سؤال لاهنتوا عن الدبل الخفيف

[ناصر العدواني]

السلام عليكم ورحمة الله وبركاته
إخواني الأعزاء عندي سؤال بالنسبه للدبل الخفيف
لمن أضغط الزر حق الدبل الخفيف وامشي
لمن ألف يمين أو يسار يطلع لي صوت طقطقه
كأن العكس يبغى يفك
أتمنى منكم تفيدوني عن هذا الصوت والله يحفظكم
ويعطيكم العافيه يا اخوان
السياره فكسار 98 خليجي

[LOKA]

ياليت اقدر وافيدك والله نفس المشكله عندي بس يقولون عادي وانا مثلك محتار

[عساس سهيل]

يا اخ ناصر العدواني حياك الله اخوي و بالنسبة لصوت الطقطقة اللي تقول هذا صوت العكس الامامي تراه مثل عكس الكامري لازم يجي له وقت و يطلب تغيير خصوصا اذا صار فيه شقوق بربلة العكس اللي فيها الشحم فبالتالي يكون فيه احتكاك داخلي بالعكس فاذا طلع صوت طقطقة لا ينفع معه الا استبداله بجديد و كما قلت عكس الفي اكس اار و كل لاندكروزر اللي موديله 98 و فوق طبعا البنزين الصالون يشبه الى حد كبير عكس الكامري او اي دفع امامي على العموم قم بفحص المنطقة الامامية اقصد بطن الموتر و المقدمة ما بين فترة وفترة لكي تتجنب المضاعفات و المشاكل و علشان تلحق على اول الخراب لو حصل فيه خراب خصوصا التهريبات و اسأل مجرب يا اخ ناصر و بخصوص العكس ترا ربلاته اذا صار فيها شقوق و طلع الشحم ما تخرب على طول و لكن اذا بادرة باصلاحها تبي تفك نفسك من استبدال العكس لان الربلة رخيصة جدا مقارنة بقيمة العكس و تراك تقدر تفحص العكس بنفسك قم و طالع ربلة العكس اللي فوق المقص وهي ربلة تحيط بالعكس فاذا و جدت اثر شحم على المقص و المنطقة اللي حول المقص و الرفرف الداخلي و كذلك اذا وجدت شقوق بربلة العكس بشرط ان تقوم بلف الدركسون يمين او يسار فهنا تتبين الشقوق لان الموتر السليم لا يمكن ان تجد على ربلات عكوسة اي اثر للشحوم حتى ولو كان موديلة 98 اما الجيب اللي موديلة 97 و اقل فهذا وضعه غير تماما فلا بد تحصل بعض الزيت و الشحم الخفيف على الركبة ،، اما اذا كان قد تم تغيير الربلة عندك على العكس القديم العطلان فهنا لن تتضح المشكلة الا على اهل الاختصاص ،،، اما صوت الطقطقة اللي يطلع من الدفرنس مثلا بالشاص او بالصالون اللي موديله اقل من 97 هذا غير فاذا كان الصوت خفيف فهو عادي و اذا كان قوي و حاد فلا بد من استشارة متخصص ، و لكن يوجد نقطة مهمة : لماذا ركزت انت على الدبل الخفيف هل يعني ذلك ان الصوت يختفي اذا عشقت الدبل الثقيل انتبة فقد يكون الصوت من الدبل نفسه و لكن لا تخاف انت اعرض الموتر على متخصص مثل ما قلت لك و ريح نفسك فاذا كان الدبل سليم لن يبقى امامك الا العكوس ومثل ما قلت لك باول الرد و ارجو اني افدتك و عذرا على الاطالة و شكرا ..

[جول قميري]

هلا بك اخوي اذا كانت الطقطقة تطلع اذا صرت تمشي بارض صلبه عادي واحيانا مع الوقت ينكس حاول ما تلف وانت معشق الدبل بارض صلبة

وان شاء الله باقي الاعضاء يفيدونك

[ناصر العدواني]

عز الله انكم ماقصرتوا والله لا يهينكم
شاكر لكم ردودكم السريعه
جعلها الله في موازين حسناتكم
من جد انا لي اخوان بالمنتدى
وربي اعزكم بمعزة اخواني
دمتم لنا ذخر

[عاشق السيل]

وعليكم السلام ورحمة الله وبركاته ،،،

كنت ناوي أقول ربع كلام أخوي عساس سهيل ،،، بس ماشاء الله عليه عطاك إياها بالتفصيل الله يبيض وجهه !!

وتقبل مروري يالغالي .....