سؤال بالنسبة لتعشيق الدبل بالجيب

[ابوعاشق فهد]

السلام عليكم ورحمة الله وبركاته

عندي سؤال بالنسبة لتعشيق الدبل بالجيب التايوتا الاند كروزر

_ عندما اريد ان اعشق الدبل هل لازم ان اتوقف بالسيارة ثم اعشق القيرعلى الخفيف او الثقيل؟

_يعني لو صادفت غرازة وانا ماشي او على مرتفعات الجنوب بالسيارة هل يضرها ان اعشق القير وانا ماشي؟

_ وما هي الاضرار الممكنه او الاعطال التي يسببها تعشيق القير والسيارة ماشية؟

_ واذا كانت في تمشية برية يعني لمدة ساعة او حولها وانا معشق الدبل الخفيف هل فيه ضرر؟

_ واخيرا ماهي الطريقة السليمة لعملية التعشيق الدبل ؟

[sameer_1798]

1- بالنسبة للخفيف عشقه و انت ماشي لكن الثقيل لازم توقف السيارة
2- في الخفيف مايضرك شي .
3- نفس الجواب .
4- مايضر لو تمشي 24 ساعة لكن لتريح السيارة لابد من تنسيم الكفرات في النفود .
5- على حسب نوع موترك إذا كانت رموز الدبل :( H2-h4-n-l4 ) في الخفيف H4 أسحب القير جهتك بدون كلتش , وان بغيت الثقيل لازم توقف السيارة ثم ترفع عصا القير وتسحبه على N ثم على L4 مع تعشيف الكلتش .

[ابوعاشق فهد]

يعني ياخوي الخفيف مايضره لو اخليه شابك وغير مقيد بسرعة معينه ما اتجوزها

وجزاك الله خير على مشاركتك

[ابو هشام]

الخفيف ما يضر

الصوت له دلائل كثيره جدا. والسياره تتكلم.

أعتمد على صوت الدبل وصوت المكينه لمعرفة إذا السياره مرتاحه والدبل مرتاح أم لا

[ابوعاشق فهد]

انا لاحظت ان السيارات الجديدة من 2007 وفوق يجي الدبل شابك علىطول

[gmc1]

السيارات الجديدة تقريبا كلها جات دفع رباعي مستمر يعن اذا وقفت الموتر يصير معشق الدبل من نفسة واذا وصلت سرعة معينة يفصل هو من حالة

[فيتامين]

أبي أقول لك شي لازم تعرفه
وهو إذا بغيت تشغل الدبل الخفيف وإنت تمشي لازم ترفع رجلك عن دواسة البانزين وتعشق الدبل وبعدين ترجع رجلك لدواسة البانزين على أي سرعة مايهم

[monsixnet]

-

حاول انك ماتمشى على الدبل واجد انك خفيف او ثقيل

[خالدعبدالعزيز]

ماعندك اي مشكله بالنسبة للبريه اهم شي نسم الكفرات
علشان يرتاح الموتر
اما بالنسبة لتعشيق مستحيل يقبل التعشيق الدبل وانت على سرعه ولكن الغالب انه يقبل من سرعة خمسين وتحت اما الثقيل مايقبل نهائيا الا بعد وقوف السياره

[فارس مكشات]

هلا وغلا
يا اخوي الخفيف ما يضره لو كنت تمشي 180 مهما كانت سرعتك عشق وتوكل
انا كان معي حوض وكنت استعمله بالطرد او اللفات او السرعات العاليه بالبر او بالديره اسحب القير سنايدي
اما تعشيق الدبل الثقيل فيلزمك الوقوف .