لاندكروزر 2008 ماشي آكثر من 100 ألف المشاكل والعيوب

[مساير الليل]

السلام عليكم ورحمة الله وبركاتة


بنقل لكم تجربه أحد الأخوان معه لاندكروزر 2008 6 سلندر

السياره ماشيه فوق 100 الف ماشاء الله



http://www.mekshat.com/pix/upload02/images77/mk53963_1175.jpg

لكن المصيبه في هذا الممشى البسيط
تم تتغير القير على 85 ألف

وفي 90 ألف صارة مشكله في الثلاجة والمكيف الخلفي أصبح لايبرد

وعلى ممشى 100 رجعت نفس مشكلة تهريب زيت في القير

وعلى كلام صاحب السياره أنه يمشي مايعادل 750 كيلو في اليوم الواحد

واربعه أشخاص يتناوبون على السياره



الشكر للأخ أسير الذكرى

[راعي البندق]

اخوي السياره لا كثرت الرجلين عليها تخرب لونها جديده

[علي101]

مع هالمشي ولأكثر من شخص الخراب لا بد منه

[سفير الصمان]

أي شيء يستخدمه أكثر من شخص لابد من خرابة

[D I K T O O R]

احمد ربك ماخبطت هذي تمسها عيوب

لا قل هذا ايجابياته

تقولي تمشي 750 كيلو بالليوم

ولا يتناوبون عليه 4 والله بعذرها لو خبطت

غير ذالك شف وش يسوون بالموتر

[ناوي نيه]

مشاءلله 750 في اليوم وااااااجد يعني حدود كل اسبوع يغير زيت!!

[الوسيطاء]

موتر الشركات لابد من المشي الكثير وطبعاً الخطوط والصيف يتعب الموتر

[الحلطاني]

معليش السياره الى الحين تمشي ولا بعتوها تشليح,,, ,

وين الله يصلحك يمشي يومياً ما يعادل 750 كم ,
يعني: (في اسبوع تمشي 5250 كم , وفي سنه 252000 كم )
ولا تبي يجي فيها شي ولا و اربع اللي يسوقونها.
لا والله موتر اللاند ماشالله عليه .

[صيهد]

جزاك الله خير

[سعد777]

هاذ اسميه استعمال جائر
لو يحصل للسياره شي عادي

لأن اللي عليها يطبقون المثل اللي يقول جلد ماهو جلدك جره على الشوك

[غربة صحاري]

السلام عليكم

يعطيك العافيه يا الغالي على الموضوع

بس انا اقول هاذي من مميزات الموتر مو من عيوبه ياخوي اذا موترك اخذه احد يومين ورجعه تلاحض فيه اصوات غريبه لا أن الرجل تغيرت عليه عاد تخيل اذا صارو اربعه وبليوم لا 750 ممشاهم والله انا اقول ان هاذي ميزه وليست عيب وهاذا من وجهت نضري يا الغالي

تقبل تحياتي وحترامي

[طواش]

بيض الله ويها يا خوي هذه سيارةولا تكسي :confused: هههههه أسمحلي ثانيا أستخدم السيارة من قبل الأخرين أكيد فيهم الراكد والي يمشي مشي معتدل وفيهم الي يمشي أخر طلبلونه ويذري في 8 سلندر:cool:

[سوسة حطب]

تكفى الله يرضى عليك أبي مفتاح موترك عندي مشوار ضروري ههههههههههههههههه

[أبوخطاب]

الموضوع لصاحب السيارة في منتدى تيوتا العربية مثبت في قسم الاندكروزر

الموتر ماشي الآن أكتر من 150 ألف خلال ثمان أشهور

راعي الموتر يسافر عليه دايم إلى دبي وهو ساكن بالمدينه

والمكيف والثلاجة زانن من حالهن

لكن راعيه يمدحه بالحيل ولوتشوف صورة الموتر تقول ماشاء الله الموتر جديد

الله يوفق راعية ويعطية من خيرة ويكفية شرة

[B.A]

التويوتا انتهى من 2007 وبعد هالموديل عد عليه السلام وعلى فكرة ترى صاحب السياره يقول كل المشاوير بالاسفلت ولا طلع عليه بر ابد وخرب معه القير بس الله يعوض صاحبه اخير منه

قولوا آمين الله يحسن خاتمتنا جميعاً ويستر علينا بالدنيا والاخرة

[أبوخطاب]

هذي صورة للموتر
ونوع الموتر V6 تماتيك سعودي

http://www.toyota4arab.com/photo/data/500/medium/20080521152-001.jpg


وهذي صورة للطبلون
http://www.toyota4arab.com/photo/data/500/medium/11102.jpg


شكله راعي سرعة الله يهدية ويستر علية

http://www.toyota4arab.com/photo/data/500/medium/2225.jpg

[أبوخطاب]

أعتذر من صاحب الموضوع على الخطمة على موضوعة

تقبل تحياتي

[الكونتر]

الي يمشيبه على مهله وعلى رجل وحده ولحاله

ما اظن يصيرله شي

[مساير الليل]

لكن الرجال كان معهم 2007

قبل هذا وصل عداده 300 آلف

ولم يغير فيه ألا صوفة القير

والسياره ليست لي للمعلوميه

[بيبسي]

والله يالغالي الممشى مايضر ... بس ممكن سوء الاستخدام هو السبب
لان انا جربت اللاند 97 من الوكاله مشى الين 450 الف وماضره والحين جيب لكزس 2002 ماشي 350 الف وماشاء الله تبارك الله ماشي ولا فيه شي
وبعدين فيه شي اسمه صيانه ومتابعه زيت الجير المفروض يغيير مع الفلتر كل 40000كلم على الاقل والا اصبر من التويوتا مافيه

[as-315]

شي طبيعي اي سيارة يستعملها اكثر من شخص يحصل فيها كذا واكثر

[محسن اليامي]

الله يرحم اللاند 07 و 06 وتحت والله انه الموتر هيبه وشكل وقوه

لكن الجديد هذا ماحس بهيبته نفس القديم إذا وقف بجنبي ( وجهة نظر )

[مواسي الطعوس]

المتعارف عليه ان الموتر اذا كان جديد يمشي طبيعي ولا يحصل فيه شي لو كثر الممشى .لكن اللي يضر لو يمشى عليه بكثره بعد 3او 4 سنوات من من خروجه من الوكاله . الموتر مثل الكفر تمشي عليه في سنه واحده 100 الف طبيعي لكن لو تمشي عليه في سنه 50 الف السنه الثانيه لازم تغيره.

عند هاالممشى 100 الف اواكثر مايغير فيه الا زيت المفروض .لكن لعل غيره مايصير مثله تختلف السيارات او كان موديلها واحد.بعضها يصير عله.

[ابوشجاع911]

ياجماعة الخير لاتغالطون انفسكم

كنا نعرف تايوتا انها للاستخدام الشاق والجائر وسيارات تتحمل الكرف لو يستخدمها مليون سائق وليس اربعة
ولكن هذه الاسطورة انتهت بعد ماتحولت صناعة تايوتا الى تايلند
فكل الموديلات المصنعة في هالبلد الخايس سيئة جدا ولاتخدم اكثر من 5شهور بالكثير
وباختصار انحاشوا عن صناعة تايلند والرزق على الله
وسمعت في الاخبار قبل شهر ان تايوتا تعترف بتراجع مبيعاتها بشكل كبير هذا العام وهذا يؤكد ان عندهم مشكله والى ان يحلونها لاتكونوا (كفئران التجارب) وخصوصا على هالاسعار الخيالية لسيارات تايوته

[راعي البخاخ]

اوووووووووووووووووووووووف يابو خطاب 2008 وماشي هالممشى ,, لاكن
على ماقالوا الشباب الممشىء مايضر الموتر , لاكن العيب والسبب بسوء الاستخدام ,
ماشاء الله تبارك الله كل يوم 750 كيلو, يعني كأني اتردد للرياض كل يوم من بريده
,والله ياخوك ماهو واحد الي يسوقه ,ثاني شىء وهو الاهم تلقاهم مهملينه مايسون له صيانه
ولا يشيكون عليه.