الموتر يطفى في المويه(( السيل ))

[هلكس]

السلام عليكم ..

يا جماعه ابي حل الموتر كل ما طبيت في نقع مويه يطفي
مع اني حاط شحم وحاط كيس بس الى الان المشكله فيه
وفيه واحد يقول ( صفح )الموتر من تحت هل فيه فايده تذكر

وشكرا لكم

[الحاتمي]

اخوي
هلكس
بعد ماتربط كيس او تحط شحم تاكد وش اللي يخلي الموتر يطفى وبعدين تلقى الحل
جرب انك تجيب ماء بقدر او بسطل وتسكبه اولا على الديلكو واذا ماطفت جرب على مكان ثاني؟
واذا عرفت المكان اللي يدخل معه الماء عرفت السبب؟
يمكن مايتسكر زين تغيره وتنتهي المشكله
انا سبق اني جربت الشحم على سياره ددسن وتعرف النيسان عموما ماهب خوي للماء وزبطت معي طريقة الشحم .
او تاكد ان الشحم مغطي المنطقه كاملا ولا فيه اي تسريب
وان شاء الله ان موترك ماعاد يطفى بالماء
الحااااااااااااااااااااااتمي

[خشم الحصان]

الاخوه الاعزاء
السلام عليكم
حشاهذي غوصات معادهي سيارات
عموم المروح تماتيك ولا عايدي اذا هي تماتيك مهيب مشكله ثبتها لين تقطع الماء واذا هي عايدي
الله يعينك تبي ترشق يعني صعب تثبيت ومالك الا كلام الاخ الحاتمي اقلب البيت معمل تجارب ونتبه
من البلديه لايقصون الماء عنك:D :good:
اخوكم
خشم الحصان

[هلكس]

الحاتمي

ابي اجرب واشوف بس ما ادري وش تقصد بالمكان الثاني لو سمحت ولا عليك امر وضح لي اكثر واكون شاكر ومنون لك كثير

وانا متوصي في الشحم يوم احطه

خشم الحصان

معذره ما فهمت كلامك زين
يا ليت توضح اكثر

(( داري ما انعطى وجهه ))
هههههههههههههههههههههههههههه
وعلى فكره الموتر موديله (( 84 ))

في امان الله

[صالح ناجي]

ياخي وليش تدخل الما تشتي تروش السيارة وبعدين اذا غسلت السيارة عند الجماعة تطفي والا لا ؟

[الحاتمي]

هلكس
اللي يخلي الموتر يطفى ان الماء يدخل الديلكو وياصل الشاكوش والبليتين وانت خابر البليتين بالسيارات القديمه اللي بليتينه عادي..
مشاكله كثيره خصوصا النيسان ودايم يلذع(يحترق)
ولا يبي ريحة الماء
والديلكو هب السبب الرئيسي لطفية السياره بالماء وقد يكون هناك اسباب اخرى ولكن لاتؤثربقدر تاثير الديلكو تاكد مره اخرى ان الديلكو معزول تماما من وصول الماء ..
او اذا طفت السياره فك غطا الديلكو ونضف البليتين والشاكوش واذا اشتغلت يعني ان السبب بالفعل هو غطى الديلكو مايتسكر مظبوط قم بتغيير الغطى وان شاء الله مايطفى موترك مره ثانيه..
ولك تحياتي
الحاااااااااااااتمي

[هلكس]

الحاتمي

اتمنى انك بخير وصحه وعافيه

وانا كل ما طفت السياره فكيت الغطى ووانظف البليتين ويشتغل
يعني اذا غيرته انشاء الله يبي يظبط ويطلع ميه الميه

ومشكوووووورررر لك

والله يعطيك العافيه

[أبو ناصر]

السلام عليكم ورحمة الله وبركاته

معلومة يمكن تفيد :

الأشياء اللي تطفي الموتر هو الديلكو والكويل والفيوز الكبير اللي جمب البطارية لأني سألت عنهن وصار إذا جاهن مويه تطفي السيارة .


:p :p :p