غاز الفريون الحذر الحذر ...!! تنبيه للجميع

[Abo-ibrahem]

السلام عليكم .. .. ..


حياكم الله جميعاً يا اخوان .. ..


ندخل الموضوع بدون مقدمات >>>مايتفاهم :D


اخوي معه أكورد 2002 وبدى مكيفه تقل برودته


رح لم ورشة محطه جنب بيته قاله الفريون ناقص عندك وعباه


اسبوع وماعاد يشتغل المكيف مروحه بس


الكمبروسور مايشبك


راح لم ورشة متخصصه في الأكورد


قال انت معبي غاز فريون صيني وتعطل الكمبروسور عندك يبي له تغيير كامل


قال السيارات الغاز حقها مختلف حتى في النوع الواحد


قال مثل الاكورد غاز 2002 وقبل يختلف عن 2005 وفوق


ويجي ناس ماتفهم الشغل ويعبي بدون علم

لذلك الحذر يا أخوان


الموضوع للفايده والتنبيه


تحياتي للجميع

[صقار نجد]

جزاك الله خير على هذا التنبيه

وقد حصل معي بجيب جي اكس ار

وغيرت الكمبروسور وكلف علي حول 3 الالف ريال

الله لا يخسر

[الكايف2]

مشكوراخوي ابوابراهيم علي التنبيه والله يعين كل شي صارمش حالك المشكله ان الفريون الان مغشوش معاد تلقي الزين

[قرناس صلا]

جزاك الله خير على التنبيه

[عجمي]

جزاك الله خير على هذا التنبيه
المشكلة الحين بالسوق مافية الا فريون صيني

[بواسامه]

فيه انجليزي وامريكي وكوري وصيني
والانجليزي افضلها حسب علمي

[عمر محمد]

بارك الله فيك وعوظك الله خيرا

[مهوس صيد]

السلام عليكم شباب انا كنت اشتغلت في الصيف في ورشة تكيف ما في فرق بين السيارت في الفريون الي يخرب الكمبرسر هو الزيت الي يحطه مع الفريون والفيرون المغشوش يفرق في التبريد وفي عندك نوعين من الفريون تعرفه من الرقم الي مكتوب على العلبه بس ان الفريون يخرب الكمبرسر مستحيل ماله دخل

[روافد]

شكرا لكم اخوي على التنبية

وشكرا للجميع على المداخلات

[Abo-ibrahem]

حياكم الله كلكم من أولكم لاخركم

والله يعطيكم العافيه على تواجدكم

[Abo-ibrahem]

السلام عليكم شباب انا كنت اشتغلت في الصيف في ورشة تكيف ما في فرق بين السيارت في الفريون الي يخرب الكمبرسر هو الزيت الي يحطه مع الفريون والفيرون المغشوش يفرق في التبريد وفي عندك نوعين من الفريون تعرفه من الرقم الي مكتوب على العلبه بس ان الفريون يخرب الكمبرسر مستحيل ماله دخل



وعليكم السلام

مرحبا أخوي مهوس صيد

صحيح انت اشتغلت في ورشه

لكن تلقاها ورشه تخاف الله

وشف هذا رد اقتبسته عن انواع الغاز وارح يفيدك ان شاء الله




CFC R12 و النوع الثاني HFC R134a
النوع الاول وهو R12 هذا الغاز يستخدم من عام 1970 م وبسبب ضغط هيات حمايته البيئه وخصوصا طبقة الاوزون تم استخدام الغاز الثاني وهو R 134a وهذا الغاز بدا استخدامه في مطلع العام 1994 م


وش الفرق بين الاثنين
الغاز الجديد R134a اكثر كثافه من القديم ونظام التبريد في السياره الجديد وهو HFC يختلف تماما


الحاصل في الورشه :
1) يستخدم الغاز القديم وهو R 12 وهذا لرخصه
2) عدم معرفة صاحب السياره بانواع الغاز
3) جهل العامل بالورشه


النتائج :
تعطل الكمبرسر في السياره والحجه لدى العام انه انت سعودي في فلوس كثير وهذا من جدد تفقع مراره الواحد وتصليحه ما يقل عن 700 وفوق


شاكر لك تواجدك

[بدوي جنوبي]

تم التثبيت لاهمية الموضوع

بارك الله فيك يبو ابراهيم

بالتوفيق

[الشامخ الشمالي]

جزاك الله خير يابو ابراهيم على التنبيه

[الطير الازرق]

آآآآآآآآآآآه يابو براهيم والله انك طحت على الجرح ولويدرون ان المشكله فينا نحن (وانا اولكم ) لا نعرف الاصلى من التقليد وعلى قولتك ماعندك احد ينقصنا معرفة الاصلى من التجاري والا الانفس غدت تجاريه رخيصه همها الفلوس مافيه ذمه لامن صاحب الورشه ولا من العامل اهم شيء جيب فلوس
انا ماأعرف الفريون الاصلى من التجاري حتى لو كذب علي راعي الورشه وقال لى هذا اصلى اقول له حط ،،
$$$$$$
وانا اكلت من موضوعك كم صفعه يمكن راتبي يرووح على المكيف لوحده طبعا الحر ينسيك نفسك اهم شيء المكيف يشتغل ويبرد
انا خسرت اكثر من ثلاث آلاف ريال على المكيف والسبه الفريون الصيني واروح لم راعى الورشه ويقولك غير الكمبرسور واعمل غسيل للاديتر وغير الخزان والفلتروغيرتها.
وش السبب ؟؟؟؟؟؟؟
( فريون صيني )طيب وش بقى ؟؟؟؟!!!!
خلاص بعد مدة غير الاديتر علشان الفريون الصينى خرب الاديتر
( عجيب كذا يسوون فينا الصينيين عيون صغار وعقول كبار واحنا عيون كبار وعقول الله يعلم بها )
وفي الاخير يقول ابا احطلك فريون اصلي وبعد مده يخرب عليك وتروح لواحد ثاني ويقول انت حاط فريون تجاري غير وغير امس غيرت مروحه وفريون وزيت فريو ويقول بعد عندك صوت في الكمبرسور وش اللى صار مدري واخرتها 300 ريال واحنا ندربي ها الروس وهالبكلات نبققها(العيون) ولا ندري وش السالفه وانا اولهم
لان ينقنا المعرفه بالشيء ،،


اقول قولى هذا واستغفر الله لى ولكم ،،،
ابوحمد،،

[Abo-ibrahem]

( بدوي جنوبي )


يعطيك العافيه على التثبيت


ومرورك شرف لنا :)


----


( أبو شوق )


وياك يالغالي


----


(lincon)


معوض ان شاء الله أخوي


والواحد اذا تذكر ان حقه ماراح يضيع تهون عليه


و عقب هالمشاكل ماود الواحد يروح الا لشيء معروف حتى لو خذ عليه زود

[ابوعيسى1000]

الله يعطيك على هذا الموضوع
ان جيت متخصص كلاك وان جيت اي ورشة لعب عليك !!!!
الله يعين

[محب العقاب]

مسكووووووووووووووووووووووووووووووووووووور

[ابوعيسى1000]

الله يعطيك على هذا الموضوع العافية
ان جيت متخصص كلاك وان جيت اي ورشة لعب عليك !!!!
الله يعين

[نيساني]

جزاك الله خير اخوي على التنبيه

[تميمي92]

وعوظك الله خيرا

[طير جراح]

جزاك الله خير على التنبيه

[Barq al7'eel]

يا اخوان اعتقد ان الواحد يعطي الخبز لخبّازه لو اكل نصّه في الشغلات الحساسه واللي اي لخبطه ممكن تكلف كثير انا اعتقد الحل الامثل والمريح هو وكالة الموتر يعرفون شغلهم ولو فرقت 100 او 200 ريال بس شي يعيش بلا ابو هنّود او البنقاله اللي تعلمو بجيوب وبروس الناس

وتحياتي للجميع,,,

[سطام vip]

بسم الله الرحمن الرحيم

والله احترنا مع هالعماله والمهندسين حسبي الله عليهم

نقول زباين عنده ومعاملينه وما فيه فايده ما يغشك الا الي انت عميل عنده
انا قبل شهرين المكيف نقص تبريده ورحت لكهربائي معامله لي اكثر من خمس سنين
والمهم قالي هذا يبيله فريون؟؟
قلت طيب اكيد ما نقص الفريون الا فيه تنسيم قال لا ما فيه تنسيم ولا شي وابعبيه وبتشوف
وفعلا عباه وطقيت له 60 ريال ومشيت والميكف تمام مشى معي هالشهرين ورجع حار؟؟
رحت لكهربائي ثاني قال هذا معبي لك فريون صيني
والفريون الصيني له مده ويتنهي تبريده يقلب هواء بس
وانا ابعبي لك فريون امريكي قلت بكم قال ب100 ريال ما تنقص ريال
قلت خاف ربك قال تبي صيني اعبي لك ب60 عادي اصلا الاسطوانه كلها
ب140 ريال قلت لا ابي امريكي وقلت ابي اشوف الصيني والامريكي
وشفت مكتوب عليه امريكي وما ندري بس المكيف بارد الحين ولله الحمد

المستفاد من هالسالفه

اي واحد يعبي لك الفريون ب60 ب70 اعرف انه صيني

الامريكي غالي ومستحيل يرخص لك قيمته

وكل عام وانتم بخير

[مغلي]

بيض الله وجهك يا ابو ابراهيم

[faris2006]

السلام عليكم
انا شغال في التكيف لي خمس سنوات
الي يقوال ان الغاز ماله دخل هذا ماعندك سالفه(ولا يهون الاخوان)
الغاز نوعان يجي للسيارات القديمه 12 والجديده 134
الغاز الي بالسوق انواع فيه امريكي وفيه كوري وفيه سعودي(عدة انوع الي اعرفها)وفيه دبي وفيه صيني
الي استخدم سعودي ويعيبر هو الافضل(ماعرف اسمه يعبى في الرياض)
التجاري تعبئه بعد اسبوع يسددلك المواسير ليش يوجد به رطوبه وخاصتا الامريكي عند النظيف يطلعلك زي البويه اسود ثقيل
الصيني ودبي خايسه ورخيصه
انا سأل عن الغاز الافضل تعبية مكيف السياره يتراوح مابين 180الى220ريال سعودي

[ابو ليان]

الله يعز السيارات القديمه عندي سدرك 91 وددسن 90 والله اني اعبي من القيم واذا نقص زوته من الجديد وماشاء الله زي الثلج 00 مخلوط ومن فتره طويله لان عندي تنسيم خفيف وماني فاضي افك الماسوره واغير الجلدة وتلقاني ازوده مرة من القديم ومره من الجديد حسب الموجود لان شغلي محلي 0

[راس الجبل]

اهم شيء ياخوان الزيت ثم الزيت ثم الزيت الي يوضع مع الفريون عشان مايجيم الكمبروسير وتضطر لتغييره بواحد جديد او توظبه ويقعد شهرين ثم يخرب.

[faris2006]

السلام عليكم
الاخ ليان مافيه مشكله
الاخ راس الجبل فيه مثل يقول الزود اخو النقص الزيت اذا زاد يجيم الكمبروسر الزيت بالمكيف يتجمع بالقروره ويخرج شوي شوي الى الكمبروسر اذا زاد الزيت تخرج كميات كبيره ثم يخبط الكمبروسر.
تعبئة المكيف مامقدار فنجال (25الى 35مل ).

[Abo-ibrahem]

يعطيكم العافيه يا اخوان

اثريتم الموضوع بتعقيباتكم

والصراحه نصايح ماتنشرى ولا بذهب

[(سكود)]

طيب يالربع نبي زبدة الموضوع الحين اذاابي اعبي الفريون ايش الافضل الامريكي او يعطيني فريون حسب الرقم الي مدون على علبة المكيف

[ل س ب 148]

كلام الشباب صحيح والفريون التجاري له دخل في الكمبرسور ويخربه وسوي لك بلاوي في السياره وا ابو ابراهيم جابه على الجرح يوم قال مافيه مشكل انت سعودي فلوس كتير

[ذهب 408]

جزاكم الله خير

الرجاء عطونا أو دلونا على ورشة مضمونة وثقة

متخصصة في مشاكل الكمبرسر والمكيف وما يتبعه

طبعا ( في الرياض )


وفق الله الجميع لكل خير

[أبو حطب 2008]

مشكوووووووور على التحذير

[مطلع]

وين الزبدة ؟؟؟؟؟؟؟

وش نعبي , اي نوع , وكيف نتأكد انه الأصلي ؟؟

الله يجزاكم خير

[الهاوي2008]

الله يعطيكم العافية

انا رحت لمحل وعبا لي نفس الموجود بالسيارة اظن انه a134 ثم بديت اسمع صوت وبالاخير خرب علي المكيف وتعطل

[العيسمود]

جزاك الله خير على التنبيه

[ذهب 408]

جزاكم الله خير

الرجاء عطونا أو دلونا على ورشة مضمونة وثقة

متخصصة في مشاكل الكمبرسر والمكيف وما يتبعه

طبعا ( في الرياض )


وفق الله الجميع لكل خير




يا جماعة الخير ما فيه دليله

الله يوفق الجميع

[سحابة بردية]

جزاك الله خير يابو ابراهيم على التنبيه

[برق 556]

مشككككككككككككككككككور

[عاشق صيد]

اللي أعرفه إن فيه نوع أمريكي اسمه جنترون وسعره 140-150
أعتقد أنه الأصلي

وعلى فكره ترى الأرقام نفسها في الصيني والأمريكي والمكسيكي لكن جودة الصناعة تختلف يعني كلها تجي 134a مثلاً

[الربذي]

تصدقون عندي صوت اذا شغلت المكيف يااخوان وحتى السياره كانك حاطها على الهزاز وش منه تتوقعون .