(( سؤال عن خط القصيم المدينه المنورة ))

[ابوسليم]

السلام عليكم ورحمة الله

انا ان شاء الله متجه من الرياض الى المدينه المنورة . والسؤال هنا هو _
هل هناك محطة بنزين بعد ما اتعدى القصيم يكون فبها مكان للراحة واكل نظيف ؟

وجزاكم الله خير ,,,,,,,,,,,,,

[أبوأثير1]

نعم فيه محطات في الذييبيه والبتراء وبعد ماتمشي من بريده بـ 250 كيلو اسمها السريع
ومحطة العاليات قبل المدينه بـ 100 كيلو
الأكل والنوم ما نشرط شي

[ابوسليم]

شاكر لك يا اخي / ابو اثير1

[سحابه]

طريق القصيم -المدينة المنورة يوجد عليه محطات مثل ماوضح ابو اثير
لكن النظافة والاكل زي كل محطاتنا الي على الخطوط السريعة
يعني ماعندك احد

[المشكل]

بعد بريده بـ 100كيلو في محطه على اليسار
نسيت أسمه فيها مطعم الطاهي المطعم حلو
له فروع ببريده والبدئع والخبراء

[ابوسليم]

اخوي / سحابة هذا الخوف من المحطات الي ماعندك احد .... الواحد تلقاه جوعان وبلشان مايدري وين ياكل
خايف من هل عماله الي في المحطات .

اخوي / المشكل انشاء الله نمر عليهم .......... وشكراً لك ...

[دمعتين وسحابة]

نعم فيه محطة البتراء بعد القصيم بحوالى 70ك فيها غرف للراحة بالساعات واليوم على كيفك وفيها مطاعم وثم بعدها150ك تقريبا محطة لكن نسيت اسمها فيها مطاعم واعتقد فيها اماكن للراحة ثم بعدها محطة العاليات بحوالى 145ك تقريبا ثم الى المدينة 108ك ......اتمنى ان أكون افدتك بشئ

[ابوسليم]

اخوي / دمعتين وسحابة
جزاك الله خير على التوضييح .... والله يسهل الأمر ,,,,,,,,

[أبوأثير1]

في مثل هذه الأمور يمدحون الجن والخبرز وخل عنك المطاعم وعلى فكره حتى الطيارات وتقديم الطعام اللي فيها صار ملوث مثل ماشفنا بسبق خذ مع خبز وشابوره

[خالد العتيبي]

اكل في القصيم وبعدين واصل للمدينة المسافة ساعتين ونص او ثلاث ساعات في المدينة يعني ما يمديك تهضم اكلك وبالتوفيق

[اسير الغضا]

انا قبل امس جاي من المدينه على هذا الطريق
تمر يازينهوفيه ثلا ث محطات اول وحده ازينهن وترا راعي البقاله يبيع

[L I M I T E D]

اكل في القصيم وبعدين واصل للمدينة المسافة ساعتين ونص او ثلاث ساعات في المدينة يعني ما يمديك تهضم اكلك وبالتوفيق

كلام سليم

مالك ومال وجعت الراس على هالمطاعم

الله يكرم النعمه بس ..!

[راعي البخاخ]

الله الله طال عمرررررررررك اخوي ابو سليم على ماقالوا الشبااااب ,وبيض الله وجيههم وماقصروا ,لالالالالالاكـــن انتــبه بعد ماتتعدى القصيم(بريده) بتجيك محطات ومطاعم على الطريق السريع ,الاما تــقطع طال عمرك حوالي 120 كيلو او 130 ,اخـرتها محطــة البــتراء على يمينك ,بعدها فيه محطه بعدما تتعدى كبري عقلة الصقور وقطن,تجيك محطة وحده على اليسار طبعاً مع الكبري تنزل لها ,اظاهر انها محطة قرية او هجرة الأفيهد, تجيك قبل جبل طمية المشهور الي يمين السريع,<تــحذير !!! بــعدها مافيه الامحطة الحناكيه الي قبل المدينه بــ100 كيلو!>
,يعني خلك متزود من محطة البتراء لأنك بتضمن وبتلقى فيها كل شىء لأنها محطة كبيره ووراها من جهة الشمال منتزه عند ضلع كبير حاطته البلديه يقاله على ماظن منتزه المزيريره
فيه جلسات والعاب مراجيح للصغار هاذا اذا كانك بتريح فيه, وتقهوى فيه بعد المحطة يمين,,, ادري اني كثرت البربره عليك بس تستاهل الفايده عامه للجميع
ارجوا ياخوي اني افدتك بخبرتي القليله ,
تقبل مروي اخوك راعي البخاخ

[واحد منكم]

فيها مطعم الطاهي المطعم حلو
له فروع ببريده والبدئع والخبراء


شاري الاسم بس والباقي ماله دخل << محقق معهم ابو الشباب

[البس]

انا ناصحلك في طريق ثاني مع الرس رهيب وسيدين اسفلت جديد على كيفك وفي بالرس الطاهي لايفوتك رهيب

[مشواري]

أبو سليم
السلام عليكم ورحمة الله وبركاته
أسمع كلامي زين بالنسبة لطريق القصيم المدينة المنورة (حافض الخط حفض)
أول محطه تواجهك محطة الحجازية (السيح) وعلى يدك اليسار يعني ( مخرج ) ومحطه زينه وفيها مطعم الطاهي وتبعد عن القصيم حوالي 50 كيلو .
ثاني محطة تواجهك محطة البتراء وفيها مطعمين وغرف سكنية وعلى يدك اليمين وتبعد عن المحطة الاولى حوالي 30 كيلو .
ثالثا محطة مناخ طمية وهي على يدك اليسار يعني مخرج ومحطه نظيفه وفيها غرف سكنية وتبعد عن المحطة الثانية حوالي 100 كيلو .
رابعا محطة دوبح وهي على يدك اليمين ومحطة متوسطة النظافة وتبعد عن المحطة الثالثة حوالي 20 كيلو .
خامسا محطة روابي الحناكية (ديرتي ) يمين ومحطة العاليات على يدك اليسار وكلها محاط زينة ونظيفة (بمدحها لأنها في ديرتي ) وتبعد عن المحطة الرابعة حوالي 130 كيلو .
ومن الحناكية الى المدينة المنورة حوالي 108 كيلو .
ودربك خضرررررررررر أخوكم / راعي الحناكية