عندي صوت في فحمه الكلتش وابي ورشة ممتازة

[باترول4800]

السلام عليكم

الله لا يهينكم عندي باترول وفيه صوت فحمه الكلتش مزعج مرره وابي اغيرها وبصراحه عجزت القى ميكانيكي احط السيارة عنده وانا مرتااح كلهم شغلهم بدون ذمه مع الاسف

اتمنى انكم ترشدوني لورشه ممتازة في الرياض

ولكم جزيل الشكر

[aooa]

انا ادلك

اذا تعرف مندي السعيد بالصناعيه خل لفة المندي على يمينك وانت متجه اعتقد شرق وبعدين يجيك تقاطع وعلى يمينك محطه بنزين المهم خذ مع التقاطع يسار باتجاه الشمال تمشي قرابة 300 متر ويجيك طريق اجباري تروح يمين خذ يمين واول فتحة ديور معها وارجع مع نفس الطريق الى اخره هناك محلات تصليح القيور وافضل واحد تجده في نهاية الشارع في الوجه من جنبه على اليمين محل كهرباء صغير

الصراحة شغل ذمه وانجاز في العمل ما شافت عيني مثل شغلهم ما شاء الله تبارك الله

[أ ب و ع ل ي]

أنا قمت بتغير الصحن والدزق والفحمة وصار عندي صوت صرصره إذا ضغت الكلتش راحت ويقول الميكانيكي عادي

[سوبر152]

نصيحة إذا نزلت القير شيك على الصوفة الخلفية للمكينة وصوفة القير وغير الدزق والكلتش والصحن وتأكد من السستة اللي تمسك الفحمة بالملقاط وتشحمه وتتأكد من الربلة الخارجية حقة الملقاط والسدة الربل اللي ببطن القير ووظيفتها اخراج التسريب أو الماء وبالتوفيق إن شاءالله

[باترول4800]

الله لا يهينكم ...

[ابونايف الروقي]

فيه ورشه في صناعية الخليج اسمها الثميري فيها واحد سعودي انا غيرت فحمت الكلتس والدسك عنده حق الباترول شغله مشاء الله رايق ..

نصيحه اذا غيرت غير دسك وغير فحمه وغير حساس .. جدد كل شي عشان ماترجع تفك من جديد .. ولا تاخذ الا قطع اصليه من الوكاله خل عندك الموزعين.

[برادو97]

أنا قمت بتغير الصحن والدزق والفحمة وصار عندي صوت صرصره إذا ضغت الكلتش راحت ويقول الميكانيكي عاديوانا صار عندي نفس الصوت