مطلوب طير ملون وعليه شروط

[ابوحمد11]

مساكم الله بالخير اخواني الكشاته ولا المكشاتيه
من منكم يذكرلي طير حر شبب يعني ماهو بكبير بالعمر بكر ولاثنو صايد طلع لوين ويشارط راعيه عليه بالصيد والفعل
بالنسبه للسعر ماهو بمشكله كل شارب له مقص
ولاكن الرجاء عدم المبالغه فالاسعار يعني بالمعقول المقبول
والي بيذكر ولا بيعرض شي يراسلني على الخاص واذا كان فيه صور زين على زين
وصقار البحرين اذا كان هو الي في بالي اقوله مرحبا يابو علي ومن طول الغيبات جاب الغنايم
وسلامتكم

[..@القناص@..]

انشاء الله تلقى مطلووبك ,,,, بتوفييييق

[ناصر الحمد]

الطيور واجد ولاكن مايحضرني شي الله يوفقك

[عاشق1]

فيه طير ينقل رابع هالسنه صايد وكاد يطلع ماهوب حصاة من الصبح الين المغرب لاوالله يعني الى قرب حزت عشى الطير يحصل كفخ والصبح يحصل شوي مغتر كاشف ملون الطير الطول 16،5 والعرض 16،5 سبق ممتاز بالحيل لكن الطير فيه الوحاشه شوي بعض الاحيان تطري له لكن كل السنين من يومه فرخ وهو معنا كل سنه يصيد يسام 23000 من شهر تقريباً وسم باللي في خاطرك يومه يسام ماطرى البيع اما اليوم نبي نبيع والله يرزقنا وياك

[طير الهقاوي]

ابذكرلك طير طلع ثبت وشرط الصيد وشرط السبق لاكن فيه اختلاف على كلامك الطير بينقل تاسع ولونه مجهم وفيه طير حمر مغاتير صافي منطحه مغتر الي يحبه القلب كاشف مره راسه يعد عازل من بدنه حذات الريش بيضا مناكبه ترد بشقار طلعه ولحوقه وصيده على الشرط طوله 16.5 وعرضه 17 طبعن ويسام 45 الف ويالله التوفيق