لمن اراد ان يسترجع نعومة الباترول والسفاري وكل الجيوب بانواعها

[adil33]

*عليكم اولا بتغيير جلد البدي كاملة ما عدا التي تاتي في الوسط فلن تستطيع تغييرها
*تغيير اليايات وجلد اليايات بالنسبه للقديمة توضع اسفل الياي والجديدة في فوق الياي
*ارجوا الانتباه من جلد العمود الذي يربط البدي بالشاص فهي ضرورية جدا وخطيره في نفس الوقت قد تتسبب في الانقلاب حمانا الله وياكم ارجو تغييرها
*كل ما سبق يجيب ان يكون من الوكاله وليس من محلات بيع قطاع غيار نيسان
*تغيير جلدة القير او تركيب دواسه اسفل الجلدة الخارجية وقصها بالمقص او السكين حتى يرتاح الدبل في الحركة فهذه العملية تمنع الضجيج الذي يصدره القير اثناء المشي
*اذهب الى اي محل تنجيد سيارات واطلب منه فقط تنجيد الارضية باي مخمل او جلد كما تشاء لانه سوف يضطر الى فك كل المقاعد والديكور واعادتها بشكل افضل مما هي عليه وسوف ترتاح حتما من اصوات الديكورات
اي سؤال او استفسار عن ميكانيكا الباترول انا حاضر

[راعي بيشة]

بيض الله وجهك

زدنا غفر الله لك في تجديد الباترول

[لن أمل من العطاء]

الله يعططيك العافية

ومثلما قال اخي راعي بيشه

بس زدنا من الجمسات لاني ما احب الباترول

[سوبر VTC]

(((لن امل من العطاء)))
ما تحب البواترل هههههههههههههه
كلن على همه يسري تراي امزح طال عمرك:D
************************
مشكور على موضوعك لاهنت طال عمرك
سؤالي يابعدي
انا اسمع الباترول الفتك 2002 وطالع اذا وضبته
يبدى يحتمي يعني ما يرجع شدبلد هل هذا الكلام صحيح؟
او يعتمد على شغل الورشة؟
كم يكلف توضيب الفتك مع شغل اليد؟
كم سعر البساتم الاصلية؟
استحملنا على كثر الاسئلة و الازعاج:( :(
و ياليت تشرفني طال عمرك على الرابط التالي و ((تبدي رأيك))
http://www.mekshat.com/vb/showthread.php?t=150676 (http://www.mekshat.com/vb/showthread.php?t=150676)

[الوافي4482]

الله يعطيك العافيه ما قصرت

[راعي البندق]

الله يعطيك العافيه

[اذكر ربك]

الموضوع قييم ورائع يا صاحبي ... الله يجزاك خير



سبحان الله وبحمده سبحان الله العظيم

[سواق الجيب]

بيض الله وجهك اخوي عادل 33
ودي اضيف نقطه على اللي انت ذكرته وهي الكفرات لها دور كبير في هذا الجانب
واذا بالامكان اخوانا الله يجزاهم خير ينصحونا بنوعية الكفرات المظبوطه

[adil33]

بالنسبة للتوضيب بشكل عام يا اخواني نصيحه لوجه الله ابعدوا كل قطع الماكينه عن المخارط
بامكانك ان تغير البساتم والشنابر والسبايك الثابت والمتحركة بدون ما تخرط اي جزء من الماكينة وبكذا تسترجع عزم الماكينة كما لو كانت جديده لاننا لم نستهلك من جدار السلندر ولا حتى الراس ومن خلال تجربتي في توضيب اكثر من 15 سياره خاصه فيني على مدى اعوام كانت النتائج ممتازه جدا واخر تجربة لي كانت مع جيب سوبر سفاري موديل 98 عملت فيه التالي
غيرت البساتم ** الشنابر ** السبايك الثابت والمتحركة ** جلد البلوف ** طرمبة الزيت ** الجنزير والشداد ** طقم وجيه كامل **بلف حرارة ** اسلاك بواجي ** شاكوش ديلكو ** صفاية بنزين ** بطارية ** لم تذهب اي قطعه من الماكينة للمخرطة ما عدا البساتم لانها تحتاج الى بستم يضغطها وسلامتكم
النتائج كانت عزم قوي جدا فوق ما كنت اتوقعه

[سوبر VTC]

بالنسبة للتوضيب بشكل عام يا اخواني نصيحه لوجه الله ابعدوا كل قطع الماكينه عن المخارط
بامكانك ان تغير البساتم والشنابر والسبايك الثابت والمتحركة بدون ما تخرط اي جزء من الماكينة وبكذا تسترجع عزم الماكينة كما لو كانت جديده لاننا لم نستهلك من جدار السلندر ولا حتى الراس ومن خلال تجربتي في توضيب اكثر من 15 سياره خاصه فيني على مدى اعوام كانت النتائج ممتازه جدا واخر تجربة لي كانت مع جيب سوبر سفاري موديل 98 عملت فيه التالي
غيرت البساتم ** الشنابر ** السبايك الثابت والمتحركة ** جلد البلوف ** طرمبة الزيت ** الجنزير والشداد ** طقم وجيه كامل **بلف حرارة ** اسلاك بواجي ** شاكوش ديلكو ** صفاية بنزين ** بطارية ** لم تذهب اي قطعه من الماكينة للمخرطة ما عدا البساتم لانها تحتاج الى بستم يضغطها وسلامتكم
النتائج كانت عزم قوي جدا فوق ما كنت اتوقعه

(((تسلم يابعدي كفيت و وفيت (لكن) كم كلفت القطع مع شغل اليد)))
*******************
(النقطة الاخرى)



كم يكلف توضيب الفتك مع شغل اليد؟
كم سعر البساتم الاصلية؟



ياليت تجيب على هذه النقطة؟؟؟ لاهنت
*********
(هل صحيح ان تنظيف لهاة الباترول و الجمس بواسطة
بخاخ اي سي ديلكو و الموتر يشتغل يخرب جلد البلوف و البخاخات )
شرفتني بزيارتك لموضوعي
و اثرائه بمعلوماتك
تحياتي

[adil33]

شرف الله قدرك يا غالي
بالنسبة للتوضيب انا ما افضل هذه الكلمة لانها تعني للكثير من الميكانيكي جمع المال بالف طريقه وطريقه
لكن نقدر نستبدلها باننا نقول للميكانيكي انا مثلا ابي اغير بساتم وشنابر وسبايك لانه بكذا انت تحرجه ولا يمكن يحط لك سعر التوضيب الكامل لانه التوضيب يدخل فيه مخرطة وصنفرة بلوف وامور كثيرة تهم الميكانيكي لكن لا تهمك انت لانه وبالتاكيد انه اذا ارسل اي قطعة للمخرطة تاكد ان له عمولة على خرط الراس او السلندر
وبالنسبة للتكلفة التقريبية لعمل ما قلته للماكينة فهو يقارب ال 5000 ريال اذا كانت القطع اصلية من الوكالة واتمنى ان تكون من الوكالة لانني لاحظت فروقات كبيره جدا بين قطع النيسان الاصلي من غير الوكالة ومن الوكالة
اما بالنسبة لعمل البخاخ من خلال التهوية والموتور شغال لا يضر ابدا وبنفس الوقت لا يفيد لانه فائدة تكمن اكثر شيء في السيارات الامريكة لكن النيسان لا تفيده بشيء ولقد تكلمت بموضوع سابق عن طريقة تنظيف البخاخات فهي سهله جدا
بالنسبة لشغل اليد فكل شيء انا قمت فيه بنفسي ولله الحمد

[سوبر152]

ما شاء الله عليك الله يبارك فيك

[الجندي2005]

تسلم ،،،،،،،،،،،،،،،،،،،،،،،،،،،،،،،،،،،،

[4800VTC]

بيض الله وجهك يا عادل على الموضوع المهم والجميل جدا والمهم لاهل الباترول خاصه واهل النيسان عامه

بي اللي معه باث فايندر تماتيك ويشتكي من قل العزم وش يسوي
يا ليت تفيدنا الله لا يهينك

[rayes3]

السلام عليكم ورحمة الله وبركاته
الاخ مشرف خيمة السيارات وكذلك الاخ عادل33
عندي مشكله مع الباترول بخاخ موديل98
الصباح والسياره بارده بعد التشغيل السيارة تنافض وتبغى تطفي ولا تقبل بنزين وبعد التسخين الوضع طبيعي
الصفايه جديده والبواجي كذلك وحساس الهواء نظيف جدا والبنزين غيرته الى 95 دون فائده
ماهو الحل بارك الله فيكم

[adil33]

حياك الله اخوي رايس3 انت تقول انه حساس الهواء نظيف جدا (كيف نظيف جدا ) هذه القطعة الكترونية لا يمكن الحكم عليها بنظيفه او غير نظيفه الا مع الاستعمال فانصحك انك تستبدلها وقيمتها تقريبا 1400 ريال وهي ايضا مهمه جدا للسياره ومشكلتك هذه مرت علي وكان علاجها اني رفعت بسرعه الماكينه شوي طبعا يحكم اني اقوم بكل شيء بنفسي اقدر اتحمل نتيجه عملي هذا واصبر على سيارتي لكن ممكن احد ثاني يقولك لا .....فعود نفسك انك تعتاد على وضع سيارتك المتجدد دايم لانها وبكل اسف كوم حديد والكترونيات تتعرض للخلل باي لحظة
واي خدمه انا حاضر

[abd-107]

مشكور أخوي عادل على الطرح الرائع والمميز ونشكرك على تعاونك مع الإخوة في تقديم المساعدة وواضح إنك صاحب خبرة طويلة
أخوي أنا عندي مشكلة بالموتر ( سوبر سفاري 98) فيه تقطيع وثقل بالموتر إذا حطيت الموتر بنمرة ودعست على البنص تحس الموتر يكتم شوي ثم ينطلق وديت الموتر لكذا ورشة وغيروا طرمبت البنزين ولا تغير شي ثم غيروا البواجي وأسلاكهن ولا تغير شي ثم وديت الموتر للكمبيوتر قالوا حساس الظاهر إسمه ( راينسنوس ) وغيرته بـ 450 ريال ولا تغير شي وديته لكهربائي قلتله تفقد أسلاك الكهرب والحساسات وقال ما بهن شي
أنا شاك بأن المشكلة من البخاخات يبيلة تنظيف . إذا قلت لميكانيكي إفحصهن قام وفصل أسلاكهن وركبهن وقال ما بهن مشكلة
الرجاء إذا كان عندك خلفية عن هالمشكلة لا تبخل علينا أنت وإلا كل من مر وعنده خلفية أو تجربة مع هالمشكلة
وتحياتي للجميع

[خشيمان]

السلام عليكم ورحمة الله
أخوي يشرفنا دخولك معنا في مكشات وننتظر جديدك دائما فلا تحرمنا من خبراتك

لدي 3 اسئلة
1- صوت القرقعة للباترول 4500 وشف هذا الرابط للتأكد
http://www.mekshat.com/vb/showthread.php?t=151166
وهل لها حل
2- صوت عندما اتعدى 120 كأنه صوت كرونه او دفرنس علما ان موديله 2008
3- صوت الكمبرسور المرتفع هل له حل ؟؟ ام ان سيارتي بها عطل؟؟

وجزاك الله خير أولا وآخرا

[adil33]

اخوي abd-107 شوف الموضوع هذا يمكن يفيدك
عزم الباترول والسفاري والسوبر سفاري امره سهله جدا وما يكلفك اكثر من 15 ريال
افصل اصابع البطارية
نسم التانكي ( افتح غطاء التانكي *** وبعدين اسحب خرطوش البنزين الي رايح للبخاخات )
بعدين جيب مفك سكروب مربع او ابو ثلاث رؤوس وافتح كل بخاخ لوحده
مجرد ما تنزل البخاخ خارج مكانه بخ عليه من بخاخ تنظيف الكوربريتر رايح تلاقي الفلتر حقه اسود وبعد التنظيف تلاقي لونه تغير وصار بيج
وهكذا مع كل بخاخ
واذا ما فرق معاك العزم لك مني هديه ماكينه جديده :) واي خدمه انا حاضر

[adil33]

اخوي خشيمان بالنسبة لصرقعة الديلكو اتمنى ان تتاكد من وزنية الديلكو بشكل افضل
وبالنسبة لصوت الكرونة ابيك ترجع تعمل تشحيم للصلبان وعامود الدبل الامامي
اما بالنسبة لارتفاع الصوت فارجو ان تراجع هذا بعد وزن الديلكو وتتاكد بعدها خف الصوت ولالا
واذا تم وزن الديلكو بشكل افضل راجع وزن الحساس حق الهوا بمفتاح عايدي احتمال يكون مرفوع لدرجه عاليه
ودمتم بود

[جيبي جايزلي]

السلام عليكم جميعا اخوى عادل الله يعطيك العافيه عندى جيب باترول موديل 99 كلبليتر الموجود بتوقيع المشكله هى ان الحراره بدت عندى تتعدى الربع بشوى مهيب مثل العاده وخرطوش الديتر الفوقى ينضغط غيرت غط الديتر وبلف الحراره ونفس الشى ما تغيرت للمعلومه المراوح كهرب وتشتغل وتفصل وش الحل الله لا يهينك ملاحضه الماءما ينقص ابد

[جمران]

اشكر اخي عادل على هذا النصح لاخوانه
جعلها في ميزان حسناته
اخي اريد التوضيح اكثر لهذه النقطه لو تكرمت وتحديدمكانها ولو امكن صورة لها
اكن شاكر ومقدر


*ارجوا الانتباه من جلد العمود الذي يربط البدي بالشاص فهي ضرورية جدا وخطيره في نفس الوقت قد تتسبب في الانقلاب حمانا الله وياكم ارجو تغييرها



وهناك ملاحظة لاحظتها على غطا تانكي البزين (الصغير)انه يهرب تهريب بسيط لاادري مالسبب

أشكرك مرة أخرى

[مجرد رأي]

أخ عادل حياك الله

حول موضوع الجلد للبدي وش رايك بالربلات

وهي ربلات قويه تكون بدل كراسي البدي أيهم أفضل

وإن كنت تنصح فيها وين أفضل ورشه تركبها

[adil33]

حياكم الله اخواني
اخواني مجرد رائي و جيبي جايزلي بالنسبة لجلد البدي لا تحاول ابدا التوليف فيها روح للوكالة واشتريها هي تقريبا 10 جلد وانا ركبت منها 8 ما عدا الي تجي اسفل باب الراكب الخلفي فعجزت عنها بسبب وجودها بين الشاصي وبين بدي السياره المغلق تماما باللحام
وبالنسبة لجلد عمود الشاصي الي يربط بين الدنفرس والشاص هذه موجودة في الخلف والامام تلاقيها اعمده طويله بجانب الكفرات نهايتها فيها جلد مهمه جدا لتوازن السيارة
اما بالنسبة للحرارة اذا لاحظت انه حرارة سيارتك بدات تختلف عليك من قبل تقريبا 10 ايام وصارت تزيد عن الربع بشرطه او شرطتين فهذا شيء طبيعي جدا فالحرارة الايام هذه في عزها فلا تقلق منها ولنفترض ان الحرارة وصلت فوق الربع فهل تصل والسياره واقفه ام متحركه واذا كانت واقفه ووصلت فوق الربع ونزلت بعد ما تحركت السياره فهذا امر طبيعي جدا واما اذا ظلت الحرارة كما هي فارجو ان تهتم بتغيير الزيت واعمل تغيير للمويا حقت الرديتير واحرص ان تشتري مويا ايس ديلكو جالون واحد واكمل الباقي ماء مقطر وباذن الله تخف الحرارة معاك
بالنسبة للصور احاول اني انزل لها صور بحول الله

[المميـز]

اخوي adil33 اشكرك على المعلومات الحلووووه

وبما انك خبير ميكانيكا باترول ودي اسألك كم سؤال

عندي فتك فيه رعشه قويه بعامود الدوران الطويل مهب حق الدبل

تبدأ الرعشه من سرعة 90 وتستمر بل تزيد مع الوصول الى سرعة 120

اللي انا سويت غيرت العمود بعمود من التشليح وراحت الرعشه وبعد يومين رجعت مره ثانيه واقوى من اول بعد !!!!

وش رايك ؟؟ وش الحل بوجهة نظرك ؟؟

مع العلم اني مركب فرارات

سؤالي هل عمود الدوران حق الباترول يترصص ؟؟ وهل يفيد الترصيص ؟؟

السؤال الثاني عندي القير صار يطلع من الثاني والثالث ( طبعا قير عادي )

وش حل هذي المشكله ؟؟؟

وشكرا لك ,,, واسف على الاطاله

[adil33]

اخوي المميز حياك الله
اخوي ابي اسالك هل غيرت صحن وديسك وفحمه ؟
وبالنسبة للقير هل غيرت جلدة القير الداخليه الي تمسك القير عشان يثبت مكانه ؟
تاكد لي من هذه النقطتين الله يسعدك ولا تعمل شيء حتى تعطيني خبر وتجاوبني على السؤالين

[بدوي جنوبي]

تم اضافة الموضوع الي :
๑×۩۞۩المواضيع المميزة في الخيمة๑ ๑×۩۞۩๑ (http://www.mekshat.com/vb/showthread.php?t=10218)

[جيبي جايزلي]

السلام عليكم جميعا الله يعطيك الف عافيه اخوى عادل عجزت اصبر ورحت غيرت طرمبه الماء قلت ممكن تكون هى العله استعجلت قبل ما اشوف ردك على ولعل الامر فيه خيره (وبلفعل مثل ما تكرمت الحراره متغيره على من حوالى اسبوعين والحراره تتعدا الربع اذ وقفت واذ مشيت نزلت شوى )طيب ضغط الخرطوش العلوى طبيعى والله يعطيك الصحه والعافيه وتحملنا على كثره الاساله عندى اساله يا كثرها والله يعينك على طول بالك

[ekser]

السلام عليكم ورحمة الله وبركاته
س؟ سؤال؟
معي جيب باترول 95 صالون بعض الاحيان اذا تعديت 80 وفوق ينتفظ بقووووه شوي ويتفكك من قوووت النفظه ؟؟؟؟؟؟ وش السبب الله يعافيك...

[المميـز]

اخوي المميز حياك الله
اخوي ابي اسالك هل غيرت صحن وديسك وفحمه ؟
وبالنسبة للقير هل غيرت جلدة القير الداخليه الي تمسك القير عشان يثبت مكانه ؟
تاكد لي من هذه النقطتين الله يسعدك ولا تعمل شيء حتى تعطيني خبر وتجاوبني على السؤالين


راعيه اللي قبلي مغير له صحن وديسك وفحمه على كلامه

وبالنسبه للقير اول ما شريت الموتر : عصا القير كانت تطلع من مكانها
واحركها يمين ويسار وتركب ووديته لواحد وركب لي جلدة ددسن
حتى سمالي الجلدة ونسيت اسمها ( اتوقع اسمها تيله )

هل تتوقع مشكلة عصا القير من الجلدة حقت الددسن ؟؟ مع العلم اني معيرها من فترة 7 شهور تقريبا ومابدأ يفلت القير من النمره الا من حوالي 3 شهور

وهل تتوقع ان القير مو مركب بوضعيه صحيحه ؟؟ مع العلم اني فحة على كراسي القير وهي سليمه وكراسي المكينه جديده

انا منتظر ردك بفارغ الصبر واسف على ازعاجك معي

[adil33]

الاخ ekser ارجو فحص عمود الكردان اذا كانت رجة البودي من السقف واذا كانت من اسف السياره عند الكفرات افحص فضاوة الركب مع رمانات الكفرات الاماميه واعطيني خبر
اخوي المميز بالنسبة للرعشة حقت العمود فه يتبدا من 60 وتنتهي عند سرعة 90 وتبدا من جديد عند 135 او 140 لكن ابيك اخوي تفحص لي الجنوط ورمانات الكفرات الامامية مع الركب ولا تنسى الترصيص واذا انحلت المشكله مع الترصيص لعده ايام ورجعت نفس المشكله مره ثانيه فمؤكد تماما انه عندك مشكله في رمانات الكفرات الاماية تحتاج وزن بسيط وتقدر تعرف انه فيها مشكله ام لا برفع الكفر الامامي بالعرفيته وتهز الكفر الى الداخل والخارج رايح تشعر بانه فيه مجال انه يهتز وهذا مؤشر على فقدان الرمان للميزانيه حقته .....اما بالنسبة للقير فابيك تكشف على بناجر الجيبروكس الخايه بالنمره 2 والثالثه اخاف تكون الرمانات فيها تعبانه
اخوي جيبي جيازلي بالنسبة لضغط الخرطوش العلوي رايح تلاقي فيه ضغط ويمكن ما تقدر تمسكه بيدك من الحرارة لكن لو تدقق شيء بيط تلاقيك تتحمل حرارته لو لعده ثواني وهذا امر طبيعي ولكن اذا كنت تتكلم عن انه الخرطوش ينضغط وينكبس على بعضه فهذا يحتاج منك تغيير الخرطوش فورا واتوقع المشكله هذه ما تصير معاك الا اذا كانت السياره بارده
والله اعلى واعلم

[الطيار2000]

السلام عليكم ورحمة الله وبركاته

اخوي عندي سؤال عن زيت قير الفتك التماتيك هل هو فعلا لا يغير الا عند الوكالة والا كلام فاضي؟

[المميـز]

الاخ ekser ارجو فحص عمود الكردان اذا كانت رجة البودي من السقف واذا كانت من اسف السياره عند الكفرات افحص فضاوة الركب مع رمانات الكفرات الاماميه واعطيني خبر
اخوي المميز بالنسبة للرعشة حقت العمود فه يتبدا من 60 وتنتهي عند سرعة 90 وتبدا من جديد عند 135 او 140 لكن ابيك اخوي تفحص لي الجنوط ورمانات الكفرات الامامية مع الركب ولا تنسى الترصيص واذا انحلت المشكله مع الترصيص لعده ايام ورجعت نفس المشكله مره ثانيه فمؤكد تماما انه عندك مشكله في رمانات الكفرات الاماية تحتاج وزن بسيط وتقدر تعرف انه فيها مشكله ام لا برفع الكفر الامامي بالعرفيته وتهز الكفر الى الداخل والخارج رايح تشعر بانه فيه مجال انه يهتز وهذا مؤشر على فقدان الرمان للميزانيه حقته .....اما بالنسبة للقير فابيك تكشف على بناجر الجيبروكس الخايه بالنمره 2 والثالثه اخاف تكون الرمانات فيها تعبانه
اخوي جيبي جيازلي بالنسبة لضغط الخرطوش العلوي رايح تلاقي فيه ضغط ويمكن ما تقدر تمسكه بيدك من الحرارة لكن لو تدقق شيء بيط تلاقيك تتحمل حرارته لو لعده ثواني وهذا امر طبيعي ولكن اذا كنت تتكلم عن انه الخرطوش ينضغط وينكبس على بعضه فهذا يحتاج منك تغيير الخرطوش فورا واتوقع المشكله هذه ما تصير معاك الا اذا كانت السياره بارده
والله اعلى واعلم


بالنسبه للرمانات جديده توي مركبه كانت تعبانه ويوم غيرته ماتغير الموتر

بس انا اقولك يوم غيرت العمود بعمود ثاني من التشليح راحت لمدة يومين بس

ورجعت مره ثانيه !!! هذي اللي مجنن الحين انا

وبالنسبه للترصيص رصصت وغيرت الكفرات ولا راحت

وبالنسبه للقير ابشيك ان شاء الله على البناجر مع اني ما ادري وين مكانها بالضبط ؟؟؟؟؟؟؟؟؟

واسف على الازعاج واحس اني سويت لك قلق بسبت الموتر

[سوبر VTC]

انا اخبر واحد معه سلقة 99 و كان به رجه كل شي صلح به و لا فاد
اخيرا/ صار من العكوس الامامية خربانه
*****



هذي اللي مجنن الحين انا



ههههههه:D لا تنجن و لا يحزنون اهلك يبونك:p
تراي امزح ياحبيلك ما عليك ان شاء ان الله يبي يفرجها

[قناص غامد]

يا اخي عندي مشكلتين اولا صوت عند الفات والمطبات ويقولون انها جلد البودي ولم اجدها بالوكاله ما ادري تعرف احد يولفا
وثانيا يصرف عندي بنزين بشكل مو طبيعي وش الحل مع العلم ان السيارة باترول ربع 93 ومكاني بالباحة

[بندر الكبيري]

السلام عليكم وكل عام وانتم بخير

انا يالغالي احس صوت المكينه مرتفع مع المشي واحس الموتر ثقيل

ثانيا يالغالي المكيف جنني شيكت على التنسيم قالوا مافيه تنسيم ثم عبيته فريون

ولكن احيانا يطلع هواء حار واحيانا بارد وبعض الاوقات مايقبل الكمبرسور يشتغل

الله يبيض وجهك يالغالي اهتم لي في الموضوع وتراني مليت من الورش ونصبهم

دمت بخير يالغالي

[المميـز]

اللهم اجعل غياب اخونا عادل عن الموضوع خير

[الرّمااااي]

اخي الغالي عندي سفاري 2003 اوتومايك وبغيت اركب عليه هدرز شرايك هل يزيد الصوت والازعاج او لا وما هو الافظل

[جيبي جايزلي]

السلام عليكم ورحمه الله وبركاته اخوى عادل اشكرك جزيل الشكر واتمنى لك دوام الصحه والعافيه والله يكثر من امثالك وبارك الله فيك

[D I K T O O R]

ياللغالي اشكرك على الموضوع الطيب

عندي كم سؤال

انا معي باترول موديل 2000 ربع ماشاء الله تبارك الله

الدركسون اذا لفيت يصوصي كانه صوت سيور وش السبب وش الحل ؟
وعندي صرفية البنزين يصرف شوي وش السوات ؟
وعندي الحرارهـ يعني الانبير حقها يروح ويجي يعني مب ثابت تشوفه على c ويروح الى h وسئلت ويقولون هذا الحساس حق الحرارهـ

واخيراً عندي الحرارهـ اذا نزلت المس البدي الكبوت اشوفه حاااار يعني شبه ماتقدر تحط عليه يدك وش السبب

وبيض الله وجهك على الموضوع هذا

[محبة السفاري]

الف شكررررررر

[المميـز]

اخي الغالي عندي سفاري 2003 اوتومايك وبغيت اركب عليه هدرز شرايك هل يزيد الصوت والازعاج او لا وما هو الافظل


بعد اذن صاحب الموضوع

بالنسبه للصوت ركب دبة يوكــــن سعرها بـ 120 ريال

وراس الهدرز بالرياض بـ 750 ريال وبالقصيم عند السيف بـ 1000 ريال

والشغل له مع المواصير والدبه وراس الهدرز ( الاكزوز ) يكلف 1400 ريال

فوائد الهدرز / يخف من صرفية البنزين بشكل بسيط جداً
يعطي السياره عزم اكثر وانطلاقه اقوى

[ابن طيبة]

مشكوووووووووووووووووور

[rayes3]

السلام عليكم
اخوي عادل الله يجزاك خير في هالشهر الكريم
واسف تاخرت عليكم
لكن حتى الان لم افعل ماوصيتني به تعرف رمضان وعمل الله يتقبل
للمعلوميه مسكت بالسيارة خط ابها الرياض تقريبا الف وزياده ولله الحمد مالاحظت على السياره اي مشكله
طبعا في جبال ابها العزم ضعيف جدا والمشكله الثانيه الكتمه والسياره بارده
ولك جزيل الشكر

[ظبي نجد]

الأخ عادل
عندي مشكلة في الباترول 98
وهي الرجة الشديدة جدا عند المطب بعد سرعة 120 رجة شديدة جدا تحس الموتر يبي يتفكك
علما أني أكثر من مرة غيرت ربل مساعد الدركسون ومرة ربل العمود اللي فوق مساعد الدركسون
برأيك هل أركب مساعد أسترالي أو أدبل مساعد الدركسون او ماذا أفعل




تقبل الله صيامك وقيامك وصالح عملك

أخوك ظبي نجد

[أبو أسامة]

الأخ ظبي نجد

سأجيب بما أعرف بما أن الأخ عادل غير موجود حالياً جزاه الله خير على مساعدته لنا ......

بالنسبة لمشكلتك تأكد من الركب ومن المساعدات أنها سليمه و تأكد من رمانات العكس ما فيها فضاوه ....... وهذه كلها تقدر تكشف عليها مجاناً عند محلات الموازين يعني العضيب والمجد واليرموك .............. ولا تنسى مساعد الدركسون يمكن يكون يطلبك الحل و جلب عامود التوازن ........ لا تنسى أن المشكله تعتبر خطيره يعني لازم أن تعجل على الأقل بالكشف عليها .........

[الخااطف]

اخوي عادل انا عندي مشكله بموتري ربع 97 باترول احيانا يطفي وانا ماشي سواء بزفلت او بر وكشفة على الكهرب والكربليتر وهذا الطفيه تجيه بالشهرين مره ياليت اذا عندك خلفيه او احد عنده خلفيه يعلمن وش المشكله ولكم جزيل الشكر

[adil33]

اخوي ظبي نجد حياك الله
اخوي ابيك تتاكد من التالي
1- ترصيص الكفرات
2- تاكد من عمود الدبل لانه لو تم فكه من مكانه وتم ارجاعه لمكانه لكن مع اختلاف عن المكان الاول فسوف تظهر لك رجه ترج البودي معاها ولن تهدى الرجه الا من ارجاعه مكانه مهما عملت
3- ربما تحتاج وزن للرمان حق الكفر لكن كيف تعرف انه فعلا يحتاج وزن (( اذا لاحظت ان الفرامل ضعيفه نسبيا عندك فهذا يدل على حاجه الرمان للوزن واذا كانت كويسه معاك فبلاشي تلعب فيه عند اي ميكانكي لانه صدقني انه حساس جدا والتاكيد الثاني لحاجتك لوزن الرمان هي كثرة الترصيص وبدون فائدة وغير كذا اخوي لا تلعب بالرمان ))
4- بالنسبة للمساعدات اتركها للاخير لا تلفت لها الان لانك رايح تحتاج امور كثيره مع المساعدات رايح اتكلم عنها اذا رديت لي خبر في الي قلت لك عليه

[adil33]

يا اخي عندي مشكلتين اولا صوت عند الفات والمطبات ويقولون انها جلد البودي ولم اجدها بالوكاله ما ادري تعرف احد يولفا
وثانيا يصرف عندي بنزين بشكل مو طبيعي وش الحل مع العلم ان السيارة باترول ربع 93 ومكاني بالباحة
اخي الكريم بالنسبة ابيك تجرب تغير جلدة الياي وجلد عمود التوازن وعطني خبر ..بالنسبة لجلد البودي يكون افضل تغيرها كلها ولكن ان غيرتها جميعها سوف تلاحظ في الايام الاولى نعومه رائعه جدا في السياره وخاصه بالمطبات ولكن بعد كذا سوف تطلب منك الجلد هذه تغيير اليايات حتى تكتمل مرونه السياره بشكل عام
بالنسبة لصرفية البنزين اخي الكريم صفايه بنزين بواجي اسلاك بواجي الديلكو ((الكفرات بشكل خاص هذه اهتم فيها جدا )) واذا كنت تستعمل بنزين 91 فغير الى 95

[adil33]

اخوي عادل انا عندي مشكله بموتري ربع 97 باترول احيانا يطفي وانا ماشي سواء بزفلت او بر وكشفة على الكهرب والكربليتر وهذا الطفيه تجيه بالشهرين مره ياليت اذا عندك خلفيه او احد عنده خلفيه يعلمن وش المشكله ولكم جزيل الشكر
اخي الكريم مشكلتك الي ما تمر عليك الا بالشهرين مره اتوقع والعلم عند الله انه عندك مشوار ما تروح له الا كل شهرين والمشوار هذا طويل شوي ومع المشوار هذا تسخن طرمبة البنزين ولما تطفي السياره وتشغلها مره ثانيه ترجع تشتغل عادي ما كانه فيها شيء فغير الطرمبه والصفايه وعطني خبر

[adil33]

السلام عليكم وكل عام وانتم بخير

انا يالغالي احس صوت المكينه مرتفع مع المشي واحس الموتر ثقيل

ثانيا يالغالي المكيف جنني شيكت على التنسيم قالوا مافيه تنسيم ثم عبيته فريون

ولكن احيانا يطلع هواء حار واحيانا بارد وبعض الاوقات مايقبل الكمبرسور يشتغل

الله يبيض وجهك يالغالي اهتم لي في الموضوع وتراني مليت من الورش ونصبهم

دمت بخير يالغالي
اخي الكريم اكشف على الصحن والديسك والفحمه بالنسبه لارتفاع صوت الماكينه
بالنسبة للمكيف اخي الغالي ابيك تجرب تفصل المكيف الحار وان ضبطت معاك الامور كان بها وان ما ضبطت ابيك تكشف على كهرباء المكيف لاني اتوقع انه عندك مشكله في الكهرباء الي واصله للكمبرسور

[adil33]

ياللغالي اشكرك على الموضوع الطيب

عندي كم سؤال

انا معي باترول موديل 2000 ربع ماشاء الله تبارك الله

الدركسون اذا لفيت يصوصي كانه صوت سيور وش السبب وش الحل ؟
وعندي صرفية البنزين يصرف شوي وش السوات ؟
وعندي الحرارهـ يعني الانبير حقها يروح ويجي يعني مب ثابت تشوفه على c ويروح الى h وسئلت ويقولون هذا الحساس حق الحرارهـ

واخيراً عندي الحرارهـ اذا نزلت المس البدي الكبوت اشوفه حاااار يعني شبه ماتقدر تحط عليه يدك وش السبب

وبيض الله وجهك على الموضوع هذا
اخي الكريم بالنسبة لصوت الدريكسون حاول تشد السيور او تغيرها وكمان تتاكد من زيت الدريكسون او العلبه نفسها
بالنسبة لصرفيه البنزين تاكد اولا من وزن الكفرات حسب المكتوب داخل باب السياره وتاكد من نظافه كل امور البنزين وتوصيله من صفايه وبواجي
بالنسبة لامبير الحرارة تاكد اخوي من ماس الطبلون او ساعه الحرارة بالماكينه
وبالنسبة لحرارة الكبوت بعد ما تنزل من السياره فهذا شيء طبيعي جدا لا تقلق منها وحاول دائما وابدا التاكد من مويه السياره والزيت كل يومين مره على اقل تقدير وبالله التوفيق

[أبو أسامة]

جزاك الله خير على مساعدتك للشباب

[الوايلي...501]

مشكور وسلمت

[ظبي نجد]

عادل لا أملك إلا أن أقول جزاك الله خيرا

سأقوم بمشيئة الله بفحص ماقلت لي

علما أني كبست الأذرعة قبل سنتين تقريبا وذهبت المشكلة مدة سنة ثم رجعت
(أنا مركب مساعدات بلجيكية )

من تنصحني أشيك عنده من ورش بريدة؟

أطيب تحياتي

[القماري]

يعطيك مليون ألف عافية ياشيخ عادل لكل هذا التفضل والردود الطيبة فيما يخص الباترول
عندي طال عمرك ربع (سلق)2001 والحمد لله ماعنده من المشاكل طريق
ودي أعرف طال عمرك كم التكلفة لتغيير جميع هذه الجلد
ثانيا أين الخلل تحديدا في رجة الباترول الي تكون بين سرعة 90 - 110
ثالثا هذه الايام أحس أن المكيف تطلع به رائحة لم تكن موجودة بالسابق مع العلم أن التبريد طيب فهل هناك أي خلل أو بحاجة لتغيير فريون؟
علما بان السيارة على يدي من الوكالة ولم أضيف لها أو أغير لها أي شيء سوى الزيت
مع كل تقديري وأحترامي

[adil33]

يعطيك مليون ألف عافية ياشيخ عادل لكل هذا التفضل والردود الطيبة فيما يخص الباترول
عندي طال عمرك ربع (سلق)2001 والحمد لله ماعنده من المشاكل طريق
ودي أعرف طال عمرك كم التكلفة لتغيير جميع هذه الجلد
ثانيا أين الخلل تحديدا في رجة الباترول الي تكون بين سرعة 90 - 110
ثالثا هذه الايام أحس أن المكيف تطلع به رائحة لم تكن موجودة بالسابق مع العلم أن التبريد طيب فهل هناك أي خلل أو بحاجة لتغيير فريون؟
علما بان السيارة على يدي من الوكالة ولم أضيف لها أو أغير لها أي شيء سوى الزيت
مع كل تقديري وأحترامي
اخي الكريم اتوقع انه الرجه من 90 الى 120 لكن قوتها تبدا من 85 وتبدا تقل بعد 110 وما تشعر فيها كثير لكون الكفرات اما جديدة او نظيفة والسبب هنا يكون من الترصيص
اما بالنسبة لرائحة المكيف اتوقع والعلم عند الله انه المكيف فيه رطوبه خفيفه ما تلاحظها لكن جاتك انت على شكل رائحه تخرج مع التهوية فاما تنظف الثلاجة احتمال يكون علق فيها شيء مع الوقت واكشف كمان على تنسيم المويا حق السخان تحت الثلاجة احتمال يكون مسدود لانه اذا انسد يعمل رطوبه والرطوبه تسبب رائحة وبعد فتره تقلب الرائحة حرارة بالتكييف
والله اعلى واعلم

[القماري]

يرحم والديك وألف شكروماقصرت ..
وكل عام وأنت بألف خير

[مطلع]

كم تكلف الطريقة , اذا غيرت كل الجلب ؟

[د/فهد]

خي عادل
الله يسلمك من كل مكروه عندي باترول 94وفيه ريحت بنزين إذا عبيت فل وصار مليان داخل الغمارة ؟
وش الحل وإذا تقدر تدلني على من يصلحها يكون افضل ؟
وأسف على الازعاج
ودمت بود

[الخااطف]

اخوي عادل اذا طفا الموتر مااقدر انتعه واذا حطيت رجلي على الكلتش وشغلته اشتغل وطرمبة البنزين مركبها جديده واصليه هل الكربليتر ليه دخل بالموضوع؟؟؟؟؟ وجزاك الله خيررر

[ظبي نجد]

أخوي عادل طيب الله أوقاتك

باختصار ذهبت لورشة السيف في بريدة(دعاية :d ) وقال نبدأ حبه حبه أول نركب ربل للمساعدات من نسافة تريلة وفعلا ركب لكل مساعد عدد 8 ربلات
والحمد لله جربت الموتر أحس أن الرجة تقل راحت
ولذا أشكرك شكرا جزيلا وياليت تتكرم علينا بزيارة في بريدة نتشرف بشوفتك ونستفيد من بعض وربي يرعاك

وأي شي ترانا مستعدين
أخوك ابو سلمان

[adil33]

الله يريح خاطرك اتجاه سيارتك والله يعطيك خيرها ويكفيك شرها وانا اتشرف بوجودي بينكم في بريدة ولي زياره قريبه بحول الله

[ملاوي]

اخي الكريم معي سوبر فتك 2002 اول مااشغل السياره اذا كانت بارده اسمع طقطقه في المكينه 4ثواني بعدين تروح المكينه نظيفه جدآفاكه وكاله وشكرآ

[adil33]

اخي الكريم معي سوبر فتك 2002 اول مااشغل السياره اذا كانت بارده اسمع طقطقه في المكينه 4ثواني بعدين تروح المكينه نظيفه جدآفاكه وكاله وشكرآ
اخوي كم ماشي على الزيت او اذا مغير الزيت اليومين هذه الزيت الي قبله كم مشيت عليه بالتقريب ؟ حتى نعرف نحدد مشكلتك وباذن الله انها يسيرة

[شروكي سبورت]

جزاك الله خير على الموظوع الطيب والمفيد ولا هنت

[بندر الكبيري]

الله يبارك فيك يالغالي والله انك ماقصرت

فيه عندي يالغالي الدركسون احسه ثقيل شوي

برضه دواسة الكلتش احسها ثقيله شوي

الموتر باترول 98

ولك الشكر الجزيل

[shadow]

الله يعطيك العافية

[د/فهد]

خي عادل
الله يسلمك من كل مكروه عندي باترول 94وفيه ريحت بنزين إذا عبيت فل وصار مليان داخل الغمارة ؟
وش الحل وإذا تقدر تدلني على من يصلحها يكون افضل ؟
وأسف على الازعاج
ودمت بود

عادل نسيتني ؟
ترا سؤالي منذ مبطي أبي جواب الله لا يهينك؟

[أبو أسامة]

يا عادل الله يعطيك العافية

أنا موضوعي مثل موضوع الأخ د/ فهد ............ لكن بالذات إذا التانكي قرب يفضي ......

[adil33]

الاخ د/فهد واخي ابو اسامة حياكم الله
اخواني ابيكم تكشفون على الرجيع حق البنزين او تكشفون على الصفاية
ويكون افضل نكشف ايضا على التانكي لانه احتمال يكون ما يخرج الضغط الي فيه
(( مهم جدا ان يتم الكشف على مسار ومجاري البنزين من التانكي الى الماكينة ))

[الهاوي2008]

الله يعطيك العافية اخوي عادل

هل فيه ورش بالرياض تنصح بالتعامل معها ؟

[الششهري]

عندي صوت طقة عند القومة جيب 94

[أبو شوق]

الله يعافيك على المعلومات الجيدة

أبي فزعتك (م)

إنصحوني كثير من الشباب أركب فرارت ( تحضيرة) وبعد ماشتريتهن أنصحوني

بعض الشباب إني

ماأركبهن وقالوا إن نسبة الفايدة منهن 2% وشرايك


مع العلم إن موتري بترول 95


غفر الله لك ولي والديك

[adil33]

الله يعافيك على المعلومات الجيدة

أبي فزعتك (م)

إنصحوني كثير من الشباب أركب فرارت ( تحضيرة) وبعد ماشتريتهن أنصحوني

بعض الشباب إني

ماأركبهن وقالوا إن نسبة الفايدة منهن 2% وشرايك


مع العلم إن موتري بترول 95


غفر الله لك ولي والديك
اخوي ابوي شوق بالنسبة للفرارات فعملها يعطيك 30 % من تحسن الاداء لانه عمل الفرارات بشكل عام يكمن في فصل عمل عمود الدبل حيث ان حركة هذا العمود تعطي ثقل بمقدار 30 % من عزم السيارة وهي من وجهة نظري عملية جدا وانصح بتركيبها وانا عوضا هذه الفرارات قمت بفصل عمود الدبل بشكل مؤقت اركب الفرارات بحول الله

[بـتّاع]

اخوي عادل

الله يجزاك خير على هذا الجهد المبارك ان شاء الله ..

سؤالي هو :

كثر اللغط حول مشكلة الثلاجه ( ثلاجة المكينه ) لمحرك الفتك لباترول نيسان من موديل 2002 الى 2008م
بأنه يوجد بها مسامير تنحل مع الوقت وتسقط بالسلندر وبالتالي يحدث عطب للمحرك ؟؟

مارايك حول هذا الموضوع ؟؟ وهل هناك حل جذري لتلك المشكله ؟؟

شكرا وبارك الله فيك

[adil33]

طبعا من وجهه نظري اولى اسباب هذا الشيء هو استخدام تقنيات خارجية في السيارة مثل الغاء نظام تهوية الماكينة بنظام رياضي يقوي العزم كما يقال وهذا بدوره يؤثر تاثير جذري وسريع على امور كثيره بالماكينة واولى هذه الاشياء هي مسامير الثلاجة ولكن ان كان هناك عيب مصنعي في هذه الثلاجات فالحل باننا نبدل المسامير ببرشام ثابت لا يمكن ان ينحل من مكانه باذن الله

[أبو شوق]

الله يجزاك خير على النصيحه لكن بعض الشباب يقول أن إذا ضربة مطب قوي تنفرط الفرارات

وبعدين مايمشي الموتر وش رايك يالغلى؟

وآسف لإزعااجك مرة ثانيه أخوي عااادل .....فيه واحد من الشباب يقول أبعطيك يايات إستراليه تبع جيبه Gx2007

رايك تركب على موتري النيسان الـ 95

[adil33]

اخوي ابو شوق ما سمعت ان الفرارات انفرطت عند احد
وبالنسبة لليايات اخوي انا ما انصح ابدا في تركيب يايات سيارة ثانيه على سيارتك وركب لها حقت بلدها افضل وامن واريح .....

[ملاوي]

اخوي كم ماشي على الزيت او اذا مغير الزيت اليومين هذه الزيت الي قبله كم مشيت عليه بالتقريب ؟ حتى نعرف نحدد مشكلتك وباذن الله انها يسيرة؟اخي الكريم الزيت ما اخليه يطول اغيره كل 5000وشكرآ.

[adil33]

اخوي ملاوي اتوقع باذن الله انه ما عندك مشكله بالسياره والامر كله ناتج اما عن حرارة مرت بها سيارتك وظهر هذا التاثير البسيط او انك تتاكد من الزيت احتمال يكون ناقص واذا تب يترتاح روح لاي ميكانيكي وقوله ابي وزنف بلوف للشتاء لانه يختلف وزن البلوف للصيف والشتاء
وباذن الله ترتاح سيارتك كثيره

[المميـز]

اخوي عادل الله لايهينك

انا سألتك عن عمود الدوران وعن القير ولكنك غبت عن المنتدى فتره

والله يجعل غيابك خير

عمود الكردان عندي يرج رجه قويه ينفظ الموتر نفظ

ورحت لواحد قالي يبي له ترصيص بس ولكن ماعندنا احد بالمدينه
يعرف يرصص اعمده .... وش الحل برايك ؟؟؟

والمشكله الثانيه اللي هي القير يطلع من الثاني والثالث اذا رفعت رجلي عن البنزين

وديته لواحد وشيك عليه وقالي هذا يبي له ترس ثاني وترس ثالث

علما ان القير عادي

وش الحل برايك ؟؟؟؟

وين اوديه ؟ من يعرف للباترول ؟؟

[عاشق النفود 111]

أخي عادل بارك الله فيك

عندي باترول 2008صالون سياحي  ومن طلعته من الوكالة فيه رجه عند  90 - 110 واحيانا ماتجي الرجه ولكن في الغالب موجوده
وعندي صوت تك تك تك خفيف جدا يظهر مع المطبات حتى الصغيره ومع عيون القطو بعد يظهر ومكان الصوت عند مجموعة الدركسون
أي بين مفتاح الاشارات والمساحات
انا أغير زيت الماكينة مع السيفون بعد 6000 ما رأيك؟عادي أم لا

الله يعنك ويرحم والدينا ووالديك


وجزاك الله خير على ما تقدمه لاخوانك

[أبوخليل00]

أخي عادل بارك الله فيك :
عندي باترول قديم 92 فيه مشكلة عند التشغيل في الشتاء دخان أسود يملاء الشارع والموتر ينتفض لمدة 3 دقائق أو أكثر علماً أن الماكينة ماتنقص شكله بنرين وش الحل . الله يجزاك خير

[adil33]

أخي عادل بارك الله فيك

عندي باترول 2008صالون سياحي  ومن طلعته من الوكالة فيه رجه عند  90 - 110 واحيانا ماتجي الرجه ولكن في الغالب موجوده
وعندي صوت تك تك تك خفيف جدا يظهر مع المطبات حتى الصغيره ومع عيون القطو بعد يظهر ومكان الصوت عند مجموعة الدركسون
أي بين مفتاح الاشارات والمساحات
انا أغير زيت الماكينة مع السيفون بعد 6000 ما رأيك؟عادي أم لا

الله يعنك ويرحم والدينا ووالديك


وجزاك الله خير على ما تقدمه لاخوانك
حياك الله اخوي ...بالنسبة للرجة تاكد اول من الترصيص عشان ما نبي نلعب بالسيارة والترصيص اهون عليها من اي عملية ثانيه وعطني خبر
بالنسبة للصوت الي الي تقول عليه تاكد من الديكور اولا وشوف يمكن فيه تخلخل بسيط بسبب مطبات مريت فيها في البر ومابيك تركز كثير بالطقطقه او الاصوات هذه حتى ما تهلك عمرك وانت تصلح وتعدل بالسيارة وباذن الله انه امر هين وسهل
بالنسبة لتغيير الزيت مع السيفون عندك اماكينة في هذه الفتره الى 8000 كم الى تقريبا شهر صفر وبعد كذا تحاول انه المدة تقل كل ما بدانا نقترب من فصل الصيف وفي فصل الصيف يكون تغيير الزيت عند 3500 كم الى ان تصل الى ذروة الصيف ويكون التغيير عندها على 3000 كم بس بشرط تنتبه للمويا والمراوح وعيار الزيت بشكل دوري ما يمنع يكون كل يومين او ثلاثه
والله ولي التوفيق

[adil33]

أخي عادل بارك الله فيك :
عندي باترول قديم 92 فيه مشكلة عند التشغيل في الشتاء دخان أسود يملاء الشارع والموتر ينتفض لمدة 3 دقائق أو أكثر علماً أن الماكينة ماتنقص شكله بنرين وش الحل . الله يجزاك خير
حياك الله اخوي ...اخوي سيارتك تحتاج اعادة تنظيف او تغيير اصلاح كوربيرتر وطبعا تحتاج معاها الى تغيير صفاية بنزين وبواجي وتكشف على اسلاك البواجي زين ....وجرب بعد هذه الصيانة تغيي رنوع البنزين من الاخضر الى الاحمر وبعدين تشوف لك ميكانيكي شاطر يوزن لك اليدلكو بعد كل هذه الامور وارجوك لا تهمل شي ءمن الي قلته لك لانك مقبل على شتاء ورايح تتعب كثير معاه ...
عطني خبر باي شيء يصير معاك وانا حاضر

[صيياد الحباري]

كفيت وفيت ياراعي الأوله



صييـــــــــــــــــــــــــــــــــــــــــــــــ ــــاد الحبـــــــــــــــــــــــــــــــــــــــــــاري

[سحابة بردية]

بيض الله وجهك
زدنا غفر الله لك في تجديد الباترول

[أبوخليل00]

حياك الله اخوي ...اخوي سيارتك تحتاج اعادة تنظيف او تغيير اصلاح كوربيرتر وطبعا تحتاج معاها الى تغيير صفاية بنزين وبواجي وتكشف على اسلاك البواجي زين ....وجرب بعد هذه الصيانة تغيي رنوع البنزين من الاخضر الى الاحمر وبعدين تشوف لك ميكانيكي شاطر يوزن لك اليدلكو بعد كل هذه الامور وارجوك لا تهمل شي ءمن الي قلته لك لانك مقبل على شتاء ورايح تتعب كثير معاه ...
عطني خبر باي شيء يصير معاك وانا حاضر


بيض الله وجهك وجزاك الله خير

[adil33]

اخواني صياد الحباري وسحابة بردية وابو خليل اشكركم جزيل الشكر على التلطف بهذه الكلمات وهذا مما يشجعني ويعينني على تقديم المزيد بحول الله لكل اخواني بهذا المنتدى
والله ولي التوفيق

[راعي العشــه]

عااااافااااااك الله

[الربذي]

مشكور أخوي عادل على الطرح الرائع والمميز ونشكرك على تعاونك مع الإخوة في تقديم المساعدة وواضح إنك صاحب خبرة طويلة



أخوي أنا عندي مشكلة بالموتر ( سوبر سفاري 98) فيه تقطيع وثقل بالموتر إذا حطيت الموتر بنمرة ودعست على البنص تحس الموتر يكتم شوي ثم ينطلق وديت الموتر لكذا ورشة وغيروا طرمبت البنزين ولا تغير شي ثم غيروا البواجي وأسلاكهن ولا تغير شي ثم وديت الموتر للكمبيوتر قالوا حساس الظاهر إسمه ( راينسنوس ) وغيرته بـ 450 ريال ولا تغير شي وديته لكهربائي قلتله تفقد أسلاك الكهرب والحساسات وقال ما بهن شي
أنا شاك بأن المشكلة من البخاخات يبيلة تنظيف . إذا قلت لميكانيكي إفحصهن قام وفصل أسلاكهن وركبهن وقال ما بهن مشكلة
الرجاء إذا كان عندك خلفية عن هالمشكلة لا تبخل علينا أنت وإلا كل من مر وعنده خلفية أو تجربة مع هالمشكلة


وتحياتي للجميع
وووووووووووووووووووووووووووووووووووووووووووووووووو وووووووواو

اعانك الله كل هذا ياصبرك ماشاء الله عليك ز
لو انا احرقه احراق 0

ياليت تغير اسمك لانه يقراء بطريقه غيلر لائقه ولاتناسب الفطره السليمه 0
اخوك

[Raselny]

ما شاء الله عليك

[حامدي السيح]

الله يعطيك العافية اخوي adil33

وباخذ رايك في عندي مشكله في رمانات القير تطلع صوت وسبق ان غيرتها ورجعت وش رايك ارجع اغيرها ثاني مره والا اخذلي قير من التشليح واذا عندك فكره عن اسعارها ياليت تزودني لاني لما غيرت الرمانات المره الاولى كلفني فك وفرط القير تقريبا 900 غير اسعار الرمانات علما ان اللي معاي باترول 2005 مكينته 4500 ولك جزيل الشكر

[تابير]

*عليكم اولا بتغيير جلد البدي كاملة ما عدا التي تاتي في الوسط فلن تستطيع تغييرها

*تغيير اليايات وجلد اليايات بالنسبه للقديمة توضع اسفل الياي والجديدة في فوق الياي
*ارجوا الانتباه من جلد العمود الذي يربط البدي بالشاص فهي ضرورية جدا وخطيره في نفس الوقت قد تتسبب في الانقلاب حمانا الله وياكم ارجو تغييرها
*كل ما سبق يجيب ان يكون من الوكاله وليس من محلات بيع قطاع غيار نيسان
*تغيير جلدة القير او تركيب دواسه اسفل الجلدة الخارجية وقصها بالمقص او السكين حتى يرتاح الدبل في الحركة فهذه العملية تمنع الضجيج الذي يصدره القير اثناء المشي
*اذهب الى اي محل تنجيد سيارات واطلب منه فقط تنجيد الارضية باي مخمل او جلد كما تشاء لانه سوف يضطر الى فك كل المقاعد والديكور واعادتها بشكل افضل مما هي عليه وسوف ترتاح حتما من اصوات الديكورات

اي سؤال او استفسار عن ميكانيكا الباترول انا حاضر


أخوي الله يعطيك العافية تنفع هذي الحركة مع اليوكن خاصة إني أسمع له قرقعة كثيرة في البر وما أحس ت انه جامد ؟
وياليت تشرح لنا بعض الألفاظ مثل اليايات لأن بالكويت مادري شسمها أو شنو تقصد ؟
وشنو تقصد بجلدة البدي هل هي الربلات ؟
أرجو إفادتي فموضوعك جدا جميل ومفيد وأشكرك عليه من قلب .

[تابير]

ياليت راعي الموضوع يفيدنا شوي
الموضوع للرفع حتى ينشاف

[حامدي السيح]

ننتظر ردك اخوي adil33

[حامدي السيح]

للرررررفع !!!!

[( الزاهر )]

بيض الله وجهك ..... وعطاك سعة الصدر ... بالتوفيق والسداد

[المساهر]

بيض الله وجهك

[ابوعراده]

adil33 لو تكرمت ارجو التواصل عبر الخاص لأني ماقدرت ارسلك بسبب عدد المشاركات ارجو ارسال رقم جوالك جعله الله في ميزان حسناتك

[Y.Y.Y]

مشكوووووووووووووووووور...

[البداد]

بيض الله وجهك وماقصرت على المعلومات

[غنام11]

السلام عليكم
عندي سؤال يالذيب عن الباترول2003 فتك


1-مشكله في المكينه ماهي صافيه فيها تفتفه خفيفه
2-اذا تركت الدعس عن الابنص ثمن عودة ادعس مايلقم على طول (تجيه فصله خفيفه):confused:

وش السالفه الله لايهينك

[مدرس بالغصب]

هل يوجد(vtc )حوض وهل هو ناجح وبكم سعره لاني ماعمري شفته

[ابوووهلا]

مشكور اخوي وماقصرت يعطيك العافية

[ابوووهلا]

مشكور اخوي وماقصرت يعطيك العافية

[سحابه]

بيض الله وجهك

[اتفاق الطائف]

وفقك الله اخي الكريم وجزاك خيراا

[~ V T A C ~]

اخوي غنام مشكلتك في الحساس حق الهواء يمكن يبيلة تنظيف او تغييير

[غنام11]

والله ياخوي حنى ناس مانعطى وجه ابدا لكن تحمل شكوى لله
سؤال:D
عندي الانبير حق التانكي الاضافي مو مضبوط اذا ضغط الزر حق التفريغ مايشتغل ...ثمن لحقه امبير التانكي الاساسي (مع انه اذا فضى التانكي ولعت لمبته)معناتها ان المشكله مو في العوامه(هذا في اعتقادي)؟؟؟

واذا تخبر ورشه في الرياض شغله ممتاز علمني خصوصا في الكهرباء

[أبو دأنه]

السلام عليكم ورحمه الله وبركاته

مساكم الله بالخير

كيف حالكم ان شاءالله طيبين

يالربع عندي مشكله بجيب باترول 99

جيمت علي الفرامل وانا امشي وديته لصناعيه وزينو الفرامل

والحين في صوت بالدفرنس الامامي من جهت اليمين

صوت حديد يحك ابعض

اذا احد عنده علم في هالمشكله يفيدنا الله لا يهينه

ودمتم بخير

[الربذي]

مشكور أخوي عادل على الطرح الرائع والمميز ونشكرك على تعاونك مع الإخوة في تقديم المساعدة وواضح إنك صاحب خبرة طويلة
أخوي أنا عندي مشكلة بالموتر ( سوبر سفاري 98) فيه تقطيع وثقل بالموتر إذا حطيت الموتر بنمرة ودعست على البنص تحس الموتر يكتم شوي ثم ينطلق وديت الموتر لكذا ورشة وغيروا طرمبت البنزين ولا تغير شي ثم غيروا البواجي وأسلاكهن ولا تغير شي ثم وديت الموتر للكمبيوتر قالوا حساس الظاهر إسمه ( راينسنوس ) وغيرته بـ 450 ريال ولا تغير شي وديته لكهربائي قلتله تفقد أسلاك الكهرب والحساسات وقال ما بهن شي
أنا شاك بأن المشكلة من البخاخات يبيلة تنظيف . إذا قلت لميكانيكي إفحصهن قام وفصل أسلاكهن وركبهن وقال ما بهن مشكلة
الرجاء إذا كان عندك خلفية عن هالمشكلة لا تبخل علينا أنت وإلا كل من مر وعنده خلفية أو تجربة مع هالمشكلة
وتحياتي للجميع


صارت معي لقيت فلتر الهواء مسدوووووووووووووووووووووووود تقريبا نظفته وزان عزمه ..


يااخوان اشتريت باترول سوبر سفاري 99بس احخس ماهو ناعم وعلى سرعة 170 فيه رجه كانه هزاز ههههههههههه

ومطابه قاسيه

لانه مركب له مساعدات صفر قويه جدا حتى مع الحمل مايدري ماشاء الله وش اسوي كسر ظهري كانه تويوتا.........

[ماطر]

جزاك الله خير وجعل ذلك في ميزان صالح أعمالك .

[vtc.6]

السلام عليكم
يالربع انا عندي باترول فتك موديل 2006 غيرت بواجيه حطيت بواجي رياضيه دنسو وغسلت ثلاجه الهوى
وشلت المسامير حقت الثلاجه ومن عقبها الموتر ماشاف خير ضغط المكينه مرتفع يحن الموتر غيرتها عند الثنيان في صناعيه الدائري وسوالي برمجه ولا ظبط وفالاخير قالي رح الوكاله ورحت عند الشنيفي وبرضو
ماعرفلها قالو رح لم التركي المتخصص باترول وابعد عنه غيرت عنده البواجي مره ثانيه حطيت بواجي الوكاله ورجعت المسامير ولحمتها ولا فيه فايده الظغط نزل شوي بس وفالاخير ماعرفلها طبعا انا مركب هدرز ومركب فلتر رياضي ومركب بيب يعني انتيك بس ماكان فيها شي من يوم غيرت البواجي والموتر راح فيا وترتر خفيف ويصفق يعني يطلق اذا دعست والعزم ضعيف مره واذا جيت اشغل الصباح اوالموتر واقف له فتره يالله يشتغل تحسنه بيطفي ويقوم الضغط ينزل بعدين يرتفع شوي ثم كنه بيطفي وبعدها يشتغل وتشوف الضغط فوق الواحد ويقطع خفيف والتركي يقول فحصه بالكمبيوتر الموتر سليم الصراحه بس مارتحت لفحصه تكفون تكفون ابي حل واسف جدا جدا على الاطاله

[ابو باااسل]

بيض الله وجهك

مشكووووووووووووو

[adil33]

السلام عليكم
يالربع انا عندي باترول فتك موديل 2006 غيرت بواجيه حطيت بواجي رياضيه دنسو وغسلت ثلاجه الهوى
وشلت المسامير حقت الثلاجه ومن عقبها الموتر ماشاف خير ضغط المكينه مرتفع يحن الموتر غيرتها عند الثنيان في صناعيه الدائري وسوالي برمجه ولا ظبط وفالاخير قالي رح الوكاله ورحت عند الشنيفي وبرضو
ماعرفلها قالو رح لم التركي المتخصص باترول وابعد عنه غيرت عنده البواجي مره ثانيه حطيت بواجي الوكاله ورجعت المسامير ولحمتها ولا فيه فايده الظغط نزل شوي بس وفالاخير ماعرفلها طبعا انا مركب هدرز ومركب فلتر رياضي ومركب بيب يعني انتيك بس ماكان فيها شي من يوم غيرت البواجي والموتر راح فيا وترتر خفيف ويصفق يعني يطلق اذا دعست والعزم ضعيف مره واذا جيت اشغل الصباح اوالموتر واقف له فتره يالله يشتغل تحسنه بيطفي ويقوم الضغط ينزل بعدين يرتفع شوي ثم كنه بيطفي وبعدها يشتغل وتشوف الضغط فوق الواحد ويقطع خفيف والتركي يقول فحصه بالكمبيوتر الموتر سليم الصراحه بس مارتحت لفحصه تكفون تكفون ابي حل واسف جدا جدا على الاطاله
اعطي السياره حقها تعطيك يا غالي الي تبيه ماشا ءالله عليك مو مخلي شيء الا ومغيره عن وكالته وصدقني ما راح تاخذ نتيجه حقيقيه للفحص بالكمبيوتر الا اذا رجعت كل شيء كما كان وسيارتك سياره عاديه مو رياضيه فلا تتوقع فعلا انها تقبل الاضافات الي تقول عليها بهذه الصورة وعلى العموم دام هذه رغبتك فشيك على كهرباء السياره وخصوصا الديلكو احتمال يكون تعب مع الضغوط الي على الماكينة وشوف اي تنسيم هواء عندك في الماكينه وشيك على اسلاك البواجي وسلامتك

[vtc.6]

مشكور وجزاك الله خير

[منقذ]

استاذ عادل ماهي الطرق على المحافظة على عزم الباترول
واحيانا اسمع صوت صرصرة الديلكو وقت شدة الحر او عند طلوع المرتفعات
لكن عموما عومة جيد جدا موديل 98
عز الله انك خبرة بما شاهدت من ردود
على اجر ان شاء الله

[مشاغب السقالة]

بارك الله فيك

[اخليس]

اخوي عادل اكون لك من الشاااكرين اذا جاوبت على سؤالي
انا معي باترول ربع 2008 يطلع فيه صوت اذا قطعت عليه مسافه فوق 70 كم كأنه صوت صاموله تلعب ويطلع الصوت اذا صعد الموتر مكان عالي او اخذت لفه وضغطت عليه

[s1s1]

اخوي عادل
لو سمحت عندي باترول 94 اذا جيت اوقف احيانن اسمع صوت قع قع قع والصوت اسمعه وراء فما ادري وش المشكله

[السلمي25]

الله يرحم والديك ياعادل والحاضرين
ماشاركت الا لاستشارتك
معي سوبر سفاري98
والمشكلة يقطع اذامشيتو دعست له لين يوصل الضغط4بالثاني ياله يصفا
بس ان تقطيعة خفيف ويوم جاء امس ويرمي مرة وحدة
وصار الضغط وانا واقف يرتفع وينزل مرة كل ربع ساعة تقريبا
غيرت البواجي والصفاية
واسلاك البواجي
بس عندي لي الهواء اللي من الفلتر للمكينة منشق
وتيته بالسلكون ودبلت الشطرطون ماعاد ينفس
لآن قيمتة 650ريال
قالي فني حتى لوغيرتةبجديد
وجيت تغير زيت المكينة بيشقة الزيدي
طيب وش الحل
الله يرحم والديك والحاضرين

[عصيقيل]

اخي الحبيب عادل حفظك الله انا عندي فتك 2003 فل كامل تماتيك ويتحول عادي السياره ماشيه 180 الف سؤالي متى يتم تغير زيت القير وهل اقدر اغيرها عند محل تغير الزيت

[روابع المشتاق]

مساء الخير مهندسنا الغالي

أنا عندي جيب باترول سفاري 2005 مكينته 4500

الجيب توي شريته وفيه مشكله ..
ان الزيت يرشح ومن كثر الرشح وصل لقربه الهوا وطبعا يطلعا زيت اسود من الشكمان واكيد ان الزين ينقص ولاكن نقص غير طبيعي ومع العلم اخوي ان المكينه نظيفه من ناحيه الحراره وصوتها صافي جدا والمكينه مامشت كثير .....وياليت يا مهندس لو تذكر أسباب التبويش وكثرته با الجيوب النيسان..؟
أرجو منك اخووي عادل أنك تقولي وش الحل أو الطريقه أو ترسلني على احد وراح اكون شاك وداعي لكــ تقبل ودي

وياليت اذا لو ترسل لي رقمك اخووي بصراحه اعتبرها فزعه او عمل خير وتحيه طيبه لكـ ولأأخواني

[vtc.6]

الله يعطيك العافيه
بس اخوي وين اللي يظبط لي الشغل اقصد اللي يغيرلي الجلد والربلات كلها اللي قلتها تكفى انا من جد اعاني منها انواع القربعه والاصوات تكفى دلني الله يرحم والديك

[بن عيد11]

السلام عليكم

انا معي سوبر سفاري 2002 فتك قير عادي
عندي مشكله في التغير من النمره الثالث الى الرابع او الرابع الى الخامس الموتر يفغع ,,,,,
غيرت بواجي مافيه فايده ارجو منكم الافاده تكفون تراني كرهت الموتر.

[سوبر VTC]

بن عيد لاهنت
ضع سؤال في خيمة الاعطال لكي يطلع عليه اكبر عدد من الاعضاء
يمنع طرح مشكلة داخل موضوع

[mr.قهد]

طيب جبت حاجة جديدة ؟؟؟؟ عارفين نغير الجلد ويطلع الموتر لين وناعم!!!

[canon-d]

الله يجزاك خير ومشكور على طرح الموضوع

[أسير الطيب]

السلام عليكم ورحمة الله وبركاته
الاخ مشرف خيمة السيارات وكذلك الاخ عادل33
عندي مشكله مع الباترول بخاخ موديل98
الصباح والسياره بارده بعد التشغيل السيارة تنافض وتبغى تطفي ولا تقبل بنزين وبعد التسخين الوضع طبيعي
الصفايه جديده والبواجي كذلك وحساس الهواء نظيف جدا والبنزين غيرته الى 95 دون فائده
ماهو الحل بارك الله فيكم

ياليت جزاك الله خير تغير توقيعك
خيركم من تعلم القرآن وعلمه حديث وليس آية

[ابوسلطان30]

سلام عليكم ورحمة الله وبركاته ..

اخ عادل اود ان اسئلك هل يجب اعادة تنظيف او تغيير اصلاح كوربيرتر الباترول قديم كل سنه مثلاً

او مره واحده فقط ؟

اذا كان الموتر ماهو صافي هل يؤثر على حرارة الموتر ؟
شكراً لك ,,
(ارجو ارسال رقمك الي خاص اود التواصل معك)

[ابو مؤيد_944]

اخوي عادل رحم الله والديك
ابي اسئلك ؟؟؟؟
عندي باترول 97 ودي اركب عليه هدرز
اش فوائده ؟
واش رايك ؟ هل له مضار على المكينه ؟ واش افضل نوع ؟
وفين اقدر اركبه ؟

جزيت خيراً وزوجت بكراً

[فلقه]

اخوي لاهنت
عندي ربع بترول موديل 91
فيه مشكله اللي هي
لاجيت لا انفود وشغلت الدبل وقمت اطعس عليه
طبعن تعرف يبي له عزم واناا اشد عليه
انااظر الا الحراره وااصله لا انص الموتر يطبخ طبخ
ويقعد يقررقع وش المشكله
مع العلم با الزفلت
ماااعمر الحراره ارتفعت معي الا لاوصلت لا النفود
تااصل لا النص ماادري وين المشكله

[عطيب شمر]

الاخ عادل لو تكرمت اذا ممكن رقمك على الخاص

شاكر ومقدر

[رقم 1]

الاخ د/فهد واخي ابو اسامة حياكم الله
اخواني ابيكم تكشفون على الرجيع حق البنزين او تكشفون على الصفاية
ويكون افضل نكشف ايضا على التانكي لانه احتمال يكون ما يخرج الضغط الي فيه
(( مهم جدا ان يتم الكشف على مسار ومجاري البنزين من التانكي الى الماكينة ))


الله يعطيك العافيه يا اخ عادل

اذا كانت المشكله من الرجيع "/ اكيد اذا عبى بنزين يرجع يكب في وجه العامل لانه راح يكون مليان هواء بسبب الرجيع اللي ما يصرف الهواء بس في حالة في حالة انه يكون متشقق اللي حق الرجيع وهذا طبعا اللي انت تقصده اكيد راح يشمه في الغماره حتى لوكان متلطم وهذا اللي حاب اني اوظحه للاخوان عشان ما يفمهمونك خطأ
اما الصفايه راح يقطع عليه الموتر وخاصه لما يدعس فجاه فما اتوقع انه منها

انا اتوقع انه من غطاء التانكي

وان شاء الله ما راح يطلع من الثلاث ذي واعذرني على المداخله
والله يقويك ياعادل وصدقني انك افدتنا في معلوماتك وخبرتك

[كايد]

حقيقة استفدت من الموضوع اول مرة اطلع عليه وحبيت اشارك الجميع

[raed]

*عليكم اولا بتغيير جلد البدي كاملة ما عدا التي تاتي في الوسط فلن تستطيع تغييرها
*تغيير اليايات وجلد اليايات بالنسبه للقديمة توضع اسفل الياي والجديدة في فوق الياي
*ارجوا الانتباه من جلد العمود الذي يربط البدي بالشاص فهي ضرورية جدا وخطيره في نفس الوقت قد تتسبب في الانقلاب حمانا الله وياكم ارجو تغييرها
*كل ما سبق يجيب ان يكون من الوكاله وليس من محلات بيع قطاع غيار نيسان
*تغيير جلدة القير او تركيب دواسه اسفل الجلدة الخارجية وقصها بالمقص او السكين حتى يرتاح الدبل في الحركة فهذه العملية تمنع الضجيج الذي يصدره القير اثناء المشي
*اذهب الى اي محل تنجيد سيارات واطلب منه فقط تنجيد الارضية باي مخمل او جلد كما تشاء لانه سوف يضطر الى فك كل المقاعد والديكور واعادتها بشكل افضل مما هي عليه وسوف ترتاح حتما من اصوات الديكورات
اي سؤال او استفسار عن ميكانيكا الباترول انا حاضر

السلام عليكم
ياريت توصف لنا ورشه تضبط لنا ما ذكرته وثقه.
والله يجزاك الخير

[الربذي]

عندي فتك كان ماهو ناعم غيرت الجلب طقم اللي تحت طقم جلب وطلع ناعم بس فيه رجه خفيييفه اذا وصلت 180 احسه بالدركسون خفيفه بس ماادري وش منه بس لتجربه فقط ولا ماني راعي سرعة اغلب مشيي140

[مدرس بالغصب]

وش تكلفة تغيير جميع الجلد سعر الجلد مع تركيبهن
باترول95

[سبيل الرشد]

نفس السؤال اللي فوق بارك الله فيكم ؟

[ابو ساره العنقري]

رائع ومفيد

[ابوعبدالله44]

السلام عليكم
صبحكم الله بالخير جميعاً
أنا عندي مشكله بسيطه غسلت الكينه بالديزل صار الموتر يقطع ولا يتعدى 80 او 90 وبالقوة يجيبها وعزمه طايح مرررره وإذا طفيته وخليته فتره ادق سلف الموتر سليم مافيه شي وبعد 10 دقائق وانا ماشي ترجع نفس المشكلة ياليت أحد يفيدني
الموتر باترول2000 بخاخ

[a-07]

ياشباب الله يصحبكم- يمسيكم بالخير

انا شريت لي باترول 96 بخاخ طويل والحمدلله عزم الموتر طيب جدا وممشاه طيب ولكن فيه مشكلة ريحة العادم اللي يطّلع من الشكمان تحسها قوية تخنق الواحد ، رغم انه الحمدلله لا دخان ولا غيره ،،
ودي اعرف حل لهذا المشكلة والله يوفقنا واياكم ،،،:(:good: