ابي اركب في سيارتي فيش ميتين وعشرين وش الطريقه

[مسحب الضبان]

ياخوان اللي يعرف محل في الغرابي يرهم فيش في السياره
ميتين وعشرين يدلني عليه جزاكم الله خير

[ابو ناصر 1212]

والله ياخوي
عندك ورشة سوافي بصناعية السلي
يركبون لك محول كهرباء خط 220 ويمددون الأسلاك ويركبون فيشين 220 وسلك ثلاجة
وشغلهم ماشاء الله ابداع

[الملتقط]

فيه محول يباع تلقاه في ساكو سعره من 200إلى 300 تراني مجربه يركب في الولاعة متى مابغيته تفكه ... وبالتوفيق

[خلاوي125]

تحيه طيبه وبعد
أنا ركبت الجهاز في سيارتي صالون gxr 96 وعملت جميع الوصلات والفيش 220مزوج ( فيشين )
ولكن لازم تكون عندك شوية خبرة في الكهرباء وإليك الطريقة :-
1- اسحب سلك موجب من البطارية إلى داخل السيارة عن طريق فتحة عند أقدام السائق
2- احضر الجهاز الخاص برفع الجهد إلى 220 وقص الفيش الخاص به واشبك الطرف الموجب في السلك الموجب والسلك السالب في بودي السيارة
3- ثبت الفيش في المكان الذي تريده واشبكه في مدخل الفيش الخاص بالجهاز

[جمعان 22]

صحيح المسألة سهلة جدا

توصيل واير من البطارية الى جهاز المحول كما قال الاخ خلاوي والشباب الله يجزاهم خير ..وانتهينا :)

( ملاحظة : لتشغيل احمال كبير 300 واط او اكثر ... لا توصل المحول للولاعة ... ولكن وصله للبطارية افضل )