وش رايكم بتركيب مروحه إظافيه للباثفايندر

[موادع الشرقيه]

اخواني المكشاتيه
السلام عليكم


وش رايكم بتركيب مروحه اظافية للباث
هذا راي احد الميكانيكيه اللي كشفوا على السياره بسبب ارتفاع الحراره


وهل هي مفيده ومانوع المروحه اللي تركب

علماً انه موديل 2001




وشكرا لكم ....,

[عاشق السيل]

وعليكم السلام ورحمة الله وبركاته ،،

أنا مركبها على الباترول وبصراحة رهيبة جدا وخاصة للمكيف لأنها تكون راكبة من الخارج على أديتر المكيف ،، رغم إني مركب مروحة صغيرة جدا بسبب ضيق المكان عندي واتوقع إنك تقدر تركب مروحة كبيرة ،،

عموما استشر أخوي أبوسليمان لأنه هو صاحب هالشغلة وهذا رقمه : 0504472382 بس بسرعة قبل يروح الرقم !!

وتقبل مروري يالغالي ....

[المحترف800]

وان أفكر بعد فيه لان معي 2005 وش الراي ..

[م.بندر]

حبايبي وأخواني
انا مركب مروحه للبتفندر الحقيقه ان الحاراره تنزل بس لاوقفة السياره والمكيف شغال
مركبها تقريبن مع شغل الكهربائي بـ200ريال

[أبوناصر]

والله أنا رايي إن الباث ما يحتاج له مروحه لأن حرارته معتدله


لكن لو الحراره مرتفعه تأكد من سببها واذا حليت السبب راح تحل مشكله الحرارة


أما لو قصدك تشيل مروحة المكينة وتركب بدالها كهرب فهذا احسن لأنه يخفف الحمل على المكينه ويهدا الصوت

[موادع الشرقيه]

اخوي عاشق السيل
شاكر لك وان شاء الله راح اتصل عليه

اخوي المحترف
ان شاء الله نستفيد من الاخوان

اخوي م.بندر
شكرا لك على المعلومه

اخوي ابوناصر
اشكرك بس وشلون مراوح كهرب؟ ووين يركبونهن في الدمام وبكم تقريبا يركبونها؟اسف على الاطاله يالغالي

[المحترف800]

حبايبي وأخواني

انا مركب مروحه للبتفندر الحقيقه ان الحاراره تنزل بس لاوقفة السياره والمكيف شغال

مركبها تقريبن مع شغل الكهربائي بـ200ريال
[/quote]


حياك أخوي / بندر سؤال لاهنت طيب اذا مسكت خط تفرق معك الحراره :rolleyes: :rolleyes: ؟؟

[م.بندر]

اخوي العزيز الصراحه عندي مشور اسبوعي لحائل
رايح جاي للقصيم بيني وبينك بديت ماأمسك الطريق الا الفجر ولا العصر بديت مائمشي بالقوايل

[عربوطة]

أنا معي باثفندر 2005 وانا راعي جلد وراعي مقاومات
أول حرارته ترتفع لما قبل الإتش
نصحني واحدقال ركب له الديتر غاطين (لفتين) الحين أجلده وحرارته تحت الربع
(((معلومة الديتر حق الباث صغير جدا لفة واحدة ))))))))))

[م.بندر]

اخوي عربوط وين احصل الديتر لفتين ومن الي يركبه وكم سعره لو سمحت مع التركيب

[الرحال الحزين]

عندي باث امريكي
داخل المدينه قريب النصف
في لصيف مع الوقوف والمكيف وضرب الخط ترتفع الي قرب الاحمر
ركبت مروحه صار المكيف ابرد اما الحرار لم تتغير
لانه تخدم المكيف وتركب على رديتر المكيف

[موادع الشرقيه]

مشكورين يالنشاما

ننتظر باقي الاعظاء

[موادع الشرقيه]

اخوي عربوط وين احصل الديتر لفتين ومن الي يركبه وكم سعره لو سمحت مع التركيب

نفس السؤال

[جول قميري]

اخوي عربوط وين احصل الديتر لفتين ومن الي يركبه وكم سعره لو سمحت مع التركيب


نفس السؤال وياليت اخوي عربوطة تجاوب علينا باسرع وقت وجزاك الله خير

[AL-MOSTAKSHIF]

السلام عليكم ورحمة الله وبركاته
اشكر كل من شارك في هذا الموضوع وعلى العموم الموضوع متعب قليلا لكن بالنسبة لفكرة خفظ الحرارة سهلة وانا مجرب كان عندي ارتفاع في حرارة مكينة السيارة عندي باث فايندر 2004 على العموم ما احب اطيل عليكم استشرت واحد من الشباب في الوكالة عن الحرارة ومسبباتها وافادني بانه يكون في مواصير الي تنقل ماء الرديتر الى جميع اجزاء المحرك يكون فيها هواء ولازم يعمل الواحد تفريغ للهواء عن طريق ماصورة تكون بارزة بين المحرك والبدي ويكون عليها سدادة هذي الماصوره صغيره يركب عليها لي المكيف الصحراوي العريض تقوم بشبك لي المكيف في هذه الماصور والطرف الثاني في المخرج المؤدي الى القربة وتجيب قارورة ماء مقطر وتقص الغطاء بدون ما تطلع القطعة اللي على شكل رنق الي في حلق القارورة وتقوم بقص اخر القارورة وتضعها بدل غطاء الرديتر وتعباها ماء رديتر والنوع الي انا مجربه بالنسبة لماء الريتر ومحلول بماء يعني يكون جاهز ما يكون مركز علشان ما يسبب حراره زائدة Castrol coolant Longlif Premixed ماء تبريد طويل الامد خاص بالديتر الالمنويوم وموجود عند السيف للمحركات ارجو اني قد وفقت في الافادة في هذا الموضوع واسبيحكم عذرا على الاطاله وباحاول انشاءالله اني اوضح لكم الطريقه بالصور انشاء الله .
طبعا الطريقه هذي ليست معروفة عند اصحاب الورش او الرديترات لكن يقدر اي واحد يسويها في البيت او يشرف على العامل وهو يصلح وانا حاضر في الخدمة لاي استفسار .
ملاحظة :-
لازم تتاكد ان المويه اللي داخل اللي صافية ما فيها هواء ويوضح بوجود الفقاقيع في لي المكيف طبعا لي المكيف يكون شفاف .

[جول قميري]

جزاك الله خير اخوي المستكشف على الافادة وياليت اخوي لو توضح لنا مكان الماصورة بالصورة والشرح كذالك بالصور لتعم الفائدة الجميع

وجزاك الله الف خير

[م.بندر]

معليش اخوي ممكن توضح اكثر خويك يبي سبوره عشان يفهم الصرحه عجزة اركز ابد

[الساهر2003]

نفس السوال ياشباب اريد اديتر رصتين من وين اجيبه والموتر قير تماتيك
والحرارة مع الجلد ثلث الى قبل النص اكيد طبيعي لكن مقارنة بالسيارات الاخرى موطبيعي
والمروحة مروحة باث او ددسن من التشليح لان الشباب ينصحون فيها
وتنسيم الهواء سهل وممكن كل شخص يتاكد اذا موتره فيه هواء في الرديتر
طريقة الفحص بعد مشوار متوسط افتح الكبوت واظغط على الخرطوش اللي فوق اذا هو قاسيي جدا مثل كفر السيارة يكود تظغطه اكيد فيه هواء واذا هو لين بشكل نسبي ومعقول مع حرارة الماء فهو طبيعي
مع اطيب تحية للجميع

[بواسامه]

ركبها
ان لقحت ولا ماضرها الفحل
وهي اكيد بتنفع باذن الله وسبق ان جربتها بفاصل خاص وكتاوت خاص ولا احتاجها الا اذا وقفت عند اشاره ولا في الزحمات اما الخطوط فهي مفصوله ومالها سنع

[موادع الشرقيه]

اشكر كلاً باسمه

وأتمنا من يفيدنا عن راديتر اللي يجي صفتين

[عربوطة]

أعتذر عن التأخير
المروحة عند أحد الوكالات بس أنا ناسيه لكن لا رحت للميكانيكي يعلمك
الورشة في بريدة عند عمارة عويظة (((الفاضل)))
القيمة مع شغل اليد 600
من أراد شيء فأنا مستعد (((((المعذرة على التأخير))))