المساعد الشخصي الرقمي

مشاهدة النسخة كاملة : llllllllllll عندي باترول ربع تطلع لي حرارة المكينه شاويتني شوي lllllllllll


aooa
28/08/2008, 11:01 PM
احد عنده خبره ولا دبره مع ان حرارة السياره طبيعيه الا ان فيه هواء حار يدخل من اسفل الطبلون على الغماره يخلي الراس يفور من الحر

مع حرارة الجو افضل اني احضر طلبات المنزل مشياً على الاقدام ولا اركب الجيب

يا خوان انا بالرياض واللي يعرف احد يقطع عني هذا اللهيب اللي كرهني في السياره مع اني احبها .

الله يحرم وجوهكم على النار وجميع المسلمين الاحياء منهم والميتين انه سميع مجيب الدعاء
بوسعود 180
28/08/2008, 11:15 PM
اكيد عندك تنسيم من الكبوت الى داخل الغماره وهذي حرارة المكينه واتوقه انها تدخل لك من فتحه الدركسون

اطلع لك مع ميكنيكي وخله يسوق السياره وبيعرف ان شاء الله منين جايك الهوا
aooa
28/08/2008, 11:23 PM
بارك الله فيك

يقولون ان الباترول الربع تحدث فيه هذه المشكله ومهمى سويت ما راح تخف الحرار داخل الغماره بس معقوله من المصنع بهذا العيب والله غريبه جدا
أبوأثير1
28/08/2008, 11:26 PM
أخي انا كان معي ربع باترل 2000 ممتاز ولافيه ماتذكر والله ياكثر سفراتي بالقوايل لاأروع منه لاحراره ولاشي يمكن مثل ما ذكرو الأخوان فيه فتحات الأسلاك أول مواصير المكيف أول عصى الدركسون
اسير الغضا
28/08/2008, 11:30 PM
ياخوي راعي النيسان رح لمحل زينات يفتح الطبلون ويقضي المشكله
بالتوفيق
aooa
28/08/2008, 11:42 PM
ددس وبس

الصراحة ما فهمت عليك كثير ولكن هل هناك محل زينات في الرياض معروف

ويا ليت توضح كيف يفتح الطبلون ....
اسير الغضا
28/08/2008, 11:54 PM
اخوي الغالي اسلاك الكهرب حقات العدادات يجن من الكبوت ويمكن به خطاء بالصنع بحيث انهم ماحطو جلب علشان مايدخل الهواء او تقطعن مع الزمن وارتخن(تمططن) رح لمحل زينات خاصة الي عندهم غبره بالكهرب
تحياتي الحاره واي استفسار انا جاهز
aooa
28/08/2008, 11:57 PM
الله يبارك فيك على سرعة ردك وفادتك

بس اللي له خبره كم عدد مداخل الاسلاك في الباترول انا شفت 2

يمكن تكون اكثر
اسير الغضا
29/08/2008, 12:17 AM
افتح وناظر يالغالي واذا صارت المشكله ربلات مايكلفك واجد والله الله بالقطع الاصليه
ناصر97
29/08/2008, 03:14 AM
أذا الموتر ستاندر (سلقه)مافي عازل داخل الغماره أو واحد من خراطيش
المكيف فالت او يدخل الهوا الحار من عند تلبيسة القير
ناصر97
29/08/2008, 03:16 AM
الحل ركب عازل عند محلات التنجيد
ناصر97
29/08/2008, 03:20 AM
وذا كانت في فتحات بطبلون افتح الكبوت الموت وشوف سدادات (ربل)
يمكن متقطعه من الحرارة الزايدة أو في فتحة من عند القير تهرب هوا حار
ناصر97
29/08/2008, 03:22 AM
الحل غط الفتحات بسلكن اسود وتأكد من جلدة القير يمكن مشقوقه
ناصر97
29/08/2008, 03:23 AM
للأستفسار أو المساعدة (على الخاص)
بواسامه
29/08/2008, 01:15 PM
اخوي الغ لي الهيتر اللي يعطي السخان حراره من حراره موية المكينه وسد فتحته وماتحتاجه الا في الشتاء عود واشبكه
وفقت للخير والله يدلك
aooa
29/08/2008, 01:29 PM
الله يبارك فيكم جميعا

واسال الله العلي القدير ان يبلغكم شهر رمضان ويعينكم على صيامه وقيامه ............



الموتر سلقه يا اخوان

واللي فهمته من الردود ان هذه الحراره ليست عامه على الباترول الربع

ويمكن حلها

وسوف اطبق بمشيئة الله كل الردود وابحث عن السبب وان شاء الله اوفق لذلك .
الثويرات
29/08/2008, 05:43 PM
انا اقول ان الربله حقت عمود الدركسون الي داخل للغمارة خربان ويدخل الهوى الخارجي للغماره
ابو شهد جدة
29/08/2008, 05:58 PM
السلام عليكم جميعا

انا احددلك من وين يطلع الهواء الحار اقولك كيف.

امسك خط بالسيارة يعني سرعتك تكون فوق الثمانين وقفل جميع الدرايش اذا فيه حرارة معناته يبغالك تركب عازل ( لباد) عند اي منجد.

واذا مافي حرارة افتح ربع الدريشة الي في باب السواق وحرك رجلك وانت ماشي بالسيارة يمين ويسار فوق دعسة البنزين وفوق دعسة الكلتش ودعسة الفرامل حاول تحس مكان الهواء برجولك الين تتأكد من المصدر واذا اكتشفته وقف وناظر المحل الي حسيت انه يجي منه الهواء وقفله اما بسليكون او غيره.
عموما تقدر تشوف التنسيم من الكبوت.
دمتم بود معليش الشرح طويل بس للفائدة.
أبو علياء
30/08/2008, 08:03 PM
انا معي باترول بابين ونفس المشكله






مشكورين على الحلول
جيبي جايزلي
30/08/2008, 09:16 PM
هاذا والله اعلم انه هيتر المكيف الحار واحرص على هلعلم واذ فيه تنسيم هوا مثل ما ذكرو الشباب يكون تنسيم خفيف ولا يسبب هاالحراره الى قلته انه حراره مهيب طبيعيه شيك على الهيتر
NSS
14/09/2008, 05:52 AM
اخوي تاكد انه فتحة التكيف الي يداور شغالة,, يعني لاتخليه يدخل هوا من الخارج,,
شوف الصورة وان شاء الله توضح الصورة,,
http://yotarepair.com/ToyImages/Fresh%20Air%20Button.jpg

وعلى فكرة نفس المشكلة كنت اعاني منها,,, الحين اول ما اشغل الموتر اقوم واضغط على الزر عشان لايداور الهواا........
حويزي
14/09/2008, 06:56 AM
اخي العزيز بعد السلام والتحيه
كانت لدي نفس المشكله علماً ان سيارتي 94 ربع سلق وسويت كل اللى ذكروه الشباب لاكن مافيه فايده حتى ان المهندسين قالوا طبيعي ، لدرجه ان السياره وهي شغاله ماتقدر توقف جنبها من الخارج وتشغل المكيف ما فيه ذاك التبريد . والسيارة مركب فيها مروحة مرسدس ولا فيه فايدة
المهم بالصدفه هرب لي صغير في جنب المكينه تراه تحت الثلاجة . رحت وجبت من الشركة جميع الليات الصغيره حقت الثلاجه والمكينه ويم جيت اغيرها وجدت ان بعضها مقفله الصداء وبدأت بتنضفها لين بدا الماء بالمرور بشكل صحيح ثم ركبت الليات وراحت مشكلة الحراره الداخلية والخارجية بالسيارة
وبالتوفيق