سؤال على الطاير :من يعرف مكان هالفــرت بالتحديد!!!

[جمران]

السلام عليكم ورحمة الله
مرحبا بالجميع وياهلا ومسهلا
وش رايكم بتحريك الذاكرة والذهن مع هالصيف اللافح :) ونتذاكر صور كشتات الشتاء :)
إذا كونوا معنا
أثناء رحلاتي داخل صحرائنا الغالية مررت بكثير من المعالم وشدني العديد منها
ولفت نظري هالفرت الي توقعاتي له اكثر من 30 سنة وهو ملبق أخر تلبيقه بهاالنفود:eek: :eek:
من هوذيبان الي يقدر يحدد مكانه بالتحديد


الصورة الاولى
http://www.mekshat.com/pix/upload02/images77/mk498_image00001.jpg


الصورة الثانية


http://www.mekshat.com/pix/upload02/images77/mk498_image00002.jpg


طبعا كما تلاحظون أن الوقت كان بارددددددددا جدا والنفيض يغطي السماء
والارض رويااااانه وخير الله وااااجد الله لايحرمنا من فضله

[دغيم1]

السلام عليكم ورحمة الله وبركاته
يعطيك العافية أخوي
ابو عبد الرحمن
فكرة جميلة
أعتقد والله أعلم أنها بالنفود الكبير
تقبل تحياتي

[جمران]

حبايبي
لعاب المنايا
أبو فيصل
تشكران على المشاركة ومالكم لوا
وعذرا تم تعديل العنوان لمناسبة الصورة
وننتظر مشاركة البقية

[محمد الشاوي]

يابو عبدالرحمن


صاير راعي مسابقات


أكيد مهرجانات صيف عنيزة 29 مؤثرة فيك .. :)



هل هو صندوق الفورد الواقع شمال البسيتينات


إذا كان هو عطيك الاحداثية حقت الراس ( الغمارة )



وش أخبار العمدة وو علومه مع هالحر ؟؟


ماودك تحط فرع للمسابقة عندنا ؟؟ ;)

[عاشق الجمري]

اعتقد في القصيم والله اعلم

[جمران]

حبيبي أبو فارس حاول مرة اخرى (وغريبة عليك ماتعرفه فانت رجل
ماخليت خب إلا ودخلته ولانقا إلا ورقيته )
عاشق الجمري حاول مرة اخرى وبعدين نبي المكان بالتحديد
حتى لوكان داخل او خارج القصيم يبعدي

[M-A-90]

هلا أخوي جمران

أعتقد أنه يقع جنوب الدخول

[ابرق العزاف]

وش رايك بنفود سبيع

قد شفت بها سيارات ما باين منها الا الهنقلين

[جمران]

مع اعتذاري للجميع هو يقع بالشمال وبالقرب من نقا مشهور وخبة معروفة
واعطيكم فرصة ليوم غد
=====

[سوبر VTC]

ممكن يكون طال عمرك حول فيضة زرود او زورد غرب

الزبيرة

تحياتي

[سوبر152]

صندوق الفورد الواقع شمال البسيتينات

[محمد الشاوي]

قد يكون قرب نقا المطوع وخبة النوم

وترى ذاكرتي بمثل مواقع المواتر وسط .

إذا كان كذلك قهي شرق وليست شمال ؟؟



وربما يكون قرب راس أم نقي .. ربما ..


عموما أنا حجزت السؤال اللي بعده ..

[جمران]

سوبر فتك
سوبر 152
أبو فارس مرة اخرى
ولجميع الاحبة
حاولو مرة اخرى وتراكم حولها ماهي بعيدة
وهذي خريطة للمنطقة
http://www.mekshat.com/pix/upload02/images77/mk498_5654333200.jpg


وهذا صورة لنقا (00000)الي حول الفرت
http://www.mekshat.com/pix/upload02/images77/mk498_12www4w3we3.jpg

[محمد الشاوي]

سوبر فتك

سوبر 152
أبو فارس مرة اخرى
ولجميع الاحبة
حاولو مرة اخرى وتراكم حولها ماهي بعيدة
وهذي خريطة للمنطقة
http://www.mekshat.com/pix/upload02/images77/mk498_5654333200.jpg


وهذا صورة لنقا (00000)الي حول الفرت

http://www.mekshat.com/pix/upload02/images77/mk498_12www4w3we3.jpg



هل هو نقا ابو نسور والخبة خبة النقع ؟؟

ترا راسي انفقع من التذكر ...

[7767]

السلام عليكم
الظاهر انه شمال ام جريف بحول 10 كيلو .....

[1400]

مساكم الله بالخير

الظاهر والله أعلم شرق الثويرات

أو

حول البعيثه


مجرد محاوله ياااائسه

[الصمان 2]

نقيان ابو حثول ؟

[جمران]

ياعيني يبو فارس
جبتها ماشاء الله عليك
http://www.onaizah.net/majlis/images/smilies/redface[1].gif http://www.onaizah.net/majlis/images/smilies/redface[1].gif http://www.onaizah.net/majlis/images/smilies/redface[1].gif
نعم هو نقا ابا نسور والخبة خبة النقع والفرت يقع بنهاية الخبة من شرق جنوب النقا مباشرة
وتفضلوا الاحداثية
N 27 02 312
E 044 32 512
مع خالص التحية لجميع من شارك بالبحث عن الفرت وونتظر سؤالك يبو فارس
تفضل بس ترفق علينا

[أبو ناصر التميمي]

مشكوووووور اخوي

لاهنت

(تميمي ما يهاب)

[محمد الشاوي]

ياعيني يبو فارس



جبتها ماشاء الله عليك
http://www.onaizah.net/majlis/images/smilies/redface[1].gif http://www.onaizah.net/majlis/images/smilies/redface[1].gif http://www.onaizah.net/majlis/images/smilies/redface[1].gif
نعم هو نقا ابا نسور والخبة خبة النقع والفرت يقع بنهاية الخبة من شرق جنوب النقا مباشرة
وتفضلوا الاحداثية
N 27 02 312
E 044 32 512
مع خالص التحية لجميع من شارك بالبحث عن الفرت وونتظر سؤالك يبو فارس


تفضل بس ترفق علينا






:p :good:

سأسير على نفس الخط إلى أن يأأتي الإذن بالتغيير


هاتان سيارتان في مكانين مختلفين


اختر واحدة منهما لتحدد لنا مكانها


السيارة الأولى حوض قديم

http://filaty.com/i/808/29144/DSC02290.jpg





والثانية فورت قديم

http://filaty.com/i/808/30851/DSC05034.JPG




بانتظار إجاباتكم علما أن الحوض سبق نزلته في موضوع سابق كان منب واهم :j

[رسلان]

متابع يا ريس :) ... مطفي النور لين نلقي شي نعرفه :d مع ألف شكر على الموضوع والفكرة الجميلتين ...

[قناص1975]

السلام عليكم
يا قربة من سا مودة وام اعشر بالنفود اذا مانى متوهم

[صدى الحادي]

الصورة الأولى يا أخي الغالي محمد .. والله أعلم تقع في الشمال الشرقي ..

أما الصورة الثانية تقع في الشمال .. أو الشمال الغربي والعلم عند الله ..

.. مجرد تحليل للتضاريس :) .. ولا ما قد شفت هالمواتر ولا أعرف مناطقها ..

[عاشق البسيتين]

اتوقع حول فيضة ام فرد كاني مانب واهم

[محمد الشاوي]

الصورة الأولى يا أخي الغالي محمد .. والله أعلم تقع في الشمال الشرقي ..

أما الصورة الثانية تقع في الشمال .. أو الشمال الغربي والعلم عند الله ..

.. مجرد تحليل للتضاريس :) .. ولا ما قد شفت هالمواتر ولا أعرف مناطقها ..


الغالي صدى الحادي

مالك لو

وحده شمال ووحده جنوب


وياليت يكون التحديد دقيق .

[ابو سمر]

حبيت أسلم أخوتي الأعزاء ..

وللأسف لا أعرف مكانه، بل رأيت فورتات متروكة في بعض الهجر أو بالقرب منها..

شكراُ لك عزيزي أبو عبدالرحمن ..

[جمران]

قرب شوي يبو فارس !!!

[محمد الشاوي]

الحوض يقع في هذه المنطقة من الخريطة وهو على أطراف فيضة ليس فيها سدر وإنما رمث فقط


والفيضة مسيجة وممنوع دخولها واسمها مركب من كلمتين :



http://filaty.com/i/808/1.048/22222.JPG



وأما الفورت فهو يقع في قرية جنوب القويعية واسمها الحالي هو نفس اسمها القديم ماعدا الحرف الأخير تغير فقط .


يكفي ولا أزيد التوضيح .

[مرقاب الشرق]

اللى غريبه ماشلوهن اللي يجمعون القواطي والحديد اقترح عدم نشر مثل هاألألغاز علشان ماتسهلون للعالم الفتك بالتراث . وشكراً

[سوبر VTC]

اللى غريبه ماشلوهن اللي يجمعون القواطي والحديد اقترح عدم نشر مثل هاألألغاز علشان ماتسهلون للعالم الفتك بالتراث . وشكراً

هههههههههههه:D :D
اصبر شوي الدور جاين عليهن بس كله فترة و تشوف
انتبه لا يشلونك انت وثوبك معهن:D

[عليم العطش]

الفرت بما انك وضحت وبقوه الظاهر انه بالرين واسمها القديم (الريب)
والله يسهل
لاهنت

[محمد الشاوي]

الفرت بما انك وضحت وبقوه الظاهر انه بالرين واسمها القديم (الريب)
والله يسهل
لاهنت



:good: :good: :good:


أحسنت يابو عبيد


عز الله جبتها يالذيب ...

هذا الفورت يقع في الرين



باقي الحوض وتراه سهل جدا ...


وللتوضيح أكثر ... يقع في فيضة اسمها مركب من كلمتين إحداهما اسم نبات بري .

[ابولين]

الله العالم أنها أم عشر

ننتظر صح ام غلط

شكرا للجميع...........

[محمد الشاوي]

الله العالم أنها أم عشر

ننتظر صح ام غلط

شكرا للجميع...........


مالك لوا ...


ومحاولة ثانية إن شاء الله تصيب .

[راعي الصطحه]

يعطيك العافيه وتقبل مروري

[ريف النشاما]

:D :D :D :D



:D :D



:p



انتبهوا لا يشوفكم أفغاني :no: ثم يكسر الكمبيوتر يحسبهن فيه:j

[محمد الشاوي]

:D















انتبهوا لا يشوفكم أفغاني :no: ثم يكسر الكمبيوتر يحسبهن فيه





:)

:mad:

:D

:cool:

:no2:

:good:
:j

وشلون العمار ياريفو

الظاهر مهبلين بك العمال


الله يعينك ويسهل امرك .

[فهد الخالدي]

اخوي ابو فارس موجود بام شيح

[فهد الخالدي]

اخوي جمران يوجد كذلك فورد قريب من قليب الحموديه بنفس الشكل

[سفاري97]

هذا بالثويرات عند جدتي ميه بالميه

[الخا911لدي]

مشكوار أخوي سوبر...

[جال الربيعية]

فيه مثله
الي صرت طالع من البريكة بأتجاه أم عشر بأخر النفود

[crash.mad]

الله العالم إنه حول الزلفي