مشاهدة النسخة كاملة : أبها 2008... صور من رحلتنا
ابو شكاع
15/08/2008, 04:17 AM
اتجهت العائلة الكريمة عائلتنا المكونة من انا وامنا وعيالنا إلى أبها البهية لأننا همانا هكاليوم قعدنا العصر نفكر ونهوجس همن يومننا قضينا مفكرين هوجسنا همن هوجسنا همن فكرنا همن فكرنا وعلى طول هوجسنا همن قلنا وش رايكم نسافر بهالصيف
قلنا مايخالف
همن قلنا وين تبوننا نروح ؟
قلنا نروح لم صلالة أو أبها
قلنا أبها قريبة وصلالة بعيدة اختاروا أيهن ؟
قلنا صلالة زينة
قلنا خلاص اجل نروح لم أبها
تكتنا الأمور من إلى ....راجعنا أمورنا المالية والإجتماعية والنفسية والجغرافية وحددنا يوم الأحد الرابع والعشرين من شهر رجب موعدا للإنطلاق من الرس إلى أبها
طبعا كثير منكم يسأل يقول ليش حددتوا يوم 24 يعني قبل الراتب بيوم ... أجاوبكم وأقول عشان نبين للناس إننا محناب نحتري الراتب ...أصلا مخططين نستلم الراتب من صرافة بيشة
وبسم الله ....
نحن الآن يوم الأحد 24/ 7
قمنا بتجهيز كل مانحتجه قبلها بيوم ...وقمت بتركيب السلة الخلفية المخصصة للعفش كأول مرة أجربها في السفرات ....وعلى قولة الأولين ...ماتقدر بثمن ..منتازتن بالحيل ..مامثله ..بس عيبه إنه تخلي وجه الموتر ينقز ...ويبدون الناس يكسبون لك يحسبونك حاطن النور العالي ...تصدقون حتى بالنهار يكسبون من النجاسة
تم تصفيف العفش بالسلة ...وتم حط الحطب فوق السلة العلوية عشان ماتعزل علينا هي الثانية ...وتم تعبئة الموتر بالبنزين ...وتم تشغيل المكيف والأنوار الداخلية ...توكلنا على الله الساعة العاشرة مساءا من يوم الأحد ...
ومشينا ...بإسم الله ....
حيث أني لحالي مامعي أحد يصور فالصور كانت شوية ...وأيضا التصوير بالأماكن اللي به ناس صعب جودا ...<< هذي خطمة تراه
مسكنا الدرب ومن الرس لدخنة لنفي للبجادية لعفيف لظلم للمويه ...ومن المويه توضيت لصلاة الفجر حيث أن الساعة تشير إلى قبل الفجر ...ومسكنا مفرق الخرمة على الساعة 3 ونصف فجرا ....وصلينا الفجر دون رنية إذا منب واهم << ياكثر ماتنسى
وبان علينا السفر دون بيشة وبعد بيشة صدر من الموتر صوت عجيب ...تجيكم سالفة الصوت عقبين
وصلنا السودة الساعة العاشرة صباحا بعد أن أخذ منا التعب مأخذه ..وإستاجرنا شقة لكم عليه بس وش تسوي ارهق ارهاق بالعالم ....الشقة غرفتين ...مطبخ مفتوح على الصالة ...وأجلكم الله دورتين مياه ...بـ 350 ريال ... وحقها الصراحة 200 ريال
يوم اتصلت قال لي المصري بـ 350 قلت له انا نشدت الاسقبال قال بـ 300 قال والله جتنا أسعار جديدة الحين << الله اكبر
المهم استاجرناه .....
المهم بدون ما اطول عليكم ....سأتحدث لكم عن أبها بحديث موجز
أبها هذا العام سبحان الله يكتسيها الغبار
وقليلة الأمطار
وفيها زحمة سيارات
وزيادة في أسعار الشقق المفروشة
وهالحين مع الصور
في الطريق ...وتخبرون الإرهاق ... كان لابد من شرب شي من الكبشتينو
http://www.alrassxp.com/uploaded2/820/01218490281.jpg
.
.
لقطة للطريق قبل أن يبدأ الموتر بالطقطقة والأصوات المزعجة والحمد لله إنه ما تعطل بنا بالطريق
http://www.alrassxp.com/uploaded2/820/11218490281.jpg
.
.
http://www.alrassxp.com/uploaded2/820/21218490281.jpg
.
.
مطار بيشة
http://www.alrassxp.com/uploaded2/820/31218490281.jpg
.
.
هذا هو مجمع الشقق في السودة ...وفيه وحدات سكنية تتكون من أكثر من دور وفيه شقق واسمه شفتو للشقق المفروشة شرق طريق السودة ..بالنسبة لي ما أعجبتن كثير بس وش تسوي
http://www.alrassxp.com/uploaded2/820/01218490785.jpg
.
.
من مقر الإقامة صور للكشاتة في السودة
http://www.alrassxp.com/uploaded2/820/11218490785.jpg
.
.
هنا في هالمكان كان يجتمع بعض سكان المجمع ليلا بعد ما يمشون عيالهم بالنهار يتجمعون ويشبون ويتقهوون ...وكانوا الصراحة نعم الجيرة ...منهم من هم في السعودية ومنهم من هم في الكويت لكن من أصول سعودية ...وفيهم بعضهم أقارب ...تكيت معهم ليلة وحدة بس ...وبعدها ماكنت أجي إلا متأخر ..هذا غير الحيا اللي ذابحن الله مير يخلين
http://www.alrassxp.com/uploaded2/820/21218490785.jpg
.
.
وهذي صورة لفيلا كانت قريبة من مجمعنا ...
.http://www.alrassxp.com/uploaded2/820/01218491599.jpg
.
وهالحين نوريكم صورن متفرقتن تن تن تن
أول ليلة وبعد ماتريحنا من الطريق بسراير الله لايوريكم ...لعبت بظهري لعب ... نعنبوا ابليسهم حاطين لنا بلكاش ..؟؟
والله اني تذكرت الصلال صرت أمشي مثل مشيتة
المهم يوم ريحنا قلنا لبعضنا وش رايكم نروح نتعشى ؟ يالله قوه طيب وين ؟
وين وين ؟
وش رايكم نروح نتعشى بالأمتركمتنمتال ؟ لأنه قريب .... مهيب شينة ... قدام ...ومير نروح لمه ...وعاد البق الموتر واثق ..وننزل لمه قلت لهم ولا واحد يهرج تتفشلوننا ماتعرفون تهرجون انجليزي ...وانا ادور المسؤول حق المطعم .. واروح لمه .. قلت له سديق هزا بوفيه مفتوه فيه ؟
قال فيه
وأنا اللي ألتفت على العائلة قلت لهم والله لو اني منب معكم ما أدري وش لون تمشون أموركم ...
همن التفت مرة ثانية على النادل << متعوبن عليه ... قلت له كم هزا نفر بوفيه ؟
قال 85 ريال ...قلت مهوب ركيس " رخيص" بس مايكالف جوآنين السراهة " << صرت تهارج تكرونية عند الحرم منتب بمطعم الأنتركونتانينتال
ومير حنا اللي نبدأ نجلب من هالصحون ونتعشى
http://www.alrassxp.com/uploaded2/820/01218491927.jpg
أنا إن بتلت أهمق مهوب قاضي هالتقرير إلا عقب ثمان سنين وشهر وتسع ايام
وش رايكم نختصر ؟
أحسن
يالله نبي تختصر
اليوم التالي طلعنا في السودة خلف البوفيه المقتوح في مكان حلو وسوينا غدانا في منطقة ليل يجونها الناس ولاهيب واضحة ...عيبها تنزل تمشي درج ينقطع نفسك بالطلوع
صيني خضار على الفحم
http://www.alrassxp.com/uploaded2/820/01218492711.jpg
.
.
انتظرونا وفالكم الفوز برحلة إلى اولومبياد بكين ... يعني لا ترد الله يسلمك اصبر
ابو شكاع
15/08/2008, 04:20 AM
عبدالرحمن الله يخليه لي قولوا آمين
http://www.alrassxp.com/uploaded2/820/11218492711.jpg
.
.
يمارس هوايته باللعب بالتراب
http://www.alrassxp.com/uploaded2/820/21218492711.jpg
.
.
اقلطوا الله محييكم
http://www.alrassxp.com/uploaded2/820/31218492711.jpg
.
.
الصراحة ياجماعة لايغركم المنظر ... سبحان الله الخضار ما استوت مدري وراه ....
على اللي شفنا .. يبي له تحط على قزوز صاروخ ديسكافري على الأقل نصف ساعة همن تستوي
.
.
.
وبعد أربع ليالي من المبيت في السودة قررنا النزوح إلى أبها والأسباب عديدة
أولا من باب التغيير
ثانيا من باب ان الواحد مايحس بالملل << طيب هو نفس السبب اللي فوق
>> لا يختلف ياخوي فيه فرق بين التغيير والملل
ثالثا عشان اقدر اودي موتري لورشة وأكون قريب منه .... على طاري الورشة خلوا اجيب لكم صورة المشكلة اللي صارت بموتري
طيب قبل الصورة ماتبون اقول لكم وش حصل بالضبط ؟
ابقول لكم .... صار لما اشغل الموتر وهو بارد على مكان غير مستوي << كل شي بأبها غير مستوي لا الخضار بالصياني ولا المواقف ..المهم ...يطلع صوت قوي بالمكينة وتولع هاللمبة
وهذي صورة ...بانورما للمشكلة
http://www.alrassxp.com/uploaded2/820/01218493195.jpg
الرسالة به كلمة تشيك ....و معناه يعني انت وش اللي مقعدك بأبها عقب ماعورك ظهرك رح عالج بالتشيك ... شكله تسذا ياجماعة إذا فيه أحد يفهم يعلمنا
.
.
لا عاد الصحيحي ... تقول افحص ضغط زيت محرك المكينة .... همن لما ادعس للموتر يختفي الصوت ...
مالكم بالطويلة ... بعد مانزلنا أبها
أو تدرون
خلوا نزلونا لأبها تكون برد لحاله ....ومنها نعلمكم وش صار على الموتر ونوريكم مزيد من الصور
.
.
قمت قبل يوم بحجز شقة في أبها على الطريق الدائري قريبة من أسواق الغنيم
وفي الطريق للنزول من السودة إلى أبها ... ستجد الزحام المعتاد خصوصا قرب غروب الشمس...
صورة بالمرآة حقت الموتر <<< أجل بمراية البنشر
http://www.alrassxp.com/uploaded2/820/01218497963.jpg
.
.
زحمة يادنيا زحمة ...وعموما هذي الزحمة صراحة لاتستمر طويلا .. بس شوي وقت وتمشي الأمور تمام يعني مهيب من الأمور إللي تنغص على السايح .. إلا تسان السايح الشبوبة
http://www.alrassxp.com/uploaded2/820/11218497963.jpg
.
.
هذه الزحمة ترتبط بالطريق الدائري في أبها كلها ...
http://www.alrassxp.com/uploaded2/820/21218497963.jpg
.
.
يومك سعيد للشقق المفروشة ... هي اللي سكنا فيها ...
غرفتين مجلس مطبخ دورتين مياه أجلكم الله ... بـ 500 ريال يوميا ... الصراحة غالية ... لكن في أبها عموما والسودة والطائف بعد ... اسعار السكن في العلالي ...والأسعار ترتفع كل يومين ثلاثة
غرفة
http://www.alrassxp.com/uploaded2/820/41218497963.jpg
.
.
المطبخ ...ومجهز بمايكوريف <<< مهوب ظاهر بالصورة بس على اليمين تراه قسم بالله
http://www.alrassxp.com/uploaded2/820/51218497963.jpg
.
.
المدخل ...وعلى يسارك الملجلس وعلى يمينك دورة مياه الله يكرمكم
http://www.alrassxp.com/uploaded2/820/61218497963.jpg
.
.
انتظروا الله يوفقكم حتى يكتمل التقرير
ابو شكاع
15/08/2008, 04:22 AM
.
.
غرفة بسريرين
http://www.alrassxp.com/uploaded2/820/71218497963.jpg
.
.
الملجس ...وعلى فكرة ..ماعندهم إلا فقط قنوات المجد .. يعني اللي راعي مهند ولميس ومدري وشو ...ماتصلح له
http://www.alrassxp.com/uploaded2/820/81218497963.jpg
.
.
امامك دورة مياه أكرمك الله وفيه غسالة وعلى يسارك الغرفتين
http://www.alrassxp.com/uploaded2/820/91218497963.jpg
.
.
في الطريق إلى مهرجان ابها السياحي القريب من المطار ...رسوم دخول السيارة 10 ريال
والصراحة إنه من أفضل الفعاليات ...لأن فيه محلات للتسوق ...وفيه بالوسط جلسات عوائل ...ومطاعم يمينك ويسارك مشهورات وغير مشهورات ..وفيه فعاليات للأطفال من مسرحيات وعروض وغيره
درجة الحرارة في أبها بعد المغرب
http://www.alrassxp.com/uploaded2/820/11218498871.jpg
.
.
مدخل مهرجان صيف أبها
http://www.alrassxp.com/uploaded2/820/01218498871.jpg
.
.
بعد النقطة الموجودة في الصورة الأعلى ماتقدر تصور لأن المكان مزحوووم ناس ..تخيل تصور ويجي واحد يدخل الحامل بمناخيرك .. وش موقفك هالحزة ..مالك ومال المشاكل
لكن لقينا مكان يصور الأولاد باللبس الجنوبي التقليدي ...فقلت له ابروح اجيب كاميرتي من السيارة...ورحت وجبته وصورت الشباب باللبس الجنوبي
ياسر ...
http://www.alrassxp.com/uploaded2/820/01218499976.jpg
.
.
صالح
http://www.alrassxp.com/uploaded2/820/11218499976.jpg
.
.
في أبها العديد من الحدائق الجميلة ...ولكن يعيبها أن الناس عندهم قلة وعي بأهمية نظافتها
تمر وماتشوف إلا الزبايل اكرمكم الله بشكل عجيب ...
هالصورة أخذتها خلسة لأنه ممكن أتمشكل مع الناس
http://www.alrassxp.com/uploaded2/820/31218498871.jpg
.
.
هالصورة فيها شي غلط
http://www.alrassxp.com/uploaded2/820/01218499459.jpg
.
.
في حي النميص وهو الحي القريب من طريق خميس مشيط وعلى الدائري ...وقفنا عند هذا المطعم ...نبي ندخل نتعشى ... ياولد معين يندخل ...يمين ..يسار ...ما له بيبان ... وش لون الناس تدخله ؟
قط بإنزال مظلي أو وش لون ؟
بالأخير لقينا عامل ... قال هالمطعم يبي يفتح يوم السبت ...
مطعم السنارة
http://www.alrassxp.com/uploaded2/820/01218500202.jpg
ابو شكاع
15/08/2008, 04:25 AM
.
كان بيني وبين أبو صالح وهو أخ عزيز وقريب اتصالات ..وعزمنا قال وش رايكم باتسر نتغـ أنا على طول قلت تم يابوصالح
طيب لو هو مثلا يبي يقول نتغبى عن العيال وأنا طبيت على طول ؟
المهم تواعدنا في دلغان ...وكان الجول طيب بالحيل ...وأصوات الرعد حولنا بس محلنا ما أرد الله إنه يمطر ... وطبعا الجلسة ماتحلى إلا بوجود أبومحمد كان ملح الجلسة الله يطول بعمره على طاعته
محاولات لإقلاع الطائرة الشراعية
http://www.alrassxp.com/uploaded2/820/01218502183.jpg
.
.
أبوصالح في هذه الأثناء كان يحكر الكبيسة اللي تخلي الواحد يديور وهو في حرف T
http://www.alrassxp.com/uploaded2/820/11218502183.jpg
.
.
لعب وفرفشة
http://www.alrassxp.com/uploaded2/820/21218502183.jpg
.
.
http://www.alrassxp.com/uploaded2/820/31218502183.jpg
.
.
http://www.alrassxp.com/uploaded2/820/21218498871.jpg
.
.
http://www.alrassxp.com/uploaded2/820/51218502183.jpg
.
.
أحد الأيام جزمنا على الخروج إلى الحبلة ...والحبلة معروفة عند الجميع ...وهي تبعد عن أبها 45 تقريبا ...ويقال أن هناك طريق مختصر لها ... طيب تقولون معين أنا أقول لكم
لما تاخذ غريضات الطلعة من الغنيم مول ..وتطلع قدام متجه لم دلغان ...وبعد ماتمشي مسافة .. تجيك نقطة التفتيش ...وتراه نقطة مهيب واجد ...وبعدها تمشي لك شوي تلاقي اللي سافطين جنب الخط يبيعون فواكه وتلاقي العالم مهدين عندهم ..ويشترون منهم ويكون االخط عندهم مزحوم لوجود مطبات أيضا .... بعدهم على طول الخط تلاقي مفرق يمينك ..هالمفرق يروم لم وين ؟ لم آل يزيد ...امسك هالخط الله يسلمك وتبي تمر على دلغان ويبي يكون علي يسارك ...همن بعده بشوي انتبه يجيك مفرق الحبلة يسار ...عاد الدرب للحبلة فيه لوحات بس أنتبه بعضهن مهيب واضحات ...طيب ممكن أحد يقول لي والطريق الغير مختصر وينه ؟
أقول له ياطويل العمر إذا جيت عند المطبات وراعين الفواكه لاتلف يمين اطلع سيدا ...تمشي لك مسافة لمين تجيك إشارة في تقطاع ... تطلع يمين لحد مايجي على يسارك دلغان وبعده مثلث رح يسار
<< طيب أنت بالخط الأول تقول يجيك دلغان على يسارك ومع هالخط بعد دلغان يصير على يسارك
>> إيه ...هذا صحيح بس يكون اتجاهك متغير ...مع طريق آل يزيد الي مختصر تكون متجه شرق تقريبا أما الطريق اللي فيه إشارة تكون متجه جنوب تقريبا ... بعدين ياخي لاتدقق واجد
طيب ... احد ممكن يكون كم يختصر الطريق ... يقول لي أحد الزملاء إنه يختصر نصف المسافة" 20 كم" ... والصراحة أعتقد أنه فيها مبالغة ... تقريبا يختصر 31% من المسافة << يادقيق أنت
الحبلة جميلة بأرضها المنبسطة والمناسبة للتخييم والتكيات ...وهي تقريبا المكان اللي يجتمع فيه الشباب ويكشت فيه العوائل نهارا
وفي الطريق إلى الحبلة ...وبعد ماتتعدى الواديين ... يجي طلعة تتجه يسارا مع الطلوع .. تبي تشوف الناس واقفين ..تقول وش يسوون ذولا قط كلهم مبنشرين ؟
طبعا لا ...لأن هالمنطقة منطقة فرجة على القردة ...حلولات من رض ذيل هالقرد
http://www.alrassxp.com/uploaded2/820/01218662642.jpg
.
.
وصورة أخرى
http://www.alrassxp.com/uploaded2/820/11218662642.jpg
.
.
لما توصل الحبلة تبي تشوف العالم يمين ويسار كاشتين ..وفيه أسواق ومحلات صغيرة ومطعم قريب من الحبلة وهي قرية صغيرة نسيت إسمه
المهم عاد تجي للخيام حقات العزابية وتشوف هالشباب متكين العصرية قدام خيامهم اللي الوحدة منهن كلنه كلوش عجوز محيوسات ولاهيب مشدودات تمام وحالتهن حالة والشباب شكلهم أهم شي بس ينامون كله واحد ..وبعدين تشوف سياراتهم وحركات التحصيص << هي يقال له التحصيص أو وشي
>> بالله وش لون صارت التحصيص ؟
<< من الحصا هماهم يحطون السيارات تحت الحصا ؟
أنت صيدك التحجير لأنهم يرفعون السيارات على الحجارة مهوب يحطونهن تحت الحصا يالذهين
>> إبه صح ... بس مدري عاد هي يقال له التحجير أو لا ...المهم
من حركات الشباب بالسيارات
http://www.alrassxp.com/uploaded2/820/01218663086.jpg
.
.
ابو شكاع
15/08/2008, 04:26 AM
من يعرف منكم موشي ديان ... اللي كان وزير الدفاع بالكيان الصهيوني جعله بجهنم ...ابوريكم صورته
http://www.islamweb.net/ShowPic.php?id=14009
.
.
هذا اللي يسلمكم لقيت كامري في الحبلة أشك أنها كانت معه أيام الشبابية
.
.
.
.
.
.
.
.
.
.
.
.
.
.
وهذي صورة الكامري
http://www.alrassxp.com/uploaded2/820/11218663086.jpg
.
.
.
نكمل معكم
شوفوا هالفورد وش لون مسوي ...حتى الكبوت ماسلم
http://www.alrassxp.com/uploaded2/820/21218663086.jpg
.
.
وهذي اللوحة معروضة للبيع لأنها مميزة ... يجي معها بير
http://www.alrassxp.com/uploaded2/820/31218663086.jpg
.
.
المهم يومننا تكينا بهكالمحل المنتاز ...اللي ماودك تقعد به ابد << قصدك ماودك تخليه أبد >> إيه صح هذا صيدي
وأنا اللي أجيب لكم هالصور من المحل
أولا كاميرتي على الحامل
http://www.alrassxp.com/uploaded2/820/01218664451.jpg
طبعا قبل مكان جلوسنا هذا بمسافة تقريبا 500 متر فيه لوحة هالكبر << مادن يديه يعلمكم وش كبر اللوحة .. تقول ممنوع التخييم
بس بعض الناس يحسبون أنفسهم فوق النظام
شوفوا هذولا جايبين البيت المسودس وطاقينه في مكان ممنوع ومعهم باقي الخيام وراعين طويلة... ...طبت عليهم الدورية
http://www.alrassxp.com/uploaded2/820/21218664451.jpg
ووصار فيه مفاوضات ...يمين يسار لمين خلوهم يفكون البيت ويحملونه على التريلة
http://www.alrassxp.com/uploaded2/820/11218664451.jpg
.
.
بالمناسبة التواجد الأمني طيب الله يبارك فيهم
وهنا بعض الشباب يعبرون عن حبهم للوطن << قل إيه بس ...
بعضهم يمسكون لك هالخط وطالعين مع فتحة السيارة ومغير هبال وصراخ من الظهر لمين المغرب ..أنا ما أدري للحين وش الفايدة
http://www.alrassxp.com/uploaded2/820/51218664451.jpg
.
.
بغغغغغغغغغغغغغغغغغ <<< صوت المعجون يومنهم وطوه
http://www.alrassxp.com/uploaded2/820/31218664451.jpg
.
.
وماتحلى التكية إلا بشبة النار ... وعلى فكرة هناك إذا حصل لك خذ الفحم ... مرة أخذت من حطبهم مدري وش لون هوقايل تحس إنه بلاستيك مستحيل يشتب ..عاد أنا آخذن معي غمرن طيب
http://www.alrassxp.com/uploaded2/820/41218664451.jpg
باتسر بإذت الله نكمل باقي التقرير
وأنتظروا مقطع فديو لحشرة تسوي شي عجيب
VXR.2007
15/08/2008, 04:53 AM
الحمدلله على السلامه
تسلم يمناك على الطرح الرائع وبيض الله وجهك ولاهنت على الصور الجميله وتقبل أحترامي
اخوك
VXR.2007
الصل الأسود
15/08/2008, 05:18 AM
الحمد لله على السلامة
الله يوسع صدرك بالعافية يا أبو شكاع
تقرير متكامل وصور رائعة وأسلوب طريف وراااااااايق
فسر على ما أنت عليه
وننتظر البقية على أحر من الجمر ، لا تطول علينا تكفى
تقرير رائع .. ممزوج بالفكاهه
بأنتظار القادم
شكراً
khalid 6
15/08/2008, 09:14 AM
الحمدلله ع السلامة
تقرير رااااائع وتعليقات مميزة
يعطيك العافية وبارك الله فيك
عود رمث
15/08/2008, 10:54 AM
الحمد لله على السلامة ..... من طول الغيبات جاب الغنايم
ورحلة موفقة إن شاء الله .....
الله يخليلك عييلك وأمهم الله يصلحهم
دغيم1
15/08/2008, 12:51 PM
السلام عليكم ورحمة الله وبركاته
يعطيك العافية أخي الكريم
ابو شكاع
رحلة ممتعة
فالحمد لله على السلامه
أسلوب جميل وسهل محفوف بالفكاهة والطرافة
والشمول والتنوع
وأكمل ذلك صور ترجمت معاني الرحلة بروعة ودقة
سلمت يمينك
تقبل تحياتي
شاهد333
15/08/2008, 01:45 PM
الحمد لله على السلامة
الله يوسع صدرك بالعافية يا أبو شكاع
تقرير متكامل وصور رائعة وأسلوب طريف
ابو شكاع
15/08/2008, 03:30 PM
شكر وتقدير لكم وشكر وتقدير لأخي المشرف دغيم لتثبيته الموضوع ..
نكمل معكم الصور ولي عودة للجميع
.
.
.
نكمل الرحلة
في الحبلة ... صفط جنبنا راعي موتر ...ونزلوا معه أولاده ...وراحوا البزورة حقوني لم اولادهم يلعبون معهم
وانا اللي ازأر زئير الزرافة وأناديهم ... قلت لهم وين رايحين هي علي كيفكم ..؟؟
هماي متفق معكم ماتكلمون أحد ولاتروحون لم أحد بأبها ولاتشوفون أحد << الله لايسلط علينا
قالوا وش فيها طيب نبي نلعب معهم
قلت منهم ذولا وش يقال لهم
قالوا من عائلة ............
عاد هذي عائلة معروفة بالرياض وتجار ...وأنا اللي ألتفت على أم شكاع.. قلت له وأنتي الله يهديتس خليهم يتعرفون على الصغار مافيها شي ولاهيب عيب ولاشق جيب ...ولاراح يجيهم بالعكس إلا سعة صدر
وهذي صورة الشباب يومنهم لعبوا معهم كورة همن تكوا
http://www.alrassxp.com/uploaded2/820/01218665786.jpg
بس خلوا عنكم إني حقدت على ولدهم الصغير ...ياسر الله يصلح أمره مهكاكة ...قال له ولدهم الكبير رح اصفق اخوي كف ..ماصدق خبر ... راح وعطاه طراق ...أثر الولد الصغير شيطاني ..وشوف عيوني يومنه تماسك هو ياسر ..ومير يطرح ياسر ...ويجلس على راس ياسر وياسر ياحول وجهه انرعص بالتراب ..ومير هو اللي يصيح ويومنه قام عنه الولد صار كأنه طالعن من قبر اشهب الهب ..وخذ ياصياح ... قلت له الله يهديك وأنت وشو له تعطي ولدهم كف ..ماتدري إنهم أغنياء ؟
عاد أمهم ماقصرت فتحت باب السيارة ونادت ياسر قالت له تعال خذ بسكوت ... بس ياسر كان جاي لمنا وشكله ماسمعه ...بعذره أذنه مليانتن تراب ولايسمع زين
.
.
.
.
ومير إنه يجهز غدانا في جو كان رائع جدا جدا جدا جدا مانقصه إلا المطر ...غيوم والشمس ماشفناها
http://www.alrassxp.com/uploaded2/820/11218665786.jpg
.
.
.
عاد بعدها رحت أبي الله يعزكم دورة مياه ...والاقي اللي قد كتب عنها هنا بأن الحمام بـ 5 ريال والتروش بـ 10 ريال
عاد المشكلة انك تدخل مع باب واحد ... يمينك بقالة ..ويسارك دورات المياه ..والباقلة لها شباك يفتح على الحمامات ومن عند هالفتحة تشتري من البقالة ..والمكان مغلق والتهوية فيه ضعيفة ..والريحة ..... المشكلة إن هاللي بالبقالة شكله مستانس ...تذكرت طاش ماطاش يوم السدحان من جنوب الرياض ومدمن ريحة مجاري
المهم ...قلت له ياخي ليش بخمسة وعشرة وش هالأسعار .. على الأقل ياخي بريالين وبثلاثة معقولة بس بعشرة ؟
وقلت له ترى هالمحل مكتوب عنه في النت ... قال الناس قلوبها مليانة حسد ..عاد أنا أبت نفسي إني أدفع 5 ريال عشان اقضي حاجتي ...تشطرت
عاد بعد الكبيسة ... من الخطأ إنك تفوت على نفسك براد شاي أخضر من شركة تويننجز بنكهة النعناع
http://www.alrassxp.com/uploaded2/820/21218665786.jpg
.
.
نسيت أحط لكم صورة التريلة اللي شالت بيت الشعر وبقية الخيام
http://www.alrassxp.com/uploaded2/820/31218665786.jpg
.
.
الخروج من الحبلة عادة يكون قبيل المغرب ...وتواجه شي من الزحام ...
.
.
.
في الغنيم ذات هكاليوم رحت أبشتري دقاجة ...عشان الغداء << أجل عشان تغير زيت موتر السيارة ؟
المهم مالقيت إلا آخر حبة ...وقال آخر حبة للي تحبه ...
الغنيم سوق يغلق أبوابه الساعة الواحدة صباحا .... وهو من أهم وأكبر السوبرماركتات في أبها قريب من المرور وعنده كودو وهرفي ونطحه محطة بنزين << أنتي يانطحه
http://www.alrassxp.com/uploaded2/820/01218669851.jpg
.
.
شارع الأمير سلطان من أهم شوارع أبها وأكثرها حيوية ..وفيه العديد والعديد من محلات الخدمات ويقع عليه أيضا حديقة الأندلس...وعلى إمتداد الشارع تجد أسواق الغنيم
وهذا المجسم على دوار موجود أيضا على شارع الأمير سلطان في نقطة إلتقائه بشارع الملك فهد << لعل المعلومة صحيحة في هالنقطة بالضبط منب متأكد
بس الأكيد إنه شارع الأمير سلطان
http://www.alrassxp.com/uploaded2/820/21218669851.jpg
.
.
نجي هالحين للجبل الأخضر ...وهو موجود في وسط أبها ..وواضح عيان بئنارته الخضراء ليلا
اتصلت على قريبي قلت له ابي ازين وقت أروح به للجبل الأخضر قال برمضان العام ... قلت رمضان مقدور عليه بس العام وش لون تجي ... فأطلق كهكة ملأت أرجاء شدوقه وقال أمزح معك .. شف .. رح للجبل قبيل المغرب عشان تشوف أبها نهارا وليلا .. وأنا على كثر جياتي لأبها ماقد طلعت الجبل ... أذكر يوم نجي لأبها قبل عشرين سنة كان هالجبل توه نابت هالكبير أصغر من القشيع الأيسر << بدأ النصب
المهم ... مسكنا الدائري ويوم جت لوحات الجبل الأخضر ..وحنا اللي نلف ...ونبدأ بالطلوع ...ما أبطينا ...وصلنا لحد البوابة ...واللي بالبوابة يكون مبرمج يسلم عليك ويقول لك الدخول بـ 25 ريال والمواقف فوق مزحومة ويقول لك يخصم لك نصف قيمة التذكرة بالبوفيه فوق ...
طلعنا ... عاد عيالي خايفين من الطلوع وأنا مسوي فيها ما أخاف وأنا الله أعلم بحالي ... وصلنا المواقف وأثره فعلا مزحوووومة ..من حظنا إننا لقينا موتر كويتي يطلع وأنا أللي أوقف مكانه ...ويوم جيت أنزل ... أثر مكان النزول ضيق .. وأبلش ... البزورة نزلوا ...وأنا بالسيارة .. وأنا اللي أبدأ أحرك السيارة وأقرب للسيارة اللي على يميني عشان أقدر أنزل .. لحد ما وصلت لمرحلة حسيت إني أبضايق فيها راعي الموتر ...المهم نزلت الموتر بس بعد ماتطملت ثيابي من الباب والسيارة اللي جنبي
دخلنا المنتزه ...ورحنا للباحة المفتوحة اللي تدخلها بعد ماتمر على الممر مرورا بالمطعم والبوفيه المفتوح وخلافه ... وتكينا قبل غروب الشمس بتسع أوقيات ...
ونادين النادل ... قلت تعال عطنا النميو ... قال إيش نميو ... قلت هزا نميو مال أكل .. قال صيدك منيو .. قلت إيه ... بس وش عرفك لهرج القصمان .. صيدك ذي قصيمية وأنت هندي .. قال كلو نفر هنا قصيمي
ويومنه عطانا القائمة وحنا اللي نطلب قهوة عربية .. قال تراه تتأخر 20 دقيقة قلت مايخالف ...وطلبنا ككتيل عصير وبطاطس اللي يقولون له المتمدنين فرايس وكيك الغابة السوداء .. أول مرة أسمع إن به شي إسمه الغابة السوداء ... الغابة بالعادة ياتكون خضراء ...أو صفراء إذا صارت بالخريف .. بس سوداء جديدة ..
وهذي صورة الفرايس والكيكة قبل تجي القهوة والعصاير
http://www.alrassxp.com/uploaded2/820/41218670684.jpg
.
.
.
ويومننا تقهوينا واللي منا بالخير وأظلمت العين ... قلت لعيالي أبروح أجيب الكاميرة من السيارة أبصور أبها من علو
بس الجو ماكان صافي ....ولكن قررت إني أجرب التصوير من علو
وأنا اللي أجيب الكاميرة وألقط لكم هالصور
http://www.alrassxp.com/uploaded2/820/01218670684.jpg
.
.
http://www.alrassxp.com/uploaded2/820/11218670684.jpg
.
.
زووووم
http://www.alrassxp.com/uploaded2/820/21218670684.jpg
ابو شكاع
15/08/2008, 03:32 PM
.
.
زووووم أزوم من الزوم اللي فوووووق
http://www.alrassxp.com/uploaded2/820/31218670684.jpg
.
.
وبعد ماجلسنا عقد من الوقت في الجبل الأخضر أفلنا إلى شقتنا
وهذي صورة على الطاير توضح لكم زحام الطريق الدائري
http://www.alrassxp.com/uploaded2/820/11218669851.jpg
.
.
وهذي صورة على الطاير لمطعم إسمه مشوي صح على طريق الأمير سلطان ويقدم مشاوي طيبة أول ماتجي من بعيد تحسب فيه حريق ...وإذا جيته تشوف هالعمال من خلف الحاجز الزجاجي ومغير مدهرين شوي والدخان يملأ المكان ...أنا ما أدري وش لون مايتصادمون بوسط الدخان .. أتوقع إنهم حاطين بعلابيهم اللي تسمى أسطب جمرة
ماشاء الله عليهم ..
* الدخان اللي بالصورة فيض من غيض
http://www.alrassxp.com/uploaded2/820/01218670259.jpg
.
.
.
.
.
.
.
.
ويوم الأربعاء رحنا إلى منتزه الأمير سلطان ..وهو المعروف بالفرعاء << إذا فيه خطأ صححوا لي بس برسالة خاصة بلاش تفشيل همن أنا أكلم المشرف ويعدل المشاركة
وصراحة كان أجمل أيامنا في أبها ... المطر ...والرعود يمين ويسار ...وجو خياااال ... أول ماجلسنا كان الجو عادي مهوب صحو .. سحب متفرقة ركامية وعلى المقيمين خارجها مراعاة فارق التوقيت ...هالمنتزه مزحوم ..إذا ماجيت بدري ..وندور ...وندور ..وكل المحلات الزينة محجوزة ... المشكلة حتى المحلات الشينة محجوزة ...ويوم اراد الله وأنا اللي ألاقي هكالمحل بين عائلتين ...وأنا اللي أنزل وأجيب الرواق ...المشكلة إن رجالهم واجد والواحد كبر الماموث ..وأنا أطق الرواق وأنا أقول بنفسي والله لو يقوم علي واحدن منهم إن يخلي هالرواق كفن لي ...وأنا أللي أتكتك الجلسة ...وحنا اللي ننزل مواعيننا تحت نظرات مريبة من الرجال اللي جالسين تحت الشجرة ... حتى أنا الصراحة ةراح عن بالي إني أسلم عليهم ... تخبرون السلام بعض الأحيان يفك أزمة ...لكن الصراحة صاروا قمة بالأدب وتقبلوا وجودنا ولاقالوا شي ... المهم وحنا اللي نركب قصديرتنا على الجمر ..وهالمرة الخضار جاهزة من ماركة الرجل الأخضر http://www.alrassxp.com/forum/images/smilies/sm1/u187.gif.. وبعد قنطار من النص ساعة .. ومع الرعد وتبدأ تمطر ... ياسلاااااام ... مطر مطر ..مطر مطر ..ويبدون بعض العوائل يمشون .. لكن حنا أبينا نمشي ...وش لون نمشي والجو بدأ يزين ...وغدانا على النار .. وأبت أنفسنا أن نتحترك من محلنا ... قلت مابدهاش ...
الصلحي
سم يبه
خل نجيب الشراع الأزرق عن المطر
ونجيبه ...ونراكيه على الرواق ...وكان ياسر في هاليومين حرارته مرتفعة وكان نايم وخفنا يزود عليه الأمر سوأ ... المهم يومنه وقف المطر ...ويغدي الجو على كيف كيفكم ... منعش ...جميل .. شي لايوصف ..وتبدأ السحب بالنزول على الجبال بمنظر مبهر ... وأنا للي أقوم وأجيب الكاميرة من السيارة وآخذ لكم هالصور
هذا محلنا تحت زخات المطر
http://www.alrassxp.com/uploaded2/820/01218756970.jpg
.
.
.
وهنا صور أجمل جو مر علينا
السحاب يعانق الجبال ...وعلى قولة الشاعر
ياسحايب سراة أبها تعدي شمال
وأستعيري دموعي سيلي كل وادي
http://www.alrassxp.com/uploaded2/820/11218756970.jpg
.
.
http://www.alrassxp.com/uploaded2/820/21218756970.jpg
.
.
http://www.alrassxp.com/uploaded2/820/31218756970.jpg
.
.
http://www.alrassxp.com/uploaded2/820/41218756970.jpg
.
.
.
جلسنا نحتسي الشاهي الأخضر وهناك عوائل وصلت في الوقت الجو المناسب وجلسوا حولنا ماطولوا لكنهم خلفوا بعدهم زبالة حقت يومين
وقبيل المغرب بؤنصة أفلنا عائدين ومستعدين للسفر إلى الطائف مرورا على النماص والباحة
.
.
تابعونا وفالكم القرية اللي به تسعين ألف جندي وعريفين بالمرور في ترافيان
ابو شكاع
15/08/2008, 03:34 PM
في تلك الليلة وبعد الوصول إلى الشقة قررنا الذهاب مرة أخرى إلى مهرجان أبها السياحي للمرة الثالثة
وفي عندما يومننا مسكنا طريق خميس مشيط عشان نروح للمهرجان ...ويومننا طلعنا من فوق ذاك الكبري .. وش أشوف ؟
بغيت أطب من فوق الكبري ... وأثر فيها زواج تحت وفيه عرضة أهل الجنوب ..مدري هي إسمه عرضة أو وشي .. عاد أنا دورون عندهم ...ويومننا نزلنا من الكوبري ...وأنا اللي أطعجها يمين ...ندخل بوسط الحواري .. وينهم ..معين ... أص خل نسمع وين حسهم ...صكوا المكيف ما أسمع زين << ماله دخل المكيف
<< أصلا مهوب مفتوح يالنصاب تفتح مكيف بأبها
>> قصدي مكيف مقلط البيت
المهم ... ونوصلهم ...وحنا اللي نسبر المواقف حقاتهم على صوت الفن الجنوبي الجميل ..وألاقي لكم ذاك الموقف اللي على الكيف وأنا اللي ألبق وأوقف ... وحنا اللي نستانس هكالوناسة ... وقفنا تقريبا 45 دقيقة ...
وأخذت لكم هالصور ..الصور بالزوووم ... وأنا ماكان علي لبس سعودي وإلا تسان طاب معهم
http://www.alrassxp.com/uploaded2/820/01218758045.jpg
.
.
.
http://www.alrassxp.com/uploaded2/820/11218758045.jpg
.
.
http://www.alrassxp.com/uploaded2/820/21218758045.jpg
.
.
.
صراحة ... الظاهر إني أبخلي حدا عيال إخواني ياخذ له جنوبية .. ونبي نشرط عليهم مثل ذا ...
ونبي نشرط عليهم قواطي الببسي اللي مع العشاء ...تخبرون يباعن بهكالقيمة عقب ارتفاع الحديد
.
.
.
من باتسر ... شدينا الرحال إلى الطائف مرورا بتنومة النماص باللسمر بالجرشي الباحة .. << الترتيب مهوب دقيق
أول الصور ...
قبل الصور ...أبوريكم صورة للدحمي ... فشلنا في أحد الأياام ... العالم فوق بعض بهرفي ...والأخ آخذن راحته يلعب بالسيارة بأرضية المطعم
http://www.alrassxp.com/uploaded2/820/11218758531.jpg
.
.
كما أننا لقينا في أبها الجديدة مهاجم نادي النصر محمد الشهراني ...وصور معه الشباب ..وهذي دلالة عشان تعرفون إني منب متعصب هلالي
رحت سلمت عليه وقلت له تراي هلالي بس أنت ماشاء الله عليك لاعب جيد الله يوفقك ... والصراحة كان رده طيب وتعامله أطيب شكرا له
http://www.alrassxp.com/uploaded2/820/21218758531.jpg
.
.
.
وهنا الموتر بعد ترتيب العفش في السلة الخلفية ... يابوسلمان هذي صورة السلة ...<< لأنه أبو سلمان نشد عنه بإتصال تلفوني
وعلى فكرة ... العربية اللي فوق مهيب لنا لعائلة مصرية قالوا لنا وصلوها للرس
http://www.alrassxp.com/uploaded2/820/01218759335.jpg
.
.
الطريق إلى الطائف
http://www.alrassxp.com/uploaded2/820/11218759335.jpg
.
.
على طريق أبها النماص تكثر التحويلات عشان مشروع إزدواج الطريق ... والصراحة الجرافات تعمل بطاقتها الكاملة ..
http://www.alrassxp.com/uploaded2/820/21218759335.jpg
.
.
.أما بعد الباحة ومن عقبة شمرخ الطريق مزدوج وجميل جدا جدا لكن مازال فيه وصلتين يشتغلون عليهن ويكون فيهن الطريق واحد
خرجنا من ابها الساعة 2 ونصف تقريبا ...
وصلنا الباحة سبع الا ربع والطايف تسع ونصف تقريبا
المسافة 500 وعليها تقريبا 30 كيلو ... من ابها للنماص 100 كيلو ..من النماس للباحة 328 كيلو ومن الباحة للطايف 200 كيلو
لكن الطريق فرجة ... واللي يحب الطبيعة يروح معه ولايمل
.
.
في وسط الطريق إلتقطت بعض الصور
http://www.alrassxp.com/uploaded2/820/31218759335.jpg
.
.
http://www.alrassxp.com/uploaded2/820/41218759335.jpg
ابو شكاع
15/08/2008, 03:36 PM
.
.
كان جنبي واحد شباب كاتب رقم جواله على القزازة الخلفية
وهنا شفت هالجمس اللي نازل تحت ومتكي وصورته
http://www.alrassxp.com/uploaded2/820/01218759900.jpg
.
.
وصلنا الطايف
وإستاجرنا ,,,
غرفة نوم وحدة
http://www.alrassxp.com/uploaded2/820/51218759335.jpg
.
.
وصالة
http://www.alrassxp.com/uploaded2/820/01218759970.jpg
.
.
ومطبخ صغير وحمام أعزكم الله
http://www.alrassxp.com/uploaded2/820/61218759335.jpg
.
.
فقط بـ 500 ريال ...
عاد خلتنا هالرحلة على الحديدة ... لمين إني صرت مثل سي أحطة :D
http://www.alrassxp.com/uploaded2/820/81218759335.jpg
.
.
نمنا ذيك الليلة في الطائف ...وتوكلنا على الله لم الرس من باتسر الساعة 3 القبل عصرا مع إذان المغرب وأنا في عفيف ..ومع طريق ضرية ووصلنا الرس ولله الحمد الساعة تسع ليلا وبرهة من الدقايق
وهذي لوحة من وسط الطائف
امسك درب الرياض يابو وإدعسسس
http://www.alrassxp.com/uploaded2/820/91218759335.jpg
.
.
وقبل ادعس ... ياحب أهل الطايف لهالسيارة مدري وش يسمونه
http://www.alrassxp.com/uploaded2/820/01218760272.jpg
.
.
وبكذا يكون التقرير إنتهي ...على حوسته ...لأني الصراحة أخطيت ودمجت الملفات مع بعض فضاع علي بعض الترتيب ... وإنتظروا إن شاء الله ملف الفديو للحشرة العجيبة ويبي يكون بموضوع لحاله
وشكرا لكم تواجدكم
أخوكم .. ابوشكاع.... شارع مرحبا ألف والشقة بألف ... حي أمسط بدراهمك بوطن الأمن والأمان ديرة لاعمرك تطبه
الله يعطيك العافيةعلى هالتقرير الطيب....
وحقيقة ابها لو تذبحني ما طبيتها بهالزحام....!! يذكرون الناس هالأيام الروح على الروح والأسعار نار والحوادث كثيرة الله يكفيكم الشر:( :(
Magellan
15/08/2008, 04:04 PM
أوووووووووف ماشاء الله عليك
تقرير ولا أروع
المرة الجاية تسمع كلام أم شكاع ودايركت على صلالة:D
ياعمي وش بالحمام بـ5 ريال والترويشة بـ10 ، هو يبي يدري وش أبسوي:D
ذكرتني قبل أربع أشهر وأنا في كنتاكي بأمستردام يوم جيت أغسل ، قال لي وقف إدفع نص يورو:D ، بس والله بحل عن هذولا الإستغلاليين..
ثمين وش سالفة الدينالي الأبيض قلت شكلك شريتها ، وتوي أدري إنها حقت عائلة المطخطخين:D
أما فن الزواج عندهم يسمونه قزوعي ،هههههههههه
عارف إن فارق اللهجات صعب شوي ،،
بس الله يستر بكره يحطون ضرائب على الطرق بعد:D
برق مرات
15/08/2008, 04:41 PM
اخي ابو شكاع
مشكور علي هالصور الرائعة
وصراحة رحلة ماشاء اللة جميلة
تقبل مروري
الصل الأسود
15/08/2008, 07:39 PM
هههههههههههههههههه
معليش أنا أبأضطر أرد مرة ثانية
أسلوبك راااااااائع وطريف وخفيف على النفس وراااااااااايق في نفس الوقت
موضوع متعووووووووب عليه
والله مخاواتك تنشرى يابو شكاع على هالنفس الخفيفة والروح الرياضية
أهنيك على تميزك
وبالمناسبة دخلت موضوعك بموجة ضحك عنيفة
لكن ظهر لي أن التنسيم جاي عن طريق الوراثة
http://www.alrassxp.com/uploaded2/820/11218758531.jpg
ههههههههههههههههههههههه هذي تمزع عليها بطني من الضحك
الله يحفظ لك عيالك ويخليهم لك
ابن طيبة
15/08/2008, 08:05 PM
اخى ابو شكاع
والله مدى على ايش اشكرك على السرد الجميل المشوق
او على الصور الجميلة الرائعة .........
الحمد لله على السلامة ورحلة سعيدة والله يحفظ لك العائلة الكريمة ويمتع بالصحة والعافية
""الشاهين""
15/08/2008, 10:01 PM
تقرير ممتاز ورحله موفقه والحمد لله على السلامه
وماقصرت كفيت ووفيت ,,,
يوم دخلت عفيف وش رايك هل لاحظة تغير على المحافظه وهل أعجبتك;)
MKARI
15/08/2008, 11:29 PM
الحمدلله على السلامه يابوشكاع ياولد ديرتي
ماشاء الله على روحك والله انا رحت لابها وتعبت كثير مافيه اماكن للنزهه واذا لقيت شيء زين تلقاه بفلوس
المهم الله يحيك لاجيت للرياض تراي ابعزمك موهب علشانك علشان ولدك ياسر الله يحفظه يارب
طابوز
15/08/2008, 11:54 PM
رحله جميلة وممتعة عسى الله يوفقكم
والحمد لله على السلامة
.
اول 111
16/08/2008, 12:04 AM
مشكووووووووووووووووووووووووور
فهد-بوعبدالله
16/08/2008, 01:02 AM
مشكور ويعطيك العافيه
ابو شكاع
16/08/2008, 03:40 PM
الحمدلله على السلامه
تسلم يمناك على الطرح الرائع وبيض الله وجهك ولاهنت على الصور الجميله وتقبل أحترامي
اخوك
VXR.2007
ياهلابك اخوي .... وهذي الساعة المباركة ... وأشكر لك تشريفك المشاركة
ابو شكاع
16/08/2008, 03:43 PM
الحمد لله على السلامة
الله يوسع صدرك بالعافية يا أبو شكاع
تقرير متكامل وصور رائعة وأسلوب طريف وراااااااايق
فسر على ما أنت عليه
وننتظر البقية على أحر من الجمر ، لا تطول علينا تكفى
ياهلابك والله ومرحبا ....
وأنا أخوك ترى عيالي شايفينك البارح ... فيه معرض للزواحف << شف بس يقال له هالحين ينكت
الله محييك واسعدني وجودك يالصل الأسود ... عاد اصبر أبرد على ردك الثاني
وياهلا
ابو شكاع
16/08/2008, 03:45 PM
تقرير رائع .. ممزوج بالفكاهه
بأنتظار القادم
شكراً
أهلا وسهلا بك أخوي جفيل ... شرفتنا
مسافر1
16/08/2008, 05:21 PM
أمتعتنا بهذا السرد اللطيف
وتلك الصور البيانية لتلك الرحلة
الله يصلح ما عطى
من النماس للباحة 328 كيلو
كنها واجد شوي حسب علمي إنها 190تقريباً
اسوار المدينة
16/08/2008, 06:33 PM
الله يعطيك العافية يابو شكاع عزالله إنها فلللللللللللللللله أمتعتنا كأنا معك سعد من كان خويك ياذيبببببببببببببببببببببببببببان
أبوأثير1
16/08/2008, 06:45 PM
يسمونه دباب الله لاينكسنا
ا لطرقي
16/08/2008, 07:09 PM
الله يعطيك العافية يابو شكاع عزالله إنها فلللللللللللللللله أمتعتنا كأنا معك سعد من كان خويك ياذيبببببببببببببببببببببببببببان
تماشي
17/08/2008, 01:32 AM
ماشاء الله ،،،،،،،،،،رحلة موفقه ان شاء الله اخوي ابو شكاع
وزاد جمال التقرير التعليقات الرائعة على الصور
شكرا على رووووووحك الخفيفه
ابو شكاع
17/08/2008, 02:42 AM
الحمدلله ع السلامة
تقرير رااااائع وتعليقات مميزة
يعطيك العافية وبارك الله فيك
الروعة في مرورك أخوي الكريم ... الف شكر لك وياهلابك
ومرحبا الساع
ابو شكاع
17/08/2008, 02:43 AM
الحمد لله على السلامة ..... من طول الغيبات جاب الغنايم
ورحلة موفقة إن شاء الله .....
الله يخليلك عييلك وأمهم الله يصلحهم
ياهلا ومرحبا بك ياعود رمث
أشكر لك مرورك ودعواتك الطيبة
الف شكر ولاهنت
ابو شكاع
17/08/2008, 02:46 AM
السلام عليكم ورحمة الله وبركاته
يعطيك العافية أخي الكريم
ابو شكاع
رحلة ممتعة
فالحمد لله على السلامه
أسلوب جميل وسهل محفوف بالفكاهة والطرافة
والشمول والتنوع
وأكمل ذلك صور ترجمت معاني الرحلة بروعة ودقة
سلمت يمينك
تقبل تحياتي
الله يسلمك ويبارك فيك مشرفنا القدير
اشكر لك الرد الراقي وإن شاء الله نقدر دائما على تقديم مايليق بمكشات
شكرا
ابو شكاع
17/08/2008, 02:48 AM
الحمد لله على السلامة
الله يوسع صدرك بالعافية يا أبو شكاع
تقرير متكامل وصور رائعة وأسلوب طريف
الله يعافيك يا اخوي الكريم والشكر كل الشكر لمرورك وثنائك
لاهنت
ابو شكاع
17/08/2008, 02:51 AM
الله يعطيك العافيةعلى هالتقرير الطيب....
وحقيقة ابها لو تذبحني ما طبيتها بهالزحام....!! يذكرون الناس هالأيام الروح على الروح والأسعار نار والحوادث كثيرة الله يكفيكم الشر:( :(
بالنسبة للزحام ... الله يسلمك مثل ماذكرت انا مهوب ذاك الزحام اللي يأخرك نصف ساعة مثلا ... لالا توقف لك 5 دقايق وتمشي امورك
بالنسبة للأسعار صدقت اخوي
الأسعار مرتفعة ... من عرض هالزيادة اللي في كل شي
هلابك ولاهنت
ابو شكاع
17/08/2008, 02:54 AM
أوووووووووف ماشاء الله عليك
تقرير ولا أروع
المرة الجاية تسمع كلام أم شكاع ودايركت على صلالة:D
ياعمي وش بالحمام بـ5 ريال والترويشة بـ10 ، هو يبي يدري وش أبسوي:D
ذكرتني قبل أربع أشهر وأنا في كنتاكي بأمستردام يوم جيت أغسل ، قال لي وقف إدفع نص يورو:D ، بس والله بحل عن هذولا الإستغلاليين..
ثمين وش سالفة الدينالي الأبيض قلت شكلك شريتها ، وتوي أدري إنها حقت عائلة المطخطخين:D
أما فن الزواج عندهم يسمونه قزوعي ،هههههههههه
عارف إن فارق اللهجات صعب شوي ،،
بس الله يستر بكره يحطون ضرائب على الطرق بعد:D
حتى صلالة الله يسلمك شف اللي جايين منه يقولون الأسعار نار ...
أجل نصف يورو بأمستردام .. يعني تقدر تقول أقل من 3 ريال ..معقولة جدا ... لكن ابو 10 و 5 وش تقول عنه
لكن القزوعي أنت صادز هذا إسمه أو تهستربي
اعترف
:D
الله يحييك وبسلمك وهلابك
ابو شكاع
17/08/2008, 02:59 AM
اخي ابو شكاع
مشكور علي هالصور الرائعة
وصراحة رحلة ماشاء اللة جميلة
تقبل مروري
الله يحييك اخوي برق مرات وأشكر لك المرور العطر
لاهنت
ابو شكاع
17/08/2008, 03:04 AM
هههههههههههههههههه
معليش أنا أبأضطر أرد مرة ثانية
أسلوبك راااااااائع وطريف وخفيف على النفس وراااااااااايق في نفس الوقت
موضوع متعووووووووب عليه
والله مخاواتك تنشرى يابو شكاع على هالنفس الخفيفة والروح الرياضية
أهنيك على تميزك
وبالمناسبة دخلت موضوعك بموجة ضحك عنيفة
لكن ظهر لي أن التنسيم جاي عن طريق الوراثة
http://www.alrassxp.com/uploaded2/820/11218758531.jpg
ههههههههههههههههههههههه هذي تمزع عليها بطني من الضحك
الله يحفظ لك عيالك ويخليهم لك
والله يالغالي إن التميز هو بحسن ذاتك وطيبتك ... وأنا لي الشرف بأن اجلس معك ...أنت بس حدد الموعد << ماينعطي وجه
بالنسبة للولد .... انا ماحطيت صوره وهو متمرغ أعزك الله بالتراب ... ماتقول إلا هذا توه طالع من ددسن مقلبة 3 قلبات بوسط ريغا ... رموشه من الغبرة قالبن لونهن أبيض ...وحالته حالة ... بس وش تقول ... نص مصاريف الروحة على ملابسه بالمغاسل بأبها ...حتى إني كونت مع عمال المغاسل صداقة :D
شكرا لك اخوي والموضوع موضوعك رد متى مابغيت
وإن بغيت بعد أعطيك الباسوورد إن بغيت تكتب أي شي بمعرفي << يسمع بالإيثار والتضحية :D
مشكور
ابو شكاع
17/08/2008, 03:17 AM
اخى ابو شكاع
والله مدى على ايش اشكرك على السرد الجميل المشوق
او على الصور الجميلة الرائعة .........
الحمد لله على السلامة ورحلة سعيدة والله يحفظ لك العائلة الكريمة ويمتع بالصحة والعافية
الشكر لك ولمرورك أخوي الكريم ابن طيبة
لاهنت .... والله يسلمك اخوي ويقبل مادعيت
ابو شكاع
17/08/2008, 03:24 AM
تقرير ممتاز ورحله موفقه والحمد لله على السلامه
وماقصرت كفيت ووفيت ,,,
يوم دخلت عفيف وش رايك هل لاحظة تغير على المحافظه وهل أعجبتك;)
الله يسلمك أخوي ويعافيك
بالنسبة لعفيف ... الله الله ...تغير جميل جدا ...ومدخل يضاهي المحافظات الكبيرة .. الحديقة اللي على اليمين اللي فيها فعاليات الصيف ...وتشجير الشوارع ...ومجسم المملكة ...جدا جدا جميل
لكن ياليت مدخل عفيف الغربي يلاقي نفس الإهتمام ...والله ياخوك يانا أكلت لي مطب بمدخل عفيف الغربي قلت الله يستر لايكون السلة انكسرت أو شي ... ما أدري ليش مازال في عفيف ذاك الأسفلت المتسفط فوق بعضه
شكرا لك
ابو شكاع
17/08/2008, 03:28 AM
الحمدلله على السلامه يابوشكاع ياولد ديرتي
ماشاء الله على روحك والله انا رحت لابها وتعبت كثير مافيه اماكن للنزهه واذا لقيت شيء زين تلقاه بفلوس
المهم الله يحيك لاجيت للرياض تراي ابعزمك موهب علشانك علشان ولدك ياسر الله يحفظه يارب
الله يسلمك يامكاري ياخوي ويعافيك ...
أنت بالله شفت الجلسات العائلية اللي بـ 60 ريال بمنتزه الأمير سلطان ؟ :D
هذي شايفها من ثلاث سنوات ومستغرب منها ...وفتها هالسنة ... حاطين بلك ومظلة وبـ 60 ريال ... << هذا على طاري الفلوس
لكن أنت منتب ملزوم به ... فيه محلات رايقة بالداخل
وبالنسبة للعزومة ... سواء عشاني أو عشان ولدي ... أهم شي إن الوحد يبي يجلس على مفطح ... كله واحد منهو عشانه << واثق من المفطح
مشكور يالغالي
ابو شكاع
17/08/2008, 03:29 AM
رحله جميلة وممتعة عسى الله يوفقكم
والحمد لله على السلامة
.
الله يسلمك ياخوي ويبارك فيك ...
شكرا لك ولمرورك
ابو شكاع
17/08/2008, 03:34 AM
مشكووووووووووووووووووووووووور
الشكر لك اخوي ياهلابك
ابو شكاع
17/08/2008, 03:40 AM
مشكور ويعطيك العافيه
الله يعافيك اخوي ويسلمك
ابو شكاع
17/08/2008, 03:41 AM
ماشاء الله ،،،،،،،،،،رحلة موفقه ان شاء الله اخوي ابو شكاع
وزاد جمال التقرير التعليقات الرائعة على الصور
شكرا على رووووووحك الخفيفه
الشكر والتقدير لك ياعزيزي ...
لاهنت وحياك ربي
مخ سعودي
17/08/2008, 09:55 PM
ابو مشكاع
صراحة اروع موضوع قراءته
الحمد لله على السلامة وصراحة ممخت على موضوعك وتعليقاتك الجميلة
الله يخلي لك عيالك ويصلحهم لك انشاءالله
وبالتوفيق
ش ا ص 999
18/08/2008, 02:16 AM
مشكور مفيت مكفيت يالغالي الله يخليلك ولدك
ش ا ص 999
18/08/2008, 02:18 AM
وفيت بالاصح يالغالي سلااااااااااام
سوبر152
18/08/2008, 02:50 AM
اخي ابو شكاع
مشكور علي هالصور الرائعة
http://www.alrassxp.com/uploaded2/820/11218665786.jpg
وصراحة رحلة ماشاء اللة جميلة
تقبل مروري
ابو شكاع
19/08/2008, 01:11 AM
ابو مشكاع
صراحة اروع موضوع قراءته
الحمد لله على السلامة وصراحة ممخت على موضوعك وتعليقاتك الجميلة
الله يخلي لك عيالك ويصلحهم لك انشاءالله
وبالتوفيق
مخ سعودي ... أشكر لك مخمختك على الموضوع ...ودعواتك الطيبة
شكرا لك أخي الكريم وشرفتنا
ابو شكاع
19/08/2008, 01:13 AM
وفيت بالاصح يالغالي سلااااااااااام
الله يبارك فيك أخوي طيب نفس ...المعنى واضح الله يوفقك ... لاهنت وشكرا لك
ابو شكاع
19/08/2008, 01:19 AM
اخي ابو شكاع
مشكور علي هالصور الرائعة
http://www.alrassxp.com/uploaded2/820/11218665786.jpg
وصراحة رحلة ماشاء اللة جميلة
تقبل مروري
سوبر 152
الله يحييك اخوي الكريم ومشكور ولاهنت ...هلابك
شكرا يبو شكاع
رحلة واسلوب مميز
الصمان
24/08/2008, 02:02 AM
ماشاء الله تبارك الرحمن
رحله موفقه ان شاء الله
اتحفتنا يالغالي بهذهـ التقارير
وتصويركـ كان جميل ورائع
وكل الصور
ابداع وماعليها كلام
الله لايحرمنا من ابداعك
بـلـيـهـان 1
25/08/2008, 02:10 AM
ما شاء الله تبارك الله
من أروع التقارير التي رأيتها
( خفة دم )
( صور متنوعه و كثيره )
قواك الله أخوي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir