ثلاث حرار وشاهين للبيع

[طير الهقاوي]

السلام عليكم ورحمة الله وبركاته


الطير الاول حر اللون اسود والطول 17 في 17 شايخن على طوله عرضه سبوق صايدن الحباري ثبت سن الطير يقرنس سادس
الطير الثاني اللون حمر فيه رش من لونه مدعج يطلع وصايد الحبارا ثبت سن الطير خامس طوله يقصر عن 17 وعرضه 17
الطير الثالث حمر تكاشف انحره في ظهره رش من لونه الطير صايد الحباري ثبت وفيه سبق فارط عرضه 17 اما طوله والله مدري

الطير الرابع شاهين حاذفه الموس مع العلم ان الطيور الي ذكرتها محذفه طولها 15 وزياده شخطتين والعرض 15 ونص صايده الحباري وسبوق وعسى الله يوفقنا جميع

اما بالنسبه الى الصور ماتحضرني الحين والطيور تو ريشها خظر ولا ابي اضلم الطيور بالصور طيور(ن) فاعله ومخرجه من شيوخ وصيدها ثبت وعسى الله يكتب الي فيه خير لي ولكم

طير الهقاوي 0504212872

[عاشق 77]

حياك الله أخوي
الشاهين وش سنها وريشها كله جديد
في أنتضار الرد

[صياد حضرموت]

الله يرزقك بالبيعه الطيبه

[طير الهقاوي]

اشكر الاخوان الي مرو واما من ناحية سن الطيره مانيب مثبت سنها لين اسال عنها راعيها والطيره مهيب كبيرة سن على اعتقادي انا اما ثالث او رابع بالكثير

والطيره سيمت 8 الاف ريال

[طارق الحربي]

الحرار سيم منها شي ؟


والله ياخوك ودي اسوم لكن الصور مهمه بعد

[طير الهقاوي]

اذا كانك بالرياض او قريب من الرياض حياك الله تعال ونروح سوا انا وياك وشوف العين ابرك يطارق الحربي والطيور مقرنسها بالخرج

[المان العرب]

الله يرزقك بالبيعه الطيبه
تستاهل يابو عبدالله

[طير الهقاوي]

تستاهلك العافيه انشالله والاخوان جميع بس يالله بالزبون الصامل مليت من كلمت اكلمك بعيدين على غير سنع

[ناصر الحمد]

الله يرزقك البيعه الطيبه

[مدماك]

الله يوفق البايع والشاري

[عبرود الشمال]

الصور ضرورية للسوم
والله يكتب الي بة الخير

[طير الهقاوي]

والله يا عبرود الشمال تكلفنا ورحنا بعيد وصورنا طيور وعرضنا الصور وياكد مالك خلف الي يبي يشتر وصامل على ماتقول بيجي ويشوف ويحوف هذا ونا اخوك الصامل اما كتابه وكثر اساله وزعاج وحراج ومشاوير ماتلزمني ونا اخوك ورزق عند الله وشكرك على المرور

[طارق الحربي]

ياطير الهقاوي

خلك سمح بالبيع وان شاء الله الله يبي يبارك لك

بس المقصد الصور ان فيه ناس مهم بالرياض ويبون يشوفون الطيور قبل يتعنون وانا اخوك

[راعي شلهوب]

ماشاء الله
اذا شروط اوراق اسوم بخراجي الواحد 10000 سالمة من العذاريب الي بترد الشاري
والله يوفق

[راعي شلهوب]

وهذا التلفون بعد اذن المشرفين 0505800108

[صقااارالدمام]

الله يرزقك البيعه الزينه

[طير الهقاوي]

الله لا يهينكم على المرور وبيجيب الله خير اما من ناحيت الشاهين فهي انباعت والله يوفق راعيها اما الحرار يالله بالزبون الصامل واحب اقول لعصام الحربي والله اني سمح بالبيعه لاكن ياخوك الطيور الي عندي الظاهر ان زبونها برا النت ولا النت والله مابعد شفت واحد يسوم بقيمه تستاهل ويستاهلها الطير

[راعي شلهوب]

والله يخوي ذا سوم الطير بعشره يعني كلها اربع طيور بربعين الف
يعني افتح باب كم تبي اسوم بمليون هذا الي يخارجني جازلك ولا لاتقعد تحلطم علينا وبصرك بعت زين
مابعت طيورك عندك وفلوسي عندي وبعدين حد اذا تعرف اقيامها

[طير الهقاوي]

اقول ياراعي شلهوب تحلطم ذي وشهي ان كان ماني واهم ان قصدق اتشكا يعني تشكي ابوي والله اني مانيب يمك بس الظاهر الي في بطنه ريح مايستريح وخل عنك اللقافه تراها شينه ونا ابوك وقر كلامي زين وتعال علق على المضوع الله يهديك ماقلت موضوعي هذا قلت الطيور الي عرضتها في السابق هذا والله يهدي الجميع وكان كلامي لعصام الحربي لانه قالي خلك سمح وحبيت اوضحله

[نايف الوشم]

img]http://www.mekshat.com/pix/upload02/images77/mk88588_ttii.jpg[/img]
الله لايهينك حط الصور انا ابي شيهانه

[طير الهقاوي]

من ناحية الصور يا نايف الوشف ماتحضرني الحين كانك بالرياض تعال وشف بعينق ولا قريب من الرياض والطيور بالخرج ونا بروح اليوم لها اشوفها

[أبو أمين]

اخوي طير الهقاوي وسع صدرك ترى الدنيا فانيه وانت اكبر من هذي الأشياء والله يرزقك بالبيعة الطيبة وطيورك وافية ومايختلف عليها اثنين والصقار الداج مهو الي مايعرف الصقارة هو الي مايعطي الطير حقه والله الموفق

[طير الهقاوي]

الله يجزاك بالخير يا ابو امين وبشر بسعدك وعوذ بالله منك ياشيطان وجزاك الله خير ولاقصرت يا الحبيب

[اعدام]

طير الهقاوي الله يوفقك ان شاء الله

[طير الهقاوي]

الله يجزاك خير يا اعدام ويوفق الجميع انشالله

[راعي شلهوب]

لا انت بابوي يوم تقول وانا ابوك ثاني شي وعيب عليك كلمة الي فية ريح مايستريح
والله يرزقك

[راعي شلهوب]

اخوي طير الهقاوي وسع صدرك ترى الدنيا فانيه وانت اكبر من هذي الأشياء والله يرزقك بالبيعة الطيبة وطيورك وافية ومايختلف عليها اثنين والصقار الداج مهو الي مايعرف الصقارة هو الي مايعطي الطير حقه والله الموفق

ياخوي انت ماشفت الطيور عشان تحكم
ودي افهم معنى طيورك مايختلف فيها اثنين وانت ماشفتها وترى يوم اقول
10000 الاف للطير الواحد مهب كلها

[راعي ذياب]

الله يوفقك

[طير الهقاوي]

اقول يا راعي شلهوب الله يستر عليك ولا نبي مشاكل ولانبي مسبه الي نبيه انك تروح ولا تشوف شر بس

[طارق الحربي]

الله يوفقك ياطير الهقاوي لكن انا طارق الحربي مهو عاصم الحربي

[طير الهقاوي]

اسف على الغلط ياطارق الحربي غلط مطبعي