شركة تويوتا ( من جرف لدحديره )؟؟؟

[B.A]

السلام عليكم ورحمة الله وبركاته

اليوم بمعارض السيارات ببريده نزل الجيب الربع والشاص 2009 نفس2007 و 2008 ماتغير ولا مسمار اللهم ان سعر الربع وصل 130 الف ريال والشاص وصل حسب ماسمعت ولم اسئل عن سعره 145 الف ريال!!! ان اتوقع ان شركة تويوتا بدائه طريق الفشل لسببين بقى الموديلات لمدة ثلاث سنوات بدون اي تغيير وزيادة الاسعار بشكل جنوني والسبب واضح ان عقلية الخليجي **********************************يعني مافيه تفكير الله يخلف



تم التعديل بواسطة المشرف

[شلخوف]

المشكلة العالم تشري وهو ماتغير شيء:no2: :no2:

[واطي الجمرة]

بالنسبه للشاص والربع ليست للرفاهيه ومعروف انها لا تتغير

[ابوعقل]

والسبب واضح ان عقلية الخليجي *************



تويوتا بدت ترفع أسعره

بس انت تأكدت من سعره بالوكاله؟؟



تم التحرير بواسطة المشرف

[سفاري 2008]

سيارات قويه لكن فيها عيوب فرامل تعبانه ورساوه مافيه وحرارة ومكاين مخنوقه وقطع غيار لا تخدم كثيرا والناس منخدعين فيها( شيك فى الجيب )

[الوسيطاء]

اخواني هاالسيارتين ليست للبر بل لسحب الا لنشات البحريه ويستخدم للشركات لو تلاحظون انه لايوجد عليه اعلانت لابي التلفاز والا المناطق العامه والابروشورات ورقيه توزع عند الوكيل للسياره لذا انها سياره ليست للمواطن العايدي بل من لديه اشغال تتطلب وجود السيارتين وطبعاص قل السحب على السيارتين لي ارتفاع سعرها وجت شركه سوزو بي دينات ممشاها تعدى 1000000وزياده بدون توظيب والايحزنون

[سوبر VTC]

السلام عليكم ورحمة الله وبركاته





اليوم بمعارض السيارات ببريده نزل الجيب الربع والشاص 2009 نفس2007 و 2008 ماتغير ولا مسمار اللهم ان سعر الربع وصل 130 الف ريال والشاص وصل حسب ماسمعت ولم اسئل عن سعره 145 الف ريال!!! ان اتوقع ان شركة تويوتا بدائه طريق الفشل لسببين بقى الموديلات لمدة ثلاث سنوات بدون اي تغيير وزيادة الاسعار بشكل جنوني والسبب واضح ان عقلية الخليجي ************************************ يعني مافيه تفكير الله يخلف



تم التعديل بواسطة المشرف


اضحك الله سنك:D :D :D قوطي صلصة:j
ياحبيلك شكلك من حقين القبلة الخبوب
مادري جاء الحوض 8سلندر او لا؟
تحياتي لك

[القبقب]

حاولت أرج مخي رج وأسمع
ماسمعت أى صوت بس دارراسي
وظهرلي في الخيال صورة الشاصي وحروف باللون الاحمر أذا
جمعتها تصيرمزيون البر (تويوتا ) .

[B.A]

اضحك الله سنك:D :D :D قوطي صلصة:j

ياحبيلك شكلك من حقين القبلة الخبوب
مادري جاء الحوض 8سلندر او لا؟

تحياتي لك


الله يهديك بس انا اقول الشركة من جرف لدحديره وانت تقول هل جابوه 8 سلندر !!!

ترى لو يحطون 8 سلندر على الشاص كان جاك شكله اكبر من الجمس لان مكاين التويوتا ( هب بلا لب ) هذا كبرهن بس بدون فايده القوه خايسه

[B.A]

حاولت أرج مخي رج وأسمع
ماسمعت أى صوت بس دارراسي
وظهرلي في الخيال صورة الشاصي وحروف باللون الاحمر أذا
جمعتها تصيرمزيون البر (تويوتا ) .

بس واناى اخوك وصلت على خير كل هاللي طلعلك وجمعته هن قواطي الصلص وانا خابر ان الحروف الحمر ماتركب الا على ال GMC

[Magellan]

أنا أعتقد في الوقت الحالي شراء السيارات في ظل إرتفاع الين مقابل الدولار ماله فايدة ...
لذلك خيار السيارات الأمريكية برأيي أفضل في ظل تحسن مستوياتها..
وشفنا كيف إكتسح اليوكن والتاهو مبيعات اللاندكروزر والباترول مجتمعين..
والتويوتا تحسب نفسها إنها مرسيدس على غفلة وبالتالي شيئا فشيىء راح تفقد كثير من محبيها،،
واللي إشتروا بالأقساط الله يعينهم ( أولها حلا وأخرها بلا) ..

[سيف الظفير]

التويوتا زين


ولا به خلاف ولكن عيبة في السعر المرتفع وعدم مراقبة التجارة للأسعار الخيالية

[سيف الظفير]

أنا أعتقد في الوقت الحالي شراء السيارات في ظل إرتفاع الين مقابل الدولار ماله فايدة ...
لذلك خيار السيارات الأمريكية برأيي أفضل في ظل تحسن مستوياتها..
وشفنا كيف إكتسح اليوكن والتاهو مبيعات اللاندكروزر والباترول مجتمعين..
والتويوتا تحسب نفسها إنها مرسيدس على غفلة وبالتالي شيئا فشيىء راح تفقد كثير من محبيها،،
واللي إشتروا بالأقساط الله يعينهم ( أولها حلا وأخرها بلا) ..



هذا العلم اللي يجمد على الشارب تويوتا زوينة ولكن ان الفكسار ياصــــــــل 300.000 وش خلا للرنج السبورت اللي احسن منه الف مرة .ودبله كهرب مثله خوية اللاند .!!!!!

[ابن طيبة]

صحيح ان الاسعار مبالغ فيها

[Magellan]

هذا العلم اللي يجمد على الشارب تويوتا زوينة ولكن ان الفكسار ياصــــــــل 300.000 وش خلا للرنج السبورت اللي احسن منه الف مرة .ودبله كهرب مثله خوية اللاند .!!!!!



ماقصرت أخوي سليمان لإضافتك المتميزة كالعادة ،،
أنا ماعندي مشكله لو كان دبله كهرب مادام إنه مضمون وممتاز ، لأن السيارات في الوقت الحالي أغلبها تستخدم الكهرباء في تقنياتها ، المسئلة على الجودة وهذا أسجله من صالح تويوتا ..
وأنا أتوقع فيه إتفاق بين أصحاب المعارض لرفع الأسعار بدون مبرر ،وإتفاق فيما بينهم بما يشبه إتفاق البنغال في الأسعار ..
أعطيك مثال: قبل فترة أحد الإخوان قرر شراء سيارة أفالون ووجد إعلان على الإنترنت بقيمة 105000 موديل السنة هذي، طبعاً كلم صاحب السيارة وراح للمعرض حتى يطّلع عليها، طبعا من باب حب الفضول سأل عن قيمة السيارة وذكر له العامل أنها 115000 ريال ، أي بزيادة 10 الآف ريال عن القيمة اللي عارضها صاحب السيارة ، طبعاً المعرض لو وجد الذي يشتريها بها القيمة ، فإنه أكيد يانعومك لأنه راح يدخل في مخباته 10 الآف ريال ..

[قرم العيال]

يا رجال لا قين من يشريه ,,,

[القبقب]

ياجماعة أنا جربت الرنج اسبورت الجديد وجربت الفكسار الجديد
مافي مقارنة طبعا الفكسار أفضل .
وفي النهاية أقول للاخ (احب البروالمزيون) لحق ماتلحق
التاريخ يعيد نفسه تذكر اللاند في الثمانينات كان سعره في حدود 40 الى 45
ثم تضاعف سعره في التسعينات اى بعد عشر سنوات .
والان سوف يرتفع الى الضعف لانه مرت عشر سنوات أخرى .

[سيف الظفير]

التجارة اصلاً عندنا نهاااااااااااااابة بكل شئ






والدليل شف السياحة بهذا الوقت


شقق عادية جداً وصلت الى 1000 ريال بالطائــــــــف

[راعي سوبر]

ايه تايوتا اسعار خيال وسياحه اسعار خيال ولا حسيب ولا رقيب

[الحلطاني]

اتوقع ان السعر هذا مو خساره بالتويوتا لانه افضل موتر على وجه الارض واكثر موتر استخداماً ,
ويكفيك اسمه مفخرة الارض .
وانا صحيح اني افضل التويوتا على جميع السيارات ولكن ما أنسى الجيب الباترول المعروف في قوته بغض النظر عن بعض عيوبه .

[B.A]

اتوقع ان السعر هذا مو خساره بالتويوتا لانه افضل موتر على وجه الارض واكثر موتر استخداماً ,
ويكفيك اسمه مفخرة الارض .
وانا صحيح اني افضل التويوتا على جميع السيارات ولكن ما أنسى الجيب الباترول المعروف في قوته بغض النظر عن بعض عيوبه .

مفخرة الارض على ايش على المطب اللي يطلع الروح او على مكينه الضعيفه او على هالسعر الجوني انا اطلق عليه اسم ( مخفة عقول مسخرة الارض )

[B.A]

تويوتا بدت ترفع أسعره

بس انت تأكدت من سعره بالوكاله؟؟



تم التحرير بواسطة المشرف


السعر عند احدى الوكالات بالامارات:

الشاص 116 الف درهم

الربع 122 الف درهم

[أبوإبراهيم1]

الله يهدي الجميع

[ساري 111]

ابقولك شي وحطه بذنك !!
التويوتا مهما وصلت اسعاره لايمكن ان يتخلى عنه الناس !!
والدليل الواقع اللي احنا عايشين فيه ..
مايروح يوم وإلاونشوف الناس يتشبثون فيه بزود ومارفع اسعاره إلا قوة الإقبال عليه .. (الشركة مو قادرة تلحق الطلب)

الحقيقه انا اقر لك عيوب سيارات تويوتا
منها سوء الفرامل , ضعف المحركات , عدم توفر الراحه , ثبات ورساوة السيارة مهب بالحيل .. الخ
ولكنها لاتعتبر عيوب إذا قارنتها بجودة وعملية السيارة فسيارات تويوتا حطمت الرقم القياسي في قل أعطلها

بس لو الله يفكنا من عبداللطيف جميل ولعبة بالسيارت كان تضبط الأمور

[نجم تبوك]

التويوتا زين

[الستانس]

خل التيوتا لهم معد نبيه جاب الله ها النيسان والجمس والفورد أزين وأرخص

[سفاري 2008]

من الأمورالمهمة في السيارة الفرامل القوية والراحة والرساوه على الخط وفي المنعطفات وسرعة تجاوب المحرك مع متطلبات السائق وهاذه غير موجده في اغلب سيارات تويوتا

[يحيي بن حمد]

اقول الحقوا على الامريكي قرات خبر ان خساير الشركه بلغت 16 مليار دولارللربع الثاني لهذه السنة

[طوير الليل]

الحمد لله

انا بها الليل أطير
:j

وش علي من سعر الشاص

وبالنهار نومة عند وغيداني

:p

[ناوي نيه]

الله يرحملي والديكم مدري على ايش بازين في التيوتا اجل وصل سعره الفي اكس ار 300 هذا هبال





سامحوني على العصبيه بلاي صرت انغبن من التيوتا

[سيف الظفير]

يا اخوان المسألة


ماهي على جودة السيارة ولكن سعر السيارة ياصـل للـ 300.000 ريال وتويوتا !!!!!!!!!!!







اين الرقااااااااااابة اين الرقااااااااااابة

[ساري 111]

الحقيقه اهم شي عندي بالموتر اني ادخل البر وقلبي مرتاح !!
وهذه الراحه والأطمئنان القلبي مايتوفر إلافي سيارة تويوتا !!

ان اعترف ان الكثير من السيارات تتفوق عليها قوة ورساوة ... الخ
ولكن قلبك يرجف خوف من طرمبه اوكتاوت اوحساس او مسمار يطيح باالمكينة ... الخ من الأعطال التي يعج بها المنتدى


الله يرحملي والديكم مدري على ايش بازين في التيوتا اجل وصل سعره الفي اكس ار 300 هذا هبال

ياحبيبي الأسعار مرتبطه بعرض وطلب وكل ماقل العرض وزاد الطلب ارتفعت الأسعار
ولو مالقى من يشريه بهالسعر كان نزلوه

[طواش]

أشكر كل من شارك في هذا الموضوع:cool:
أولا خفوعلى المشرف تراه عجز وهوه يعدل لمشاركة بعض الاخوان :(
ثانيا الاخ الي يمدح السبورت من وجهتي نظري ان هذا الموتر لايصلح بتاتا ويا كثرهن تحصلهن صافات في الصيانة عند وكيله يعني دوم عطلان وهوه توه ماشي 5000 كم
أنا جربت الفي أكس أر جيده ولكن يعيبها كبر حجم السيارة وضعف المحرك271 حصان :D الحذر من المغامره في الرمال تراها مشكله يمكن تهلك نفسك :mad:
وأخذت لكزس 570 صراحه قوة المكينة ممتازة جدا383 حصان ولكن لم أطلع فيها للبر أما القار فهي سيارة لا يعلى عليها وسرعتها توصل 220 بالراحه :cool:

[ابو الشباب3]

الله يهديك بس انا اقول الشركة من جرف لدحديره وانت تقول هل جابوه 8 سلندر !!!




ترى لو يحطون 8 سلندر على الشاص كان جاك شكله اكبر من الجمس لان مكاين التويوتا ( هب بلا لب ) هذا كبرهن بس بدون فايده القوه خايسه

الله المستعان على بعض الوكلاات الي ماتحافظ على سمعتها:no: :no: :no: :confused:

[ridan]

يالربع اولا : البلا من وكالائنا وخصوصا ابو جميل
لاعب لعبته
ثانيا : قيمة الدولار اللي هابطة تحت بالأرض هي اللي مخليه كل شيء يرتقع خصوصا اننا متصلين بالدولار فلذالك قيمة الريال طاحت بعد مع الدولار فصار كل شيء بنظرنا غاالي .

طبعا الحل مو بيدينا
حل المشكله الأولى بيد الوكيل
حل المشكله الثانية بيد وزارة الماليه انها تسوي اعادة تقييم للدولار بالريال السعودي يا تفصل الريال من الدولار وتضمه لسلة العملات الدولية.