يا اصحاب اللاندكروزرات دلوني.

[بركان]

الاخوة الكرام/اصحاب الجيوب
السلام عليكم ورحمة الله وبركاته:

ماهي افضل الورش لصيانة سيارات جيوب اللاند كروزر في الرياض خلاف الوكاله
ان كان تعرفون ورش متخصصة فلا تبخلون علينا. الوكاله غلاء فاحش بدون مردود بين.
تحياتي.

[مهراس]

لاندكروزرات على وزن أيش ................. والله خوش لغه.... أنا عايز أعيط
يعني كان يمكن تحط تعبير أو مصطلح أصرف من هذا الأسم الخنفشاري.

[بركان]

متعيط بأاا

انا اللي حعيط مش انت
لاندكروزر جمعها لاندكروزرات ولعلمك فانا لم اسميها بهذا الاسم وان كان لديك اعتراض
فسجله لدى عبداللطيف جميل. لان هذا هو اسمها المتعارف عليه والمعتبر والمدون في الاستماره
والمعترف به لدى المرور والشرطة وشريطية الحراج وورش الصيانه وعامة الناس.

على فكره انتم بماذا تسمونه؟!!!!

[مهراس]

شف يابركان ردك جميل زيك وأنا فقط أحب أعلق على الحاجه الملفته للأنتباه من حين لأخر ,انا والله أفتخر اني معاكم في هذا المنتدي وناسه وسعة صدر ومعلومات مفيده جدا.
تحياتي.

[الخبير]

السلام عليكم
يا شباب من أولها
عموماً هذي ورشة متعامل معها منذ مبطي، موقعها في الرياض تقاطع شارع ابو بكر الصديق مع شارع الجامعة أو مخرج 9

[جميل جمال]

اخوي بركان ...

انا اقدر افيدك بس بحاله وحده ..

وهي ..

اذا موترك ما خلص ضمانه انشب بحلق الوكيل اذا خرب ...

ما عليك هم يبي يمرمطونك شوي .. بس تاليتها بلاش ..

انا معي جي اكس ار ماشي عشر الاف وطلع لي فيه صوت بالقير ورحت للوكاله وعلى الضمان ولا قالوا لا .

عموما كان ما خلص ضمانك انشب للوكاله ;) ;)

[برق الضحى]

اذا انت بالرياض عليك بورشة السفريات لابن مرضاح بشارع الجمعية بالصناعية القديمة
تلفونهم: 4486993

[بركان]

الاخوة الكرام/

شكرا على مروركم وتشريفكم.

شكر خاص للأخ/ برق الضحى.

اما الاخ مهراس بن نجر بن محماس بن دله آل معاميل بعدين افضى له الين صلحت الجيب عند ابن مرضاح.

[صالح ناجي]

ياخوان في ورشة باكستانيين بشارع الجمعية فنانيين مره صلحنا عندهم القير والدبل بمبلغ بسيط (600 ) ريال ولكن الان لااذكر اسم الورشة ولكن احذروا من الجماعة تراهم ما يقولون لا لوتجيب لهم BMW ، ويتعبثون بالسيارات يعني يصلحون حاجة ويخربون اكثر من حاجة يعني الزبدة اذا كانت سيارتك من السيارات الثمينة لاتروح للجماعة ابد هذه نصيحتي لكم

[هواوي]

بسم الله الرحمن الرحيم
السلام عليكم ورحمة الله وبركاته

والله يا شباب بجد نبغا وصف لورشه مجربه من اهل الخبره تعرفون خرابات الجيوب ماهي زي اي خرابات يمكن يتعطل عليك وانت في بر ثم تتوهق ما احد حولك

عشان كذا نبي نصايح جاده وكلام اكيد عن ورش متخصصه في الجيوب اللاند كروزرات والبارتولات

انا من ناحيتي متهوق في الورش وصراحه وبكل صراحه ما اثق في الوكاله نهائيا لاني مجربهم

عشان نبي الكلام الي نعتمد عليه من ناحيه الورش

وصراحع اني اسمع ان فيه ورش متخصص للجيوب في الصناعيه القديمه في الرياض وخاصه في شارع الجمعيه ولكن وشي هذه الورش


وللجميع التحيه والاحترام

[الناقد الحر]

عليك بورشة الضحيان وترى هذا موزع مثل البازعي وعنده قطع غيار أصلية أرخص من الوكالة أنا عندي GXR ما أصلحه إلا عندهم . وورشتهم شمال السالم للزجاج اللي بشارع طريق الخرج ( الصناعية )
وان كان المشكلة ميكانيكية بسيطة ففيه سوداني في ورشة اسمها الأولى بعد الضحيان وانت متجه شرق على اليسار اسمه صادق بصراحة فنان . وترى في الورشة معه يمانية حقين بوية وسمكرة وهو ماخذ جزء من الورشة .

أتمنى إني أكون نفعتك