الرشة الشفافه وما تخلف من أضرار ... أدخل قبل ما تتوهق ....مدعم بالصور

[ابو انس2006]

بسم الله الرحمن الرحيم



أخواني أعضاء وزوار منتديات مكشات




في موضوعي هذا حبيت أبين لكم مدى فعالية الرشة الشفاف للحماية من العج.



وفي الحقيقة كثر الكلام عنها هنا بالمنتدى وفي منتديات ثانية . وفيه من مدح فيها وفيه العكس



وفي موضوعي هذا أرفق لكم الصور وانتم احكموا بأنفسكم




يوم الاثنين الموافق14/07/08 كنت مسافر من الدمام إلى الطايف بعد صلاة العصر وفي الطريق صادفه عج على خط الرياض شديد وكانت سرعتي تقريباً130كم. ولما وصلت الرياض استأجرت شقه وقلت خلنا نرتاح إلى الفجر ثم نواصل طريقاً.. والمفاجأة لما وقفت عند الشقق ونزل شفت وجه الموتر ضاق صدري من المنظر فقد خذلتني الرشة كثير وطارت من العج.. وكان فيه ضرر في الموتر واضحا...




والصور خير دليل:مشاء الله تبارك الله
لتكبير الصورة أظغط عليها
http://up107.arabsh.com/s/knb2ndp6aa_thumb.jpg (http://up107.arabsh.com/viewer.php?file=knb2ndp6aa.jpg)


http://up107.arabsh.com/s/65mnnc8712_thumb.jpg (http://up107.arabsh.com/viewer.php?file=65mnnc8712.jpg)


http://up107.arabsh.com/s/knb2ndp6aa_thumb.jpg (http://up107.arabsh.com/viewer.php?file=knb2ndp6aa.jpg)


للتوضيح:

الرشة التي اتكلام عنها أخذتها بسعر 60ريالا مع التركيب من محل مشهور وان شاء الله أحاول فيما بعد أجيب لكم صورت العلبة .( ودعايتها تقول رش وأمش)

[اول 111]

مشكووووووووووووووووووووووووووووووووووووووور

[ابوعقل]

الله يعين بس

انا كنت احط على وجه الجمس

تغبيره على الكبوت والرفارف

وممتازه واذا غسلت السياره على طول يروح

بس من تالي شغل وامش

الله يعينك على رش الصدام

[وقيان]

الصورة ماطلعت يا الغالي....

لكن رشات العلب سيئة...عليك بالرشة اللي يسويها نفس المحل..تلاقي عنده كمبرسور ويرش لك السيارة...واحد من الربع مركب شفافة ورحنا عليها من الشرقية الى مكة و الحمد لله كانت تمام.....

تقبل تحياتي

[R7al-85]

السلام عليكم ورحمة الله وبركاته
اي والله منظر يضيق الصدر
اول شي الحمدلله على سلامة الاسفار
والله يعوض عليك جعلها اكبر مايجيك
ومثل ماقال اخوي ابو عقل التغبيرة زينه
تقبل مروري اخوك/R7al-85

[غالي]

الله يعوض عليك اخوي

والبلا ان البويه لايشملها الضمان

حسبي الله عليهم

ونلاحظ الان حتى السيارات التي تبلغ قيمتها فوق نص مليون ريال

تتقشر بويتها بسهوله

والمفروض صراحه الوكالات يعطون ضمان على البويه

لان رشتهم اصبحت رديئه جدا جدا

خصوصا على القطع البلاستيكيه والفيبر قلاس

أو تجي من المصنع بوية وجه السياره اقوى من الاجزاء الاخرى (( هذا المفروض)) لانه معرض للرمال ومعرض للحشرات وغيرها

لكن عساك سالم يارجال :(

اتمنى لك التوفيق اخوي والحمدلله على السلامه

[الستانس]

مشكور والله يعافيك
وأزين شي وأنا جربته شامبو سانسلك بالبيض >>>لأحد يسألني ليه انا خذته بالبركه وظبط
وزود على كذا تحطه فوق الأصطبات ولايتغير مجال النور

[escape_man]

كنت طالع للشرقية وموتري جديد

قلت باوقف بالخط احط فيري

وانا ماشي واشوف ماشاء الله هالبي اماااات والفياقرات تشطفني

قلت يارجال استح على وجهك :)

الله يعوض عليك وهالرشة موجودة بكثرة على خط الحجاز

والرشة الاصلية اصلاً تلاقيها بـ 700 ريال مع ضمان سنتين

[ابو انس2006]

حياكم الله جميعاً وشكراً عاى مروركم الكريم

[خشيمان]

والله وانا اخوك من واقع تجربة
مالك الا الشحم
لو تصدم بعير ما يضر الوجه

والله يعوضك

[أبــوريـــان]

الله يعوض عليك اخوي

طيب وش الحل انا وراي سفرة لشرقية بعد كم يوم بأذن الله

وش نحط فيري او برقع او رشه !!!!!!

[واحد مغرز]

اي والله صور تضيق الصدر

:(

الله يعوضك

[ابوشجاع911]

والله وانا اخوك من واقع تجربة
مالك الا الشحم
لو تصدم بعير ما يضر الوجه

والله يعوضك

هذا الكلام المضبووووط 100%
بس لاتصدم بعير الله يكفينا الشر

[sameer_1798]

أخوي كابرس الله يعوض عليك أنا مثلك بالصيفية هذه رشيت الوجه بشامبو لادموع بعد اليوم و قابلت سافي بالساحل 200 كيلو متواصلة ممشاي ماتعدى ال100 والله وكيلك الشمعات رملت و الصدام تقشرت بويته وأنا حاط علبة شامبو.
هذا من غير الزجاج الأمامي رمل علي و اضطريت أغيره , و الصاجة و الأذرعة تقشرت بوية بلدها .
النتيجة طبعاً كل دقة بتعليمة لذلك أبتعدوا عن الفيري و الرشه و الشامبو . ........
و أنصح و بشدة أفضل الموجود برقع تفصله على الوجه و المرايات و الزجاج الأمامي تضع عليه من الخارج تجليدة شفافة .

[بيبسي]

ياأخوان الشركات مالها دخل بضمان البويه .... هذا رمل ومعه هواء يصير زي الصنفره ... انتم تدرون ان فيه شي اسمه رش رمل لأزالة بوية المعدات الثقيله وبويات بعض البيوت ... احسن شي الفيري استخدمته قبل فتره بأخر الشتاء كان هواء قوي وعج والحمد لله ماصار معي شي

[يحيي بن حمد]

الله يعوض عليك

وشكرا على المعلومه

[ابو انس2006]

الله يحيكم جميعاً والعوض من الله........

وبنسبة لمن ذكر موضوع الفيري ....... فأنا لي معاه تجربه سابقة .......ومشكلته أنه يطير لمعة البوية ويجلس له أثر......

الشحم كويس بس عيبه لا تمر من يمه يبي يدمر ثيابك


من وجهة نظري

أفظل شي البرقع ... والاهم الي يفصله يكون ممتاز وما يتحرك من الهواء يكون مثبت صح....


أشكر لكم مروركم ......

[مـدحـدر]

من شريت سيارتي 2008م :) لقيت اعلان بالنت لمحل يركب فلم حامي ضد الترميل

وسافرت مرة للكوبت وقابلت عجاج قوي من شدة ترملة الجنوط وصارت باهته وراحت لمعتهم:mad:

واناظر للفلم اللي ركبته طبعاً انا ركبته على القزاز الامامي وعلى مقدمة الكبوت والانور

بالمختصر بالوجة كامل الا كل الفلم مترمل واجع للمحل لان عليه ضمان خمس سنين

وكانت خدمتهم :good: ممتازة غير الفلم اللي على القزاز ولمعوا الانور ورجت تلمع طبعاً البدي

ما تأثر بالعج اللي تأثر فقط الفلم الحامي وسلمت السيارة ما عدا الجنوط راحت لمعتهم اللي بجهة السواق

وانصحكم فيه صراحة ممتاز جداً

[sameer_1798]

جزاك الله خير أخوي مدحدرعلى فكرة الفلم بس ماتلاحظ أنها صعبة كل ماترملت عليك بتضرب مشوار لهم يغيرونه .... طيب وان كانوا بمدينة بعيدة عنك .
ياخوان مامثل البرقع لا بغيت تمسك خط ركبه و لا رجعت من سفرتك نزله وطبقه وارمه بالشنطة .