يا الربع فزعتكم لاصحاب الباث فندر

[فرج الله قريب]

السلام عليكم ورحمة الله وبركاته

تحية طيبة للجميع

يا الربع عندي باث فندر موديل 2004 قير اتوماتيك

المشكلة اللي فيه وانا امشي فيه يفصل ثم اعيد تشغيله ويشتغل

غيرت حساس الهواء وطربت البنزين

يالربع تكفون شوف لي حل

[ابوعبدالله678]

الشكوى على الله مالك الا الوكاله (( الله يعينك على الاسعار والزحمات))

[Magellan]

تقول إذا مشيت يفصل ، وإلا قصدك يطفي
بصراحة مافهمت معنى إنه يفصل ، سوى إن القير يصير فيه المشكلة من التروس (طبعا نمرة الترس اللي يفصل عليه الموتر)...
لكن لو يطفي فهو قد يكون من إحتمالين:
1- حساس كرنك
2- أحد الكويلات ضاربة

[فرج الله قريب]

تقول إذا مشيت يفصل ، وإلا قصدك يطفي
بصراحة مافهمت معنى إنه يفصل ، سوى إن القير يصير فيه المشكلة من التروس (طبعا نمرة الترس اللي يفصل عليه الموتر)...
لكن لو يطفي فهو قد يكون من إحتمالين:
1- حساس كرنك
2- أحد الكويلات ضاربة


يا الله حيه

اخوي قصدي السيارة تطفي ثم اشغلها وتشتغل

وانا امشي بالسيارة

اتمنى الصورة وضحت

تحياتي

[صقر ولد صقار]

اخوي هل السيارة تطفى اذا كان تانكي البنزين تحت النص او تطفى حتى لو كان البنزين فل.