترول سـوبر وخاب ظنه لأن الأسعـــــــار خيـــال :(


المهمـ قلت له وشرايك بباثفندر الشكل الجديد من2006 قال لي شكله مش ولابــد وطامن


قريب للأرض الصراحه اني حست المنتدى ادور عن موضوع لشخص معه باتفندر الجديد


وكان منزل صور ويمدح بالبر والديره عشان اقنعه وماحصلته


أخينــا في الله صاير يبي يدور جيوب لاندكروزر GX 2006 اللي يكون عند الوكاله


مستعمل وتحت الضمــان


وش رايكـــــــــــــــــــــــــــــم بــ 100 تزبن مــــوتر صح

[اح ب2267]

الله يرزقه من فضله العضيم

[راعي بيشة]

لا ياخذ الا صالون تويوتا gx

الله لو يلقى 2007 هدد

ويدبر نفسه بالباقي

عموماً لا ياخذ الا صالون إن شاء الله يلقى 2004 بحدود المبلغ المذكور

[ABU BASSAM]

لا ياخذ الا صالون تويوتا gx

الله لو يلقى 2007 هدد

ويدبر نفسه بالباقي

عموماً لا ياخذ الا صالون إن شاء الله يلقى 2004 بحدود المبلغ المذكور


راعي بيشه

ح ــياك اركـــد يارجال هيضته يقول دبـــــرنـــــا

شاكر لك تواجدك ... اتمنى من الأخوه الأعضاء أخباري عن تواجــد سيار لانـــد GX

2006 - 2007 - 2005 المهمـ نظيف ببريده

[ABU BASSAM]

الله يرزقه من فضله العضيم

آميييييييييييييييييييييييين جزاك الله خير

[ridan]

يحلم باللاند 2006
100 الف عساه يحصل لاند موديل 2001 او2002 الجيوب طااااااااااااااايرة
بالنسبه للباثفيندر الجديد رديء مو للبر ابد انااشوف انه ياخذ تاهو 2007 اصرف له

[البيـرق]

ياعزيزي معارض بريدة اسعارها غالية جدا جدا جدا

وبخاصة الاندكروزر طايره اسعارها فوووووووووق لو ماشفتها بنفسي كان ماصدقت......

انصحه بمعارض الرياض عندك الشفا والنسيم..........والله يرزقه الموتر الطيب...........

[بن داود]

هلابك والله

يشتري جيب تيوتا فيرنشتر سته سلندر من الوكاله على كلام الشباب ب 102 وعطي الله

وقبل فتره واحد من المنتدى شاري سفاري اقل نوع فضي قير عادي 2008 من المعارض ب 102

وكلهن جدد يعني يشري جديد وهو مغمض وكل هذولا السيارات زينات

وسلامتك

[ABU BASSAM]

يحلم باللاند 2006
100 الف عساه يحصل لاند موديل 2001 او2002 الجيوب طااااااااااااااايرة
بالنسبه للباثفيندر الجديد رديء مو للبر ابد انااشوف انه ياخذ تاهو 2007 اصرف له


ridan

حرام عليك ضيقت صـــدره

امـــــا 2001 ولـــو تدور سنه ماحصلت نظيـــف

والتاهو والله حلـو لكن سعـــرهـ عند البيع يخليك تفكر

شكرآ لتــواجدكـ ...

وفقكـــ الله ــــ,,,

[ABU BASSAM]

ياعزيزي معارض بريدة اسعارها غالية جدا جدا جدا

وبخاصة الاندكروزر طايره اسعارها فوووووووووق لو ماشفتها بنفسي كان ماصدقت......

انصحه بمعارض الرياض عندك الشفا والنسيم..........والله يرزقه الموتر الطيب...........


البيــرق

بانسبه لمعارض الرياض اتوقع السياره تكون ماشيه ترليــــون

كثر الله خيـــرك ياخـــوي

وفقكـــ الله ـــــ,,,

[سوبر VTC]

الاقتراح طال عمرك
انه ياخذ سوبر سفاري م2005 لؤلؤي
نظيف سعره من 93000 و طالع
و هن موقفاك واجد ببريدة
تحياتي

[ABU BASSAM]

هلابك والله

يشتري جيب تيوتا فيرنشتر سته سلندر من الوكاله على كلام الشباب ب 102 وعطي الله

وقبل فتره واحد من المنتدى شاري سفاري اقل نوع فضي قير عادي 2008 من المعارض ب 102

وكلهن جدد يعني يشري جديد وهو مغمض وكل هذولا السيارات زينات

وسلامتك


بن داود

هلا بكـ أكثــر ...

والله الـفورتشنر مايندرى عنه أقصد ماله شعبيه وغير معروف

والسفــاري ماينعـــاف لكن من وين شاريه شاكر تواجدك

وفقكـــ الله ـــ,,,

[حرف]

ابو بسام حياك ...

تراي مثل رفيقك أدور مثله وحدي 100 الف ...

ومحتار صراااحة !!!

الجيوب gxr ,vxr كلهن نار على نار ...

الله يعين ويسهل ...

[ABU BASSAM]

الاقتراح طال عمرك

انه ياخذ سوبر سفاري م2005 لؤلؤي
نظيف سعره من 93000 و طالع
و هن موقفاك واجد ببريدة

تحياتي




سوبر VTC

حلـــــو الأقتراح السفاري ماعليه كلام

أخوي لــو تحدد لي اماكــن تواجدهـــا

وفقكـــ الله ـــــ,,,

[ABU BASSAM]

ابو بسام حياك ...

تراي مثل رفيقك أدور مثله وحدي 100 الف ...

ومحتار صراااحة !!!

الجيوب gxr ,vxr كلهن نار على نار ...

الله يعين ويسهل ...



حــــرف

شويه نـــــــــــــــــــار فوق المعقـــــول ...

الله يكــــون في العـون يله ياشبـــاب عطونــــــــــــــــا آرا ئكــــــــــــــــــــــــم

وفقكـــــ الله ــــ,,,,

[سوبر VTC]

يوجد عند معرض الفايزي و الصمعاني ابو احمد تلقى عنده دفتر المواتر اللي يبي يباعن تويوتا و نيسان و جميع الانواع
و ايضا المرزوق و يمكن اليوسف و رائد و معرض احمد و الشباب هناك لو سالتهم ما يقصرون معك
يطلعون من تحت الارض:d :d

[ABU BASSAM]

سوبر Vtc

شكرآ للمعلومـــــات شكلك راعي معارض ماشاء عليك ذكرت أكثر المعارض

ضنيتك تقول موجود موقفات لكن نسألهمـ ان شاء الله

وفقكــــ الله ـــــ,,,

[ذيب زلفاوي]

الله يرزقه بالموتر الي يرضيه

[سوبر VTC]

سوبر Vtc



شكرآ للمعلومـــــات شكلك راعي معارض ماشاء عليك ذكرت أكثر المعارض


ضنيتك تقول موجود موقفات لكن نسألهمـ ان شاء الله



وفقكــــ الله ـــــ,,,



انا خبري موقفات قبل اكثر من اسبوعين
و تعرف حنا زكرت و تنذكر بين الشباب

[وقيان]

مايبي لها مشـــاورة..خله ياخذ FJ

[رجل كريم]

والتاهو والله حلـو لكن سعـــرهـ عند البيع يخليك تفكر

وفقكـــ الله ــــ,,,



من دون زعل اخوي اذا يفكر بسعره بعد البيع يعني ناوي يبيع قريب انصح يشري فيها ذهب هو اللي مايطيح سعره ..

المفروض يشري السيارة اللي بخاطره لو ماتجيب ريال يعني يمشي اللي بهواه مش هوا الناس وبعدين 100 الف تحطه في مستعمل وكل شوي مغير فيها شي مرة ربل ومرة بيرنغ ومرة تصفية مهما كان يسمى مستعمل ’ خله ياخذ له سيارة وكالة على قد فلوسه وراح ترضيه ان شاء الله واقترح عليه نيسان اكستير /فورتشنر /باجيرو

تحياتي .,

[طارق الحربي]

ياسوبر سفاري 2005


او Gx 2004

[وسيع البنايد]

رايي انك تدور لك سوبر سفاري 2005 او 2006 احسن لك وموتر ينغزابه

واهم شي تفحصه صح وتاخذ معك ناس اهل خبره في السوق

و قبل هذا كله استخر ربك

[صبي غلباء]

يطق فورتشنر سته سرندل عطي الله ويطامر لين يمل
وكاله وجديد وفاكه على يده ويمسك سعره وعز الله انه موتر
بس الشكل مو مرررره حلو ولا فيه اكسسوارات كثيره يعني موتر بر

[B.A]

اسمع وانا اخوك نصيحة لوجه الله لايحط فلوسه كلها بالسيارة ترى الدنيا تدور ويمكن يجي يوم يحتاج شي ولا يلقى فلوس ولو انا بمحله كان شريت لي باترول ربع موديل 2007 او 2008 بحدود 70 او 75 الف ريال وحط باقي قريشاته بالبنك ويترزق الله يبيع ويشري مثل هالناس واذا احتاج شي لوفلوسه عنده يعز نفسة عن الناس والاولين يقولون ( عز نفسك تجده ) والله يكتب اللي فيه الخيره لنا ولكل المسلمين

[شاص2006]

الله يرزقه الموتر السنع اللي يجوز له وبالتوفيق.....................

[السارب]

فية vxr2003 ماشي 90000 والموتر افحصة بنفسك في اي مكان وان صلح لك عطنا 97 الف ريال
لكن رجاء لايجي الاواحد صامل وجاهز

[ABU BASSAM]

الله يرزقه بالموتر الي يرضيه


آميييييييييييييييييين الله يجزاك خير

[ABU BASSAM]

انا خبري موقفات قبل اكثر من اسبوعين


و تعرف حنا زكرت و تنذكر بين الشباب


مشكور أخ زكرت كثر خيرك ماقصرت والله

[ABU BASSAM]

مايبي لها مشـــاورة..خله ياخذ FJ


الصراحه الــ fg خارج الحسبان مشكور لمشاركتك

[راعي الرملات]

الله يرزقه الموتر اللي بباله ....

[ABU BASSAM]

من دون زعل اخوي اذا يفكر بسعره بعد البيع يعني ناوي يبيع قريب انصح يشري فيها ذهب هو اللي مايطيح سعره ..


المفروض يشري السيارة اللي بخاطره لو ماتجيب ريال يعني يمشي اللي بهواه مش هوا الناس وبعدين 100 الف تحطه في مستعمل وكل شوي مغير فيها شي مرة ربل ومرة بيرنغ ومرة تصفية مهما كان يسمى مستعمل ’ خله ياخذ له سيارة وكالة على قد فلوسه وراح ترضيه ان شاء الله واقترح عليه نيسان اكستير /فورتشنر /باجيرو



تحياتي .,



لا بالعكس لو أنه ناوي يبيعه قريب كان ماهمه السعر لكن اذا صار له مده معه أكيد بينزل نزول قوي

معاك حق أخوي المستعمل يتعبك خصوصآ لما تشتريه مكروف لكن الرجال براسه GX والمبلغ مايكفي

يطمح يحصل واحد أخو الجديد وتبي الصراحه بديت انصحه بــ فوتشنــــر وكاله فل كامل

لكن الرجال تحطم يقول من حلوم الــGX الـــى ؟ ؟ ؟ كثر خيرك أخوي شاكر مشاركتك

[ABU BASSAM]

ياسوبر سفاري 2005


او Gx 2004


الله يوفقه ويحصل الموتر اللقطه - ان شاء الله - شاكر مشاركتك

[ABU BASSAM]

رايي انك تدور لك سوبر سفاري 2005 او 2006 احسن لك وموتر ينغزابه

واهم شي تفحصه صح وتاخذ معك ناس اهل خبره في السوق

و قبل هذا كله استخر ربك


نصيحتك في محله الله يوفقك شاكر لك تواجـــــــــدك

[ABU BASSAM]

يطق فورتشنر سته سرندل عطي الله ويطامر لين يمل
وكاله وجديد وفاكه على يده ويمسك سعره وعز الله انه موتر
بس الشكل مو مرررره حلو ولا فيه اكسسوارات كثيره يعني موتر بر


والله رايك حلـــو ويحط له ستكر GX :j

الصراحه موتر وكاله يرد الروح ياليت أحد يعرف لنـــا الموتر أكثـــــر وفقكــ الله ــــ

[ABU BASSAM]

اسمع وانا اخوك نصيحة لوجه الله لايحط فلوسه كلها بالسيارة ترى الدنيا تدور ويمكن يجي يوم يحتاج شي ولا يلقى فلوس ولو انا بمحله كان شريت لي باترول ربع موديل 2007 او 2008 بحدود 70 او 75 الف ريال وحط باقي قريشاته بالبنك ويترزق الله يبيع ويشري مثل هالناس واذا احتاج شي لوفلوسه عنده يعز نفسة عن الناس والاولين يقولون ( عز نفسك تجده ) والله يكتب اللي فيه الخيره لنا ولكل المسلمين



كثر خيرك لكن الرجال وده بموتر يضف أهله ومايتعبه بالخرابات وماتوقع قيمة الربع بها الحدود أكثر

ماقصــــرت أخوي

[ABU BASSAM]

الله يرزقه الموتر السنع اللي يجوز له وبالتوفيق.....................

آميييييييييييييييييييييين شاكر مشاركتكـ

[ABU BASSAM]

فية vxr2003 ماشي 90000 والموتر افحصة بنفسك في اي مكان وان صلح لك عطنا 97 الف ريال
لكن رجاء لايجي الاواحد صامل وجاهز

الله يرزق صاحبه شاكر لك تواجدكــ

[قرم العيال]

يالغالي


خله يشوف الاكس تيرا من نيسان

اقل نوع بـ 85 الف وحوله ,, ويجربه عند الوكاله

مكينه ممتازه وعزم ونشاط 4000 سي سي و قير عادي 6 نسب ,
290 حصان

يعيبه الضيق شوي

والله يرزق

[ABU BASSAM]

يالغالي


خله يشوف الاكس تيرا من نيسان

اقل نوع بـ 85 الف وحوله ,, ويجربه عند الوكاله

مكينه ممتازه وعزم ونشاط 4000 سي سي و قير عادي 6 نسب ,
290 حصان

يعيبه الضيق شوي

والله يرزق


الأكس تير صغير وتبي الصراحه سعره مايستحقه شاكر لك أقتراحك

[سعيد حظ]

خله يروح للفورد اكسبلورر ويشوفه تراه والله نعم الموتر ويكد .مع واحد من الشباب اكسبلورر 2002 أمريكي والله انه ما يخلي مكان ما يروح له ولا هوب من الناس اللي يحافظون على السيارة وماشي معه زي اللوز .قبل ما يشتريه كنت ما اقتنع بسيارات للبر إلا الباترول او اللاند وبعد ما شفت كرفه للموتر تغيرت قناعاتي كثير . سعر الجديد اعتقد 98 ألف . آسف على الاطالة بس حبيت اخدم . الله يرزقه بالموتر الطيب .

[إعصار]

فورشنر ..


6 سلندر .. قير عايدي ..


ويفك نفسه من غثاء المستعمل ..


ولا يشريه الا لين يجربه ويقتنع به ..

[الستانس]

لا غنى عن الأكس تيرا