أدخل وعطنا رأيك سواليف

[ذيب السرايا]

يا أخون أنا ناوي أشتري جيب ربع وكالة نيسان باترول أو Fg الربع الجديد تكفون ياأهل الخبرة المجربين تكفون لا تبخلوا علينا ملاحظة: وكالة تويوتا جيتهم وسعر الfg ألف120 ونيسان ماأدري عنه لكن عطونا أرائكم وأنا في أنتظار ردودكم @@أخوكم ذيب السرايا

[ذيب السرايا]

شباب عطوني وجهه تكفون

[6670]

مساك الله بالنور والسرور.
أنصحك بجيب الربع تويوتا ألاف جي موضه وتروح.
وذلك لأتي:
1-توفر قطع الغيارخلافا للنيسان.
2-عدم نزول سعره عند البيع كثير.
3- الصيانه أفضل من النيسان.
4-أقوى مكينه وعزم بكثير.
ولست أكلمك من فراغ كان معي ددسن 2004 بخاخ سوبر جل أي.
سياره صبوره ولاشكىء من شيء مفجره تفجير وممتاز.
وأنصحك أبعد عن النيسان بعد الشمس عن القمر.
وهذي تفضل وجهه نظر.
وتقبل مروري.

[الشهابة]

هلا بذيب السرايا ..

اخوي كل نفس و ما تشتهي .. انت وش خاطرك فيه .. تبي ربع نيسان و الا تبي Fj

و كل سيارة لها مميزاتها و لها عذاريبها ..

اذا انت راعي بر و مكاشيت ومايهمك الرزه و الفخامه في السيارة و عندك سيارة ثانيه خذ ربع نيسان ..

و اذا انت راعي تمشيات خفيفه او كشتات شتويه و يهمك شكل الموتر و بتكون سيارتك الوحيده خذ Fj ..

و الله يبارك لك مقدماً .. و يوفقك في اختيارك و يعطيك من خيرها و يكفيك شرها بإذن الله ..

[cute]

الباترول ممتاز بالحيل خصوصا اذا كنت ساكن بمنطقه مابه زحمه نشيط وخفيف
الاف جي افضل من عدة نواحي
قيره تماتيك ماتبلش بالزحمه
مثبت سرعه يريحك بالخطوط
دفلك يفزعلك وقت الزنقات
قزاز كهرب (على فكره ترا الباترول مايصف بجنب الاف جي بالقوه)وشيك على مقاطعه باليوتيوب
طبعا كل ها المميزات ماهي موجوده بالباترول وعلى فكره يذكرونه بمعرض الشفاء الفل كامل ب116 وعندنا بالشرقيه ب118 واللون بيج احلى لون عليه واذا صملت نحاولك براعي المعرض ينزل شوي من قيمته
وفي الاخير واهم حاجه لاتزين شي قبل ماتستخير

[عاشق دلة]

عليك بوحش تويوتا الاف جي قوة وهيبة وعليك بالفضي او البيج وترا النيسان هذا شكلة من احد عشر سنة ومليناه ونفس المكينة لو عليه مكينة فتك يمكن تحتار!!!!!!!

[عاشق النفود 111]

الاف جيه مع خويي يمدحه ولا افيدك فيه لأنه سياره جديده بالسوق السعودي

أما الباترول غني عن التعريف وسياره بسيطه خاصه السياحي (السلق)

أذكر سعره قبل شهرين مديل 2008 ربع ب 90000 عند وكلاء نيسان في معارض النسيم السلطان - والثني نسيته لكن تفر فره تشوف لوحاتهم وكلاء نيسان أو أسأل..

أوصيك أخوي بالاستخاره قبل كل شيء وبالتوفيق

هنا موضوع أشبه بموضوعك قد تستفيد منه

http://www.mekshat.com/vb/showthread.php?t=134300

[خشيمان]

وانا اخوك اذا كان عندك 120 الف خذ سفاري 2 وشوله تاخذ سلق ؟؟

[خشيمان]

عفوا اقصد سفاري 1

[P A T R I O T]

:good:
مساك الله بالنور والسرور.
أنصحك بجيب الربع تويوتا ألاف جي موضه وتروح.
وذلك لأتي:
1-توفر قطع الغيارخلافا للنيسان.
2-عدم نزول سعره عند البيع كثير.
3- الصيانه أفضل من النيسان.
4-أقوى مكينه وعزم بكثير.
ولست أكلمك من فراغ كان معي ددسن 2004 بخاخ سوبر جل أي.
سياره صبوره ولاشكىء من شيء مفجره تفجير وممتاز.
وأنصحك أبعد عن النيسان بعد الشمس عن القمر.
وهذي تفضل وجهه نظر.
وتقبل مروري.

كلامك صح

[icebird101]

مساك الله بالنور والسرور.
أنصحك بجيب الربع تويوتا ألاف جي موضه وتروح.
وذلك لأتي:
1-توفر قطع الغيارخلافا للنيسان.
2-عدم نزول سعره عند البيع كثير.
3- الصيانه أفضل من النيسان.
4-أقوى مكينه وعزم بكثير.
ولست أكلمك من فراغ كان معي ددسن 2004 بخاخ سوبر جل أي.
سياره صبوره ولاشكىء من شيء مفجره تفجير وممتاز.
وأنصحك أبعد عن النيسان بعد الشمس عن القمر.
وهذي تفضل وجهه نظر.
وتقبل مروري.


اخوي ما قصر وانا معاه بكل الي كاتبه

واحب اضيف انه يكفي المميزات الي بالاف جي

بالنسبه للبر:

عندك دف لوك
آي تراك
الكراسي مضاده للماء يعني خلي الشباب يكتون الشاي ولا تزعل
والارضيه ضد الماء
عزم المكينه ما عليه كلام
وابشرك موديل 2009 بيكون فيه من الوكاله زر فصل التراكشن

بالنسبه للخطوط:

مثبت سرعه
صرفيه ولاااا شي انت تكون ماشي 180 والآر بي ام على ال 3 :D
ثابت على الخطوط عكس النيسان
وعلى فكره ادخل موقع التويوتا واقرا فيه سستم جديد مانع الانقلاب مادري شسمه بالانجليزي

وعندك وعندك وعندك مليون شغله تخلي الاف جي احسن من النيسان بس ما عندي وقت افصل لاني بالدوام وخليني اسكر النت احسن ما يكبس عليي المدير واروح تفنيش هههه

توكل على الله وخذلك اف جي

[ساري 111]

بأختصار الأف جي افضل بمراحل من ربع النيسان

الحقيقه عيب النيسان مكينة 12 بلف شرب بنزين وعزم خرااااط

[باوزير]

اذا عندك 120 الف أشتري سفاري أحسن من Fj و الربع