المساعد الشخصي الرقمي

مشاهدة النسخة كاملة : أنا بتوجه لدبي مع عائلتي بالسيارة دلوني على الطريق


هاوي المجمعة
17/08/2008, 02:52 PM
السلام عليكم ورحمة الله وبركاته
ياأخوان أنا إن شاء الله بتوجه مع عائلتي إلى دبي إن شاء الله بالسيارة
وهذي اول مرة لي اسافر بالسيارة للإمارات :rolleyes:
فدولني الله لا يهينكم على أحسن طريق أسلكه ويكون خط سريع وآمن
وكم المسافة تقريباً !!!
تقبلوا تحياتي
ابو شكاع
17/08/2008, 03:28 PM
بالنسبة لدبي عندك طريقين
الأول تطلع للرياض ...الخرج ... حرض ... البطحاء وهذا الطريق من بعد الخرج مهوب سريع ...وضيق ..وفيه شاحنات شركة الزراعة والألبان ... لكنه أقصر لكن كم الفرق بالتمام ما أدري
الطريق الثاني ... الرياض .. طريق الشرقية ... وتفرق للهفوف قبل الدمام ...وتطلع من الهفوف للبطحاء وتمر قبل البطحاء على سلوى وهو منفذ السعودية قطر
الطريق هذا سريع لحد مفرق الهفوف ...ومزدوج من الهفوف لحد البطحاء ... إلا في بعض الوصلات ..هذا حسب ما أتذكر العام
بالنسبة للمسافات ما اضبطها تماما وناسيها
الأنترنت مليء بالمعلومات ...ابحث وستجد الكثير
نقطة مهمة أخوي ... قبل تحرك من السعودية صور رخصة القيادة وبطاقة الأحوال المدنية ..لأنك تبي تحتاج الصورة عند شراء بطاقة سالك
لأنه إحتمال توصل المحطات اللي تبيع البطاقة بالليل مثل ماحصل معي ...وتكون المكاتب اللي عندها آلة التصوير بوسط المحطة مغلقة
إذا ماعندك خبر عن نظام سالك تفضل هذا الرابط
http://www.salik.ae/arabic/news_09_may_2007.asp?head=news_more


فيه طريق ثالث من عند سعد تفرق بمين ...بس هذا الطريق ما يمدحونه لكثرة الابل

الله يسهل عليكم وترجعون بالسلامة
ديم نجد
17/08/2008, 05:19 PM
والله أنك جيت على الجرح
أنا ناوي اقضي كم يوم في الشرقية وبعدها بتوجه للإمارات بالسيارة
لكن المشكلة ماعندي خلفية ابدا :confused:
ننتظر المزيد من ردود الأخوان حتى يتبين لنا أفضل طريق :redcar:
صحراوي uae
17/08/2008, 10:02 PM
الله يسهل دربك ويحفظك من كل مكروه اخوي
اخوي انا انصحك تجي عن طريق الهفوف اسهل وانظف ولانه شارعين..

اما طرق الخرج اقرب تقربا 80__100 كيلو لـــكن كثرت الشاحنات والرمل على الشارع وشارع واحد رايح جاي يخليك تتأخر..

تروح وترجع لاهلك سالم ان شاء الله
bo_s3ayed
18/08/2008, 08:49 AM
السلام عليكم ورحمة الله وبركاته

ياأخوان أنا إن شاء الله بتوجه مع عائلتي إلى دبي إن شاء الله بالسيارة
وهذي اول مرة لي اسافر بالسيارة للإمارات :rolleyes:
فدولني الله لا يهينكم على أحسن طريق أسلكه ويكون خط سريع وآمن
وكم المسافة تقريباً !!!

تقبلوا تحياتي



يا الغالي عندك جارمن ؟؟؟

اذا ما عندك انصحك بنوفي 710 رخيص وما عليه كلام .....توكل على الله ثم عليه وراح تحتاجه بطريق السفر وداخل البلد....... يخليك كأنك من اهل البلد تعرف شارع شارع وحاره حاره