الحل لأصحاب اللاندكروزر في تهريب علبة الدركسون .!.

[خالد77]

يعاني الكثير من أصحاب السيارات وخاصة اللاند من مشكلة تهريب علبة الدركسون ويقول بعض الميكانيكين هذا من عيوب المصنع ولكن البعض من الاخوان يذكر أن هناك بعض الورش (يكبسون)غطاء العلبة ولا أدري كيف ؟؟!!:confused:

والذي أريده من الاخوان الوصول لحل هذه المشكلة العويصة آملاً من الجميع التفاعل مع هذه الموضوع المهم ..
مع ذكر بعض الورش المتخصصة ( الموثوق بهم ) لحل هذه المشكلة ..
وشكـــــــــــــــــرا لكم .

[بواسامه]

الدوده في الكروزر بكثره تخرب وهي من عيوبه
واتوقع من اسبابها اهمال هواء الكفرات الاماميه وتلقاه دايم تصرصر مع كل لفه وصير حمل على الطارة وتخرب بتهريب ولا بصوت
وصدقني ومن واقع تجربه انها ماكلن يفك ويربط فيها
وحتى الوكاله يدربون فني يتخصص فيها
ان سلمت من تهريب ما سلمت من صوت والعكس
لهذا
فرق عمل الوكاله عن غيرهم من الورش الاخرى 50 او 100 ريال
مجرد نصيحه وحبيت ابلغك اياها واطلب ضمان لمن يدعي ضبط تصليحها
وفقك الله

[الكونترولCONTROL]

شركة مصنع الطائر للهايدروليك حلوا لي المشكلة مع ضمان 6 شهور ( VXR 98 )
و السعر 500 شامل للقطع و شغل اليد و ربط الكراسي و الزيت
و شغل ما يتعدى 4 ساعات ,,, الرياض . الصناعية القديمة

كملت الآن حوالي سنة 100 % ولله الحمد ... لا تهريب و لا فضاوات

[خالد77]

شركة مصنع الطائر للهايدروليك حلوا لي المشكلة مع ضمان 6 شهور ( VXR 98 )

و السعر 500 شامل للقطع و شغل اليد و ربط الكراسي و الزيت
و شغل ما يتعدى 4 ساعات ,,, الرياض . الصناعية القديمة


كملت الآن حوالي سنة 100 % ولله الحمد ... لا تهريب و لا فضاوات

بارك الله فيك وما قصرت لكن خبرته كم ؟
والعمالة وش هم ؟
وياليت لهم رقم هاتف ..

[بدوي جنوبي]

من اكثر اسباب تهريب علبه الدركسون

لكل السيارات هو لف الدركسون الي اخر لفه

حتي تسمع صوت ضغط الزيت داخل العلبه وهذا اكبر خطأ

عند الانعطاف بزوايه حاده الافضل ترك نص لفه من الدركسون

اولا: يحافظ علي العلبه من التهريب ( لانها متعبه جدااا عند الاصلاح )
ثانيا:=====الكفرات من تآكل حوافها
ثالثا: =====العكوس اكثر ،

بالتوفيق للجميع

[خالد77]

من اكثر اسباب تهريب علبه الدركسون

لكل السيارات هو لف الدركسون الي اخر لفه

حتي تسمع صوت ضغط الزيت داخل العلبه وهذا اكبر خطأ

عند الانعطاف بزوايه حاده الافضل ترك نص لفه من الدركسون

اولا: يحافظ علي العلبه من التهريب ( لانها متعبه جدااا عند الاصلاح )
ثانيا:=====الكفرات من تآكل حوافها
ثالثا: =====العكوس اكثر ،

بالتوفيق للجميع

نصائح قيمة وأشكرك عليها..

[محمد الصرير]

مشكور أخوي خالد على السؤال اللي جاب لنا الإجابات المفيدة جداً سواء للجيوب أو لغيرها ممن يستخدم فيها علبة الدركسيون ,والله لا يحرمكم الأجر جميعاً فالله في عون العبد ما دام العبد في عون إخيه . ودمتم سالمين

[صقار سدير]

ياخوي راعي الورشة الي في الصناعية القديمة وش سوالك راعي الورشة الله لا يهينك
وزانت المشكلة؟
لان المشكلة عندي في هيلكس دفرنسين

[الكونترولCONTROL]

شركة مصنع الطائر تخصصهم اصلاح الدودة و علبة الدركسون فقط يعني متخصصين ,,, و متمرسين ....
و عادة أتوقع :ــ يفكون الدودة بالكامل و يعيدون عمرتها ... مع تغيير ما يلزم ,,, و الله أعلم ,,, و أنا لا أعرفهم ... لكن الشهادة لله : أحس ان شغلهم جيد و معاملتهم حسنة
و رأيي : تدخل عندهم و تقول :ـ عندي الدودة ما أدري وش فيها
و الفاتورة عندي ... و لكن لا يسمح المنتدى بوضع رقمهم حتى لو كان خدمة للأعضاء !! ان بغيته على لايميل icom3000@hotmail.com
(اصلاح تهريب دودة دركسون جيب لاند كروزر مع الفك و التركيب مع تغيير كراسي الدودة ) بتاريخ10\ 11 \ 2007 م \\\\ قبل حوالي 10 شهور ( قريب من سنة كما توقعت )
المبلغ 500 ريال - الضمان 6 شهور ... و الى الآن تقريبا 10 شهور الدودة ما فيها أي ملاحظات و لله الحمد

[مجتهد***]

حصلتلي نفس المشكلة و صلحتها في ورشة الأستقلال في قطر
من ثلاث سنواتوضبطة و رجعت و رجعت و صلحتها السنة هذي

[خالد77]

الكنترول .......... وفيت وكفيت

[الشهابة]

و الله يا اخوان عندي نفس المشكله تقريباً .. و كتبت عنها موضوع في المنتدى ..

عندي طارة اللاندكروزر بعض المرات تصير ثقيله و اذا دعست بنزين ترجع عاديه ..

و بعض المرات مافيها اي مشاكل وضعها طبيعي ..

مع العلم انه مافيه تهريب او صوت في الدركسون وعلبته و الزيت طبيعي ..

[الكونترولCONTROL]

عندي طارة اللاندكروزر بعض المرات تصير ثقيله و اذا دعست بنزين ترجع عاديه ..
=========

إن كان فيها هذه المشكلة و ما فيها تهريب : أتوقع انك سبق و رحت لورشة فيها واحد غشيم تعبث فيها و بعدين طلعت لك هذه المشكلة .... لكن ترى بسيطة ... سنة العمود اللولبي الذي بداخل الدودة تحتاج وزن بواسطة واحد متمرس ( مثل محل الطائر ) .... و أنت واقف خلال 10 دقايق ..... و بعد ما يوزنها بتلاحظ كأن لدركسون صار خفيف بزيادة ... لا تخاف ... لأنك تعودت على الثقل .... كلها يوم او يومين و تنسى لمشكلة !!!! و ترى ها الشغلة ما يصلحونها اهل الموازين في الغالب

[الشهابة]

اخوي الكنترولcontrol

و لا عليك امر ابي وصف ورشة (الطائر) .. ودي انتهي من المشكله .. و تسلم ياغالي

[الكونترولCONTROL]

مخرج 17 - اتجه غرب ..... تتعدى الاشارتين ثم النفق ..... تجيك اشارة الصناعية الاولى خذ معها يسار ( جنوب ) إلى أن ينتهي الشارع حرف T تي - خذ يمين اجباري - ثم الى نهاية الشارع حرف تي ارجع U-turn شرق - ثم أول شارع يمين .. تمشي 30 او 50 متر تجيك مجموعة ورش تفتح جنوب. الظاهر انها على شمالك أول أو ثاني واحدة . و اعذرني . لي عنها 10 شهور
و نبارك لأنفسنا و لجميع المسلمين بحلول الشهر المبارك

[الشهابة]

يسلم قلبك اخوي الكنترول ..

و مبارك عليكم الشهر جميعاً ..

[abobandar]

ياخوك الحل الوكاااااااااااااله

[الوايلي...501]

وفيت وكفيت

[ابو حمد 24]

كنترول
الرجاء إعادة الوصف مرة أخرى لأنك إذا أتجهت جنوب تصير الورش ياشرق ياغرب
ودمت

[الكونترولCONTROL]

اذا وصلت التقاطع(آخر الوصف)يجي شارع مزدوج عريض غير مرصوف ولا مسفلت مهمل متروك للسيارات العطلانة,بعد هذا التقاطع على اليمين محطة وقود,ادخل يسار قبل المحطةعكس السير وتجي الورشة يسارك تفتح جنوب

[qw77]

الله يجزاكم خير يا اخوان

[خالد77]

بارك الله فيكم جميعا وما قصرتم

ولا هنت يالكنترول

[خ الفياض]

المشكله هذي جات ل سياره الوالد
2002
وحليتها عند واحد تركي والحمد لله لها اللحين سنتين والتركي فكها ووضبها من جديد وشغله محنرم وانا من ينبع البحر

[احمد النزهه]

في حل للعلبه دركسون هو تغيير الزيت ووضع زيت مستوبيشي اصلي ياباني سعره 40ريال
وقل للمكنيكي يطلع هواء العلبه جربوا الطريقه ممتازه جدا موتري 2002جكسار