تدبيل المساعدات

[سفاري 524]

السلام عليكم ورحمة الله وبركاته
صبحتم بالخير
اخواني ابي انشدكم عن تدبيل المساعدات هل ينفع ادبل مساعدات على جيب ربع نيسان 2006
ووش فايداتها واضرارها الله لا يهينكم

[Eng.3beed]

ينفع تدبل ليش لا فايدتها ان السياره تصير اقسى وتتحمل البطناج والمطبات ولاسمح الله لو انفلت مساعد

ولا انفجر عليك يصير فيه الثاني يزبن.... اما مضارها ان السياره تصير مهيب مريحه يصير مطبها بس

قاااسي شوي بس انها زي ماذكرت تتحمل

اخوك عبيد

[عاشق z71]

اخوي ياليت تذكرلي كم حصلت يدبلولك اياها يعني كم تكلفتها بدون مساعدات انا ناوي اركب انشالله

[Eng.3beed]

والله شف الصراحه ماعندي علم عن تكلفتها بس خويي مسويها على باترول 92 قدام طبعا وارتفع وجهه

موتره وطلع راااايق بس شغلته الظاهر بسيطه ماتاخذ وقت بس ان شاء الله اسالك رفيقي ذا واعطيك العلم

[Ibrahim.O]

ميزتها مثل ماقالوا الشباب ان الموتر كامل يكون ماسك وشادّ والوجه مايلعبولازم يكون الشغل مظبووط ولا تنكسر عليك القاعده بعد فترهعندك النويصر في الصناعية شغل مظبوط

[روافد]

في البداية الشغله بسيطه مجرد تركيب كراسي وتركيب مساعد وما تكلف شي كثير

بس بصراحة للونيتات ممكن تدبل بس الجيوب مالها حاجة خاصة ان كثير من استعماله في الديره ويكون قاسي ومتعب
يمكن تركيب ساعد يطون في منطقة قريبة بحيث عند الرغبة في الذهاب للبر يركب المساعد وعند العودة يفك

مع التحية

[خلفهم]

والله أشوف أخوي مدبل معه هايلكس غماره 2007 وماشاء الله .. صار الوجه ما يلعب .. حتى بالنفود الوجه صار قاسي ما يضرب .. وأظن أخوي مزينه عند أبو علي إلي بالصناعيه القديمه ..

[راعي وذف]

الصراحه موضوع من زمان وانا ادورهـ
اناا موجود حاليا بالرياض ومليت وانا ادووج بالصناعيه القديمه ادور محلات التدبيل
وفيه محل يمدحونه انه يدبل الهيلوكس الجديده وخلي الطاره تلف كامله..
وياليت اللي عنده خبرهـ عن الورش هذي يفيدناا

ولعدم دخولي المتواصل للمنتدى هذا رقم جوالي بعد اذن الادارة
056484800

[GMC79]

السلام عليكم ورحمة الله وبركاته
صبحتم بالخير
اخواني ابي انشدكم عن تدبيل المساعدات هل ينفع ادبل مساعدات على جيب ربع نيسان 2006
ووش فايداتها واضرارها الله لا يهينكم

انا انصجك تترك التدبيل اخر الحلول لان فيه سلبيات كثيره

ركب مساعدات بالستاين حقت المرسدس الواحد عن اثنين من غيرها .. تحصلها في محلات قطع غيار المرسدس وانا اجزم باذن الله انها بتكفيك وتمسك الوجه تمام التمام انا مركبها على جمس 2500 واداءها فوق الممتاز

واذا ما ملت عينك وانت راعي مراقا وتطعيس وصدم في النفود دبل عندك ورشة ابن مرضاح وورشة مرات وورشة الخليج

[ابوحمد766]

بالعكس أنصحك أنك تدبل المساعدات لأنك راح ترتاح من المطبات وراح يثبت وجه الموتر
وأنها تتعبك بالديرة فك المساعدات الي انت مدبلها وخلي المساعدات البلد وإذا أحتجتها ركبها
وتكون من تكميل الموتر للكشته ,,
وأنا عن نفسي مدبل لسيارتي الهايلوكس ومررررهـ مريحتني ,
وسعر التدبيل بحدود 500ريال يشمل المساعدات مرسيدس

[فتك2002]

اخوي ترا التدبيل يرجع لنفس استخدامك للموتر وكثر كشتاتك واستخدامه بالديره
انا معي جيب صالون ماعرفت نشاطه بالنفود الا بعد التدبيل ثابت وجهه ولا مثله لكن بالديره اخلي كفرات قدام الهوا عشرين والي ورا اعلا منهن طبعاً التدبيل مساعدات بلاستين عند الصمعاني ببريده بثلاثمائه بدون المساعدات والنت على هذا قس على موترك

[فتك2002]

اخوي ترا التدبيل يرجع لنفس استخدامك للموتر وكثر كشتاتك واستخدامه بالديره
انا معي جيب صالون ماعرفت نشاطه بالنفود الا بعد التدبيل ثابت وجهه ولا مثله لكن بالديره اخلي كفرات قدام الهوا عشرين والي ورا اعلا منهن طبعاً التدبيل مساعدات بلاستين عند الصمعاني ببريده بثلاثمائه بدون المساعدات والنت على هذا قس على موترك

[Denali08]

انا انصجك تترك التدبيل اخر الحلول لان فيه سلبيات كثيره

ركب مساعدات بالستاين حقت المرسدس الواحد عن اثنين من غيرها .. تحصلها في محلات قطع غيار المرسدس وانا اجزم باذن الله انها بتكفيك وتمسك الوجه تمام التمام انا مركبها على جمس 2500 واداءها فوق الممتاز

واذا ما ملت عينك وانت راعي مراقا وتطعيس وصدم في النفود دبل عندك ورشة ابن مرضاح وورشة مرات وورشة الخليج

ياراعي الجمس المساعد يركب على طول محل شد بلد والا لازم ترهيم وقص ولحام؟

[ماء نوفا]

يحتاج ترهيم اكيد ولحام بس شئ بسيط لاكن العيب عند البيع لان مكانه بعد الفك واضح

[برق الشفاء]

البترول مايحتاج تدبيل ركب مساعدات شاص تايوتا 2000 قيمتها 90 ريال تقريباً وراح تدعي لي انا مجربها شخصين صراحه تغنيك بعدين يركب على طوال مايحتاج ترهيم واذا ودك تقويه مره ركب معه ياي استرالي وباتوفيق

[sgl2002]

^^^

انا مركب مساعدات شاص

لكن الوجه لازال غير قاسي مع المطبات ويضيع العزم بالمراقى

والياي الاسترالي الامامي يرفع الموتر من الامام

والباترول يكفيه الارتفاع اللي فيه من الوكاله