الاخ العزيز سوبر Vtc ارجو الدخول للأهمية ولا يهون بقية الجماعة

[baaasss]

السلام عليكم..اخواني الاعزاء
امتلك يوكون 2005 باختصار عندي مشكلتين:
1-اميبر البنزين يعطي قراءة خاطئة..يعطي دائما فل او تحت شويتين وفجأة ينزل للاخير وعلى طول يطلع فل او تحت شويتين..وش المشكلة وكيف حلها؟

2-دينمو الدبل عندي خرب قبل فترة وديته لورشة وقال بصلحه وفعلا صلحه من دون تغيير الدينمو واستمر معي قرابة 3 اشهر وبعدها خرب,قلت ما بدهاش ركب جديد وفعلا الصيف الفايت بالضبط ركبت الجديد وخلال الشهرين هذي بدا بعطيني رسايل (يجب تصليح الدفع الرباعي) مع العلم اني احتفظ بالدينمو القديم ومرة من المرات تلقفت وفكيته بس ما عرفت فيه شي وسكرته .. و مو معقول ابدا اني كل سنة اغير الدينمو.. وش المشكلة وكيف حلها؟ وهل بامكاني ارهمه يدوي؟

ولكم جزيل الشكر..وجزاكم الله خيرا

[التعـ King ـديل]

بخصوص المشكله الاولى شيك على عوامه التانكي

اما الثانيه مدري

[baaasss]

حسب كلام الورشة ان العوامة مع الطرنبة 2 في 1

[baaasss]

لا تخلونا يا اخوان

[اسير الغضا]

المشكله الاولى شيك على سلك الكهرب من الطرنبه الى العداد عند اقرب محل زينات
لا كن عندي سؤال ياخوك

[baaasss]

اسأل..............

[المميـز]

عندنا جمس 2002 وقبل فتره جاته حالة الأمبير حق البنزين

وتركناه على ماهو عليه وبعدين خربة طرمبة البنزين بعد خراب الامبير بشهرين تقريبا

وغيرنا طرمبة البنزين مع العوامه وضبط الامبير 100% ماشاء الله ولله الحمد

وبعد سؤال الوكاله قالوا خراب الامبير مثل التحذير !!!

وواحد من الاقارب معه يوكن 2001 وخرب امبير البنزين وقلت له
غير الطرمبه مع العوامه وتزين امورك

وفعلا غيرها وزانت اموره ماشاء الله والى الحين تمام التمام

هذا من واقع تجاربنا مع الجمس واليوكن والله يكون بعونك اخوي

[تلسكوب 1]

http://www.mekshat.com/vb/showthread.php?t=146219


جرب الرابط السابق للأخ سوبر Vtc

[baaasss]

شفته بس نوع الطرنبة عندي يختلف
انا عندي طرنبة وعوامة مع بعض وعلى كلام الوكالة ان مشكلة الطرنبة انحلت من 2005 وطالع بس طلع فيه مشكلة الامبير يلعب

[baaasss]

شفته بس نوع الطرنبة عندي يختلف
انا عندي طرنبة وعوامة مع بعض وعلى كلام الوكالة ان مشكلة الطرنبة انحلت من 2005 وطالع بس طلع فيه مشكلة الامبير يلعب

[سوبر VTC]

و عليكم السلام و رحمة الله و بركاته


و العذر و السموحه على التأخير للظروف الخاصة


حياك اخوي العزيز (باسزز) اوجعن وجهي



:D و هو ماله دخل و انا اقراه صعب الاسم بالحيل


و مكشور على الاطراء لاهنت مع العلم ان الاعضاء فيهم الخير


و البركة و حنا منهم نتعلم (لاه صحيح:mad:



) دليل ذلك ردود الاخوان عليك و م قصروا و حنا نتشرف


بخدمتك و خدمة الاعضاء جميعا و على ما قيل الجود من الماجود و على قدر المستطاع


(و باللي نعرف فقط)
عموما تراك كثرت القرق اخلص :D




امبير البنزين المطلوب منك كتالي/


1) تحط الموتر بالدي ثم تمشي بالموتر اربعة امتار اكثر او اقل لا يهم ثم تمسك فرامل فجأة تقريبا نص الدعسة و يستحسن ان تانكي الموتر يكون به نص البنزين من اجل اعطاء نتيجة واضحة


اذا تحرك الانبير اثناء مسك الفرامل يدل ذلك على ان العوامه منفصلة او منطلقة عن جرم الطرمبة و الحل بكبس العوامه
اذا كانت العوامه سليمة و لم تنفصل جرم الطرمبة فان ذلك يدل على تأكل الرصاص و بالتالي تعطي العوامه قراءة خاطئة


للانبير و يتصح ذلك في الصورة التالية رقم (3)





http://www.mekshat.com/pix/upload02/images78/mk53291_bnlnnn2.jpg


و لزيادة الايضاح عن الطرمبة راجع الرابط التالي




http://www.mekshat.com/vb/showthread.php?t=150274




2) اذا ماتحرك الانبير اثناء مسك الفرامل فان ذلك يدل على ان الخلل من دينمو الانبير بداخل الطبلون و احيانا يطلع صوت


خشخشة عند فتح السويتش تاكد من ذلك


عموما اكثر ما يخرب بالجمس خصوصا م2003 الى 2005 دينمو الانبير اللي هو طبعا يحرك الانبير و يكلف تغير الدينمو
بالرياض 500ريال و بالقصيم 300ريال
احيانا فصل البطارية عدة دقائق يعطي نتيجة ايجابية
و ان شاء الله امورك تيسر


*****



دينمو الدبل


انا مادري انت تقصد دينمو القير او دينمو الكارونة


افتح السويتش و الموتر طافي ثم اضغط زر الدبل الخفيف و مرة زر الدبل الثقيل اذا كان يطلع عندك صوت تعشيق


معنى ذلك ان الدبل سليم مئة بالمئة باذن الله
و افضل حل لجميع الامريكي هو فصل البطارية لعدة دقائق لانه دائما تحصل حالات ان الكمبيوتر ((ملخبط)) و لا يقرا المعلومات بالشكل الصحيح و لانه اصلا لا توجد مشكلة اما فصل البطارية يسوي للكمبيوتر فورمات او تصفير زي فرمتت الكمبيوتر او الابتوب




هنا تابع الشرح و قم بالتطبيق




http://www.mekshat.com/pix/upload02/images78/mk53291_ndlng77.jpg




http://www.mekshat.com/pix/upload02/images78/mk53291_bdfn8.jpg



هنا فيوز الدبل اذا كان مقطوع راح تطلع رسالة افحص الدبل بالاضافة الى انه راح تطفى لمبات ازرار الدبل


http://www.mekshat.com/pix/upload02/images78/mk53291_dfbd33.jpg




ايضا قم بفك دينمو الكارونة و بعد فكه ركب الفيش بالدينمو ثم ضع احد الاشخاص يقوم بشبك الدبل الخفيف او الثقيل


و شاهد الدينمو هل يخرج الضاغط ام لا و للتوضيح شاهد الصورة التالية


http://www.mekshat.com/pix/upload02/images78/mk53291_odjhobn22.jpg


http://www.mekshat.com/pix/upload02/images78/mk53291_nldb11.jpg



اذا خرج الدينمو معنى ذلك ان شغال
اذا لم يخرج الضاغط يحتمل انه (مجيم) خربان او ان الدائرة الالكترونية بداخل الدينمو مقطوعة او ملتمسة و تستبدله بواحد و اذا كان ملتمس ثم شبكت الدبل فانه على طول يقطع الفيوز
جديد




يتبع ارجو عدم الرد

[سوبر VTC]

للتأكد من ان الدينمو يصله ماص عند شبك الدبل قم بفحصه وذلك بوضع اللمبة على رقم 3 و ليس رقم 2 لاني اخطات في الكتابة على الصورة شاهد الصورة التالية



http://www.mekshat.com/pix/upload02/images78/mk53291_ggdbb5.jpg


شاهد مخارج الفيش قم بتركيب لمبة الفاحص على رقم (3)


http://www.mekshat.com/pix/upload02/images78/mk53291_nbldn4.jpg


هنا وضع التيب


http://www.mekshat.com/pix/upload02/images78/mk53291_hnh6.jpg



*******


دينمو القير عادة اعطاله كالتالي


السبرنقات او اليايات اللي تشبك الدبل ناشفة فيتم وضع الشحم و يضبط باذن الله


الدائرة الكهربائية مقطوعه فيتم تنظيفها من كربون و غيرها ثم تلحيم الدائرة و وضع الشحم


تحياتي لك و ان الله ان الشرح كافي:confused: و واضح و اعلمني باخر المستجدات:)


###عاد لا تنسانا من الدعاء:(###
مو تدعي علي:D


قريبا راح انزل تقرير متواضع:( بالصور عن دينمو القير و الكارونة الاعطال و الحلول



تحياتي:p

[baaasss]

كيفيت ووفيت وبيض الله وجهك وجزاك الله خير ولا يهون بقية الاخوان كلن باسمه
بشوف وش يصير معي وافيدكم باذن الله حتى تعم الفائدة

[سوبر VTC]

كيفيت ووفيت وبيض الله وجهك وجزاك الله خير ولا يهون بقية الاخوان كلن باسمه




بشوف وش يصير معي وافيدكم باذن الله حتى تعم الفائدة




الله لا يهينك...جزاك الله خير
نحن في الانتظار:)

[سوبر VTC]

اللي خربان عندك دينمو القير او دينمو الكارونة؟؟
و كم سعره؟بدون تركيب؟

[طارق الحربي]

ماقصر اخوي سوبر فتك


لكن عشان اختصر عليك


الخراب بالحساس حق الدبل اللي صوره لك اخوي سوبر

في منتصف السياره يجي راكب بفيش تفك الفيش والمسامير وتغيره بكل سهوله

وحاول بالبر يكون معك واحد احتياطي

هو عباره عن فيوز اذا احتمى الدبل يفصل عشان مايخرب الدبل

غالبا الخراب يكون منه بنسبه 80 %



اما البنزين

اما من الطرمبه

او الفيوز في لوحة العدادات الخاص بالامبير

[الضرغام11]

أخوي سوبر فتك الله يجزاك خير ويعفو عنك (أنا أشهد انك مدرسة ماشاء الله تبارك الله عليك الله لا يضرك)

استفدت منك الكثيييير..

أخوك الضرغام...

[سوبر VTC]

ماقصر اخوي سوبر فتك

لكن عشان اختصر عليك
الخراب بالحساس حق الدبل اللي صوره لك اخوي سوبر
في منتصف السياره يجي راكب بفيش تفك الفيش والمسامير وتغيره بكل سهوله
وحاول بالبر يكون معك واحد احتياطي
هو عباره عن فيوز اذا احتمى الدبل يفصل عشان مايخرب الدبل
غالبا الخراب يكون منه بنسبه 80 %
اما البنزين
اما من الطرمبه
او الفيوز في لوحة العدادات الخاص بالامبير





تسلم على المشاركة اخوي طارق

بالنسبة للي انت غيرت اعتقد الدينمو او الحساس اللي راكب بجرم القير صح او لا؟؟؟؟
اللي انا مصوره دينمو الكارونة عشان تكون بالصورة و ليس دينمو القير!!!!!!!!!!!!!!!

أخوي سوبر فتك الله يجزاك خير ويعفو عنك (أنا أشهد انك مدرسة ماشاء الله تبارك الله عليك الله لا يضرك)





استفدت منك الكثيييير..

أخوك الضرغام...


و اياك...لاتحرجنا مرة وحدة مدرسة:d ودي اصدق بس تراها كبيرة مرة:d
ههههههه
تراي امزح:)
بالعكس ونا اخوك الفائدة مشتركة من الجميع كلن يفيد بما يعرف و انت بك خير و بركة

[طارق الحربي]

اللي راكب بجرم القير اخوي سوبر فتك

وهو نفس شكل اللي انت صورت بس يمكن يختلف مكانه لان معي 2004 حوض z71

[ابو الشباب3]

حيك اخوي / بنسبه للبنزين هذي الطرنبه
الدبل احتمال يكون سو استخدام هذا الي يخربه او يكون الكهرب مايعطي اشاره شبك الدبل صح ويسبب الاعطال في الديلمو والله واعلم :no2: :j

[baaasss]

فصلت البطارية ولا صار شي ودعست بنزين ومسكت فرامل ولا تغير شي
وبالنسبة للدينمو الظاهر دينمو القير اللي لونه اسود وجاي اسطواني بالعرض تحت مقعد السواق

[زعفران1]

ماشاء الله الرحمن

[طارق الحربي]

بس !

هو اللي جاي بالعرض بشكل اسطواني جهة السواق

[سوبر VTC]

اللي راكب بجرم القير اخوي سوبر فتك




وهو نفس شكل اللي انت صورت بس يمكن يختلف مكانه لان معي 2004 حوض z71






تسلم يا طارق


اللي راكب بجرم القير اسطواني طويل اما دينمو الكارونة فهو اللي انا صورته

تسلم لاهنت







فصلت البطارية ولا صار شي ودعست بنزين ومسكت فرامل ولا تغير شي

وبالنسبة للدينمو الظاهر دينمو القير اللي لونه اسود وجاي اسطواني بالعرض تحت مقعد السواق





حياك باسزز

شف اذا مافي استجابة للانبير فالمشكلة من الطبلون من دينمو الانبير و لا زم يتغير لانه يلخبط في القراءة

لكن يستحسن انك تشيك على التانكي و تفكه افضل
***
بالنسبة لدينمو الكارونة ياليت تشيك عليه و تفحصه ترى سهل فكه و تجرب الطريقة اللي انا وضحت بالصور
دينمو القير الاسطواني يمسكه ثلاث مسامير و هو اللي يعشق الدبل االخفيف و الثقيل و خرابه كالتالي//
السبرنقات او اليايات اللي تشبك الدبل ناشفة فيتم وضع الشحم و يضبط باذن الله
الدائرة الكهربائية مقطوعه فيتم تنظيفها من كربون و غيرها ثم تلحيم الدائرة و وضع الشحم
اقرب مثال سلف الجمس اذا نشف الشحم و شغلت الجمس يطلع صوت اذا اشتغل الموتر (طق)
ثم اذا فكيت السلف و حطيت شحم بالترس راح الصوت
انا اقول مشكلة دينمو القير ناشف من الشحم و عندك كربون على خريطة الدينمو و ايضا السبرنقات







***صدق او لا تصدق***




مع واحد من ربعي معه الان يوكن 2004 اذا حط اذا ضغط (AUOT 4WD) يفضي القير ما يمشي الموتر و اذا حطه على (2HI) يمشي طبيعي

و اخر معه جمس 2005 اذا حطه على (2HI) يفضي القير ما يمشي الموتر و اذا حطه على (AUOT 4WD) يمشي الموتر

و كلهن فاكينهن وكالة







بارك الله لنا و لكم في رمضان و جعله عونا لنا و لكم على طاعة الله


بس !

ههههههههههههههه:D
ما صدقت على الله يجيك الرد من باسزز
تحياتي

[طارق الحربي]

ههههههههههههههه:d
ما صدقت على الله يجيك الرد من باسزز
تحياتي



ههههههههههههههههه

ايه تحمست خخخخخ

[سوبر VTC]

ههههههههههههههههه



ايه تحمست خخخخخ


يا عله دوم الضحكه :p

[baaasss]

الدبل تعطل بالمرة من كم يوم
اول ما اشغل السيارة على طول تطلع الصورتين المرفقة
ومثل ماهو واضح البنزين دايم فل



http://www.mekshat.com/pix/upload02/images79/mk83165_05092008(001).jpg







http://www.mekshat.com/pix/upload02/images79/mk83165_05092008(002).jpg

[baaasss]

سوبر Vtc
لا تخليني واذا ماعليك كلافة ارسل لي ايميلك ما ابي اروح للورش يلعبون علي وعندنا واحد خبييييير

[طارق الحربي]

يدوم غاليك يافتك :)

[سوبر VTC]

اخوي باسزز
انت تقول طلعت عندي افحص الدبل
طيب
*** (انت ما علمتن وش صار معك اذا فتحت السويتش) ***


و ياليت تقوم بتطبيق اول صورة وضحتها لك و هي ماذا يحصل عند فتح السويتش
هل يولعن جميع لمبات الدبل او اللمبات طافية ؟ و اذا شبكت الدبل الخفيف هل تسمع صوت للدينمو طبعا الاصل يشبك دينمو القير اولا ثم ياتي بعد ذلك شبك دينمو الكارونة بعد دينمو القير مباشرة و كلهن لهن صوت مسموع واضح جدا لكلا الاثنين و اذا انت مو متاكد خلك عند الصدام الامامي من جهة الكفر الايمن و خل اي شخص يشبك الدبل الخفيف و استمع هل فيه صوت لدينمو الكارونة او لا و اذا امكن تفك الدينمو مثل ما شرحت لك اول الموضوع بالصور في اول رد لي و يفضل الموتر طافي لنتيجة دقيقة و ايضا تفضي القير و الجلنط
(اذا اشرت لمبة الدبل الخفيف بشكل متواصل) معنى ذلك ان دينمو القير او دينمو الكارونة احدهما ماشتغل اما اذا كان دينمو الدبل له صوت معنى هذا ان دينمو القير سليم و شابك الخفيف لكن دينمو الكارونة ما شبك العكوس و انا صارت لي هالمشكلة اشرت عندي اللمبة بشكل متواصل و صارت من فيش كارونة الدينمو متوسع الفيش و قمت عليه و (ضيقت سنون الفيش الانثى بمفك صغير راس مدبب) و ضبط عندي الدبل و طفت اللمبة و هاذي صورة فيش دينمو الكارونة


http://www.mekshat.com/pix/upload02/images79/mk53291_fdjhiol9.jpg


اما اذا كان مافيه صوت لدينمو القير فاحتمال عندك اسلاك الدينمو غير موصلة او منفصلة شاهد الصورة
طبعا سلكين عريضين كهرب و ماص و سلكين صغيرين حقات توقيت خفيف و ثقيل
طبعا من داخل الدينمو توجد فحمات احتمال مقطوعة و غير موصلة


http://www.mekshat.com/pix/upload02/images79/mk53291_bgd.jpg



و هذا شكل دينمو القير و التروس


http://www.mekshat.com/pix/upload02/images79/mk53291_gbdb2.jpg


لا تنسى عند تعشيق الدبل راح تسمع صوت (طقة) صغيرة جدا خارجة من كمبيوتر الدبل خلف ازرار الدبل شاهد كمبيوتر الدبل


http://www.mekshat.com/pix/upload02/images79/mk53291_iubiguu99.jpg

[baaasss]

اول ما اشغل السيارة تولع اللمبات كلها ثم تطفا كلها وتطلع الرسايل

1-وش المشكلة؟
2- وش اسوي؟

طول بالك :j معي مالك الا الاجر...

[baaasss]

نحن في الانتظار

[سوبر VTC]

نحن في الانتظار

راجع لك لكن:)
ابتعشى:D :p هالحين

[سوبر VTC]

هلا اخوي باسزز

انا ابيك تفتح السويتش بدون تشغيل الموتر

انت تقول يطفن كلهن طيب لمبة (2hi) هل هي طافية او لا؟
***
اللمبات هل هن بشكل دائم طايفات على طول الايام الماضية ام لا؟وضح بالتفصيل:D
***
(اول طريقة) ابيك تسويه
(تفصل فيش) دينمو الكارونة بعدين تروح و تفتح السويتش و تشوف وش يطلع معك و علمن
***
الاحتمال الاول
بعد فصل فيش دينمو الكارونة
اذا ولعت اللمبات ثم طفن ثم ولعت لمبة (2hi)
اشبك الدبل الخفيف و الدبل الثقيل و صار تسمع صوت لشبك الدبل فمعنى ان الدبل عندك سليم لكن دينمو الكارونة خربان او به التماس يعني غيره
طبعا بعد شبك الدبل راح تاشر لمبة الخفيف او الثقيل بشكل متواصل و السبب لان فيش دينمو الكارونة مفصول
و ايضا عند شبك الدبل هل تسمع صوت طقة لكمبيوتر الدبل خلف ازرار الدبل
***
الاحتمال الثاني
اذا طفت اللمبات معنى ذلك ان دينمو القير عندك خربان او مجيم
تاكد من فيوز الدبل اللي صورته لك لا يكون ضعيف توصيله للكهرب
***




لازم تفك دينمو الكارونة كما وضحت لك بالصورة السابقة و تفحصه هل هو يشتغل ام لا

***
علمن بالتفصيل الممل لكل احتمال صار معك مع الاجابة على الاسئلة اللي قبله

[baaasss]

لمبة (2hi) طافية
واللمبات طافيات على طول الايام الماضية
وين مكان دينمو الكارونة بالضبط؟

[alkongrs]

المشكله الاولى صارت لبوي ولخوي صار حساس الطبلون يبيله تغير

[baaasss]

هذي المكرونة اقصد الكرونة ولا لا؟


http://up.stop55.com/upfiles/3vM76438.jpg




http://up.stop55.com/upfiles/UTG76498.jpg



فكيت الفيش ولا تغير شي ولا شتغل الدبل


لا تخليني الله يخليك لعينن ترجيك

[baaasss]

?????????????

[سوبر VTC]

اخوي باسزز


العذر على التاخر في الرد


الخراب الاساسي اللي دائما يحصل و تولع لمبة افحص الدبل هو حساس الدبل لغالبية الجموس و هذا عيب مصنعي حتى عمي معه يوكون 2005
غيره مرتين طبعا من م2003 وطالع تغير الحساس لوحده و يضبط الدبل و سعره بدون تركيب 350 و انا بموتري غيرته مره
على الضمان جمس 2001
و هاذي صورة الحساس لموديل 2003 و طالع


http://www.mekshat.com/pix/upload02/images80/mk53291_bdfhn 11.jpg





و هذه صورة اخرى


http://www.mekshat.com/pix/upload02/images80/mk53291_gnsvdn22.jpg


و هذه صورة شبيهه


http://www.mekshat.com/pix/upload02/images80/mk53291_mhndfgj33.jpg





هاذي صورة الحساس لموديل 2002 ونازل طبعا الحساس بداخل القطعة السوداء و الحساس معروف فيشه له 6 اسلاك يروحن لكمبيوتر الدبل




http://www.mekshat.com/pix/upload02/images80/mk53291_jhdbh44.jpg


و هذه صورة اخرى


http://www.mekshat.com/pix/upload02/images80/mk53291_opjhjo55.jpg





طبعا من م2000 الى م2002 فان الحساس يغير مع الدينمو و التروس كامل و سعره ب1950 لكن ماتاكدت هل يجي الحساس لوحده ام لا


اذا تبي نصيحتي خذ لك حساس من احد ربعك معه نفس موترك او اي موديل بشرط يكون نفس الحساس اللي عندك و ركبه بموترك اذا اشتغل
فالخراب من الحساس اذا ما شتغل فالخراب من الدينمو و ياليت تصور الحساس اللي عندك


احتمال اخر عندك خراب من الدينمو فحماته خربانه و يتم استبدالها او التوقيت عندك يحتاج وزن بمعنى ان احد فاكه لانه يجي موزون شد بلد
و اذا اختلفت وزنيته يلخبط الدبل عندك و يخرب الدينمو
شاهد صورة توقيت الدينمو و هو اللي يتحكم اين يقف الترس ثقيل او خفيف بناءا على الامر اللي جاي من كمبيوتر الدبل و مكان التوقيت
اسفل الدينمو سلكين صغيرين طبعا سلك الدينمو واضح سلكين عريضين احمر و اسود


http://www.mekshat.com/pix/upload02/images80/mk53291_gigui66.jpg





او ان احد الاشخاص فاكن التروس و مخرب عليك وزنة التروس و بالتالي احتمى الدينمو و خربت فحماته لانه لو قدمت او اخرت سنة

وحدة فقط من الترس و اقصد الترس الاخير من جهة اليسار و راح يحمل على الدينمو و يخرب شاهد الصورة


http://www.mekshat.com/pix/upload02/images80/mk53291_hfndfb77.jpg







تحياتي لك

[baaasss]

الله لا يهينك وبيض الله وجهك

[baaasss]

المشكلة اني شحنت السيارة للرياض ان شالله اذا وصلت الرياض بشوف وش يصير معي.
وبصراحة كلامك احترافي مرررررة وانا الله بالخير بس بحاول.
واكرر شكري لك وتحملك لي .. بس مالك معاذ اقصد مالك الا الاجر

[سوبر VTC]

المشكلة اني شحنت السيارة للرياض ان شالله اذا وصلت الرياض بشوف وش يصير معي.
وبصراحة كلامك احترافي مرررررة وانا الله بالخير بس بحاول.
واكرر شكري لك وتحملك لي .. بس مالك معاذ اقصد مالك الا الاجر



مالك معاذ


اهلاوي الاخ :D


وانا الله بالخير بس بحاول.


اضحك الله سنك :D
عموما ان شاء الله ان امورك تساهيل
نحن في الانتظار
لكن انت العام الماضي غيرت الدينمو كامل ام لا ؟
هل خرب عليك دينمو الكارونة سابقا ؟
كم سعر دينمو القير اللي انت غيرت بدون تركيب ؟
نصيحتي اذا عندك القديم احتفظ به لنفسك على الاقل تستفيد منه مثل التروس او الدينمو او حتى الحساس
و الا تدري بعه علي تراي شراي :)

[جزلا]

طيب انا عندي سوبربان 2005 الامبير حق الزيت يلعب مادري وش العله
لاهنتم يا الربع

[برونز]

مــــــــــشــــــــــــاء الــــــــــــــــــــــــلـــــــــــــــــــــــ ــــه
مبدع ومتمكن وفاهم الشغل زين ياسوبر vtc ماشاء الله :good::heart:

[سوبر VTC]

طيب انا عندي سوبربان 2005 الامبير حق الزيت يلعب مادري وش العله




لاهنتم يا الربع



هلابك اخوي جزلا


حتى موتري جمس 2001


يلعب انبير الزيت لكن ما ينزل عن النص بواجد


المشكلة من دينمو الامبير بنفس الطبلون


لاني سالت ميكانيكي و قال خله ما عليك


علما ان دينمو انبير البنزين يخرب و يبدا يلعب و قيمة اصلاحه مع التركيب ب300 ريال عندنا بالقصيم بواسطة كهربائي سعودي و مختص و اكيد بنفس القيمة يتم اصلاح انبير الزيت





مــــــــــشــــــــــــاء الــــــــــــــــــــــــلـــــــــــــــــــــــ ــــه

مبدع ومتمكن وفاهم الشغل زين ياسوبر vtc ماشاء الله :good::heart:




منك نستفيد يابعدي


الا شف ردك هذا :D





للرفــــــــــــــــــــــــــــــــــــــــــــــ ـــــــــــــــــــــــــع

وش صارمعك ياراعي التاهو





برونز




يا حبك للشرافة :D




تحب تدري عن خرابات الجموس:D


هههههه


امزح


تحياتي

[baaasss]

دينمو الكرونة ما غيرته
غيرت دينوم القير
سعره 1000 وكسور
والقديم عندي

[طارق الحربي]

بشّر يا بااس عساه ضبط معك

اخوي فتك ماقصر ماشالله عليه

علمني تكفى وش صار عليك

[جزلا]

[quote=سوبر VTC;1877370]
هلابك اخوي جزلا




حتى موتري جمس 2001



يلعب انبير الزيت لكن ما ينزل عن النص بواجد



المشكلة من دينمو الامبير بنفس الطبلون



لاني سالت ميكانيكي و قال خله ما عليك



السلام عليكم ورحمة الله وبركاته
اخوي سوبرvtcولا يهنون الربع
لكن الانبير يرقى وينزل بسرعه حتى يوصل الى 550
جزاكم الله خير ولاهنتم

[سوبر VTC]

[quote=سوبر VTC;1877370]
هلابك اخوي جزلا







حتى موتري جمس 2001



يلعب انبير الزيت لكن ما ينزل عن النص بواجد



المشكلة من دينمو الامبير بنفس الطبلون



لاني سالت ميكانيكي و قال خله ما عليك



السلام عليكم ورحمة الله وبركاته
اخوي سوبرvtcولا يهنون الربع
لكن الانبير يرقى وينزل بسرعه حتى يوصل الى 550
جزاكم الله خير ولاهنتم





اخوي جزلا انا سئلت الكهربائي
قبل ساعتين
و قال
اذا الانبير فيه صوت خشخشة يقول هذا من دينمو الانبير و اذا مافيه صوت فالمشكلة من معالج البيانات اللي بداخل الطبلون و لازم تغير الطبلون كامل
يقول المشكلة من م2002 و طالع كل الطبلون كمبيوتر اللي به شاشة و يغير كامل بعكس م2001 و تحت طبلون عادي و يقبل التصليح لكن يقول نصيحة لوجه الله اتركه ترى مافيه ضرر ((اهم شي ان الانبير اذا شغلت الموتر يرتفع))
يقول يجون ناس كثيرين لمي واقول نفس الكلام السابق اطمئنوا هذا عيب مصنعي و خله يلعب بدينه و رجلينه :D
يقول حتى الكزس الجديدة بدون انبير اول ما تشغل تولع لمبة الزيت ثم تطفى و هذا يدل على ان الزيت رقى للمكينة يعني اهم شي يقوم الانبير عند التشغيل
تحياتي
تحياتي

[جزلا]

بيض الله وجهك اخوي سوبر vtc
الانبير فيه صوت خشخشه يعني اغير الدينموا ولا اخليه
واعتذر اذا كنت ازعجتك

[baaasss]

مريت اليوم ورشة وقالي بيغير الحساس واذا ماضبط بيغير دينمو من عنده والله اني
محتا:confused:ااااااااااااااااااااااااا:confused:ا ااااااااااااااااااااااار:confused:

[سوبر VTC]

يابن الحلال وسع صدرك شوي :)
مهيب مستاهله الدعوى كل الحيرة ناس غيرت باشياء ثانية غير مشكلتك قير كامل و مكاين و لا استفادت :d
طيب خله يفك الدينمو حق موترك و يشغله على البطارية و هذا افضل حل اذا اشتغل الدينمو فالمشكلة من الحساس خربان اذا ما اشتغل الدينمو فنفس فحمات الدينمو تكون خربانه و احيانا يكون محترق يعني ما فيه فايدة تصلحه
***
لازم تفك الدينمو و تفلشه كامل مسمار مسمار و راح يبين معك زي اللي انا وريتك بالصور
تحياتي

[almushahed]

بعطيك العافية اخوي فتك

عندى مشكلة قريبة من مشاكل الى قبلي

معي يوكون 2005 دبل ..

كنت امشى في حال سبيلي فجاء فضاء القير كان على h2 ضغط على اوتو4 ومشى الموتر ,, بعد ماوقفت حاولت اضغط الزر h2 شبك القبر ومشي الموتر وفضي نفس الشى لا وراء ولاقدام .. ضغط الزرh4 الديل الخفيف يشتغل .. بس لما ضغط الدبل الثقيل اسمع زي الطقة ثم يرجع اللمبة الى h2 ولايشبك الدبل الثقبل:)

رحت للميكاننيكي قال المشكلة من الترس الداخلي مكسور بس ماحصل الترس ؟ ولحم الترس وطبق الدبل .. ضبط القير بعد ماجربه .. بعد ماخذت السيارة وانا طالع منهم رجعت نفس المشكلة رجعت لهم مرة ثانية ثبت القير على h2 وفصل الفيش من الدينمو وطلعت السيارة يقولون لاحد مانحصل القطعة انت عارف الايام اجازه .. بس الحين طفت المبات حقت الازرار وتطلع كتابة على الكمبيوتر قم بتصليح الدفع الرباعي ؟ ولمباث الثبات غير مطفاء ؟
شو الحل وين االاقي القطعة مع العلم انا موجودد فى الرياض ..

مع الشكر مقدمااا

تحياتي

[سوبر VTC]

اخي المشاهد
تحياتي لك و الله يعيطك العافية حق وواجب
يوجد موترين الان مقاربة لنفس حالاتك وهي


مع واحد من ربعي معه الان يوكن 2004 اذا حط اذا ضغط (AUOT 4WD) يفضي القير ما يمشي الموتر و اذا حطه على (2HI) يمشي طبيعي يعني هذه الحالتين متعاكسة



و اخر معه جمس صالون 2005 اذا حطه على (2HI) يفضي القير ما يمشي الموتر و اذا حطه على (AUOT 4WD) يمشي الموتر



و كلهن فاكينهن وكالة









طبعا على كلام الكهربائي ان كمبيوتر القير يحتاج وزن و قال انه يكلف 500ريال طبعا بالقصيم طبعا اعتقادي بانه من حساس الدبل و توجع معلومات كافية عن الدبل في موضوع اخوي بوبتول
عموما مشكلتك ماشبه لاخوي بوبتول و هو بالرياض لكن الى الان مارد وش صار عليه طبعا موضوعه على هذا الرابط و توجد صور للتوضيح لكن وسع صدرك على ما هو مكتوب شيل و حط و يبي يوجعك راسك اهم شي ركز :)


http://www.mekshat.com/vb/showthread.php?t=155824 (http://www.mekshat.com/vb/showthread.php?t=155824)


طبعا نفس موترك مع عمي يوكون م2005 غير حساس الدبل مرتين و الان الوضع تمام و قيمة الحساس 350 و صورته في الرابط السابق حق اخوي بوبتول
و ان شاء الله المعلومات واضحة في الرابط السابق
تحياتي لك

[almushahed]

مشاءالله عليكم ماقصرتوا مجهود ومعلومات كبيرة .. عساكم على القوة دوم .........

فى الاول كانت المشكلة فى التوصيلة ( قطعة حديدي مثل الهلال ) توصل بين الحساس والدبل هى الى مكسورة عمل لها لحام بس شكة ماضبط .. ( ونفس كلامك اتوقع حصل ........






اذا طلعها راح ما يطبق على القير اذا جيت تشد المسامير الثلاثة + و يحمل الدينمو و يخرب بسبب اختلاف لو سنة وحده من التروس الصغيرة حقات الدينمو








يعنى الحين مطلوب مني الحساس ( الدينمو ) والتوصيلة الى انكسرت داخل الدبل ؟ وين الاقيها ؟ االوكالة يقولون دبل كامل :(

[baaasss]

تصدقون ياجماعة الخير رحت فحصت بالكمبيوتر وهو قاعد يفحص قاعد يشغل الدبل بالجهاز اللي معه وقال لي احتمال انه من الحساس واذا ماهو من الحساس فانه من الدينمو يوم طلعت من عنده الدبل الى اليوم هذا ما فيه الا العافية ( ماشاء الله تبارك الله )

[سوبر VTC]

مشاءالله عليكم ماقصرتوا مجهود ومعلومات كبيرة .. عساكم على القوة دوم .........
فى الاول كانت المشكلة فى التوصيلة ( قطعة حديدي مثل الهلال ) توصل بين الحساس والدبل هى الى مكسورة عمل لها لحام بس شكة ماضبط .. ( ونفس كلامك اتوقع حصل ........
يعنى الحين مطلوب مني الحساس ( الدينمو ) والتوصيلة الى انكسرت داخل الدبل ؟ وين الاقيها ؟ االوكالة يقولون دبل كامل :(

الله يقويك اخوي المشاهد
هل انت بالفعل متاكد ان المشكلة الاولى من الهلال بمعنى انك شفته بعينك منكسر و الدبل مفكوك ام لا ام صاحب الورشة قالك هالكلام فقط و لا تدري وش و غير او حط؟؟؟
احد زملائي موتره جمي 2002 و انكسر عليه الهلال و غيره ب300بدون الشغل
انا اقول دبلك ان شاء الله انه سليم بس مشكلتك بالهلال و الحساس اذا كان خربان
انا اقول مر على كذا ورشة و متخصصين بالجمس و اهم شي يكون راعي ذمة
بالنسبة للحساس قيمته 350ريال و الدينمو مع الحساس ب1950 لكن انت تاكد هل الدينمو خربان ام لا بمعنى هل محترف و خربانه احد الفحمات
افحص الدينمو برا الموتر ببطارية خارجية اذا اشتغل فهو سليم اذا كان خربان تغيره كامل مع الحساس
لا تنسى مر الموضوع اللي انا حطيته لك و الصور واضحة جدا
تحياتي لك

[almushahed]

يعطيك الف عافية على تجاوبك ..

ماشفت القطعة المكسورة بس فرجني عليها من الكتالوج موديل قديم قريبة من شكلها وتركيبها فى الدبل بس ماعليها رقم ..

كنت معه وقت مانزل الدبل بعد مافك الدبل قال لى القطعة الى توصل بين الدينمو والدبل الثقيل هى الى مكسور..

الحين امشي بالسيارة وفصل الفيش من الدينمو لانه يقول يحتمي ويفضي ..وثبت القير على h2 ويدور على القطعة الى يقول تحتاج تغير... بعد مايغير القطعة المكسوره يشوف الدينمو اذا ضبط او يتغير ..

ابى ااعرف وين الاقي القطعة فى الرياض ؟ .

[سهم VTC]

اتوقع افادك...اخوي سوبر

[سوبر VTC]

يعطيك الف عافية على تجاوبك ..

ماشفت القطعة المكسورة بس فرجني عليها من الكتالوج موديل قديم قريبة من شكلها وتركيبها فى الدبل بس ماعليها رقم ..

كنت معه وقت مانزل الدبل بعد مافك الدبل قال لى القطعة الى توصل بين الدينمو والدبل الثقيل هى الى مكسور..

الحين امشي بالسيارة وفصل الفيش من الدينمو لانه يقول يحتمي ويفضي ..وثبت القير على h2 ويدور على القطعة الى يقول تحتاج تغير... بعد مايغير القطعة المكسوره يشوف الدينمو اذا ضبط او يتغير ..

ابى ااعرف وين الاقي القطعة فى الرياض ؟ .

هلا اخوي المشاهد
اهم شي ان اللي فك لك الدبل يكون راعي ذمة و لا يكون نصاب سالفة السوريين و الاردنيين و الا لبناني
عموما القطع مالك الا محلات قطع الغيار بالصناعية القديمة او الوكالة بطريق خريص بالنسيم
بس اكيد المحلات العادية ارخص لانهم يعتبرون موزعيين للوكالة فاكيد هم ارخص
و لا محل باوزير بس مادري وين مكانه و لو تسال اي شخص بالصناعية عن افضل المحلات بقطع غيار الامريكي راح يعلمونك
او ادخل هذا الرابط حق موضوع شقران و كل تخصصهم امريكي
http://www.mekshat.com/vb/showthread.php?t=140482 (http://www.mekshat.com/vb/showthread.php?t=140482)

او اكتب موضوع جديد و اطلب فيه المحلات و يبي يعلمونك الاخوان
تحياتي

[سوبر VTC]

تصدقون ياجماعة الخير رحت فحصت بالكمبيوتر وهو قاعد يفحص قاعد يشغل الدبل بالجهاز اللي معه وقال لي احتمال انه من الحساس واذا ماهو من الحساس فانه من الدينمو يوم طلعت من عنده الدبل الى اليوم هذا ما فيه الا العافية ( ماشاء الله تبارك الله )


الله يبشرك بالخير :)
لكن وين حسابنا تمشي و بس :D
عموما الحساس دائما يخرب بكثرة و فال الله و لا فالي ;)
لكن اتوقع مع الايام اذا شبكت الدبل بنفود او غيره ثم فصلته و مشيت
راح تولع لمبة افحص الدبل :D لانه عيب مصنعي
و الحساس من كثر تشغيل الدبل تنحفر الدائرة الالكترونية او المقاومة ثم ما توصل زين فبتالي تولع لمبة افحص الدبل
تحياتي

[baaasss]

اي والله صادق
ذكرتني العام سويته له فحص بالكمبيوتر وصلح له كم يوم وبعدها خرب
طيب في الحالة هذي وش المتوقع انه خربان..الدينمو او الحساس؟؟؟؟؟؟

[baaasss]

كم الحساب؟؟؟؟؟؟؟

[سوبر VTC]

كم الحساب؟؟؟؟؟؟؟



ابد حسابك
انك تدعي لي بس :)
لكن وش قالك اللي فحص الموتر
يعني صلحتوا حاجة و الا زان من نفسه
الموتر مسكون به جن :D

[baaasss]

ابد زان من نفسه بس اتوقع انه بعد فترة بيخرب
طيب في الحالة هذي وش بيكون الخراب؟

[سوبر VTC]

ابد زان من نفسه بس اتوقع انه بعد فترة بيخرب




طيب في الحالة هذي وش بيكون الخراب؟


اكيد من الحساس يبدا يلخبط ثم تولع لمبة افحص الدبل
لا تنسى دعواتك لنا :)

[baaasss]

خذ حسابك



الله يجزاك الف خير
وباقي الحساب خله دعوات من القلب في السر

[بوبتول]

ابد حسابك
انك تدعي لي بس :)
لكن وش قالك اللي فحص الموتر
يعني صلحتوا حاجة و الا زان من نفسه
الموتر مسكون به جن :D


ماشاء الله عليك اخوي سوبر ويعطيك الف عافيه

حقيقه الي يقرا كلامك ومعلوماتك وما يدعيلك
هذا انسان بخيييييييييييل:cool:

[سوبر VTC]

جزاك الله خير اخوي بوبتول
و لا تنسى مشرفنا العزيز
بس اخاف اني خربت عليك موترك و لا شي
ثم تدعي علي :(
وترا نيتي و يشهد الله طيبة و حب الخير و المساعدة لكم
في الله
و تقبل الله منا و منكم الصيام و القيام

[المهندس سعود]

اخوي الاستاذ baaasss انا عندي يوكن 2004 وبدلت الدينمو حق الدبل مره وحده وبعدها خرب مره ثانية يطلع بالكمبيوتر على الشاشة تصليح الدفع اربع عجلات وبعد ما زهقت من الميكانيكيين وفتاواهم الغلط ريحت راسي ورحت الوكاله والحمد لله لقوا المشكله من من دينمو الدبل المشكله في القازقيت مال الدبل وبوبرنج الدبل بعد صج كلفني نفس سعر الدينمو لكن الحمد لله عطوني كفاله 20.000كم او سنه ايهما قبل وسلامتك وكلف علي 161دينار كويتي .

[baaasss]

الحمدلله على كل حال
اليوم هو الثاني من شهر شوال لعام 1429هـ
ظهرت رسالة
:(
( يجب تصليح الدفع الرباعي )

[baaasss]

طيب يا اخون اقدر انا بنفسي اغير الحساس وكيف؟

[kh22net]

الاخ العزيز سوبر Vtc كيفيت ووفيت وبيض الله وجهك وجزاك الله خير

[سوبر VTC]

طيب يا اخون اقدر انا بنفسي اغير الحساس وكيف؟


اخوي باسزز ادخل الرابط التالي عله يساعدك وفيه توضيح لكيفية فك الحساس

بليزر 99م ومشكله الدبل (http://www.mekshat.com/vb/showthread.php?t=155824) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=155824)2 (http://www.mekshat.com/vb/showthread.php?t=155824&page=2))





الاخ العزيز سوبر Vtc كيفيت ووفيت وبيض الله وجهك وجزاك الله خير


لاهنت يابعدي...و انت كذلك

[افديك ياوطني]

بارك الله فيك يا سوبر فتك ،،،


وجعل ما قدمت في ميزان حسناتك

والله اني استفدت منك الكثير


جعلك الله من المباركين ونفع بك عباده الطيبين


سددك الله ورعاك وجعل الجنة مثواك

اللهم امييييييييييييييييييييييييين

[رفيع المقآم]

مشكووور وما قصرت

[هوندا 0770]

يعطيكم العافية على هذة المعلومات المفيدة للجميع وجعلة الله في ميزان حسناتكم
أنا عندي مشكلة في دبل سيارتي فورد أكسبدشن
لما أشبك الدبل على الأوتو و أمشي تمشي السيارة معاي أوكي لما أحطة على الخفيف و أحطة على الدي و أرفع رجلي ما تمشي السيارة أحس أنها ماسكة بريك أدوس بانزين تمشي معاي أرفع رجلي عن البانزين توقف ما تمشي يطلع فية صوت زي الفحمات البريك لما يجيهم زيت أو لما تطلع سيارتك من المغسلة و تمسك بريك
تقريبا نفس الصوت وحتى الدبل الثقيل نفس الحالة وش تتوقعون منة يا أهل الخبرة
ولكم جزيل الشكر
وأأسف على الأطالة

[راشد2009]

السلام عليكم اخوي انا عندي مشكله في الدبل موديل الموتر 2002 سلفرادو غيرت حساس الدفرنس جديد اصلي 700 ريال من الوكاله وشغال مثل الحلوه بس الدبل ما مايشبك تدور الكفرات الخلفيه بس مادي هل هو من الدينمو او الحساس المشكله انه يطلع صوت في الثقيل بس ما يشبك ابي حل ولا شبيت فيه رفع ضعطي اها يا النسيان بس تحياتي لك اخو ي

[بلدي عمان]

بارك الله فيكم على هذا الطرح الرائع

[خالد ....]

و عليكم السلام و رحمة الله و بركاته


و العذر و السموحه على التأخير للظروف الخاصة


حياك اخوي العزيز (باسزز) اوجعن وجهي



:D و هو ماله دخل و انا اقراه صعب الاسم بالحيل


و مكشور على الاطراء لاهنت مع العلم ان الاعضاء فيهم الخير


و البركة و حنا منهم نتعلم (لاه صحيح:mad:



) دليل ذلك ردود الاخوان عليك و م قصروا و حنا نتشرف


بخدمتك و خدمة الاعضاء جميعا و على ما قيل الجود من الماجود و على قدر المستطاع


(و باللي نعرف فقط)
عموما تراك كثرت القرق اخلص :D




امبير البنزين المطلوب منك كتالي/


1) تحط الموتر بالدي ثم تمشي بالموتر اربعة امتار اكثر او اقل لا يهم ثم تمسك فرامل فجأة تقريبا نص الدعسة و يستحسن ان تانكي الموتر يكون به نص البنزين من اجل اعطاء نتيجة واضحة


اذا تحرك الانبير اثناء مسك الفرامل يدل ذلك على ان العوامه منفصلة او منطلقة عن جرم الطرمبة و الحل بكبس العوامه
اذا كانت العوامه سليمة و لم تنفصل جرم الطرمبة فان ذلك يدل على تأكل الرصاص و بالتالي تعطي العوامه قراءة خاطئة


للانبير و يتصح ذلك في الصورة التالية رقم (3)





http://www.mekshat.com/pix/upload02/images78/mk53291_bnlnnn2.jpg


و لزيادة الايضاح عن الطرمبة راجع الرابط التالي




http://www.mekshat.com/vb/showthread.php?t=150274




2) اذا ماتحرك الانبير اثناء مسك الفرامل فان ذلك يدل على ان الخلل من دينمو الانبير بداخل الطبلون و احيانا يطلع صوت


خشخشة عند فتح السويتش تاكد من ذلك


عموما اكثر ما يخرب بالجمس خصوصا م2003 الى 2005 دينمو الانبير اللي هو طبعا يحرك الانبير و يكلف تغير الدينمو
بالرياض 500ريال و بالقصيم 300ريال
احيانا فصل البطارية عدة دقائق يعطي نتيجة ايجابية
و ان شاء الله امورك تيسر


*****



دينمو الدبل


انا مادري انت تقصد دينمو القير او دينمو الكارونة


افتح السويتش و الموتر طافي ثم اضغط زر الدبل الخفيف و مرة زر الدبل الثقيل اذا كان يطلع عندك صوت تعشيق


معنى ذلك ان الدبل سليم مئة بالمئة باذن الله
و افضل حل لجميع الامريكي هو فصل البطارية لعدة دقائق لانه دائما تحصل حالات ان الكمبيوتر ((ملخبط)) و لا يقرا المعلومات بالشكل الصحيح و لانه اصلا لا توجد مشكلة اما فصل البطارية يسوي للكمبيوتر فورمات او تصفير زي فرمتت الكمبيوتر او الابتوب




هنا تابع الشرح و قم بالتطبيق




http://www.mekshat.com/pix/upload02/images78/mk53291_ndlng77.jpg




http://www.mekshat.com/pix/upload02/images78/mk53291_bdfn8.jpg



هنا فيوز الدبل اذا كان مقطوع راح تطلع رسالة افحص الدبل بالاضافة الى انه راح تطفى لمبات ازرار الدبل


http://www.mekshat.com/pix/upload02/images78/mk53291_dfbd33.jpg




ايضا قم بفك دينمو الكارونة و بعد فكه ركب الفيش بالدينمو ثم ضع احد الاشخاص يقوم بشبك الدبل الخفيف او الثقيل


و شاهد الدينمو هل يخرج الضاغط ام لا و للتوضيح شاهد الصورة التالية


http://www.mekshat.com/pix/upload02/images78/mk53291_odjhobn22.jpg


http://www.mekshat.com/pix/upload02/images78/mk53291_nldb11.jpg



اذا خرج الدينمو معنى ذلك ان شغال
اذا لم يخرج الضاغط يحتمل انه (مجيم) خربان او ان الدائرة الالكترونية بداخل الدينمو مقطوعة او ملتمسة و تستبدله بواحد و اذا كان ملتمس ثم شبكت الدبل فانه على طول يقطع الفيوز
جديد




يتبع ارجو عدم الرد
السلام وعليكم ورحمة الله
اخي سوبر انا عندي يوكن موديل 2005 وعندي مشكله في دبل يخربط احيانا يشتغل على دبل ثقيل ودبل خفيف واحيانا المبات في السويج تنطفي بالكامل ويشغل مفتاح الزلق وابي اعرف شكل الدبل في اليوكن 2005 وفي حال لم يتصلح كم سعر في السعوديه عامتا وجزال الله خير