حل جذري للذباب

[abos3d]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
يا اخوان وبعد طول انتظار وبحث لقيت حل جذري للذباب و بعده احلم انه يقرب منك
الحل
اثناء دوراني في سوق الخيام في الغرابي قبل فترة لقيت كيس صغير لونه اصفر اذا فتحته يطلع ماده تخلي الذبان ما جي عندك لمسافة 4 متر واذا خلصت سكره لانه مثل الاكياس اليجي لها سير تضغطه ويتسكر وخلاص



اند يور سيفتي ( وسلامتكم )

[فـ(الجـوف)ـتى]

مشكور والله يعطيك العافيه اخوى الغالي

ماقصرت تحاتى لك 0

[رفيع الشان]

يعطيك العافيه ......

بس الكيس هذا فيه ماده بعد فتره يخلص ولا كيف ...

وشكرا

[abos3d]

اخوي فتى الجوف اشكر لك تشريفك للموضوع
اخوي دمعة بعير الله يعافيك نعم الكيس تقدر تستخدمه كذا مره وبعدين يخلص

[الأشهـــــب]

الأخ الفاضل : abos3d

حياك الله أخي الكريم .

أخي بارك الله فيك ياليت تكفى ولاعليك أمر توافينا بمزيد من المعلومات عن هذا الكيس والمادة التي فيه ، وأين يباع وبكم سعره ؟ وإذا فيه صورة بعد يكون أحسن وأحسن .

مع أجمل تحية يالغالي ، وماقصرت .

[كاتم اللهب]

الله يعطيك العافية

لكن الاهم من ذلك هل هي ضارة بالصحة او البيئة

ومدى تأثر الاطفال منها اذا بقيت قريبة من الطفل













تقديري................

[abos3d]

اخواني
الاشهب
كاتم اللهب
اشكرك لكم تشريفكم للموضوع بالنسبة للكيس مادققت فيه لان راعي المحل عرضه علي وانا طالع و الماده الي فيه ما ادري عنها وما ادري هل هي ضاره او لا الله اعلم وسعرها يا الغالي ما ادري عنه لكن تباع في الغرابي سوق الخيام ولو عندي كمره كا صورتها وسلامتكم

[عجاج]

اخوي abos3d :
يعطيك العافية على هالمعلومة أنا أول ماقرأت هذا الموضوع ذهب الى صيدلية بيطرية وفعلا وجدت عنده علبة بلاستيكية وعليها صورة ذباب وسعرها 35 ريال وبداخلها حبيبات توضع في صحن كمية منها وتبعث رائحة الى الذباب تثير فيه الغريزة الجنسية حسب كلام الطبيب البيطري ثم تتجه اليه الذبان وتأكل منه وتموت ويقول هذا الطبيب لزيادة المفعول ضع معها سكر .

[علي الشهري]

مشكور أبوسعد على المعلومة

لكن السؤال: هل هذا الكيس ينفع في البر؟

في غرفة......ممكن
في خيمة .....ممكن
لكن في البر ما ظنيت لكثرة الذباب وانتشاره هنا وهناك

وش رأيكم؟

[abos3d]

اخي التنهات الكيس ينباع في المحلات الخاصة بعدة البر و رعي المحل قالي ان الكيس يعلق على ارتفاع متر - مترين ويصير الذباب ما يعتب عندك سواء في خيمة او في رواق او في البر كذا بس والعهدة عليه


اند يور سيفتي ( وسلامتكم )

[abos3d]

اخي عجاج العذر والسموحة لاني ما رديت عليك فكرة جميلة المادة وشكرا على تنبيهي لها والله يعطيك العافية

[علي الشهري]

أبوسعد
بارك الله فيك
خل عنك راعي المحل
وعطني رأيك أنت

ومشكور على السفتي

[ابن سبلان]

السلام عليكم ورحمة الله وبركاته
يااخوان انا عندي طريقه بدائيه ولاكن عمليه واناجربتها شخصيا والطريقه هي(اولا ماتصلح الا في الخيمه او الغرف تجيب طوفريه اوصحن متوسط ولايكون غميق وتحط فيه شاهي كميه متوسطه وبعدين تجيب سم الجرذي وتضع كميه قليله منه وترفع الاناء عن الاطفال وبعد فتره تشف الذباب يتجمع على الشاهي ومن اول لمسه يموت الذباب )وتقبلو تحياتي وذا كان فيه ملاحظه على الطريقه ارجو الافاده

[abos3d]

والله يا اخوي تنهات انا ما جربتها و ان شاء الله اول ما ارجع الرياض اقولك لاني الحين مسافر و شغال على انترنت الفندق

[abos3d]

اخوي ابن سبلان الماده الي اقول عليها ما تخليه يقرب عندك لكن طريقتك تجذبه لعندك وممكن انك تكون حاط الغداء وتجيك ذبانه ما تغدت وتطب فيه لكن طريقتك تصلح للذبان الي توه متغدي و جاي بيشرب شاهي <<==== مسوي خفيف دم

[ابورشيد]

ممكن توضح لنا بعض النقاط وهي
1-الشاهي هل هو ورق ناشف او شاهي مطبوخ
2-ايش نوع سم الفار مادري قصدك سم الفار والا صمغ الفار

[نبراس]

الصراحة شدني الموضوع لأن الذباب في البر يزعجك ويشدهك.

وحبيت أذكر هالفكرة اللي سمعتها من أحد الاخوان واعجبتني لأن ما فيها خطر ولا ضرر مثل رش المبيدات أو غيرها.

وهي أنك تجيب صمغ الفار وخيوط الخيش (أو غيرها) وتبلل الخيوط بالصمغ وتقوم بمد الخيوط أو تعليقها في الخيمة مثلا. سوف تلاحظ بعد فترة ان الذباب اذا وقع على الخيط لن يستطيع الفرار.

تخلص من الخيوط بعد ذلك بالطريقة التي تراها مناسبة.

وســــــــــــــــــــامحونا ،،،

[عاشق الصفاري]

بارك الله فيك

[abos3d]

الله يعافيكم على الردود والافكار الجميلة والمفيدة ولكم جزيل الشكر

[abos3d]

اخوي ابو رشيد الاخ ابن سبلان قصده الشاهي الي ينشرب المطبوخ ( العادي )

[abos3d]

اخوي نبراس الله يعافيك فكره جميله لكن برضه طريقة تجيب الذباب لك لكن الكيس الي تكلمت عليه ما يخليه يقرب عندك في دائره قطرها حوالي 4 متر ان ما كان اكثر واكرر شكري لك على المقترح الرائع