llllll عندي صوت بالمكينه بالباترول - تحس ان الموتر يطلب نمره اقوى او يبي وزن الديلكو

[aooa]

اللي عنده خبره يا ليت يفيدنا

انا سويت فحص بالكمبيوتر ولا طلع شيء

وما تسمع الصوت الا داخل الغماره فقط واذا فتحت الكبوت ما تسمع شيء

باختصار :

الصوت تقل يبي وزن بلوف او ديلكو او انه يبي نمره اقوى حتى لو انه بنمره رقم ( 1 )

الموتر 2006 المكينه 4500 سلق


الصراحه انا احترت فيها يا ليت احد عنده خبره او طريقه يفيدنا مع العلم ان البلوف توزن نفسها دون تدخل من الميكانيكي .

[ابوعبدالله 22]

الصوت الي تقول عنه عادي انا معي نفس موترك ونفس موديله وبهذلني الصوت اول ماشريت الموتر ووديته للوكاله قالو عادي مافيه شي واكثر من شخص اعرفه عندهم نفس الصوت

[aooa]

طيب وش الصوت منه وما هو الحل بارك الله فيك

[عاشق النفود 111]

هلابك أخوي

أذا كنت تعبي بانزين 91 جرب 95 وشوف

أنا عندي صوت أول ما خذيت الباترول ويوم رحت لم الوكاله قالوا عادي الصوت كنت أعبي 91
كان يظهر الصوت أثناء الزياده على دواسة البانزين عند السرعات من 50 إلى 90 تقريبا والصوت اشبه بصوت الجانزير داخل المكينه قرقعه..


ويوم عبيت 95 أختفى الصوت تماما..:good:

أتمنى إني افدتك وبالتوفيق

[aooa]

اشكركم على الردود

لكن انا اعبيء بانزين 95

وهذي اكيد مشكله .......... لا يمكن ان تكون طبيعيه ابدا مع اني فحصت كمبيوتر وسمع مهندس فلبيني الصوت وقالي طبيعي واحس انه وده يصرفني لانه اخذ قيمه الفحص مقدم

لكن هذا الصوت ابدا ما هو طبيعي ولا يمكن يطلع موتر من الوكاله بهذا الصوت في المكينه .

[باترول4800]

اذا كان هالصوت مايطلع الا اذا دعست الدعسه كلها فالظاهر انه وزن ديلكو لانها قد صارت معي من قبل


ووزن الديلكو بسييييط جدا ولا يحتاج ميكانيكي


واذا كان يطلع في اي وقت سواء كان الموتر واقف او يمشي فأظن وماني متأكد انه وزن بلوف

[aooa]

باترول4800

بارك الله فيك اخي

اعتقد كلامك اقرب للصواب لانه لا يمكن ابدا ان يكون هذا الصوت طبيعي ابدا

[adil33]

شيك على كراسي الماكينة او جلدة القير الي بداخل الطبلون

[..: ابو يوسف :..]

السلام عليكم ورحمة الله وبركاتة

ياخوان الصوت طبيعي

اكثر الناس يطلع عندهم الصوت هذا وانا اعرفهم معرفة شخصية

يعني لا تختف الصوت طبيعي والموتر مافيه شي

صحيح انه يضيق صدرك اذا سمعت الصوت لاكن لاتخاف الموتر طبيعي

انا معي 2006 ربع والصوت يطلع عندي واكثر من واحد من ربعي

معهم نفس الموتر ويطلع عندهم الصوت

بالتوفيق

[خشيمان]

يا ذيب
أنا معي 2008
والصوت موجود حتى اذا كان الضغط على 3 و 4
وهذا مب خراب
كم واحد اعرفه عنده نفس الشيئ
انا كنت اظن انه من البنزين بس بما انك تقول انك تعبي 95
معناه انه عادي ولا فيه شيئ
والظاهر ان الصوت من القير لانك زي ماقلت من برا ما تسمع الصوت
والله يوفق الجميع
وننتظر آراء الشباب

[سوبر VTC]

مر على ورشة عبدالعزيز الخضير ابو خالد
و بجنبه ورشتين عبدالعزيز الخضير و ورشة الهبيش
و ان شاء الله يفيدونك
بطريق خضيرا

[aooa]

مرحبا بكم

انا اشكرم جميعا على المشاركه والردود

اخي/ سوبر Vtc

هل هذه الورش بالرياض ويا ليت يكون الوصف شبه كامل

[سوبر VTC]

مرحبا بكم


انا اشكرم جميعا على المشاركه والردود


اخي/ سوبر Vtc


هل هذه الورش بالرياض ويا ليت يكون الوصف شبه كامل





للاسف لا :( :(

بمدينة بريدة

[م.ابوسعود]

الله يعينك ويوفقك لكن وشو الصوت مافهمت عليك .

[aooa]

ابو تيسير

الصوت ذاكره في البدايه

ولكن طلعت المشكله في وزن الديلكو اختفى الصوت وارتفعت الحراره مع العلم انا اللي وزنت الديلكو اجتهاد منى بناء على طلب احد الاعضاء .

[خشيمان]

وضح لنا وش سويت بالضبط لاهنت؟؟

[روابع المشتاق]

مدخله يا اربع

الديلكوو ترا ما ينوزن الا بجهاز وزن ديلكوووو

ومهم ها اجهاز وتحيه لكم