ابيلي ورشة خاص للباث فاندر

[المحترف قارمن]

السلام عليكم

ياشباب ابي فزعتكم عندي جيب باث فاندرابيلي ورشة متخصصة فك مكينة وتوضيب وين الأقيها فيه ارجو ارد علي لاهنتو

[المحترف800]

عسى ماشر ...

[المحترف قارمن]

جعل الشر مايجيك والله المشكلة عندي حراره في المحرك من سنة وسالفة ان اخوي الله يهدية فتح غطاء الأديتر عشان يزودة موية لقافة والموتر مايبيلة تزويد المهم مشئ علية لين وقف علية السياره والحراره H وبعدين وديت الموتر للوكالة وغيرو رديتر وبعدين ماش حالة بس الاحظ علية اذ دخلت النفود وزريته يفور وبعدها بأربع شهور قفل البلف الخلفي وصار يفور وهو يشتغل وديته للوكالة وغيرو ريديتر وبلف خلفي وامامي وحساس وطلعتة وصار اذ مسكت خط طويل امشي علية بسرعة 160 ترتفع علي ورجعته للوكالة قالو راس مكينه ابغى منكم الحل اشتري محرك من التشليح ولا لا وسعره في التشليح 12000 ريال
ما أدري وش اسوي موديل 2005م

[أبو فهد11]

أنا والله مالي خبره لكن تبي نصيحتي صلحه أفضل من أنك تشتري مكينه

بــ 12 الف ريال

أنا كان عندي انفنتي شبيه الباث فندر طاحت علي مسامير الثلاجه وسويت له توظيب

بس بدون خرط السرندل لأنه سلم وغيرت كل حاجه حتى الشنابر والبكرات حقت السيور

وكل شيء ما عدا الخرط

عند ورشة رشيــــــد اللي في الصناعيه القديمه وكان سعره غالي شوي تقريباً شغل اليد 1800

وصنفرة الرأس 700 ريال وإجماليها القطع وشغل اليد والصنفره تقريباً 5000 يال

وآسف على الإطاله

وأي خدمه أنا حاضر

[التسعاوي]

والله ياخوي انا اقول التوضيب افضل الف مره من التشليح بشرط يكون ميكانيكي ممتاز

وبالنسبه للورشه شيك على الخاص.

[المحترف قارمن]

طيب يابوفهد ممكن توصفها لي ودي امر عليهم طيب عطوك ضمان على شغلهم

[المحترف قارمن]

هلا فيك التسعاوي
بالنسبة للورشة عرفتها صاحبها هو اللي يديرها .المطوع صح

طيب كم تكلف الشغلة

[جول قميري]

اخوي المحترف والله ضيقت صدري لان عندي نفس المشلكة 160 تزيد الحرارة وبالنفود برضه نفس المشكلة

[التسعاوي]

ايه نعم هو وقصت علي ياطويل العمر 1500

[المحترف قارمن]

ايه نعم هو وقصت علي ياطويل العمر 1500


وش وقصت عليك 1500 او 15000 وضح

[المحترف800]

جعل الشر مايجيك والله المشكلة عندي حراره في المحرك من سنة وسالفة ان اخوي الله يهدية فتح غطاء الأديتر عشان يزودة موية لقافة والموتر مايبيلة تزويد المهم مشئ علية لين وقف علية السياره والحراره H وبعدين وديت الموتر للوكالة وغيرو رديتر وبعدين ماش حالة بس الاحظ علية اذ دخلت النفود وزريته يفور وبعدها بأربع شهور قفل البلف الخلفي وصار يفور وهو يشتغل وديته للوكالة وغيرو ريديتر وبلف خلفي وامامي وحساس وطلعتة وصار اذ مسكت خط طويل امشي علية بسرعة 160 ترتفع علي ورجعته للوكالة قالو راس مكينه ابغى منكم الحل اشتري محرك من التشليح ولا لا وسعره في التشليح 12000 ريال





ما أدري وش اسوي موديل 2005م




ترتفع الحراره إلى وين بالضبظ ؟؟
انا اذا مسكت خط وكان الجو حار وكنت امشي 160 ترتفع لتحت النصف بشوي .. هل هاذي مشكله لاني صراحه ساحب عليها ..

[التسعاوي]

لاياشيخ وش 15000 والله لو هي سياره كامله

1500 شغل يد و 3000 قطع غيار طبعا بدون السرندن.

[المحترف قارمن]

أخوي يالمحترف المشكلة عندي وسبق شرحها راس مكينة واذا مسكت الخط امشي 120 تمام ماترتفع حلو
واذا اسرعة 160 مايقارب 30 كيلو تقب الحرار نص وشوي وشوي وشوي لين يفور من القربةH