يا أهل الباترول أسعفوني عندي حراره غريب أمرها !!!

[باترول للأبد]

السلام عليكم ورحمة الله وبركاته

الله يصبحكم & يمسيكم بالنور والرضا والسرور أخواني أعضاء ومشرفين مكشات الغالين

عندي مشكلي بموتري باترول فتك 2003 حرارته دايم ترتفع فوق شرطة الربع بأشوي

ولا أرتفعت الحراره الموتر قام يحن ولا يمشي ويصير بعير من ثقله والمرواح ماتسكت

ومرات الحراره ترتفع للنص ولافتحت الأديتر الماي يفوض كـلـه وأرجع أعبيه مره ثانيه

وأنا والله مليت ومفكر أشوف له حل لاكن قلت أشوف أرائكم أول ,, والسموحه منكم

[واحد مغرز]

ما اعتقد انه يوصل الى النص!!

و الربع عادي

مو نفس الامريكي نص!!

بس اللي اعرفه عادي النيسان كله على الربع

[اول الوسم]

والله ياخي اسباب الحرااااااااره كثير الله يعينك ادور الخلل

[محسن اليامي]

وعليكم السلام ورحمة الله وبركاته
باترول للابد ( الغالي ) شيك على المواصير يمكن فيها تهريب أو مسدوده وعندك غطاء الرديتر تراه جدا مهم

وترى طبيعي تشتغل المراوح لأن الموتر احتر

وإن شاءالله سهالات ياباترول

[الوتر الحزين]

السلام عليكم
شيك على الاديتر والبلف وغطاء الاديتر
اكيد واحد منهن هوالسبب

[بدراني نت]

شيك على غطاء الاديتر ممكن يكون يبخر هواء

[خشيمان]

يمكن الرديتر يبيله تسييخ

ولو تدور في المنتدى تبي تلقى مواضيع عن حرارة الباترول ان شاء الله تفيدك

او سو بحث عن : حرارة باترول

والله يعين

[الفذ]

الله يعينك

المهم

أسباب الحرارة كثيرة أهمها

الاديتر ممكن متسدد يبغى تسييخ

وممكن غطا الاديتر

وممكن تماتيك المروحة

وممكن تهريب في الليات أو أحد الرقع أ و المواسير

[ABU BASSAM]

بالنسبه للحراره حول الربع أشوفه عاديه

لاتنســـــــــــــــــــــــــــون أحنـــــــــــــــــــــــا بشهر أغسطــــــــــــــس

وبالنسبه للحنه شوف البـواجــــــي

[yazeed999]

الحق عليه قبل لا يوصل المكينه وهذي صارت مع واحد من الشباب بدايته كذا واهملها وراح راس المكينه

[monsixnet]

_

الله يعينك......

[خالدعبدالعزيز]

شيك اول شي على غطاء الرديتر اذا كانت الجلب يابسه ولا غير موجوده
الشي الثاني تاكد من الرديتر اذا هو مسكر ولا لا
الشي الثالث تاكد من طرمبة المويه اذا هي شغاله ولا لا
والشي الاخير بعد ماتعبيه باليل تاكد منه الصبح اذا فيه تهريب ولا لا
واخيرا مالك تصلح وجه الراس
بعدين سؤال الحراره متى ترتفع مع المكيف ولا بدون ولا مع الوقفه ولا مع الخط ولا السرعه

[3bdul3ziz]

حالتك مثل حالتي

نصيحة قبل ما تخسر نفسك وتغير اشياء ماله داعي

الحل

غير الراديتر كله بواحد جديد اصلي من الوكالة وان شاءالله بتنزل الحراره وترجع طبيعيه تحت الربع

[كاسر11]

بسم الله
حياك الله اخوي باترول شكله والله اعلم راس المكينه وللتأكد اول ماتشغل السياره في الصباح وهي بارده
افتح غطا ء الرديتر واذا كانت السياره تفور الماء تطلعه برى فالسبب والله اعلم انه راس المكينه
وان شاء الله مايكون راس الكينه
طبعا ماينشعر الراس الا اذا كنت ماشي عليها وهي محتره او عبيتها ماء بارد وهي حاره

[ابوحماد]

راجع هذا الرابط

راح تجد الحل المناسب لك

http://www.mekshat.com/vb/showthread.php?t=146840

[ابو كلام]

مسييييييييييييييييييك بالخير حقيقه موترك كأنه وضح لي مشكلته بما انك تقول لارتفعت الحرارة طلع له صوت المراوح وثقل اول شي تسيخ الاديتر وتحط مويه فوكس الاصليه بـــ 35 ريال وتزيدها ما مقطره وغير اتوماتيك المروحه ضروري نفس راعي التسيخ يركب لك اتماتيك المروحه وشف انشاء الله الامور تطلع زينه وعطنى خبر وش يصير معك والشلام ختاااااااااااااااااام:good:

[راعي مطروح]

بدل كلش المروحه الاتوماتيك

[باترول للأبد]

الله يعطيكم العافيه جميعا وتسلمون على مساعدتكم لي


وأن شاء الله الحين بروح أشيك عليه وبشوف وش مشكلته وبقولك لكم

[سوبر VTC]

واحد من الربع ابو عيال و سواقته هاديه معه فتك م2002 ماشي 300000الف ارتفعت الحرارة عنده وصلت الاتش
و هو اصلا مهمل بالنهاية وضب المكينة بسبب الاهمال
طيب وش السبب طار من الاديتر متلطس
لذلك يفترض ان الواحد يسيخ الاديتر و لا يحط ماء عاي لانه املاح و يبدا يبني مثل الجير الى ان يسكر رصات الاديتر
ايضا احيانا تكون ريش او فتحات الاديتر متسكرة من الغبار حيث انه يبني على الريش الى ان تسكر الفتحات
و بعدين افتح غطاء الاديتر و دس بنزين ان راح الماء فطرمبة سليمة
تحياتي

[سفاري 2008]

صيخ الرديتر صارت معنا في باترول 2002 وظبط
الحرارة الزايده تؤثر علي الجير لان زيته يحتر وقد يوئدي الى تلف الجيرالأتماتيك
استمرار الحرارة الزائدة تخرب عليك راس المكينه
اذاضبط بعد التصييخ ركب رديتر جديد افضل وان شاء الله يكون الأمر سهل

[slmuni]

باترول للابد تحياتي وتقديري لك ...

ان شاء الله انحلت مشكلة موترك ....

و لا ازيد على كلام الشباب الا انك تغير دبة البيئة اللي بين القزوز و بين الكنداسة تجي دبة صغيرة بديله لها صناعة اماراتية ....

[باترول للأبد]

الله يعطيكم العافيه جميعا وصراحه أسعدتوني بردودكم ومعاونتكم لي

وان شاء الله بسوي كل شي قلتوه لي ,, وعساني أفتك من هالحراره

[ابوالعز4800]

شف وانا اخوك معي فتك 4800 موديل2008 معلومة قاريها في الكتالوج وشف اذا كانت في كتالوجك ان الحرارة اذا كانت على شرطة الربع والشرط اللي قبل الاتش تكون حرارة الموتر طبيعية وموتري انا اشوفه مرتفع فوق شرطة الربع بشوي بس لاتنسى الجو الحار اللي عندنا والزحمة اللي تزيد الحرارة لكن اذا انت ملاحظة متغيرة عن اول فشيك على النقاط اللي ذكروها الاخوان منها غطا الاديتر ولياته واتوقع انها من الاديتر يكون فيه سدد فسيخ الاديتر عند واحد مضبوط شغله ولا تحط الا المويه حقت الوكاله لانها تحافظ على الليات والاديتر القربة من السدد والتهريبات .
هذا ما لدي تقبل تحياتي اخوك ابو العز...

[ابوالعز4800]

شف وانا اخوك معي فتك 4800 موديل2008 معلومة قاريها في الكتالوج وشف اذا كانت في كتالوجك ان الحرارة اذا كانت على شرطة الربع والشرط اللي قبل الاتش تكون حرارة الموتر طبيعية وموتري انا اشوفه مرتفع فوق شرطة الربع بشوي بس لاتنسى الجو الحار اللي عندنا والزحمة اللي تزيد الحرارة لكن اذا انت ملاحظه متغير عن اول فشيك على النقاط اللي ذكروها الاخوان منها غطا الاديتر ولياته واتوقع انها من الاديتر يكون فيه سدد فسيخ الاديتر عند واحد مضبوط شغله ولا تحط الا المويه حقت الوكاله لانها تحافظ على الليات والاديتر القربة من السدد والتهريبات .
هذا ما لدي تقبل تحياتي اخوك ابو العز...

[ذباح الخرب]

اخي باترول للأبد
انا كانت عندي نفس المشكله
ولكن اكتشفت السبب
السبب كان عندي اهو غطا الراديتر وغطا مطارة الماي كان فيهم تبخير بسيط
بس مسبب حراره.. وشوف اذا كان في تبخير راح تجد انه الماي ينقص بس بعد فتره طويله
بدلهم وشوف اذا ماتغيرت الحراه فالسبب يكون شي اخر
وشيك عل اهواز الماء ترى يكون فيها تهريب بس ساعات يكون بسيط ماتلاحظه
والله يوفقك

[بومحمد 1]

حياك الله وبياك وجميع الأخوة ما قصروا

ولكن ولنستطيع تحديد المشكلة بصورة أدق ، يجب أن نعرف أن هناك نوعين من ارتفاع الحراره

الأول : ارتفاع الحرارة بسبب نقص الماء في الردييتر 0
أسبابها :-
1- يوجد تهريب من نفس الردييتر
2- يوجد تهريب من غطاء الردييتر
3- يوجد ثقب في قربة الردييتر (المطارة)
4- يوجد تهريب من الأهواز ، يا إما يوجد بها تمزق أو أنها غير محكمة الإغلاق
5- يوجد تهريب مع حواف طرمبة الماء
6- يوجد تهريب مع حواف الكوع (البلف)
7- يوجد تهريب مع حواف راس الماكينة
8- يوجد تهريب من هوز الماء اللي طالع من المكينة إلى المكيف
9- يوجد تهريب من الطبات أو الرقع الموجودة في الماكينة
10- يوجد تهريب في داخل الماكينة بسبب وجود شعر في الراس وفي هذه الحاله تجد لون الزيت رمادي في غطاء الماكينة يعني قامت تخلط ماء وزيت

الثاني: ارتفاع الحرارة مع عدم نقص الماء
أسبابها :
1- الردييتر وصخان وفتحاته مسدوده
2- أهواز الماء تنطبق على بعضها البعض وتمنع استكمال دورة الماء
3- طرمبة الماء لا تعمل لأي خلل فني فيها
4- الكوع (البلف) مصدي وبالتالي يقفل ولا يسمح بمرور الماء
5- كلش المروح لا يعمل
6- سير المروح مرتخي
7- يوجد انسداد في مجاري الماء داخل الماكينة
8- يوجد انسداد في المسامات الخارجية لرديتر المكيف أو ردييتر الماء وهذا دائماً ما تحصل مع سيارات القنوص ، حيث انسداد هذه المسامات يمنع مرور الهواء بين جرايد الردييتر وبالتالي لا تحدث عملية التبريد
9- حساس الحرارة لا يعمل وبالتالي يعطي قراءة خاطأه
10- الديلكو غير موزون صح مما يؤدي إلى ارتفاع الحرارة

هذا اللي الله قدرني عليه وإن نسيت حاجه فمنكم العذر

[3bdul3ziz]

حياك الله وبياك وجميع الأخوة ما قصروا

ولكن ولنستطيع تحديد المشكلة بصورة أدق ، يجب أن نعرف أن هناك نوعين من ارتفاع الحراره

الأول : ارتفاع الحرارة بسبب نقص الماء في الردييتر 0
أسبابها :-
1- يوجد تهريب من نفس الردييتر
2- يوجد تهريب من غطاء الردييتر
3- يوجد ثقب في قربة الردييتر (المطارة)
4- يوجد تهريب من الأهواز ، يا إما يوجد بها تمزق أو أنها غير محكمة الإغلاق
5- يوجد تهريب مع حواف طرمبة الماء
6- يوجد تهريب مع حواف الكوع (البلف)
7- يوجد تهريب مع حواف راس الماكينة
8- يوجد تهريب من هوز الماء اللي طالع من المكينة إلى المكيف
9- يوجد تهريب من الطبات أو الرقع الموجودة في الماكينة
10- يوجد تهريب في داخل الماكينة بسبب وجود شعر في الراس وفي هذه الحاله تجد لون الزيت رمادي في غطاء الماكينة يعني قامت تخلط ماء وزيت

الثاني: ارتفاع الحرارة مع عدم نقص الماء
أسبابها :
1- الردييتر وصخان وفتحاته مسدوده
2- أهواز الماء تنطبق على بعضها البعض وتمنع استكمال دورة الماء
3- طرمبة الماء لا تعمل لأي خلل فني فيها
4- الكوع (البلف) مصدي وبالتالي يقفل ولا يسمح بمرور الماء
5- كلش المروح لا يعمل
6- سير المروح مرتخي
7- يوجد انسداد في مجاري الماء داخل الماكينة
8- يوجد انسداد في المسامات الخارجية لرديتر المكيف أو ردييتر الماء وهذا دائماً ما تحصل مع سيارات القنوص ، حيث انسداد هذه المسامات يمنع مرور الهواء بين جرايد الردييتر وبالتالي لا تحدث عملية التبريد
9- حساس الحرارة لا يعمل وبالتالي يعطي قراءة خاطأه
10- الديلكو غير موزون صح مما يؤدي إلى ارتفاع الحرارة

هذا اللي الله قدرني عليه وإن نسيت حاجه فمنكم العذر


ماشاء الله عليك ماخليت شي الله يعطيك ألف عافية

بس انا من تجارب مع مواتر النيسان خاصة الجديدة سبب الحرارة غالبا من الراديتر لانه فتحاته صغيرة وينسد بسرعة

[باترول للأبد]

الله يعطيكم العافيه جميعا وصراحه أسعدتوني بردودكم ومعاونتكم لي وجزاكم الله خير

وأنا حاليا سويت كذا شي من اللي قلتوه وباقي كذا شغله بتأكد منها قريبا

[ابو كلام]

هاااااااااااه وش صااااااااااار معاك يا بترول للابد عطنى العلون عساها خير لا تنسانا اذا صار عرفت وش العله عشان الشباب يستفيدون الله لا يهينك:no2:

[باترول للأبد]

الله يجزاك خير اخوي ابوكلام واللي سويته حاليا صيخت الراديتر وغيرت غطاه وغيرت كوع الحراره

والحمدلله للحين الحراره زينه ونازله تحت الربع وأن شاء الله دووووم تكون كذا

وبيني وبينك أنا مفكر أركب لي راديتر جديد لاكن بعد فتره

وأن شاء الله الجميع يستفيدون