قير الفتك العادي

[عاشقsgl-v]

السلام عليكم ورحمة الله وبركاته


اول شي ابارك لكم بقدوم الشهر الفضيل شهر الرحمه والمغفره شهر رمضان


اعاده الله علينا وعليكم


ثاني شي وهو المهم


انا توني ماخذ لي سوبر سفاري 2007 قير عاادي


لكن الي مستغرب منه وحيرني


هو في حنه بالمكينه يعني مثل ما تقولون القير ما له نسم


يعني تقريبا اذا كنت امشي 120 وحاطه بالخامس يجي الضغط على 3 وزياده


حتى اذا مشيت 160 يكون الضغط فوق ال 4 :confused:


الي ابي اعرفه هل هو طبيعي كذا او ان موتري في انه


ومع العلم ان الموتر فزته وقومته حلوه ما شاء الله لكن الي قاهرني مشكلة هالحنه


وفي الاخير شاكر لكم من كل قلبي


في انتظار ردودكم الطيبه

[سيف الظفير]

والله أعلم ان هذا الشئ بكل النيسان


والباقين بيفيدونك

[الوافي4482]

لا مهو كل النيسان والله يعينك
حضك ماش

[مستكشف الدروب]

هذا العادي صوته اعلى من التماتيك

[عاشق الحرار]

سسسلام
العلم عندي وا ابشربه هذا يطويل العمر لان ترس الخامس صغير اصغر من الأولات يعني تحت مديل 2002 حتى ان بعض الناس يفك القير ويستبدله با المديل القديم اقل حنه وا اقل صرف للبنزين وا اقل ارتفاع في الحراره .وذا ما اقتنعت رح التشليح وسأل بتلقا الاجابه .

[عاشقsgl-v]

بيض الله وجوهكم اخواني على الردود

وبالنسبه للاخ فليج هل قلت هالكلام من واقع تجربتك للفتك او بس كذا

لاني سألت اكثر من واحد عنده فتك ونفس الشي معاه يعني مو معقوله كل مواترنا فيها بلى الله يصلحك

[المنتريال]

الموتر جديد ولافيه الا العافيه والحنه طبيعيه والله يعطيك خيره ويكفيك شره

[م.ابوسعود]

سسسلام
العلم عندي وا ابشربه هذا يطويل العمر لان ترس الخامس صغير اصغر من الأولات يعني تحت مديل 2002 حتى ان بعض الناس يفك القير ويستبدله با المديل القديم اقل حنه وا اقل صرف للبنزين وا اقل ارتفاع في الحراره .وذا ما اقتنعت رح التشليح وسأل بتلقا الاجابه .
نفس الكلام كل الباترول الجديد العادي كذا لكن سالفة تبديل الترس الخامس مادري والله عنها لكن مايمنع وانا اخوك تسال التشاليح واي خدمه سلمك الله حنا حاضرين .

[عاشق الحرار]

سلام مرةً اخرى

اعيد علا ماقلت وا اوكد انا كان عندي ونه وعره في الرابع فتك2002 قررت اغير القير رحت التشليح الحسيني قلت ابي قير قال عندي حق 2000 قلتله ما يصلح قال ماعندك سالفه كل الناس تدوره للاسباب الي ذكرتها في ردي السابق فعلن ركبته وحسيت با الفرق حتى القيمه اقل 2300ريال با التركيب.هذا والله اعلم

[مسايف الطعس]

هلا اخوي بس لها ميزة انه يحن

صح انه يحن بس تصير النمرة شادة يعني يصير بخامس نشيط وحار من يوم ماتعطيه بنزين يفز

تحياتي اخوي والقير مافيه شي كل الفتكاك كذا

[ابو مكازي2002]

سلام مرةً اخرى

اعيد علا ماقلت وا اوكد انا كان عندي ونه وعره في الرابع فتك2002 قررت اغير القير رحت التشليح الحسيني قلت ابي قير قال عندي حق 2000 قلتله ما يصلح قال ماعندك سالفه كل الناس تدوره للاسباب الي ذكرتها في ردي السابق فعلن ركبته وحسيت با الفرق حتى القيمه اقل 2300ريال با التركيب.هذا والله اعلم



سبحان الله كانكم معي في الصناعية انا اليوم قررت بعد تفكير كثير الني اشوف المشكلة يحن بالخامس ويقر بالرابع نفس مشكلتك يا عاشق الحرار وقالي افر الصناعية والشوف بالفعل فريت علي الصناعية وجيت معلم سوري قال يبي يشيبك علي الخامس والرابع بس يبي وقت ويبي يفك القير 650 ريال شغل يد فقط من غير القطع ويمشيت وخليتة وقلت الروح لمكشات يمكن القى حلي مع العلم ان الموتر 2002فتك وش الحللللللللللللللل يا ششششباب :confused:

[ابو مكازي2002]

نسيت القولكم انه في رجة في وسط الموتر وقالي من عمود الدوران وصور الونة من الدفرنس بلاه شوفو لنا الحل يا جماعة الخير

[مقلع الرمث]

اقول ياخوي لا توسوس انا مع ولد عمي واحد 2006 وركبت معه وانهبلت قلتله الوكاله قالي ابد المهم احترت يعني موتري مافيه حنه وش الحنه هذي سالتي واحد وقالي العادي لا زم يحن لانه قوه 4800 ماتشوفها الا بالعادي يكون الموتر شاااد المهم واحد شراء موديل 2005 وفيه نفس الحنه يعني ماعليك وتوكل على الله حبيت اضيف لك نقطه يكون بعلمك الحنه من المروحه يعني لو تركب مروحه شروكي تروح الحنه طبعا كهرائيه لكن نصيحه السياره ماتنفع الا بلدها

[المميـز]

انا معي فتك 2002 سوبر قير عادي ونفس وضعك اخوي

قير موترك ماشاء الله مافيه الا العافيه

الا ابسألك وين لقيت سوبر سفاري قير عادي ماشاء الله ؟؟

انا تعبت وانا ادور واسمع هالناس يقولون ان الحمراني نزل 2008 قير عادي
ولا شفنا شي !!

[قرقاص888]

انا معي فتك عادي وفيه الحنه والضغط المرتفع بس هذا طبيعي ارقد وآمن
انا اول ماشريته احسب فيه مشكله بالقير بس تعود مع الوقت
والله يعطيك خيره ويكفيك شره

[عاشقsgl-v]

يعطيكم الف عافيه ريحتوني قولوا امين ان الله يريحكم بدنيا واخره

ومشكور اخوي عاشق الحرار على تجاوبك مع الموضوع ولا يهينون باقي الاخوان

وبالنسبة لسؤال اخوي المميز انا مثل حالتك تعبت وانا ادور لي سوبر وقير عادي صار لي 6 شهور وانا افر

معارض الشرقيه ومرات الرياض ونهاية الصبر الفرج حصلته بمعرض سفر مفلح القحطاني الي بالدمام

طبعا الموتر وارد قطر

خخخخخخخخخخخ طولتها وهي قصيره سامحونا

[عبدالله فهاد]

انا اقولك الحل

[عبدالله فهاد]

انا عند واحد من خوالي فتك2005سلوقي جير عادي ونفس مشكلتك بالضبط ودا الموتر الشركه وقالو مافيه شي وسلامتك

[عبدالله فهاد]

انا اعرف واحد نفس مشكلتك بالضبط وراح الشركه وقالوا له موترك مافيه شي

[مواسي الطعوس]

الموتر طبيعي شاد القير انشط للموتر .ومادام بالبنزين طبيعي احمد ربك وادعسسسسسسسسسسسسسسسس .


لولا هالحنه ماصار موتر يبرد الكبد.

[ابو خــــالد]

إذا كان الموتر جديد فهاذا طبيعي لأنه يبيله فتره يتدرب >> لأن فيه أحد أقربائي توه شاري فتك 2008 قير عادي > يقول أول ماشرى الموتر آخر مايجيب 110-120 بالكثير ويحن >يعني الضغط يمكن يتعدى الأربعه
واللحين تحسن يجيب 160 مع الحنه ((ويقول أن الوكاله قالو : امسك به خطوط ))
وأعذرنا على الإطالة .

[abo_Majed]

عادي يالحبيب الموتر طبيعي جدا ولا توسوس

[سوبر VTC]

هذا رابط لاخونا المميز غير القير و زان موتره طبعا فتك


قيــــر الفتــــــك (( عـــادي )) اصبح تالفــاً فمــــا الحـــــل ؟؟؟
http://www.mekshat.com/vb/showthread.php?t=155241 (http://www.mekshat.com/vb/showthread.php?t=155241)


طبعا هذا رد اخوي المميز بعد تركيب القير


ركبت قير فتــك مستعمـــل ونظيف ولله الحمد




وبعد تجربة السيارة تبين لنا نظافة القير وطبعا قبل التركيب الورشة فحصت القير

وورش القصيم ماشاء الله ( تنحط على الجرح يبرى )

خاصه وان اللي يشرفون على الشغل سعوديين وعندهم خبره عاااليه
ماشاء الله عليهم والله يوفقهم
علماً ان ضغط السيارة ( الكمبرشر ) نزل كثير عن اول
مثلا اول كنت امشي 120 والضغط تحت 3 بشعره
والحين امشي 120 الضغط على 2 ونص
وصرفية البنزين خفت عن اول
وتأكدت من سلامة العداد وقسته بالجارمن
والحمد لله والشكر لك يارب على كل حال






طبعا احد الاخوان رد على نفس الموضوع و هذا رده





أخواني انا مشكاتي نفس مشكلة قير الرجال ونفس الموتر وغيرت القير حق 2003م عند ابو عبدالله الصمعاني 2700ريال راكب جاهز.




تحياتي

[سهم VTC]

السلام عليكم...
اخوي عاشقsgl-v ارتح واطمان انا معي فتك 2006...

بالخامس يتفتف عند 210-220 على حسب النشاط...

يعني ناس تركب قير فتك 2002 - وناس ترهم له قير التيما..ويمشي الى 240 سلام سلام..

...

والله يطعمك من خير الموتر ويكفيك شرهـ...

[فهد911]

وانا بعد معي فتك 4800 امشي 120 والضغط علي ثلاثة ونص وذا دعست علي الموتر يعطيك بس الضغط مرتفع شوي وش الحل ولا هذا طبيعي كل الفتك القير العا يدي كذا؟؟؟؟؟؟

[سايق الريم]

قير الفتك من 2005 الى آخر موديل مكينة 4800 vtc
ترس الخامس صغير

الحل الشباب يبدلونه بــ ترس قير باترول 4200 او الديزل ترس الخامس كبير وكذا يزيد نسمة
وتروح الحنة

او ترس خامس مكينة 4500 بس الافضل 4200 اوالديزل لانها مثل بعض ونسمهاا طوويل

فقط تغير ترس الخامس

[سفاري959]

الوضعي طبيعي الفتك العادي كله كذا تمشي بالخامس تحس انه بالرابع غلطتهم المفروض خلوه ست تعشيقات تحس الموتر باقيله نمره والي يقول 2002 يختلف ابد كان معي 2004 جديد وانهبلت يوم شفته كذا بس يوم دريت انه بلد كذا ارتحت الي يفرق التماتيك تحس المكينه مرتاحه اكثر

[العابر2222]

اخوي شي طبيعي ارقد وامن

الفتك القير العادي ... هذا هو يحن وهذا سبب نشاطه ... والسبب الدفرنس الخلفي يختلف عن التماتيك

لأن الدفرنس الخلفي له محشور وارقامه اقل من التماتيك

[حاب الربع]

السلام عليكم
انامعي 2007 قيرعادي (ومثلك سألت والكل اجمع انه طبيعي)
واذا تبي تجرب موتري الله يحييك(ارسلي رقمك انا بالشرقيه)

[راعي الفتك 9]

معي 2009 قير عادي طبيعي يكون شاد وله صوت وهذا طرب النفود

[التعـ King ـديل]

الحنه طبيعيه انا معي 2005 قير عادي اذا مشيت 180 الضغط 4.5

لكن الحل تغيره بقير 4500 اذا ماتبي حنه