يا أهل الجموس نبي رأيكم في (جمس حوض Z71 2005) [الأرشيف]

المساعد الشخصي الرقمي

مشاهدة النسخة كاملة : يا أهل الجموس نبي رأيكم في (جمس حوض Z71 2005)

0987

28/08/2008, 08:17 AM

0987

28/08/2008, 10:58 AM

وين الردود يأخوان الله يجزاكم خير؟

بـلـيـهـان 1

28/08/2008, 12:07 PM

السلام عليكم ورحمة الله وبركاته...

أخواني ودي أستشيركم في جمس حوض Z71 غماره (سعودي) فل كامل

طبعاً حوض قصير فخوذ(رفارف كبار) V8 (دبــل)

موديل الموتر 2005 أو 2006 الشكل القديم

واللون أسود أوفضي أوذهبي

وهذي صورة قريبه للجمس بس غير الجنوط هذي

http://www.mekshat.com/pix/upload02/images78/mk65646_gmcppp.jpg

المطلوب منكم يأخوان هل تنصحون في الموتر؟؟؟

وكم أسعاره تقريبا أذا كان نظيف؟؟؟

وهل هو مرغوب عند البيع؟؟؟

وأرجو أنكم تفيدوني جزاكم الله خير

وشكراً.

السلام عليكم

مساك الله بالخير

الرفرف هذا عز الله أنه موتر قوي .. و مكينته ما بها شكوك قويه مره ..

و الموتر له هيبته و مرغوب جدا ً جدا ً ..

لكن خراباته كثيره .. و نصيحه خذلك قير توماتيك .. أفضل ..

و أسعاره غاليه شوي ..

لكن ماني متأكد كم بالضبط ..

و مرغوب عند البيع نعم ..

و أحسنت الأختيار

لكن أنتبه تكرفه ..

خله حق بر ولا حق طلعات أسبوعيه ..
يعني خله موتر إضافي للي عندك ..

،،

فقط

و الله يبارك لك فيه

عاشق z71

28/08/2008, 02:42 PM

صراحه موتر قوي ويبيظ الوجه ومركبه عز

انا معي واحد الي بتوقيعي

موتر قوي لاكن بقولك شغله اذا انت من النوع الي مايهتم بالسيارت يعني مثلا راعي مطامر واجد وتطعيس كثير من العصر للمغرب وانت مراقي

وهبال

وعدم اهتمام بالصيانه

نصيحه بعد عن الجمس بجميع انواعه
واذا انت عكس كذا صدقني الموتر يمكن تظمه لكرت العائله <<< يعني معدك بايعه

وشكرا

الباترولي

28/08/2008, 07:15 PM

السلام عليكم...
حبيت اشاركم...
الموتر ماشاء الله طيارة وخراباته قليلة وخفيف لأن الرفارف الخلفية كلها فيبر
لأكن أسعارة غالية شوي ...
وياليت أهل الخبرة يفيدوننا بالأسعار والأنواع...

أخوكم ... الباترولي ...

0987

28/08/2008, 08:57 PM

السلام عليكم...
مشكورين كان بأسمه على مروركم وارائكم وجزاكم الله خير

نرجو من البقيه أبداء رأيهم فيه

وكم أسعاره ولو تقريباً؟؟

وشكرأً.

Ibrahim.O

28/08/2008, 09:41 PM

مثل ماقال اخوي عاشق Z71

وتراه عز ويبيض الوجه وكل شيء فيه زين

اهم شيء ان يكون استعمالك حشمه وصدقني ماراح يخرب ويجيه شيء

الاسعار 2005 و 2006 ( النظيف ) من الستين وحولها

انصحك باللون الابيض Z71 أهم شيء

مزلاج

28/08/2008, 09:42 PM

تحياتي للجميع

ما قصرو الشباب عطوك معلومات عن الموتر

وبالنسبه للاسعار اتوقع انها تعتمد على النظافه

وهى توصل الى 80000 الف

تحياتى

0987

29/08/2008, 12:46 AM

هلا بأخواني

ومشكورين على أرائكم كلن بأسمه

بس أبي سعره تقريبا وطبعاً سعر 2005 فل كامل فضي كم؟؟؟قريب للي بصوره

وننتظر أراء بقية الأخوه
وشكراً.

باثفايندر03

29/08/2008, 03:13 AM

نصيحه لك ي راعي الموضوع

اذا انت ناوي تشتري وصامل خذلك الموتر من قطر >>>ارخص بواجد

Ibrahim.O

29/08/2008, 05:41 AM

هلا بأخواني

ومشكورين على أرائكم كلن بأسمه

بس أبي سعره تقريبا وطبعاً سعر 2005 فل كامل فضي كم؟؟؟قريب للي بصوره

وننتظر أراء بقية الأخوه
وشكراً.

أخوي مافيه سعر محدد

وباقول لك من الاخر تر صعب جدا جدا جدا تحصله في المعارض

وعند موتر اخوي وقيان للبيع موديل 2006 لونه احمر ماشي 26 الف بس :
http://mekshat.com/vb/showthread.php?t=151378

عبدالله2009

29/08/2008, 09:53 AM

قبل فترة واحد من العيال شرا له جمس اتوقع انه 2500 موديل 2006... نظيف ولكنه غالي حيل حيل

الرجال ما قد شرا سيارة بدبل ...

المهم مرني عصريه وقال خلنا نتنومس بعلوم الفور ويل ...

ونطلع انا واياه بعيد اوي اوي اوي ... منها مكان طيب ... وارب نلقى لنا عشاء

ويوم بدينا بالرمل ... الحقيقة اعجبتني قوة المكينة الجبارة

فرق بينه وبين الجيوب الياباني .... فرق السماء عن الارض

طبعا بدون تنسيم ... كانك تمشي على بساط الريح (( ما شاء الله تبارك ))

قلت خلني اللحين اغرز به .. واعطي خويي درس عملي عن التصرف مع الغراز

طبعا انا خليته يحفر غصب وفي مرقا ... وشرطت على خويي ما يستعمل الريوس

وانزل من السيارة ... واتكي على الرمل ... في ذيك اللواهيب الي تشوي الوجة

والرجال بدا بالدعس ... والتقحيص

شوي الا يدعيني ... الحق يا ولد ........ وش فيه ؟؟؟؟؟

قال حرارة !!!!!!!! يا ساتر

الا صوت من الكبوت ....... وشهو ذا ؟؟؟؟؟

الرديتر انفقع ... من الحرارة .... وتذكرت وقتها عذروب الامريكي ......

طبعا باقي الفلم تعرفونة .....

Ibrahim.O

29/08/2008, 01:19 PM

^
^
^
سعودي ولا امريكي ؟
انا معي سوبربان 2500 موديل 2005 ما قد اشتكيت من الحراره ابد ابد ابد
دايم قبل النص بشرطتين

ابو الشباب3

29/08/2008, 03:22 PM

مسا الخير للجميع من ناحية الجمس ممتاز في الاستخدام قوي ويشل خرابه مهوب واجد الاالي كارفه في تطعيس ومجاكر وسو استخدام الله يعينه على الخرابات الحراره دامآ اقل من النص بشرطه او شرطتين

الله يوفق الجميع لما يحب ويرضاء

الشهر مبارك على الجميع الله يبلغنا رمضان

عبدالله2009

29/08/2008, 08:56 PM

والله يا ابراهيم انه جمس حوض من الجميح

ولكن جاه دعس ما هو بطبيعي ...

بس يضل شي غريب فعلا ... ان الحرارة تطق والرديتر ينفقع ولكن تضل هذي مشاكل الامريكي الابدية (( الحرارة ))

محب العقاب

29/08/2008, 09:15 PM

اخوي انا اعرف ناس عندهم معارض وهو ممتاز

alsarem

30/08/2008, 12:17 AM

اولا ابارك لكم بقرب شهر القران اسأل الله ان يبلغنا اياه وان يعيننا على الصيام والقيام
ثانيا بالنسبه للجمس الحوض مافيه كلام من خلال التجربه بس المشكله في الدبل كثير خرابه
ولأسعار تتراوح من 75000-80000 موديل 2004 اذا كان نضيف جدا و 2005 يصل الى 58000 اما 2006 اظن انه مايجي رفرف احلى لون للرفرف اسود مرغوب مرررره شيك

0987

30/08/2008, 07:46 AM

هلا أخواني
مشكورين على أرائكم وجزاكم الله خير
ونبي ردود بقية الأعضاء وأرائهم
وشكراً.

H I T L E R

30/08/2008, 08:35 AM

مااااااااااااااااااااااااايحتاج Gmc خذ و لا تستشير يالبه قلبه

مربط القعاسي

30/08/2008, 10:58 AM

وش تبي بوجع الراس ونا خوك تبي سيارة للبر خذ هايلكس دفرنسين

وذاانت راعي تحاميل خذ جيب شاص

وذا نت راعي تشخيص وبر خذ هدد

اما الجمس ونا خوك لا يقربك والله ماينغزابه

طارق الحربي

30/08/2008, 11:20 AM

الاسعار 2005 و 2006 ( النظيف ) من الستين وحولها

اخوي ابراهيم

جب لي 2005 رفرف ( لان ال 2006 مايجي رفرف ) وانا اشتريه منك ب 80 مهو ب 60 :)

اخوي 0987

انا معي 2004 شفه بالتوقيع

سعودي فل كامل

حراره الحمد لله مافيه مشكله دائما تحت النص بشرطيتن ولكن في اوقات استثنائيه تاصل 3 ارباع الا شوي

يعني مثلا درجه الحراره 55 وانت واقف تحت الشمس ومشغل المكيف على 3 اكيد تبي تاصل زي ماوصلت معي

اما وانت ماشي ماشالله ماتاصل النص

العزم خيالي ويخوف احيانا ماشالله :)

يعيبه شي واحد

خوف الناس منه

يعني مهما كان الموتر بنظرك قوي وتضمنه بعد الله تظل تخاف منه شوي من كلام الناس

مثلا طرمبه بنزين حراره حساس دبل وغيره

انا مره خرب حساس الدبل معي بسبب سوء استخدام مني بصراحه

غيرته ب 800 ريال مع التركيب

وتركيبه سهل جدا وشغلة الحساس مثل الفيوز اذا ارتفعت حرارة الدبل يفصل وتغيره بس

الدبل مشكلته ازرار مع انه افضل لان الخراب مايوصل الميكانيكا ولكن يظل يخوف يعني ماتضمن الكهرباء احيانا

ولكن الحمد لله ماعمره خرب معي الا مره اول ماشريته مثل ماكتبت اعلاه

الموتر ماشالله مابعده

مع اني اكره الامريكي وكان معي فكس ار 2003

بس ماشالله عليه خفيف وشكله حلو وقوي

اما الاسعار

قبل شهر او اكثر بيع قدامي اخوي موتري بس 2005 ماشي 125 الف طبعا ملعوب فيه من هدرز ودبه رياضيه وجنوط وكفرات ومساعدات وغيره بيع ب 72 تقريبا

واول الصيف 2005 سياحي اسود ماشي 70 الف بيع ب 86 الف

اللي يقولك رخيصه ماعنده علم

لان السعودي اصلا مايوجد

اللي يجيبه بس التوكيلات العالميه ومالها فروع بالرياض

وتوقف استيراده من 2005

اذا تبي تاخذ لا تاخذ الا سعودي وبس نصيحه

تحياتي

Ibrahim.O

30/08/2008, 01:24 PM

^
^
والله توي ادري انه يمسك سعره لهالدرجه ؟؟ !!
شكرا على التوضيح اخوي طارق :)

وش تبي بوجع الراس ونا خوك تبي سيارة للبر خذ هايلكس دفرنسين

وذاانت راعي تحاميل خذ جيب شاص

وذا نت راعي تشخيص وبر خذ هدد

اما الجمس ونا خوك لا يقربك والله ماينغزابه

أخوي انت مجرب الجمس ولا جالس تتكلم بدون تجربه ؟؟

ليه الجمس ماينغزا به ؟

الرجال يبي يحط فلوسه في شيء يستاهل

صدق من قال اللي مايعرف الصقر يدور به في اكسنت :d

سيف الظفير

30/08/2008, 01:32 PM

عز الله اني السوبربان 2500 موديل 2006

امتلكت 8100 و الثاني العايدي

والحرارة ما اعرفهـــــــــــــــــــــــا

0987

30/08/2008, 11:44 PM

هلا بأخواني
مشكورين على أرائكم وجزاكم الله خير
وأنا يأخوان لقيت جمس حوض 2005 فل كامل رفارف فضي V8 دبـل
بس عيبه ماشي واااااجد ماشي فوق 220 ألف
والموتر يقول راعيه بديه نضيف وعلى الشرط كم يسوى يأخوان؟؟؟
أرجو أنكم تفيدونن بسعره
وشكراً.

البرنس2008

31/08/2008, 04:39 AM

والله عز الموتر لاكن يبغاله محافظه

0987

01/09/2008, 01:04 AM

مشكور أخوي على رأيك
وجزاك الله خير
لاكن ودي أحد يزودني سعر الجمس هذا وهذي مواصفاته

جمس حوض 2005 فل كامل رفارف فضي V8 دبـل
بس عيبه ماشي واااااجد ماشي فوق 220 ألف
والموتر يقول راعيه بديه نضيف وعلى الشرط كم يسوى يأخوان؟؟؟
وشكراً.

0987

02/09/2008, 03:01 AM

يأخوان وين الردود؟؟

طارق الحربي

02/09/2008, 07:39 AM

والله ممشاه واجد

انا صراحه لو بمحلك ابحرص زين قبل لا اشتريه

انا اعطيه من 69 الى 76