بأنشدكم عن الباترول السلق

[الستانس]

بأنشدك يالربع عن الباترول السلق وش رايكم فيه من ناحيه القوه والعزم وهل هو يجاري الهدد وفيه أشوف نوع سلق يجي فيه رفرف أسودوش سالفته هو يجي فتك وكم أسعاره مستعمل وجديد وسمعت انه فيه نوع يجي تانكيين هل الكلام هذا صحيح


طبعا السؤال مهب عشان أشتري بس زياده معلومات و الأفاده للناس
لأني لقيت هدد 2000 بـ75 الف وسلق 2005 بـ 70 ألف :eek:

[قف وناظر]

السلام عليكم اخوي
شتان بين الثرا والثرياء شتان بين النيسان عدو الانسان وبين التويوتا حبيب الملايين ولو ان سعره غالي بالحيل بس يستاهل لو تبيع بيتك عشانه واكيد عزيزي ما فيه مقارنة بين الربع النيسان والهدد التويوتا والربع طبعا ليس قوي العزم بذيك الدجة بس على قولتهم يخارج عمره واسعاره حاليا تقريبا 88 الى 92 الف وحقيقة والله مايستاهلها
بالتوفيق...........

[ابو ناصر2020]

الباترول من موديل 2004 ألى 2002 الي عليه رفرف اسود هذا مكينته 4800 فتك و2005 وطالع هذا ديزل وليس بنزين

والباترول السلقه من 2004 وطالع يجي مكينته بخاخ 4500 واقل يعني 2003 يجي كربليتر


واذا على العزم الهدد اقوى عزم من الباترول 4500 سواء بخاخ او كربليتر اما الفتك اقوى من الهدد


وسعر الهدد 2000 غالي مرره 75000 به هدد 2002 او 2001 ونظيف مرره

[مسايف الطعس]

والله شف انا معي باترول ربع 2006

تقوامت مع هدد كلنا بلد هذا الكلام مبطي من أكثر من سنه

كلنا مع بعض قومه وخط ماراح أحد

وانا الصرحة سقت واحد 98 جكس تبي الصدق فيه ثقل عظيم ممشاه حليل بس قومته ثقيله مره وتحس معك دولة ورى

[الوافي 9]

الباترول من 98 الى 2001 ثقيل ويصرف بنزين وسعره يتراوح مابين 45000 الى 60000 ماكينه4500 ومن 2002 الى 2008 ماكينه 4800 فـــتـــك بالنسبه الطويل وسعره على حسب النظافه وبالنسبه لــلــربع من 98 الى 2001 كابريتر ومن2002 الى 2008 بخــــــــاخ والرفارف السود 4800 فتــــــــك والله ولي التوفيق

[الستانس]

مشكورين على المعلومات والله ما تقصرون

ننتظر المزيد....

[ss2020]

سبحان الله وبحمدة سبحان الله العظيم
أذكر الله يذكرك

[قرقاص888]

والله من ناحية العزم كل الموترين حول بعض مامن فرق
أما بالنسبه للموترين الي انت لاقيهن كلهن غاليات
وشكراااا

[العنقري]

مابعد الاند الاالباترول

[خشيمان]

والله عن نفسي اقول
ذييييييييييييييييييييييييييبان
من واقع تجربة

[ابو سحاب]

و الله أنا أضم صوتي لصوت أخوي خشيمان
خذ لك باترول و أترك عنك اللاند
اللاند ما وراه إلا الثقل و الغلا الزايد الي ما أدري على إيش مغلينه
أما أبو رفارف سود هذا المواصفات السعودية ديزل و للأسف
أما الخليجي فهو بنزين مكينة فتك
أنا لاقي الفتك أبو رفارف سود من فترة في معارض النسيم سوم بــ 90 ألف و حد بــ 96 ألف و تراه بالكويت 106000 جديد بس ترا ما فيه مكيف خلفي هذا عيبه

[باترول03]

انا جربت 2003 سلق كربريتر 200 حصان سنتين و ما فيه مكان ما وداني له حتى المراقى راقينا به الموتر خفيف نفس وما يطلب وسعره مناسب على ايامه جديد ب86000 وقبل كم شهر شفت اخوه في السوق(على فكرة تراه نادر) و مسيوم حوالي 65000 يعني خسارة 4 الاف في السنة يا بلاش الا ان كانك تبي تركب موتر عشان اسمه و غالي.

2003 Gl