الجمــــس بأربع نمرات ((إستفسار))

[صالح...]

السلام عليكم ورحمة الله وبركاته ،، ،،

انا عندي الجمس اذا مشيت 100 يصير الظغط على 2:30 تقريباً ، والمعلوم إن الجمس ماشاءالله يمشي والظغط مايتعدى:rolleyes: ؟!! .

الموتر : gmc سييرا - 1500 ، وبدأت الشكوك تساورني بأنه مافيه خــــــــــامــــــــس؟؟؟؟؟!!! :no:
(لأني كد وضبت القير عند شلنجر).

- أبي منكم الله لايهينكم .. ورشــة متخصصة في الرياض للفحص على القير ، ويفضل أن تكون تحت إشراف سعودي.

[Magellan]

أخوي صالح الله يحفظك
بالصيف خذها قاعدة إذا كانت المروحة عندك ميكانيكية يعني مهيب كهرب ترى تاخذ من عزم الموتر كثير
يمكن موديل اللي معك 2004 ونازل
أنا مثلك يطلع صوت حنه في موتري تريل بليزر 2006 والقير ثقيل وكله من كلتش المروحة يصير يسحب ثلث الطاقة...
وإذا تبي متخصص بمعنى متخصص وفاهم بقير الجمس مالك بعد الله إلا مشعل وهو أفهم واحد ممكن تسأله بالقيور ومكانه بالصناعية القديمة، بس تفاصيل الوصف ماحولي علم

[صالح...]

ومن يقول اخوي Magellan الله يبارك فيـك ، فعـلا المروحة ميكانيكية على السير. والموديل 2003

شكـــراً لك.;)

[عاشق z71]

اخوي بس الي اعرفه ان الجمس اربع غيارات

انا عندي اخو موترك واذا هو فعلا خمس غيارات فهذا شي توني اعرفه وبيني وبينك فشيله لو توني اعرف خخخخخخخخخ

لي عوده انشالله عشان نستفيد

[ساري 111]

الجمس كله 4 غيار فقط
إلا الدينالي الجديد فهو 6 غيار

الجمس واليوكون سرعه 120 يكون ضغط المكينة 2 وعلى سرعه 180 يكون الضغط على 3

ولكن اتوقع قير السييرا يختلف عن الصالون بحكم انه مصمم للحمل فلازم يكون قيره شاد شوي

واذكر كان معي جمس غمارة ونص مقاس2500 كنت اذا مشيت 120 يكون الضغط فوق الـ 2.5

[لن أمل من العطاء]

حتى في الاوتو ماتيك

عندي 99 محرك 350 بسرعة 120 يكون الضغط على 2
وعندي 99 محرك 454 بسرعة 120 يكون الضغط على 2.5

مع ان محرك 454 اكبر من 350 وكنت اتوقع العكس لا ليه الله اعلم