عزم السفاري شلون عليه

[مكشاتي4]

السلام عليكم عندي سوبر سفاري 98 تماتيك عزمه ضعيف ود ازيد عزمه وبي اهل الخبره يفيدوني بس مابي اركب سوبر شارج

[باترول للأبد]

وعليكم السلام ورحمة الله وبركاته

أول شي سوله تصفيه كامله وغير كل شي جديد وأن شاء الله العزم بيضبط معاك

وصراحه قصة العزم مشكله لاراح راح والله يكون بعونا جميعا

[مكشاتي4]

سويت تصفيه بس للحين لك عليه

[سوبر152]

ركب له طرمبة بنزبن حقة جيب فاكس آر600ريال ترهيم أنا مجرب ونشط وسمعت أن طرمبة السوبر 2006 اقوى واسأل يمكن أحد مركبه

[محسن اليامي]

ركب لوكااااااااات (فرارات ) ويضبط

[راعي شلهوب]

امسح راس المكينه وادعيلي (المسحه)
او خرط مكينه بس مايطول الموتر ويخبط

[ساري 111]

السفاري 98 -2001 يعاني من ضعف الطرمبه مع الأستخدام
رح لأحد فاهم خله يفحص لك ضغطه إذا هو ضعيف يلزمك تغيره ويضبط ان شاءالله

[راعي الطلعات]

امسك به خطوط ويظبط ولا اوصيك توصل انبير المكينه الى 5 في كل نمره

واذا انت تبي عزم عزم مالك الا الترهيم الي بيحوسك بعدين والله اعلم ركب لك فلتر رياضي 2 ركب لك هدرز من والى او على الاقل راس هدرز 3 ركب لك بواجي رياضيه واسلاك بواجي رياضيه

بس ترى مدتها سنه بس راح تشوف فرق كبير جدا

ولا انسى اخبرك ترى الباترول خاصه في التوماتيك عزمه من الاصل ضعيف

[سااااااكت]

السفاري 98 -2001 يعاني من ضعف الطرمبه مع الأستخدام
رح لأحد فاهم خله يفحص لك ضغطه إذا هو ضعيف يلزمك تغيره ويضبط ان شاءالله
انت انسان فاهم ولك تجربه انا صارت معي نفس المشكله ولقيت كلامك صحيح الطرمبه فيها عيب مصنعي ولكن عندي لك حل بحيث ماتضعف الطرمبه بعد تغييرها داوم على تغيير فلتر البنزين باستمرار وتسلم الطرمبه من الضعف والعطل هذا والله اعلم

[ابو مكازي2002]

بع الموتر واشتر لك فتك وخلا الترهيم وجع الراس وصدقني بترتاح من مشاكل العزم

[adil33]

عزم الباترول والسفاري والسوبر سفاري امره سهله جدا وما يكلفك اكثر من 15 ريال
افصل اصابع البطارية
نسم التانكي ( افتح غطاء التانكي *** وبعدين اسحب خرطوش البنزين الي رايح للبخاخات )
بعدين جيب مفك سكروب مربع او ابو ثلاث رؤوس وافتح كل بخاخ لوحده
مجرد ما تنزل البخاخ خارج مكانه بخ عليه من بخاخ تنظيف الكوربريتر رايح تلاقي الفلتر حقه اسود وبعد التنظيف تلاقي لونه تغير وصار بيج
وهكذا مع كل بخاخ
واذا ما فرق معاك العزم لك مني هديه ماكينه جديده :) واي خدمه انا حاضر

[سيف الظفير]

طرنبة السوبربان 2006 احسن مايوجد بالسووووووووووق


على حسب اهل العرف والعلم

[rayes3]

السلام عليكم ورحمة الله وبركاته
الاخ عادل33
عندي مشكله مع الباترول بخاخ موديل98
الصباح والسياره بارده بعد التشغيل السيارة تنافض وتبغى تطفي ولا تقبل بنزين وبعد التسخين الوضع طبيعي
الصفايه جديده والبواجي كذلك وحساس الهواء نظيف جدا والبنزين غيرته الى 95 دون فائده
ماهو الحل بارك الله فيكم

[الذئب الاسود]

صبحكم الله بالخير الكل بدا يحط شغلات مرت عليه وصح كلامكم بس في مشكله ثانيه انا تعبت ويالله حصلتها كان عندي سفاري 99 تماتيك عزمه ضعيف بدلت طرمبه وبواجي وصفاي ولقيت العله في حساس بالمكينه بجمب حساس الزيت واسمه كنوك سنسر بدلته طلع الموتر 100% مع تصفيه وتركيب صفاي سفاري بلاستيك يكون اكبر من الحديد اسف ع الاطاله دمتم بوووود

[صافي العتيبي]

السلام عليكم
اخوي افحص على صفاية البنزين
وشف وزنيه الديلكو لها تأثير على العزم

وبعدين تبي موترك يخف
ركب مراوح سوبارو
ركب فرارات دبل
ركب هدرز
ركب فلتر كي ان او سبكتر
وركب طرنبة فتك ميزتها ماتحتر ودفعها قوي احسن من غيرها
وان شاء الله يخف
والباترول قير تماتيك تراه ثقيل شوي
القير عادي اخف
الحاجات اللي ذكرتها لك كلها مركبها على موتري باترول 99 قير عادي
عزمه مشاءالله تبارك الله

وتقبل مروري

وانتبة من كلام الاخ اللي يقول اخرط المكينه او امسح الراس الله يهديه

[سفاري سوبر]

نصيحه غير طرمبه فتك او بي ام وراح تدعيلي

[محب الجهاد]

حبيبي رح للأخ محمد الدغيري خريج المعهد الملكي الصناعي ورجل فاهم لديه ورشة في الرياض ورجل ناصح وأمين ويخاف الله احببت لك ماأحببته لنفسي ولإخوتي الغالين في مكشات جزاه الله عني خير الجزاء ما قصر معي في أمور كثيرة رغم انه لا تربطني به أية علاقة أو قرابة اذا تبي رقمه راسلني على الخاص

[ابوس11م]

ركب طرمبة aem

[مقناص الحفر]

يفيدون الاخوان