دبة بريمس للبيع جديده

[ابو عبدالملك 2]

بسم الله الرحمن الرحيم



السلام عليكم ورحمة الله وبركاته




عندي دبة غاز بريمس سويدي اصلي للبيع


وزن خمسه رطل جديده ما استعملت عندي تقريبا عشر بدون راس دبه بس


اللي يبي يقول انا ويضع رقم تلفونه



وابيكم تحرجون عليها واذا وقف السعر بعتكم بشرط يكون يخارجني


انا في الرياض

[موادع 1]

انا
كم حدك يادكتور
ابي لي وحدة ولا ثنتين
0503109585

[العاااازف]

كم حدك يااعمي ابي انظم للرابطة حقت الربع
وقالوا لاااااااااااااااااازم برايمس هههههههه اصلي

[بريموس سويدي]

يا خوي مقا سا ت دبا ت السويدي الااصلي 5رطل 10 رطل 12 رطل شا يفهن عند محل البريه شرق الرياض

[العاااازف]

يا خوي مقا سا ت دبا ت السويدي الااصلي 5رطل 10 رطل 12 رطل شا يفهن عند محل البريه شرق الرياض
قل خيراً او اصمت مايجوز طريقتك اخوي

[ابو عبدالملك 2]

قل خيراً او اصمت مايجوز طريقتك اخوي




الله يجزاك الف خيراخوي العازف والله انا ما بغيت اقول له شي بس الحمد لله جت


من القراء مو مني

[ظبي]

50للدبة وش قلت

[ابو عبدالملك 2]

ظبي شيم البروق العاااازف حياكم الله البيع يتوقف ما فيه بيع اللي يبي يروح لمحل البريه شرق الرياض مثل ما قال اخونا بريمس سويدي واسئلو بريمس سويدي كم سعرها قبل ما تروحون

[حمد808]

اسوم الدبة100ريال

[موادع 1]

اخوي احمد
هل الدبات عندك ؟ او عند البرية ؟
اذا كانت عندك ماله داعي اروح واسأل كم سعرها
لان وانا اخوك البيع والشراء بالتراضي بمعنى اذا ما جازت لك سومتي
ماراح تبيع
واذا ما جاز لي حدك
ما راح اشتري
يعني بضاعتك عندك وقروشنا في جيوبنا

بعد هالمقدمة اللي ما ادري وش تبي
ابيك تحد علي بسعر يرضيك ومعقول . وش قلت ؟

انتظرك

[ابو عبدالملك 2]

اسوم الدبة100ريال

سومة طيبه من وجه طيب بس والله الى اللحين ما جبت راس المال

[الساهر2003]

الله يرزقك البيعة الطيبة اخوي
وانصح الشباب ان يشترو 5 رطل واصلي لاني عندي 3 رطل اصلي ومو مرتاح لها اذا ارتكى عليها القدر ولكنها عملية جدا جدا وهي غنية عن التعريف
والله يرزقك اخوي وودي انك تحدها علي
طبعا العدد 1 او 2

[ابو عبدالملك 2]

حي الله الساهر يقولون من حد لد وسامها حمد 808 بمية وقلت له ما جابت راس

مالها يعني توك نبي راس المال ونبي الربح يبي لك شوي

وزي ما قلت لكم تراها بدون راس كني فهمت من كلامك انها بالراس الراس معدوم

ولو كان موجود انكان ما تحصل الراس لحاله ولا بميتين

[الساهر2003]

اكيد بدون الراس
الف شكر لك اخوي والله يرزقك البيعة الطيبة

[ابو عبدالملك 2]

حياك الله اخوي الساهر وان شاء الله تلقى اللي على بالك وارخص

[سرهيد]

السلام عليكم

اخوي د احمد

وسع صدرك واي واحد يجي ويقول كلام هو مجرد كلام بعدين الاخ الكريم برايمس سويدي ما قال الا شيء معروف اصلا للجميع .

فوسع صدرك طال عمرك

ويشرفنا تواجد في موضوعا نادي برايمس الموجود في رابطه في التوقيع

اخوي العازف اشتر الدبة ، لانك عضو في نادي برايمس واول اجتماع سيتم عقده لنادي برايمس لازم يكون مع غرض من اغراض البرايمس :):):) هههههه .

اخوك

ابو عبدالله

[العاااازف]

السلام عليكم
اخوي العازف اشتر الدبة ، لانك عضو في نادي برايمس واول اجتماع سيتم عقده لنادي برايمس لازم يكون مع غرض من اغراض البرايمس :):):) هههههه .
اخوك

ابو عبدالله

آآآآآآآآمر طال عمرك
اخوي د. احمد ارسل لي رسالة خاصة بسعرها وان شاء الله مانتخالف ابوعبدالله امر ونحن ننفذ

[عجزت القا اسم]

الله يحفظك ماقلتلنا كم حدك

[الصمان 2]

اخوي عطنا حدك .... لأني ماادري بكم جديدة .