الدف لوك في السفاري

[سفاري 524]

السلام عليكم ورحمة الله وبركاته
اخواني اليوم وانا انتظر واحد من الربع الا وجات عيني على الطبلون ولقيت لمبة مكتوب عليها diff lock بس ماعمرها اشتغلت من يوم خذيت السيارة من سنتين وماشفتها شغالة وموديل موتري 2006 ربع وارد الحمراني فل كامل ماادري هل هو يدوي ولا اللمبة زينة حاطينها ولا وش العلم :D
اللي عنده علم لا يبخل علينا
ودمتم سالمين

[قرم العيال]

اخوي فيه زر تشغيل الدفلك ..

[باترول للأبد]

وعليكم السلام ورحمة الله وبركاته

أخوي سفاري 524 موترك فيه دفلوك محله يكون يسار المسجل والمفروض أنت أدرى بذالك

وأنا أتوقع أن مافيه لأن السعوديه مواصفاته ماش وأن ماخب ظني أن اللمبه عندك مخربطه وعلقت

[خشيمان]

الربع ما فيه دفلك
بس الله العالم ان اللمبة معلقة

[المميـز]

انت ماشفت اللمبه مولعه شفتها مع الشمس يعني بس

هذي موجوده عندك بس شكل بالطبلون ولكن ماتولع

لان طبلون موترك مثل طبلون السوبر سفاري بس طبلون السوبر سفاري
عليه اضافات مثل النيكل والليزر بس