تطعيس وتغاريز وطلوع ونزول وعالم مجتمعه.....لاكن مهوب على طعوس

[((( الحر)))]

اخواني اعضاء وزوار منتدانا العزيز مكشات...!!!
السلام عليكم ورحمة الله وبركاته...!!!

هذولا ناس مادري ليش يسوون كذا ...!!!

هل لانهم عالم فاضيه ولا عندهم شغل يلهيهم...!!!

او ان ماعندها طعوس ورميل يرقونها مثلنا...!!!

او انهم سارقين هالسيارات ويبي يكسرونها...!!!

او ان السيارات عندهم مثل الخبز عندنا اربع بريال...!!!

او انهم يبي يعلمونا انهم مايخافون على سياراتهم مثلنا...!!!

او ان الدعوى كلها دعاية من وكالة السيارات جيب...!!!

والله مادري ..... ياليت يالربع تعلمونا وش سبب هالتطعيس الي على غير سنع....!!!

كل واحد يدلي بدلوه...!!!

وهذي الصور وانتم احكموا

لكم تحياتي.................((( الحر))).................ابو محمد...!!!
http://www.mike-g.net/jeep/yinyang/pics/calico/day1/images/0008.jpg

http://www.mike-g.net/jeep/yinyang/pics/calico/day1/images/0010.jpg

http://www.mike-g.net/jeep/yinyang/pics/calico/day1/images/0013.jpg

http://www.mike-g.net/jeep/yinyang/pics/calico/day1/images/0021.jpg

http://www.mike-g.net/jeep/yinyang/pics/calico/day1/images/0024.jpg

[abos3d]

هذولي ناس مهبل ما عندهم الا انه يرفع لك السيارة 100 متر و يقعد يطلع لك هالجبال ويترزز بموتره ولين شفتهم تحمد ربك على العافية تفهم والا لا :mad: :mad:



























<<====== موب كنه شوي ويطقك :confused: معليش اخوي كنت امزح معك ارجوك لا تزعل :D اوكيه:good: بس ما تلاحظ ان راعي الشروكي الابيض متفشل لانه علق وقعد بموتره والناس مشتغله تصوير مع كل جهة

[نقا هشال]

اخوي الحر يعطيك العافيه

اووووووووف من جد مهبل

[عروان]

سلملي والله على الكاميرا اللي أخذو بها هالصور.

صفاوة على كيفك


:)


تحياتي لك

[معمرها]

] ......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( ((( الحر))) ))))

على هالصور


شـــكـــراُ[/color]

[مهيلان]

اخوي الحر
السلام عليكم ورحمة الله وبركاته

انا اخالف وجهة نظرك لعدة اسباب فما تراه من صور ما هي الا هوايه يمارسها
ناس اهل مكاشيت وهاوين لهذا النوع من الرياضه واضنها في استراليا
لكن انت ذكرت انهم فاضين ولا عندهم طعيسات مثلنا يرقونها
وكأنك تقارن بينهم وبين ربعنا اللي يطعسون وان اهل التطعيس على يمه والاستراليين على غير يمه ..
وادعم قولي بعدة امور:

ــ هم الافضل من ناحية تجهيزات السلامه السواق يربط الحزام ويشيل طفاية حريق ..
ــ البطولات منضمه ولها شركات راعيه لاحظ دعاية كفرات قودريش على رفرف الشروكي
واسال نفسك هل وضعها السواق مجانا ( والله من طبعه حطوها ربعنا ما يدرون وشهي له )
ــ ايهم اخطر التطعيس والا طلوع الحصى ؟؟ التطعيس اخطر وانا مستعد اوديك لنقره بالنفود
لو ما يمشي الجيب الربع او الهايلكس قبل يطلعها 140كم في الساعه ما رقاها لو يموت .اليست خطر ؟؟

ــ تجهيزاتهم قائمه على دراسه علميه وخبره يعني ما يركب اي بواجي .. مثل ربعنا يركبون بواجي ( بي ام ) على هايلكس او فلاتر ما صممت لنفس السياره ..
المساعدات واليايات ونظام التعليق كلها مدروسه دراسه ...


عموما شغلهم نضيف لكننا بحاجه للبعد عن التحجر وتنقص الغير مالم يوافق طبيعتنا
وبحاجه لان نفهم غيرنا من الحظارات من دون المساس بثوابتنا ....

لاحظ طلعاتنا للبر وفكر وش طلعنا منها بفايده ووش طلعوا هم بفايده ..

الواحد منهم تلقاه يدور ومعه كتاب اما عن انواع النباتات البريه او انواع الاحجار والطبقات الجولوجيه .
والواحد منا همه ( علق الذبيحه واصلخ وانفخ وشب الضو ) ولو تسأله عن نبات الشيح ما عرفه ..
في الختام لا تظن انني ممن يعجب بالحظاره الغربيه كلها لكنني ادعو للاستفاده من الجوانب الايجابيه عندهم .
والله يوفقك يا الحر

والسلام عليكم

[القماري]

هوايـــــــــــــــــــــــه أفضل من التفحيط وإزعاج خلق الله
التطعيس أو صعود الجبال والصخور ( مثل إلي في الصور ) هواية وفن (خصوصا إذا كان السائق متعلم وفاهم الأخطار المحدقة ومستعد وملتزم بإصول السلامة)
وبعدين إلي ماعنده حيله يحتال ( الظاهر أن هالبشر ماعندهم رمول وطعوس مثلنا) فتحولوا للجبال
مشكور على الصور

[القناص]

السلام عليكم ورحمة الله وبركاته

صح لسانك يا مهيلان والقماري وكل من رد او علق.

في رايي يجب ان نحترم هوايات الشعوب الاخرى .

خصوصا اذا كانت هذه الهوايات لايشوبها شيء من المحرمات.

فعلا شعوب متطورة ومنظمه.

فقط قارن بينها وبين ام دباب فقط في التنظيم وستجد انه بيننا وبينهم شوط طويل في اجراءات السلامه واحترام الاخرين.

وليس ببعيد راعي الجيب اللي كان يدور في ام دباب وهو معلق شبشب اعزكم الله على الصدام يدور وهو موجه الشبشب للناس.

نحن افضل ومسلمون وهم ليسوا في مستوانا

بقي ان نطبق ما تعلمناه....... وهذ يبي له وقت..

ونشجع الشباب على اكتشاف انفسهم من خلال الهوايات المتعددة

دون اهمال اجراءات السلامه حرصا على ارواحهم وارواح الاخرين

وصلى الله على محمد وسلم

[بزبوز نفط]

الحمدلله والصلاة والسلام على رسول الله وعلى آله وصحبه أجمعين ..

صراحة صووور تخلي الواحد يتامل ... وبيني وبينكم احسدهم على مغامرتهم

احس ان مغامرتهم فيها كثير من المتعة والمفاجات

ومشكووور على الصور :p

[تالي الاولين*]

.


هي زي التطعيس ماختلفنا بس...

من قال انا مقتنعين بالتطعيس

طبعاً انا اتكلم عن نفسي ...

قبل كم يوم كان معنا واحد من الشباب

الى يرهمون ويلعبون بمكاين الجيوب

عشان التطعيس ... وتكلمنا عن هالموضوع

وقال خوينا المرهماتي :D انها ولعه وهوايه

مثل الصقاره ومثل الصيد ... بس ان الناس يشوفونها

بحقران ... لانها شغله تعتبر حديثه على مجتمعنا ..

ومجتمعنا صعب يتقبلها بسرعة ...

والصقاره والصيد هوايه

زيها زي التطعيس

بس انها معروفه

قديماً ..

طبعاً هذي حجته في الموضوع انا ماناقشته

ولا اقتنعت من كلامه ...


وانتم وش رايكم ؟؟؟؟



اخوي الحر يعطيك العافيه على هالصور ...


.

[عبدالعزيز الدباسي]

ابو محمد اخبرك عند المزايين ، وش وداك عند الفاضين:p :p

الا تهقا اللي بالصورة الاخيرة يبي يطلع ،،، الظاهر انه يبي هيلكوبتر تشيله ;) ;)

[فـ(الجـوف)ـتى]

مشكووووووووووووووووور

الله يعطيك العافيه على الصور الرائعه 0

[عاشق الصفاري]

عز الله انهم مهبل .. مشكور يابو محمد

[الشاقي]

هذولا مضيقات عليهم الدولارات ماهم مثلنا
عطني دولارات واوريك انت وياهم شي ماشفتوه

[الجنوبي]

مشكور اخوي ابو محمد على هذه الصور الرائعه لهذه الهوايه المثيره والممتعه
وانا مع الا خ مهيلان فيما يقول ... واتمنى ان اشا هدها عن قرب....
ودمتم..........

[نفل]

السلام عليكم ورحمة الله وبركاته
صلى الله عليه وسلم
اخوي ابو محمد

مشكور على المقال الجميل
بالنسبة للصور اعتقد انها احتراف اكثر منها هواية وحسب علمي لها اندية متخصصة وتقام لها مسابقات
على مستوى الولايات الامريكية وترصد لها جوائز وهذه الاندية لها مواقع على الشبكة ويتم اصدار افلام
فديو لها .................. والله اعلم

اخوك ابو محمد

[((( الحر)))]

ابو سعد............. مع التحيه

نقا هشال........ ......مع التحيه

عروان......... ......مع التحيه

معمرها....... ....... مع التحيه

مهيلان........ .......مع التحيه

القماري....... ...... مع التحيه

القناص....... .......مع التحيه

بزبوز نفط..... ......مع التحيه

تالي الاولين.. ......مع التحيه

شقردي........ ......مع التحيه

فتى الجوف.... ......مع التحيه

عاشق الصفارى. ..مع التحيه

الشاقي........ .......مع التحيه

الجنوبي....... .......مع التحيه

نفل........... .........مع التحيه

اشكركم على تعليقاتكم الجادة منها والساخرة ولكم وافر التحيات...!!!

اخوكم............((( الحر)))..............ابومحمد...!!!

[سنعوس نجد]

سلام عليكم ياللي هنا

رد متأخر بس لأن جازتلي الصور والموضوع حبيت اشارك بهذه الكلمة المهمة :


صراحة بيني وبينكم فالينها وعلى قولة الأخوان يكسرون مواترهم بس تعتبر تجارب مدروسة وتحت نظريات وخبرات ماهوب مثل ربعنا ،

واحد من ربعنا يحب هالنوع من المغامرات وشاري له جيب لاندروفر حق الأمريكان وما يخلي جبل ولا ضلع ولا شعيب يمشي إلا يحاول يطلعه او يقطعه او يحوس فيه شوي وكل طلعه ماهوب يطلعها بضحك زي شباب ام دباب وعض لسان وابي العن ام المكينة علشان ما يقهرني فلان ، لا خوينا هذا اللي احتسي عنه إذا طلع طلعه ما يطلعه بلعن موتر يطلعه بشويش وإذا طلعه مره يطلعه مره ثانية بنمره غير ومره يفك الدبل ومره يعشقه ومره خفيف ومره ثقيل ويجرب تنسيم وبدون تنسيم ومره يجرب الهزاز( لان كان عنده جيب فيكسار خليجي ويسوي عليه تجارب ) علشان ما تقولون ينصب ، ومره بدون يعني يحاول إنه ما يطلع طلعه او جبل بدون ما يجرب كل التجارب عليها وكلش يحوس فيه ولايخلي شي ما يمر عليه ما يعرفه او يجربه سواء في البر في السيارات في الأجهزة يعني ماشالله لا إله إلا الله عليه وفي الاخير ياجماعة تدرون وش يقولون عنه اللي حوله

انه رجال موسوس وماهوب صاحي ومراهق وهو رجال متدين وطايع ربه بس علشانه كلش وده يعرفه وكلش يدقق فيه ووده يصير فاهم فيه يقولون عنه هالكلام



مجمل الكلام ان هالشلة اللي طالعه صورهم فوق يعرفون السنع وحنا وربعنا ضايعين واذا افلح واحد منا كان جازلهم لحطوه بذيك العين وكان ما جازلهم قالوا انه موسوس ومهبول .


وسلاااااااااااااااااااااااام