قدرة السياره كم؟؟؟شارك اذا لك تجربه

[صبي غلباء]

بسم الله الرحمن الرحيم
شلونكم يا شباب
اسمع عن مواتر ما شاء الله ماشيه مشي
نبي مشاركات الشباب عن مواترهم كم ماشيه بس مشي كثير بس بشرط بدون توضيب للمكينه ونوع السياره
والسؤال ممكن السياره تتعدى 500000 كم بدون توضيب؟
واقول ماشاء الله على المواتر اللي ماشيه واجد
يالله نسمع مشاركات الشباب

[شمالات نجد]

مع الصيانة والاهتمام السيارة تصل إلى ما بعد المليون كيلو

واحد من الجماعه معه كامري 2000 ماشيه فوق 700 بدون توضيب

وآخر من الزملاء معه كامري 2001 ماشيه 500 الف وموضبه "طبعاً بسبب إهمال المبرد"

وفقك الله والجميع

سلام

[صبي غلباء]

مع الصيانة والاهتمام السيارة تصل إلى ما بعد المليون كيلو

واحد من الجماعه معه كامري 2000 ماشيه فوق 700 بدون توضيب

وآخر من الزملاء معه كامري 2001 ماشيه 500 الف وموضبه "طبعاً بسبب إهمال المبرد"

وفقك الله والجميع

سلام
ابو عزام صبحك بالخير
ماشاء الله على الكامري وممشاها
انا شفت بدبي احتفال شركه تويوتا بصاحب لموزين تعدى المليون بدون توضيب طبعا السياره كامري
لكن كذبت الموضوع وقلت نوع من الدعايه
ونسمع مشاركات باقي الشباب ورائيهم

[جمعان 22]

ابو عزام صبحك بالخير
ماشاء الله على الكامري وممشاها
انا شفت بدبي احتفال شركه تويوتا بصاحب لموزين تعدى المليون بدون توضيب طبعا السياره كامري
لكن كذبت الموضوع وقلت نوع من الدعايه
ونسمع مشاركات باقي الشباب ورائيهم


هذا تاكسي بالكويت قرات عنه قبل فترة

اما عن صحة الخبر
الله اعلم
:)

[بدوي جنوبي]

في جده تم تكريم مواطن من شركة تويوتا
سيارته لكزس مشت 900 الف بدون توضيب
والاكراميه كانت سيارة لكزس موديل 2006 او 2007
واعلن في الجريدة
وللعلم ان اللكزس من اقل السيارات خراب في العالم هذا كلام اكيد

تحياتي

[بواسامه]

في جده تم تكريم مواطن من شركة تويوتا
سيارته لكزس مشت 900 الف بدون توضيب
والاكراميه كانت سيارة لكزس موديل 2006 او 2007
واعلن في الجريدة
وللعلم ان اللكزس من اقل السيارات خراب في العالم هذا كلام اكيد

تحياتي
شكلك تقدر اللكزس يامشرفنا
ومحد يلومك
خوش موتر والله

[روافد]

ما عندي ما اضيفه

الى اني اقول مع الصيانه والاهتمام تعيش السيارة وتثطع مسافات كبيره

شكرا لكم

[حق الفيتو]

انا موتري ماشي 270000

وموضب الماكينه

موديلة 93


احس اني فهمت الموضوع غلط

[طواش]

من تجربتي أستعملت مرسيدس أس 500 موديل 2004 ومشى فوق 500 الف وبعته عز الله ماصار فيه شي

[البرحه]

السلام عليكم

هايلكس ديزل 2002 ماشي 400 بدون توضيب

ددسن 99 570 بدون توضيب

[بيبسي]

كان عندنا باترول سفاري موديل 90 مشى فوق 500الف وبعد كان عندنا لاند 97 مشى 450الف وماصار فيها شي والحمد لله بعناه من دون اي مشاكل .. والحين عندنا جيب لكزس 2002 ماشي 350 الف والحمد لله تقول جديد ماشاء الله ... أهم شي المتابعه للزيت زالماء زالحراره

[6670]

السلام عليكم ورحمه الله
خالي معه أكورد موديل 96ماشيه 400000ماغير الأ البلوف طبعا الاستخدام سئ جدا والسياره كل الف كيلو يزود علبه زيت.
وواحد من الربع معه ايكو موديل 2000ماشيه 400000بدون اي فك للمكينه مع بدايه نقص قليل في الزيت.

[بدوي جنوبي]

شكلك تقدر اللكزس يامشرفنا
ومحد يلومك
خوش موتر والله

اي والله يبو اسامه اللي يجرب اللكزس يحس ان يسوق سيارة
رساوة
عزم
تحمل
قوة
هيبه
جودة

شكرا علي تعليقك

[صبي غلباء]

شباب مساكم الله بالخير
انا فتحت الموضوع لاني شايف مع ذا الايام زاد الترف شوي مثلا الواحد مشت السياره معه 300000 قال خلاص ابغى اغير وانتهت كذا
ليش علما ان السياره مع تقدم الوقت هي الركوبه وكان اول الانسان يبني علاقه مع الركوبه وذكريات جميله واذا بغى يبيعها بعد ما تكبر او يحصل لها طارئ يعتبر نفسه انه بيشيل قلبه من صدره ولا يقدر يبيع
ليش الان الوقت تغير وصارت الذكريات تهون على الشخص
تصدقون اني ابني علاقه مع كل اغراضي مثلا جوال ما اقدر ابيعه لو اخليه عندي بس ما ابيع او سياره لها ذكريات وشالت رجلي نص مليون كيلو احس انها عزيزه علي لكن الان الوقت تغير عند بعض الناس يبيع بندق او بيت عاش فيه بكل سهوله انا صعبه علي
واذا شفت السوريين اللي بالرياض ذيك التكاسي القديمه من الستينات اني اقعد اتأمل بها بكل اعجاب
شكرا
ونسمع الشباب اللي مثل حالتي يقدر شي استخدمه كثير او انا حاله خاصه

[adil33]

عدد الكيلو مترات ما اعتقد انه ميزة تفضل السياره هذه عن غيرها لكن اتوقع انه الاهتمام بالزيت والماء من اهم الامور في مثل هذه المواقف
في ميكانيكي انا اعمل عنده من فتره طويلة مره عليه سيارات لكزس الي انا عدتيهم تقريبا 35 سياره من موديل 91 الى 2001 وكلها تم تغيير المكائن لها وعلى مرأى من عيني مع العلم انه العمر الافتراضي للماكينه في اللكزس لا يقل عن 15 سنه فاستغرب احيانا تجينا سياره موديل 2000 وتحتاج لماكينه لانه التوضيب اصلا ما ينفع فيها ....... اخي صاحب الموضوع اعذرني ان تكلمت ولم احدد اي نوع سياره وكم مشت على حسب الموضوع
تقبل اعتذاري وشكري لك

[فارس تميم]

السلام عليكم
والله الموضوع شد انتباهي وحبيت اشارك فيه
1- انا معي فورد وماشي 420000 والحمد لله مابه الا العافيه الى الحين
2- ولد عملي معه جكس ار مشاء الله ماشي حول 900000 ولا احلا منه بس تراه ديزل

[صبي غلباء]

ماشاء الله عليكم وعلى مواتركم ويسلمكم من كل شر
الاخ فارس تميم ما شاء الله على الجيب لكن في اعتقادي ان جميع محركات الديزل صبوره والدليل الشاحنات ومكائن المزارع القديمه وهي تعمل بشكل ممتاز اما محركات على البنزين كثيرة المشاكل ولها عمر افتراضي اقل من الديزل بكثير
واهل الخبره اعرف مني ونستفيد من مشاركاتهم وتوضيح السبب

[ولد العويني]

عندنا داخل البيت اولدزموبيل ماشي 960 الف <===طبعا الوالد حاسبها لانه اتوقع كل 100 الف يعيد

[الحلطاني]

أخوي كانت عنده كامري موديل 98 باعها وهي ماشيه 800 الف ولا عمره وضبها .
انا اشهد ان التويوتا موتر .

[وطني]

سيارتي Jeep شيروكي موديل 2000 اشتريته من قريبي كان ماشي


63000 والحين معي وصل 433000 بدون أي اعطال او توظيب بالمحرك (ماشاء الله)والحمدلله

[مربط القعاسي]

واحد من الربع معه هايلكس 2001 ديزل ماشيه 700 الف بدون توظيف وبدون اي خربات

وواحد ثاني معه جيب شاص ديزل 2006 ماشي 200 الف تقريبي بدون توظيب وبدون اي خرابات

وواحدد من الربع معه كراون 95 ماشيه 52 الف فقط وكاله لم يفصل وستخدام شخصي بدون اي خرابات او توظيب

[faisal456]

خالي معه جيب جي ساده مديل 91 قلب عداده يعني ماشي فوق المليوووون بس ما ادري هل تم التوظيب او لا ...

لكني اشهد انه مووووووووووتر وعطي الله ما بقى مكان ما شاء الله تبارك الله الا وطبه ولا قال لا ...

الله لا يضره ...