ماطور الهواء بالصدام الامامي متخوف منه ..!! شوركم يالمكشاتيه ,,

[لعّاب المنايا]

السلام عليكم ورحمة الله وبركاته

مسيكم وصبحكم الله بالخير يالمكشاتيه

ودي اركب ماطور هواء بالصدام الامامي للباترول وش رايكم بالنسبه له يعني وقت الأمطار
والدوجه بين الشعبان والمقناص ما يأثر عليه يعني مايدخل عليه الماء او تآصله القشع وتكسرهـ ولو دخل وش رايكم هل هو يخربه وبعضهم يقولون حط فيه سده عن الغبار او عن الماء ,,

انا والله متخوف منه بس ماادري وش رايكم او وش الحل ,,,

أو أحد ركب ويقول ايجابياته وسلبياته ,.,,

ولاهنتوا يالذيابه ,,’’

[SuLTaN.M]

شلون في الصدام؟؟

بعدين لا سمح الله ودفيتا لك احد ما لها داعي يخرب اللي وراه,, الفراغ اللي في الصدام عشان ما يتضرر الموتر بقوه

الله اعلم لكن شف شور الشباب

[فهد بن مشبب العاصمي]

هلابك اخوي لعاب المنايا :)

انا صراحة ماجربته على الصدام .. لكن اكيد ان الماء يخربه ..

انا اجد احسن حل لمنع وصول الماء والغبار له .. وضعه داخل الموتر اريح لك واحظف له من الخرابات

هذا رايي وبنتظار ارائ البقيىة

[لعّاب المنايا]

شلون في الصدام؟؟

بعدين لا سمح الله ودفيتا لك احد ما لها داعي يخرب اللي وراه,, الفراغ اللي في الصدام عشان ما يتضرر الموتر بقوه

الله اعلم لكن شف شور الشباب

حياك اخوي

الماطور يكون بالصدام الامامي يكون تحت فيه مسافه هو له ويربط بقاعده واموره زينه بدون مايخرمون ولا يفتحون شي بالصدام ,,
اللي ابغا اعرفه هو كيف فيه أحد جربه او شي او وش أضرارهـ ,,

والكلمه اللي فوق باللون احمر صراحه تثبت إنك من سدير أو المجمعه او وْشي او حرمه ,,

ولاهنت ,,’’

[لعّاب المنايا]

هلابك اخوي لعاب المنايا :)





انا صراحة ماجربته على الصدام .. لكن اكيد ان الماء يخربه ..


انا اجد احسن حل لمنع وصول الماء والغبار له .. وضعه داخل الموتر اريح لك واحظف له من الخرابات


هذا رايي وبنتظار ارائ البقيىة






الله لايهينك يافهد وننتظر باقي المكشاتيه يفيدوننا ,,,

[فهد بن مشبب العاصمي]

ومن قال مايهون يالذيب

تحياتي

[B.A]

فيه واحد مركبه على باترول موديل 2008 بالصدام وملبسة طربال ويوجد له صور وشرح كامل عن تجربته اذا تبي تعرف كل شي افتح قوقل واكتب منتديات الرحلات وادخل على السيارات وتجهيزاتها وفيه رابط عن تجهيز الباترول 2008 بالصور واذا مسموح من الادارة وضع رابط ابشر انا احط الرابط

[لعّاب المنايا]

فيه واحد مركبه على باترول موديل 2008 بالصدام وملبسة طربال ويوجد له صور وشرح كامل عن تجربته اذا تبي تعرف كل شي افتح قوقل واكتب منتديات الرحلات وادخل على السيارات وتجهيزاتها وفيه رابط عن تجهيز الباترول 2008 بالصور واذا مسموح من الادارة وضع رابط ابشر انا احط الرابط




والله انك كحيلان دبرنا يالذيب ,,

[B.A]

والله انك كحيلان دبرنا يالذيب ,,[/center]



ارسلت لك الرابط على الخاص شيك عليه وعطني خبر

[طواش]

عندي رأي لعله ينفع أن شاء الله ضعه في داخل كبوت السياره وثبته حول الرفرف من الداخل وبهذه الطريقه تحميه من الماء والغبار
تحياتي

[القبقب]

المثل يقول من خاف سلم
ما أنصحك ياخوي لعّاب المنايا في أحتمال مع مرور الوقت ومع المطامر
يطير ويخرب لك شىء في الموتر ويطلعلك أكثر من بيع السوق .

[suateeq]

انا شفته مع واحد من الربع ممتاز جداً

[شاهد عيان]

والله يالغالي أنا عندي أقتراح يمكن يحوز على إعجابك ..
1- تضع فيش الماطور عندك بالداخل عند الطبلون بحيث تشغله وتطفيه وأنت داخل السيارة .
2- ماطور الهواء يكون داخل الكبوت عند الماكينة مع تغليفه عن التراب والماء ..
3- اللي أو خرطوم الماطور ممدود من الماطور حتى الصدام ويكون ملفوف بالصدام أو مغطى بواقي مناسب .
4- أهم شيء وضع فيوز بين البطارية وفيش الماطور .

تحياتي ...

[خشيمان]

واحد من الربع مسويه عند ورشة سوافي
الشغل 100%
ولكن انصحك بتفصيل غطاء تنزاني له لمنع التراب والماء
وتقبل مروري

[سوبر VTC]

حدا الربع مركب 3مواطير ابو جمل تحت الصدام باترول م99سوبر فاكه وكالة و تحتهن قاعدة حديد و ملبسهن تنزاني اسود و الى الان الوضع تمام
لكن انا اخاف من مشكلة السرقة:mad: :mad:
انا من رايي انك تدور مكان داخل الصدام فارغ و تثبتهن
تحياتي

[راعي هداد]

والله يالغالي أنا عندي أقتراح يمكن يحوز على إعجابك ..
1- تضع فيش الماطور عندك بالداخل عند الطبلون بحيث تشغله وتطفيه وأنت داخل السيارة .
2- ماطور الهواء يكون داخل الكبوت عند الماكينة مع تغليفه عن التراب والماء ..
3- اللي أو خرطوم الماطور ممدود من الماطور حتى الصدام ويكون ملفوف بالصدام أو مغطى بواقي مناسب .
4- أهم شيء وضع فيوز بين البطارية وفيش الماطور .

تحياتي ...
هذا الصح يابو راشد :good:

[سيف الظفير]

http://www.×××××××××.com/vb/uploaded/26_11211224294.jpg