نقاش حول الهدرز اتمنى التفاعل لتعم الفائده

[دفي الوقت]

http://www.mekshat.com/vb/images/frames/7_cur.gifhttp://www.mekshat.com/vb/images/frames/7_cul.gif
السلام عليكم اخواني وكل عام وانتم بخير وصحه وعافيه وبلغكم الله رمضان واعانكم على صيامه وقيامه


الموضوع احبتي باين من العنوان اتمنى مشاركه من له تجربه مع الهدرز وهل هو مفيد للسياره ام هو نوع من

انواع الترف الزائد ام له اضرار على السياره



وهل هو يقوي عزم السياره ويريحها يعني كل ماهو مفيد للاخوان الكرام


اترك لكم المساحه لابداء الاراء

http://www.mekshat.com/vb/images/frames/7_cdr.gifhttp://www.mekshat.com/vb/images/frames/7_cdl.gif



اخوكم ابوزياد

[زعفران1]

يزيد من قوة السياره لكن يزيد الظغط على المكينه مما يؤدي الى سرعه تلفها,
معلومه اكيده

[عاشق z71]

قاعده : كل ماظفت شي للسياره يقويها ولو حصان واحد اعرف ان عمر المكينه راح يقل

لاكن من ناحيتي الهدرز فوائده تغلب على اظراره

اولا : تقل الحراره بشي بسيط يالله تلاحظه
ثانيا : يزيد عزم السياره بشكل ملحوظ من 15 حصان تصل احيانا الى 30 حصان على حسب المكينه
ثاثا : تقل صرفية البنزين شي بسيط : البعظ يقول ان هذا الشي مستحيل ولاكن هي ديناميكيه معينه الا وهي : انت مثلا بالبلد واقف عند اشاره ولعت الاشاره ومشيت والسرعه الي انت تحتاجها بشارع متوسط خلنا نقول انت تبي سرعة 80 بالهدرز تلاقيك داعس ربع الدعسه مثلا لتصل الى هذي السرعه اما بدون هدرز فانت تحتاج انك تدعس اكثر من ربع الدعسه لتصل الى ثمانين مثلا

رابعا : وهو الاهم بالنسبه لي تلاحظ السياره مرتاحه تحس تنفسها صرا احسن واصفى
ولاكن للمعلوميه اذا كان الهدرز من شركه غير معروفه او حتى تفصيل هنا تصير مشاكله تغلب على اظراره



هذا والله اعلم وننتظر اراء البقيه

[سنافي 00]

طيب , هل يركب على جميع السيارات؟؟ وبالأخص الونيتات { الهايلكس , الددسن , الايسوزو...} ام انه على الجيوب فقط؟؟

[اسدهم]

اذا صرت معزم تشتري
هدرزانصحك بل ستيل ابرد واحسن انا مجرب بس سعرة شوي غالي عشانة شغل صح ولايلعب الاسلاك الي حولة

[عاشق z71]

يركب على جميع انواع السيارات طبعا كل سياره لها نوع معين

واامعلوميه احسن الانواع الي انصنعت الى الان هي نوع اسمه سيراميك يقاوم الحراره لدرجة انك تجي بعد المشوار وتمسك القزوز تلاقيه بارد

وشكرا

[طواش]

له فوائد عديده منها
1: يزيد السرعه حسب قوة المكينه
2: يعطيك صوت وتعيش مطنوخ الرأس وتشوف الناس أمامك ولا شي وكأنك راكب بوجاتي أفيرون 1000 حصان ;)
3: يبرد المحرك ولا ترتفع حرارته
4: شكله ستانستيل يعطي رونق للسيارة ويهابك الشباب
5: يرجع سنك للخلف وتعيش إثارة الشباب وخاصة كان عيالك ذكور كل شوي يقولون لك أبوي أدعس شوي :)
وألان أضراره
1: يقلل عمرك المحرك
2: حجز المركبة لمدة شهر + غرامه 2000 درهم
3: مزعج بصوته وكل ماسمعك حد من الشيبان قال حسبي الله على هذا الخبل :confused:
4: ثمنه غالي من 1700 وطالع

موفق إن شاء الله

[الثويرات]

يزيد من قوة السياره لكن يزيد الظغط على المكينه مما يؤدي الى سرعه تلفها,
معلومه اكيده


ممكن تفسري وشو الضغط الي يزود الضغط على المكينه


والي قالك المعلومه مع احترامي لك ماعنده ماعند جدتي الله يرحمها

[SuLTaN.M]

والله ما قصروا الشباب جبوا اغلب اموره


الحمد لله انا مركبه من شريت الموتر اللهم لك الحمد ما شكيت منه ولا شكى مني

ما شاء الله
كان الشغل مظبوط ومنها ارتحت
العيال ركبوا عند قايد وفكوه ما جاز لهم مع العلم ان القطع من مكان واحد ونفس النوعية بس اللي يختلف مكان التركيب
انا مركبه في الثقبه عن واحد يقال له طفيل
واللي ركب عنده للحين ما فكه مثلي
واللي مركبه عند قايد فكه بدا تنسيم وبلاوي


انا اقول استخر وشف لا تسهلت لك الأمور ربي بيحفظك من شره وان كان ما تسهلت لاتركبه :)

[مسايف الطعس]

^
^
^
^
هو صادز انا وياه مركبين في نفس المحل والحمدلله مانشكي منه ابد ماشاء الله

والموتر صات نفسه خفيفه وأنشط بشكل واضح والصرف فرق شي خفيف حول 20 كيلو في التانكي

والحمدلله الزيت ماينقص ماشاء الله والموتر تمام الحمدلله

بس فيه مواتر يضرها ومواتر لا يضرها مثل الباث فندر يضره لأن المكينة شنبرها ضعيف مره من خلل مصنعي


والله يعين

اي استفسار موجودين

[فهد بن مشبب العاصمي]

شكرا ياكاتب الموضوع على طرح النقاش ..

لكن للمعلوميه تمنيت احد يشرح الهدرز وشو . .

انا بقول ال اعرفه واللي جربته وشفته

الهدرز .. هو عبارة عن مواصير نفس شكل مواصير الوكاله لكن ؟

راس القزوز والمواصير حقت الموتر البلد نقول انها 1.5 بوصه

الهدرز يكون باختيارك يعني دايما يقولون المناسب تزود بنص بوصه يعني 2 بوصه ..

والصوت اللي يتكلم عن الصوت .. هذي انت بالخيار تبي تركب دبه صوت صحيح انه تفرق بالعزم نوعا ماء لأنه ماتكتم الهواء مايرده شيء .. لكن فيها دبات اذا وصل الضغط 3.5 او 4 يطلع صوت يعني لاريحت مايطلع صوت وانا مجرب هالدبه . .

الهدرز يفرق بعزم السياره شيء واضح مرة ..

وبالعكس يريح المكينه لأن مواصير الوكاله مهب زي كبر اللي بتركبها والدبات ايضا . . :) وكل ماكان مجرى الهواء اكبر كل ماكان ازين للسياره وكل ماضعف كان اضعف . .

واللي يقول تقلل من عمر الموتر :) اصلا الواحد مركبه عشان يعطيه عزم واصلا مركبه عشان يفجر السياره مهو يحافظ :) فلذلك بعذر المكينه تخبط . .

هذا الي عندي وان اصبت فمن الله وان اخطات فمن نفسي والشيطان

[بـلـيـهـان 1]

السلام عليكم

سألت مهندس سيارات عن الهدرز ..

و قال ليس فيه أضرار

بالعكس راحه للسياره

و لكن إن زريت عليه و جريت .. أكيد بيقل عمر المكينه

اما اذا كنت محافظ فلا خوف بإذن الله

و لا تنسى التركيب .. لازم يكون شغل مضبوط و هدرز أصلي

[المميـز]

ركب الهدررررررررررررز وانت مرتاااااااااااااااح

مافي اي اضرااااااااااااااااااااااااااار

والشباب ماقصرووووا وقالوووووا الفووووائد

انا مركب الهدرز ولا شفت منه اضرار ولله الحمد

ولاتنسى تغير المواصير كلها الى فتحة الشكمان

على شان تحس بفرق العزم صح وعليك بالكنداسه اللي تكتم الصوت
على شان لاتزعج الاخرين

[دفي الوقت]

الله يعطيكم العافيه ماقصرتوا والظاهر اني ابستخير واركبه:d

[غضنفر]

الهدرز
ما له اي ضرر
خاصة على المكينة الجديدة ما عندك اي مشكلة باذن الله
الخوف على المكاين القديمة الي تنقص زيت

[بـتّاع]

الهدرز
ما له اي ضرر
خاصة على المكينة الجديدة ما عندك اي مشكلة باذن الله
الخوف على المكاين القديمة الي تنقص زيت


اخوي غضنفر... رمضان كريم

ممكن تعطينا معلومات اوليه عن الهدرز وخاصه على الربع باترول ؟؟

بحكم انه كان معك باترول وكنت مركب عليه هدرز حسب ماذكرت انت في احد الردود سابقا

[درانجو 2008]

السلام عليكم ورحمة الله وبركاتة

يا شباب انا معي درانجو 2008 وودي اركب فيه هدرز وانا ما اعرف كثير عنه
فــ
- من وين تنصحوني اشتريه ؟
- ووين اركبه
- وهل يصلح مستعمل ولا ما تنصحوني
-وبكم اسعار المستعمل والجديد

اللللله لا يهينكم
ومشكورين على المعلومات ومبارك عليكم الشهر