بعد تغيير البواجي والفلاتر

[موادع الشرقيه]

السلام عليكم ورحمة الله وبركاته

اخواني المكشاتيه

عندي باث 2001 قيرعادي

كان ماشي تمام ولا احلى منه
وقلت حفاظاً على الموتر اسوي له صيانه
وغيرت البواجي واسلاك البواجي وفلتر الهوى وفلتر البنزين (طبعاً كلها اصلي)
وبعدها صار الموتر مهب طبيعي
يعني امشي بالثاني وادز له شوي واذا عطيته الثالث يتفتف شوي بعدين يمشي ونفس الحكايه مع كل النمر
بس وهو واقف مافيه شي لاتفتفه ولاكتمه

اتمنا منكم الإفاده يااخوان

[ساري 111]

كد صارت معي بجمس
من احسن مايكون وهو واقف
واول ماادعس بنزين يكتم تقول طفى وبعد مايمشي يصير ولاأحلى

خسرت عليه الكثيرررر غيرت بواجي واسلاكه غيرت فلاتر فكيت البخخات ونظفته الى طرمبه البنزين غيرته ولاضبط !!!

رحت لم ورشه الشيبان ببريده وفصل لي صغير موقعه فوق رأس المكينه اللي قدام الراكب
وطلعت من عنده والموتر من اصفى مايكون وبعت الموتر واللي مفصول

[khalidmib]

انا اقول لك
1 تاكد من الاسلاك والسيارة شغالة يد على البودي ويد تمسك كل سلك لوحده من اوله الى اخره واذا فيه ماس كهرباء تراها تعبانه
او2 ان البواجي مهي بحقته
هذا اللي اعرفه

[موادع الشرقيه]

مشكورين على مروركم

[مشاغب شوي]

اتوقع احد البواجي فيه مشكلة او انة خرابان

حصلت معي على جمس وددسن

بواجي جديدة بعدها يتفتف بعض المرات (( إلى درجة الجمس إذا حطيتة بالدي يطفي ))

وطلعت من البواجي

[بيبسي]

اكيد فيه بوجي او سلك من الاسلاك مركب غلط ... ارجع له اللي ركب لك القطع

[موادع الشرقيه]

ماقصرتوا الله لا يحرمنا منكم

[ابوحماد]

تاكد من ربط البواجي على السنه

تأكد من دخول وخروج أسلاك البواجي ( ممكن واحد من الاسلاك تالف حتى لو كان جديد )

غير نوع البنزين الى 95