تكفون ياشباب (مبتدئ)سؤال لأهل الخبرة

[سلاح]

عندي أسئلة عن الصيد في بحر سلوى

1-وين الأفضل الصنارة اليدوية وإلا القصبة؟
2-وين أحسن طعم الخثاق و إلا الربيان وأنا سمعت أنه في ناس يصيدون بمصارين الدجاج ويقولون الصيد ضرب ولا أحلى (هل هذا صحيح)؟

وين أحسن مكان بسلوى لصيد الهامور والشعور؟



وآسف للإطالة
ومشكورين .

[Bo Rashed]

حياك الله اخوي سلاح

انا بجاوب على اسالتك حسب اللي اعرفه

1- الافضل الصيد بالسناره اليديويه اللي هي الخيط والقبه والحين فيه قبة بلاستك يسمونها كويتية وهي مدورة تساعك على قط الخيط وما تخليه يتشربك
2- انا افضل الصيد بالربيان خصوصا للشعم والقرقفان اما مصارين الدجاج فهي ممتازة والضرب عليها ما يحتاج لكن مشكلتها ريحتها خايسه وما تروح من يدك الا بطق العصي لكن اذا تبي تصيد شعري وهامور احسن شي الخثاق
3- انا ما ادل بسلوى لكن اذا انت من اهل الحسا ليش ما تروح العجير او الزخنونية او ام حويض اقرب لك من سلوى واللي بتصيده بسلوى بتصيده بالعجير

تحياتي لك

[بوعبيد]

يعني يابوراشد قصدك الحداق بالخيط الكويتي أحسن من الصيد بالمكينة ؟
وبالنسبة للحداق بالمصران هل هو لنوع معين من الأسماك ولا لجميع الأنواع ؟
وجزاك الله خير يانوخذتنا

[سلاح]

مشكووووووووووووووور ياغالي
والله ماقصرت ويعطيك ألف عافية

والله أدري أني غثة بس معليش تحملوني

ممكن أخوي تقولي
بالنسبة للزخنونية او ام حويض
وين محلها بالظبط

والف شكر لك مره ثانية

[Bo Rashed]

حياك الله يا بو عبيد

ترا اللي يسمونها كويتيه هي القبه ما هو الخيط والقبه هي الشي اللي تلف عليه الخيط والقبه الكويتيه تجيك شكها دائري ولا زم تقطها من اتجاه معين وهي سهله جدا اما القبه العاديه فهي اللي تكون مصنوعه من خشب وعيبها انك لازم تفل الخيط قبل ما تقطه ولانها مستطيلة تلقا الخيط زي اللي يتكسر وهذا يخليه يتشربك

وبالنسبة لي اشوف ان الصيد بالخيط العادي وخصوصا القبة الكويتيه احسن من المكينه او السنارة لانك تقدر تحس النقد او الضرب وتعرف متى تسحب عليه وتعرف شنهو اللي قاعد ينقد عندك اذا انت خبير واكثر السنارات اذا طاحت بالماي تخترب المكينه وغثاها واجد يعني وجع راس

اما المصران فتقدر تصيد فيها كل شي وترا في الييم لا تدقق واجد يعني ما في طعم معين لسمكه معينه لكن السمك على مزاجهم هذاك اليوم احيانا الشعم يضرب على الخثاق وما يضرب على الربيان واحيانا العكس يعني ما في قاعدة عامه

لكن انا اكثر شي اصيد بالمصران هو السبيطي بس سو المصران مثل الكومه على الميدار وقطها وبعد صدت شعوم

بارك الله فيك

[Bo Rashed]

اخوي سلاح
ولا غثة ولا شي لكن اخو عزيز وغالي

الزخنونية جنوب العجير وتقدر تشوفها من العجير بعد ما ينتهي المزفلت اللي يوديك لمركز العجير يجيك سليته او خط مطين تكمل عليه 15 دقيقة وتشوف مركز الزخنونية على يسارك وجنبه صنادق الدواسر

اما ام حويض فهي تحت الزخنونية

وهذي الخريطة تفيدك ان شاء الله

http://www.geocities.com/dossar52/zkhnoniah.jpg

[سلاح]

والله أنك سنايدي
1000 شكر لك أخوي بو راشد

ماقصرت ياغالي
ورايتك بيضا