جنط 17 سبير بالون الفزعه يالربع ذبحتن الصرصره

[لعّاب المنايا]

السلام عليكم ورحمة الله وبركاته

صباح // مساء الخير يالمكشاتيه

اخواني عندي باترول سفاري 2 موديل2008 ومركب عليه ماكسس بالون على جنط 17 ومركب على الاسبير
نفس الشي وبصراحه الاسبير هستربي من الصرصره عند أي مطب أو مثلا عيون قطط ماغير يصرصر
ولا لقيت مقاس صغير بالون على جنط الـ 17 عشان اركب محل الاسبير كل اللي بالسوق مقاس 900 ماهنا شي اصغر منه وش الحل يالربع افزعولي يالمكشايه ولاعليكم امر ,,,قلت احط شحم تحت الاسبير عشان ما اسمع الصرصره وبصراحه والله ماحطيته للحين لانه بيحوس علي الشحم ,,,

بالله اللي عنده حل يفزع ولا ينسانا ولاهنتوا ,,,

[بوسعود 180]

شد على قاعدة السبير يمكن بلوطها مرتخيه

[ذيب عتيبه]

الله يكون في عوونك يالغالي :)

ولكن


ورى ماتجرب يالغالي هالطريقه .. ماتظرك أن مانفعتك


تجيب لك كرتون ... تقريبا ثلاث اشبار في شبرين ... وتقص وسطه الدآئره حقت الأستبنه وتركبه وثم تركب الأستبنه عليه


وان بغيت أوضح لك الطريقه بالصور .. تآمر امر

[باترول للأبد]

وعليكم السلام ورحمة الله وبركاته

مساك الله بالرضا والنور والسرور وياهلابك أخوي لعاب المنايا

بالنسبه للصرصره حتى أنا موجوده في موتري رقم أن جنوطي 16 وعليهم بالون فما بالك أنت 17

والحل هو أنك تشد على ربلات الباب وفي طرق يسونها أهل مشكات مجربه وأن شاء الله يفيدونك فيها

وأنا بالنسبه لي لاف منديل على قاعدة الباب الأيمن من تحت والحمدلله أموري سليمه لحد الأن

[ابوتركي666]

ياخوي إذا كان قصدك الكفر يحك بالبدي ويطلع صرصره حط الله يسلمك تبريزه تبعده اشوي وإذا مانفع إدبل التبريزه لما يبعد الكفر عن البدي ولا يخرب عليك البدي تحصلها عند الزينات
وإذا كان قصدك صرصرة الباب حط قطعة لستك على القاعده الي يتكي باب السبير عليها بالوسط تحت وإذا مانفع حط شطرطون تجربه يروح الصوة ولا لا على قواعد الصكاكا ت فوق وتحت وحق الباب الصغير
ننتضر ردك

[aksht wa7d]

باين ان الاخوان ما قصروا

[لعّاب المنايا]

بوسعود 180/ الله يبيض وجهك أبشيك عليها وبتأطد منها ,,
ذيب عتيبه / الله يبيض وجهك وما يآمر عليك عدو إن شاء اني فهمت الطريقه وإذا ماهنا كلافه يالذيب تحط لي صور ولاعليك امر ,,
باترول للأبد / الله لا يهينك ياباترول بس وشلون طريقة المنديل اللي مسويها ,,
ابو تركي666/ والله يابوتركي عندك كذا طريقه والله ما شاء الله عليك بس كنها يبغالها زود تركيز يعني زي ماتقول ماوضحت معي شوي ,,
aksht wa7d / الله لايهينك ..,

[باترول للأبد]

أخوي لعاب المنايا طريقة المنديل سلمك الله سهله وهي كالتالي

تلف منديل على القاعدة اللي أسفل الباب وتلزقها وطبعن أنا من سويتها ولله الحمد مرتاح

لاكن مثل ماقال أخوي ابوتركي 666 تركب لستك بيكون أحسن لك بكثير

[بيبسي]

أحسن شي ركب الكفر حق الوكاله لأن البالون 900 ثقيل مره

[لعّاب المنايا]

أخوي لعاب المنايا طريقة المنديل سلمك الله سهله وهي كالتالي

تلف منديل على القاعدة اللي أسفل الباب وتلزقها وطبعن أنا من سويتها ولله الحمد مرتاح

لاكن مثل ماقال أخوي ابوتركي 666 تركب لستك بيكون أحسن لك بكثير

طيب المنديل ياباترول مايروح مع الغسيل مايتقطع ومع ذلك لافتحت الباب مايطيح المنديل ,,

وبالنسبه لاخوي ابوتركي مافهتها والله ,,

[النايف999]

لا يكون ناشب مايطيح,, اللستك تقطعه من النص وتركبه

[لعّاب المنايا]

أحسن شي ركب الكفر حق الوكاله لأن البالون 900 ثقيل مره

والله وانا اخوك ودي والله اركب الكفر حق الوكاله بس لاضرب عليك البالون وانت بالمقناص وش تسوي ,,

بتركب حق الوكاله ..,,

[سديد الرااااي]

علكم السلام
طبعن الشباب ما قصرو كفو اوفو انشاء الله
بس فيه في الغرابي محل اسمه العجمي ما
يحتاج مسوين عنده نفس المشكه في G
والحين ما يحتاج

[ذيب عتيبه]

سم يالغالي وأعذرنا على القصـور




http://up5.m5zn.com/photos/00210/3s6zifzgh3ol.jpg (http://up5.m5zn.com/photos/00210/3s6zifzgh3ol.jpg)



فمان الله

[لعّاب المنايا]

علكم السلام
طبعن الشباب ما قصرو كفو اوفو انشاء الله
بس فيه في الغرابي محل اسمه العجمي ما
يحتاج مسوين عنده نفس المشكه في G
والحين ما يحتاج

سديد الراي بيض الله وجهك ورحم الله والديك ,,

ماعندك وصف له بالضبط اللي بالغرابي أو عندك تلفونه ,,

[لعّاب المنايا]

سم يالغالي وأعذرنا على القصـور




http://up5.m5zn.com/photos/00210/3s6zifzgh3ol.jpg (http://up5.m5zn.com/photos/00210/3s6zifzgh3ol.jpg)



فمان الله





ذيب عتيبه بيض الله وجهك ماقصرت يالغالي ,,,

وإن شاء الله ابشوف الاسهل والانسب من الحلول وبسويه ,,,

[لعّاب المنايا]

لا يكون ناشب مايطيح,, اللستك تقطعه من النص وتركبه


الله لايهينك بس ترى مافهمتك ..,,