عاجل : وش اشتري

[عاشق الجمري]

السلام عليكم،،،،،،،،،،،،،
ودي اخذ رأيكم بأشتري سيارة عائلية ومحتار بين
التاهو من شفروليه او
يوكن من جي ام سي
ودي بالمشاركة في الرأي

[غالي]

كانك من السعوديه
انصحك باليوكون

فيه فرق عند البيع

وكتابة Gmc عليه

تحس انك شاري موتر يستاهل

ويكفي ان الجموس اغلب العالم تاخذ جي ام سي

ونادر ماياخذون تاهو كبير

هذا رايي والله يكتب لك الي فيه خير

[الصمان 2]

اليوكن أفضل .


وانحش من وارد الجميح .


العيسى أفضل عند الصيانة .


وقبل كل هذا ..... عليك بالأستخارة .

موفق .





.

[سوبر VTC]

شف خشت اليوكن جمس و وشف التاهو :d
شف وجه العنز و احلب لبن:d :d


عليك بالجمس و لا تدور
و عليك بالعيسى

[باني طوية]

لاتدور غير الجمس

الشفر فاشلة وخراباتها ماتخلص

وعليك بالاستخارة


اخوك

al 7r

[ابو مكازي2002]

التاهو حسنلك من ناحيت الشكل والجوده

[الذيب مصلوخ]

السلام عليكم ورحمة الله وبركاته
لاتدور غير الياباني لاندكروزر وإلا باترول أو حتى فور شنر
شيك باليد
والشور شورك والهدايه هداية الله

[مخ سعودي]

ياجماعة الخير اليوكن والتاهو نفس المحركات نفس القير نفس الدبلات نفس الممشى يعني مافيه فرق انا اشوف التاهو افضل شكل وارخص من اليوكن ونفس الشي وعليك بالاستخارة

[L I M I T E D]

هي نفس الشيء

قير ومكينه ودفرنس وكلش نفس الشيء ماتفرق

الفرق في الاكسسوارات والاسطبات فقط ..

اللي يقول خرابه واجد ومدري وشو تراه هو نفس اليوكون

بإختصار اذا انت ماعندك مشكله تدفع الفرق بينها
وعندك نيه تبيع بعد سنتين تقريباً عليك باليوكون

اما العكس عليك بالتاهو

واستخر الله قبل كل شيء

[alsarem]

اولا مافيه فرق بين اليوكن والتاهو من ناحية الأستخدام اوالمحركات او قطع الغيار الفرق في الشكل والمبلغ اليوكن يزيد عن التاهو مابين 5000-8000 ريال ثانياً اذا مايهمك الشكل خذ تاهو لأنه ارخص،وانا استورد اليوكن والتاهو من امريكا ومشاء الله كلهم شيكات واتمنى لك التوفيق.

[عاشق الجمري]

جزاكم الله كل خير ياحبتي الكشاته :D
وقررت انا وأم العيال بعد مشورتكم ،،،،،،،،،،
عليك بالتاهو اليا كنت زعلان ،،،،،
تاهو لون بيج وعلى بركة الله ودمتم

[راعي الفورت]

جزاكم الله كل خير ياحبتي الكشاته :D

وقررت انا وأم العيال بعد مشورتكم ،،،،،،،،،،
عليك بالتاهو اليا كنت زعلان ،،،،،

تاهو لون بيج وعلى بركة الله ودمتم



أحسنت الاختيار أنا أمتلك تاهو 2008 ولله الحمد

سيارة بكل المقاييس

وأنصحك خذ أبو دبل لا يطوفك

اللي هو LS

[Magellan]

الله يبارك لك
وثانيا مادام تبي تاخذ تاهو ..
لا تاخذ إلا Lt بدبل
نصيحة ترى هو أفضل من Ls ولايفرق واجد

[سوسة حطب]

معلومه كانت قديمه عندي الشفر قبل الجي أم سي والشركه المصنعه هي الشفر وسعر الشفر أرخص والمكينه واحده بس في الإكسسوارات تختلف وقبل كل شي استخر وشاور وشيك على أكثر مبيعات عندهم ترها زينه وتفيدك

[بدوي جنوبي]

الفرق بين الشفر والجي ام سي

الشبك الامامي

العلامه علي الدركسون
===== الطيس
في الخلف مكتوب تاهو للشفر
======= يوكن للجمس


البدي واحد
المحرك واحد
القير واحد
الدفرنسات واحده
الداخليه واحده
الطبلون واحد


الخ،،،،،،،،،،،،،،،،،،،،،،،،،،،،،،،،،،،،،،،،،،،،،،، ،

مواصفات ال Z71 افضل من مواصفات الدينالي في الجي ام سي

الجي ام سي ماخذ سمعه في السوق عند البيع والشراء فقط

[عاشق الجمري]

اشكر من الاعماق للي اعطوني المشورة ،،،،، من جد لاخاب من استشار

[المحترف800]

ياجماعة الخير اليوكن والتاهو نفس المحركات نفس القير نفس الدبلات نفس الممشى يعني مافيه فرق انا اشوف التاهو افضل شكل وارخص من اليوكن ونفس الشي وعليك بالاستخارة



هذا اللي أعرفه ان مابينهن فرق .. وكلام 100%