ريحة الكلتش.................

[ابوقاسم]

شباب .............
السلام عليكم ورحمة الله وبركاته.............
قدر على الله وطلعت البر يوم امس الاثنين للكشتة وصادفنا واحد طاب في طين ومتحير في عمره وتدرون لازم توقف عنده وتساعده ...........
كنا سيارتين انا معي باث ..وصاحبي معه لاند ..........
قلنا نجيه ونسحبه تقدم صاحبي واتجه له على ممشى سيارة ثانية في الصبخة ويوم قرب منه حط رجله بزيادة غلى البنزين وتغرز السيارة مكانها.(جيبناك ياعبد المعين تعين اثرك طبيت)...........
رحت انا الحين لخوييي ابي اسعفه واطلع الموتر ..........ركبت القنص حقه في سيارتي وبديت اسحب....اسحب.....اسحب ولا فيه فايدة المهم طلعت ريحة الكلتش من سيارتي ........
وللحين الريحة عالقة وكلما مشيت بالسيارة طلعت الريحة .............
ما ادري شالحل معاها .............
هل معناه ان الكلتش احترق والا كيف ...........
افيدونا وش الحل مع الريحة..........
مع تحياتي للجميع

[الخبير]

السلام عليكم
شكلك مسحت الدسك مسح ، انا صارت معي نفس المشكلة ورحت للورشة قال اشوى إنك جيت يوم وراني الكلتش أثره معد بقا فيه شئ.

وعموماً كثرة الزر على الكلتش في التغاريز تحرقة.

[صالح ناجي]

غير الكلتش والدزق والفحمه حقه

[فـ(الجـوف)ـتى]

Originally posted by صالح ناجي
غير الكلتش والدزق والفحمه حقه

[عاشق الجبال]

الاخ الكريم الغضى ولايهون جميع الاعضاء

انا صار معي ضعف بالعزم وصار احيانا تزيد دورات المحرك والسيارة تقول ترجع
للخلف ويوم عرضتها على الميكانيكي قال غير الكلتش قلت خلاص غيره بشرط تكون
قطع اصلية احضر لي فاتورة القطع وفعلا يوم شفت الفحمة الا واصلة حدود القطع المعدنية
والحمد لله الحين ماشاء الله خف عزم السيارة الى الاحسن
تقبل تحياتي

[عباث]

السلام عليكم ورحمة الله وبركاته
انا اقول اخوي مثل ماقالو الشباب لكن فيه احتمال ثاني ان الكلتش ضعف بس ماانتهى بالحاله هذي
يوزن فقط اي يقصر على الدعسه شوي
وشكرا

[ابوقاسم]

الاخوة الاعزاء .............
الخبير........صالح ناجي..........فـ(الجـوف)ـتى............عاشق الجبال............عباث.......
ما به حل ثاني لازم يتغير يعني لازم يتغير ............
وشوركم وهداية الله .........
الف شكر على الردود ............

[صالح ناجي]

الله يوفقك ، وبعدين اختر الورشة الزينة تراهم يتعلمون الحلاقة في روس اليتامى ولااحد منهم يقول اني الله الله كلن يقولك مايحتاج وبالذات اخواني "( يعني ) قاسم سعيد وناجي حمود وايوب طارش وصالح ناجي . ههههههههههه .
لأني اذكر مرة كنت رايح اغير كلتش للهايلكس حقتي وبعد مارحت من عندهم وانا اشم ريحة الكلتش وارجع لهم لقيتهم مركبينه غلط هذا وانا من الجماعة يعني الكلتش فقد نصف عمرة احذرو الجماعة .:D :D :D :D