المساعد الشخصي الرقمي

مشاهدة النسخة كاملة : من واقع خبرتك للباترول


راعي الرملات
07/08/2008, 04:25 PM
السلام عليكم ورحمة الله وبركاته



من واقع خبرتك بالباترول الشكل الجديد الفل كامل ...


وش افضل كفرات له؟


للبر والديره والخط؟
أبو نواف هاشم
07/08/2008, 05:01 PM
والله لي شهر مغير كفرات ركبت بريجستون صراحة مرتاح فيها وشوف ردود الشباب يمكن يفيدوك
Barq al7'eel
07/08/2008, 06:18 PM
هلا اخوي البرجستون هو حق الوكاله بس انه شوي قاسي وغالي لاكن كدّ ومدّ ولا تاخذ غير ياباني
وعندك الدنلوب ممتاز والكومهو بعد وهذي اللين بالعروق بس تمسح الدعسه على الخطوط قبل البرجستون


تحياتي ,,,
سوبر VTC
07/08/2008, 06:22 PM
الدنلوب
نقشته حلوه وعملي
لكن انا افضل الكفر اللين و هو الهانكوك
تحياتي
راعي الرملات
07/08/2008, 07:51 PM
Barq al7'eel (http://www.mekshat.com/vb/member.php?u=19994)



سوبر VTC (http://www.mekshat.com/vb/member.php?u=53291)



أبونواف هاشم
شكرا على مروركم ...


والله يكتبه بموازين حسناتكم
ABO AL-HESH
07/08/2008, 08:04 PM
السلام عليكم ..
انا جربت الدانلوب على الباترول جنط 17 الصراحه ما عجبني ابد. قاسي ولا يفرش بالنفود ..والصراحه تحسفت اني ما اخذت برجستون لانه يعيش اكثر من الدانلوب ونفس القساوه..واذا كنت تبي كفر لين اشوف الشباب يمدحون اليوكاهاما
VTC48
07/08/2008, 08:17 PM
السلام عليكم ورحمة الله وبركاته
اخوي المشلن والبريجستون ...
وتقبل مشاركتي...
راعي الرملات
07/08/2008, 08:18 PM
ABO AL-HESH (http://www.mekshat.com/vb/member.php?u=55279)



طيب ايهم ازين البرجستون ولا اليوكوهاما؟



والميشلان فيه احد كد جربه؟؟؟؟؟؟



ومشكور على مرورك ...
ذيب عتيبه
07/08/2008, 08:54 PM
حيآك الله يالغالي .. والله يكتب اللي فيه الخير



بالنسبه لي أشوف ان اليوكوهاما ممتاز نسبه لانه أكثر مرونه من غيره وماتحس ببطنآجه


البرجستون مايحتآج وصنآعه ماعليها غبآر أبد ولكنه قآسي بعض الشي .. ولكن مع الاستخدآم والخطوط يلين ويسلك معك أنشاء الله



بالنسبه واللي انا أفضله عليهم كلهم .. الماشيلان .. موتري مركب عليه على جنط 17 ماشاء الله .. مرن .. وخفيف ومريح وبطنآجه خفيف .. ويعيش مده طويله .. ركب الكفر وأنسآه .. ولكن عيبه انه غالي ..

والله يوفقك يالغالي
ابو مكازي2002
07/08/2008, 11:39 PM
مساء الخير علي الجميع
بانسبه لي ومن واقع تجربه فانه اذا تبي كفر للديرة و البر فانصحك في كفرات ماكسس(بالون) التايواني 900 لاني جربتها في موتري صحيح انها مالها عمر لكن تحافظ علي بدي الموتر من التفكك البران ومطبها لين علي السيارة وترفع الموتر عن الارض
راعي الرملات
08/08/2008, 12:58 AM
ذيب عتيبه ...


الله يجزاك خير


ويكتب لنا الخير حنا وياك


والله ماخفيك انا اميل للميشلان ... بس على قولك غالي


وشكرا على مرورك
راعي الرملات
08/08/2008, 01:02 AM
هلا اخوي ابومكازي2002

والله البوالين مشكلتهن بالفرامل بالأسفلت وخاصة اذا كانت ممطره او منقع ماء

بس على قولك ميزتهن ان مطبهن لين وبالجلد شي



رفع الله قدرك

وشكرا على مرورك
ابو مكازي2002
08/08/2008, 01:09 AM
صباح الخير راعي الرملات
شف اذا جاء المطر ان شاء الله خلك علي بند لبده بالبيت
راعي الرملات
08/08/2008, 01:22 AM
صباح الخير راعي الرملات
شف اذا جاء المطر ان شاء الله خلك علي بند لبده بالبيت؟


صباح الخيرات ...

مهب المشكله بس بالمطر

الفرامل مايمسك مضبوط

وتتمسح بسرعه

انا كنت مركبهن على ونيت جمس ولا صلحن لي


وألف الف شكر على مرورك
ابو زياد السويلمي
08/08/2008, 02:40 AM
السلام عليكم ..........
اخي راعي الرملات , انا جربت البرجستون حق الوكالة بصراحة رائع جدا في الديرة والبر بس الحين
سعرة غالي جدا (بحوالي 650ريال)وجربت البالون ماكسس 900 روعه بس لايجيه ماء .
واسمع الشباب يمدحون الماكسس الجديد مقاسه زي البرجستون حلو ولين مطبه وسعره رخيص والماكسس
معروف يكد .
سعر الماكسس (440 ريال ).
ABO AL-HESH
08/08/2008, 02:48 PM
ABO AL-HESH (http://www.mekshat.com/vb/member.php?u=55279)





طيب ايهم ازين البرجستون ولا اليوكوهاما؟



والميشلان فيه احد كد جربه؟؟؟؟؟؟




ومشكور على مرورك ...

والله ياخوي حسب حاجك اذا كنت دايم بالنفود وكثار طلعاتك للبر خذ اليوكاهاما واذا كنت راعي خطوط البرجستون ..وان كانك تاصل سعر المشلان ،المشلان اكيد احسن لانه لهب لين ولا قاسي .. بس مشكلته يزلق الموتر مع الفرامل القوي(المشلان مجربه على الددسن جنط 15)
راعي الرملات
08/08/2008, 04:00 PM
السلام عليكم ..........
اخي راعي الرملات , انا جربت البرجستون حق الوكالة بصراحة رائع جدا في الديرة والبر بس الحين
سعرة غالي جدا (بحوالي 650ريال)وجربت البالون ماكسس 900 روعه بس لايجيه ماء .
واسمع الشباب يمدحون الماكسس الجديد مقاسه زي البرجستون حلو ولين مطبه وسعره رخيص والماكسس
معروف يكد .
سعر الماكسس (440 ريال ).


اذا كان البريجستون ب650

اجل الميشلان كم وصل؟

الله يعينا على الغلا ...

اخوي الماكسس الجديد يصبر مثل البرجستون ولا يتمسح مثل البالون


والله يجزاك خير على مرورك ...
راعي الرملات
08/08/2008, 04:08 PM
والله ياخوي حسب حاجك اذا كنت دايم بالنفود وكثار طلعاتك للبر خذ اليوكاهاما واذا كنت راعي خطوط البرجستون ..وان كانك تاصل سعر المشلان ،المشلان اكيد احسن لانه لهب لين ولا قاسي .. بس مشكلته يزلق الموتر مع الفرامل القوي(المشلان مجربه على الددسن جنط 15)



والله ياخوي انا راعي مكاشيت بس منب دايم بالنفود لان تعرف الدوامات ربطه فغالب الوقت بالديره


والله يرفع قدرك على النصيحه ...


وشكرا على مرورك
السحابة
08/08/2008, 07:11 PM
السلام عليكم ياشباب الله لايهينكم استفسار انا نصحني واحد بكفرات الدنلوب مع العلم ان الكفرات الاساسيه الان البرجستون ولا ادري وش عيبوب الدنلوب وانا ودي اغير لانه البرجستون غالي وقاسي بالبر
ارجو الرد عاجلا والسلام عليكم
الطيف الموادع
08/08/2008, 07:48 PM
والله وانا اخوك معاي بترول ومركبله يكوهاما خفيفه على الموتر
براونك
08/08/2008, 09:23 PM
السلام عليكم ياربع الشاهين مهوب غالي
ويعيش ان بغيته في ظلع ولا نفود
الجندي2005
09/08/2008, 01:21 AM
هانكوك وبس ،،،،،،،،،،،،،،،،،،،،،،،،،،،،،، كد ومد ورخص